ᐊᒃᓱᑕᔅ 7:15 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁵ ᒐᒋᓴᐸᔭᒐ, ᒐ ᑕᐧᑯᓂᒥᓐ ᒋᓯᔅᑲᐅᓐ ᒋᓇᐱᑯᒡ ᑲ ᐃᓯ ᒥᔅᑯᒋᐱᔨᒡ, ᑭᔭ ᓯᓱᒡ ᓇᐃᔭᓪ ᓯᐱᒡ, ᐊᑯᑕ ᒐ ᐊᓱᐛᐱᒥᑦ ᐊᓐ ᒋᓴᐅᒋᒪᐤ᙮

ᐊᒃᓱᑕᔅ 7:15 Iomraidhean Croise

ᐊᒃᓱᑕᔅ 2:5

ᐊᑯ ᒋᓴᐅᒋᒪᐤ ᐅᑕᓂᓴ ᒂ ᐃᑐᑕᔨᒋ ᐊᓐᑕ ᓇᐃᔭᓪ ᓯᐱᒡ ᒐ ᒋᔅᑕᐸᐅᐎᓱᔨᒋ, ᑭᔭ ᐅᑯᐸᓇᔎᒪ ᒂ ᐱᐸᒧᑕᔨᒋ ᐊᓐᑕ ᓯᓱᒡ ᓇᐃᔭᓪ ᓯᐱᒡ᙮ ᒂ ᐛᐸᑕᐧᒃ ᐅᑎᐱᐅᑎᔪᐤ ᐊᓐᑕ ᐊ ᒋᓏᔅᑯᓂᔨᒋ ᒥᔅᑯᓯᒡ ᑭᔭ ᒂ ᐃᑎᓴᐛᑦ ᐅᑯᐸᓇᔎᒪ ᒐᒋ ᓂᑐᐛᐸᑎᒥᔨᒋ᙮

ᐊᒃᓱᑕᔅ 7:10

ᐊᑯ ᒧᓱᔅ ᑭᔭ ᐊᕋᓐ ᒂ ᓂᑐᐛᐱᒪᒡ ᒋᓴᐅᒋᒪᐛ, ᒂ ᑐᑕᒡ ᑲ ᐃᑎᓱᒪᑯᒡ ᑎᐸᔨᒋᒐᓱᐛ᙮ ᐊᕋᓐ ᒂ ᐛᐱᓇᐧᒃ ᐅᓯᔅᑲᐅᓐ ᐊᓐᑕ ᓂᑲᓄᒡ ᑭᔭ ᒋᓇᐱᑯᒡ ᒂ ᐃᓯ ᒥᔅᑯᒋᐱᔨᒡ᙮

ᐊᒃᓱᑕᔅ 7:14

ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ, “ᒋᒋᐛ ᐃᔭᐱᒡ ᒥᔅᑯᔅᑎᒂᓇᐤ ᒋᓴᐅᒋᒪᐤ, ᑭᔭ ᓇᒪ ᑕᑈᑎᒻ ᒐᒋ ᐱᔅᑎᓇᑦ ᓂᑦ ᐃᔨᒪ᙮

ᐊᒃᓱᑕᔅ 8:20

ᐊᑯ ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ, “ᐎᐱᒡ ᒐᒋᓴᐸ ᒐ ᐅᓂᔨᓐ ᑭᔭ ᒐ ᓂᔅᑯᐅᑦ ᒋᓴᐅᒋᒪᐤ ᐊᓐᑕ ᓯᐱᒡ ᒪᒂᒡ ᒐ ᒋᔅᑕᐸᐅᐎᓱᑦ, ᑭᔭ ᒐ ᐃᑎᑦ, ‘ᐊᐅᑯᔪᐤ ᐅᔭ ᑎᐸᔨᒋᒐᓱᐤ ᐊ ᐃᔅᒋᔄᑦ: ᐱᔅᑎᓂᒡ ᓂᑦ ᐃᔨᒥᒡ ᒐᒋ ᔅᑐᑕᒡ ᑭᔭ ᒐᒋ ᐊᔭᒥᐊᔅᑐᐅᒡ᙮