ᐊᒃᓱᑕᔅ 7:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᐊᑯ ᒧᓱᔅ ᑭᔭ ᐊᕋᓐ ᒂ ᓂᑐᐛᐱᒪᒡ ᒋᓴᐅᒋᒪᐛ, ᒂ ᑐᑕᒡ ᑲ ᐃᑎᓱᒪᑯᒡ ᑎᐸᔨᒋᒐᓱᐛ᙮ ᐊᕋᓐ ᒂ ᐛᐱᓇᐧᒃ ᐅᓯᔅᑲᐅᓐ ᐊᓐᑕ ᓂᑲᓄᒡ ᑭᔭ ᒋᓇᐱᑯᒡ ᒂ ᐃᓯ ᒥᔅᑯᒋᐱᔨᒡ᙮

ᐊᒃᓱᑕᔅ 7:10 Iomraidhean Croise

ᑎᐱᑦ ᐅᓂᑭᒧᐅᓇ 135:9

ᑲ ᐃᓯᑎᒪᔅᒃ ᒋᔅᒋᓄᐛᒋᒋᑭᓇ ᑭᔭ ᑲ ᒪᒥᔅᑲᒡ ᒐᒂᔪᐛ ᑕᑕᐅᒡ ᐊᓐᑕ ᐊ ᑕᔨᓐ, ᐅ ᐃᒋᑉᑦ, ᐸᕈᐊ, ᑭᔭ ᒥᓯᐛ ᐅᑦ ᐊᑐᔅᒐᔭᑭᓂᔪᐛ᙮

ᐊᒃᓱᑕᔅ 12:28

ᐃᔅᕋᐃᓪ ᐃᔪᒡ ᒋ ᐃᑐᑎᒧᒡ ᒐᒂᔪᐤ ᑲ ᐃᑎᓯᒥᑯᒡ ᒧᓱᓴ ᑭᔭ ᐊᕋᓇ᙮

ᐊᒃᓱᑕᔅ 4:3

ᑎᐸᔨᒋᒐᓱᐤ ᒂ ᐃᑕᑦ, “ᐛᐱᓇ ᐊᓐᑕ ᒧᔅᑎᔅᑭᒥᒡ᙮” ᐊᑯ ᒧᓱᔅ ᑲ ᐛᐱᓇᐧᒃ ᐊᓐᑕ ᒧᔅᑎᔅᑭᒥᒡ, ᑭᔭ ᒋᓇᐱᑯᒡ ᒂ ᐃᓯ ᒥᔅᑯᒋᐱᔨᒡ᙮ ᒧᓱᔅ ᒂ ᒋᑎᓯᒧᑕᐧᒃ᙮

ᐊᒃᓱᑕᔅ 7:15

ᒐᒋᓴᐸᔭᒐ, ᒐ ᑕᐧᑯᓂᒥᓐ ᒋᓯᔅᑲᐅᓐ ᒋᓇᐱᑯᒡ ᑲ ᐃᓯ ᒥᔅᑯᒋᐱᔨᒡ, ᑭᔭ ᓯᓱᒡ ᓇᐃᔭᓪ ᓯᐱᒡ, ᐊᑯᑕ ᒐ ᐊᓱᐛᐱᒥᑦ ᐊᓐ ᒋᓴᐅᒋᒪᐤ᙮

ᐊᒃᓱᑕᔅ 7:20

ᒧᓱᔅ ᑭᔭ ᐊᕋᓐ ᒂ ᑐᑕᒡ ᑎᐸᔨᒋᒐᓱᐛ ᑲ ᐃᑎᑯᒡ᙮ ᐊᕋᓐ ᒂ ᐅᐱᑕᐧᒃ ᐅᓯᔅᑲᐅᓐ ᑭᔭ ᒂ ᑕᐧᑲᑭᒪᐊᐧᒃ ᓇᐃᔭᓪ ᓯᐱᔪᐤ, ᐊᑯ ᒥᐧᑯᒡ ᒂ ᐃᓯᓇᑯᓂᔨᒡ ᓄᑎᒻ ᓂᐱᔪᐤ᙮

ᐊᒃᓱᑕᔅ 7:6

ᐊᑯ ᒧᓱᔅ ᑭᔭ ᐊᕋᓐ ᒂ ᑐᑕᒡ ᑲ ᐃᑎᓱᒪᑯᒡ ᑎᐸᔨᒋᒐᓱᐛ᙮

ᐊᒃᓱᑕᔅ 7:9

“ᐃᑎᑕᒂ ᒋᓴᐅᒋᒪᐤ, ‘ᒐ ᐃᑐᑎᒪᒄ ᒪᒥᔅᑲᒡ ᐃᑐᐅᓐ,’ ᒐ ᐃᑎᑦ ᐊᕋᓐ, ‘ᐅᑎᓇ ᒋᓯᔅᑲᐅᓐ ᑭᔭ ᒐ ᐛᐱᓂᒥᓐ ᐊᓐᑕ ᓂᑲᓐ ᐊᑕᑦ ᒋᓴᐅᒋᒪᐤ ᐊᑯ ᒋᓇᐱᑯᒡ ᒐ ᐃᓯ ᒥᔅᑯᒋᐱᔨᒡ᙮’ ”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:18

ᐅᑎᓇᑥᐛ ᒋᓇᐱᒂ, ᒪᒃ ᒥᓂᑥᐛ ᒐᒂᔪᐤ ᐊ ᒥᒋᓂᑐᐧᑯᓄᐎᒡ ᓇᒪ ᒋᑭ ᐅᒋ ᐎᔭᔅᑐᑕᑯᐅᒡ᙮ ᑲ ᐊᐧᑯᓯᔨᒋ ᐊᐛᔪᐛ ᒋᑭ ᓴᒥᓇᐅᒡ ᑭᔭ ᒐ ᒥᓏᑎᓯᔨᒋ᙮”

ᓗᒃ 10:19

ᓂᑐᑎᒧᒄ ᒪᒃ, ᔅᒋ ᒥᔨᑎᓇᐛᐤ ᑎᐸᔨᒋᒐᐅᓐ ᒐᒋ ᓴᐧᑯᒋᐊᒄ ᒥᒋᒥᓂᑐᐤ, ᑭᔭ ᒐᒋ ᑕᑕᐧᑯᔅᑲᑕᑯᒡ ᑲ ᐱᒋᐳᔪᐛᒡ ᒥᒋ ᒋᓇᐱᑯᒡ, ᑭᔭ ᑲ ᐱᒋᐳᔪᐛᒡ ᒥᔅᑎᐃᐱᒐᓱᒡ᙮ ᓇᒪ ᑎᑯᓐ ᒐᒂᓐ ᒐᒋ ᐊᐧᑯᐃᑯᔭᒄ᙮