2 ᒋᓴᒪᓂᑐᐤ ᒂ ᐃᑕᑦ ᒧᓱᓴ, “ᓂᔾ ᐅ ᑎᐸᔨᒋᒐᓱᐤ᙮
ᐊᑯ ᒋᓴᒪᓂᑐᐤ ᐊᑕᑦ ᐊᑉᕋᒪ, “ᓂᔾ ᐅ ᑎᐸᔨᒋᒐᓱᐤ, ᑲ ᐎᐎᑕᐃᑕᓐ ᐅᕐ ᐅᒡ ᐊᓐᑕ ᑲᓪᑎᔭ, ᒐᒋ ᒥᔨᑕᓐ ᐅ ᐊᔅᒋᔾ ᒐᒋ ᑎᐸᔨᑎᒥᓐ᙮”
ᐛᔅ ᓂᑭ ᓴᐳᑐᐛᔅᑲᓐ ᐃᒋᑉᑦ ᐊᔅᒋᔾ ᐊᓐ ᒐ ᑎᐱᔅᑲᒡ, ᒥᓯᐛ ᓂᔅᑎᒧᓴᓐᒡ ᑲ ᓇᐸᓯᐅᒡ ᓂᑭ ᓂᐸᐅᒡ ᐊᓐᑕ ᐃᒋᑉᑦ ᐊᔅᒋᒡ, ᑕᐱᔅᑯᓐ ᐃᔪᐤ ᑭᔭ ᐊᐛᓯᔅ᙮ ᒥᓯᐛ ᐃᒋᑉᑎᒡ ᒥᓂᑐᐧᑲᓐᒡ ᓂᑭ ᐊᓏᔨᒪᐅᒡ; ᓂᔾ ᐅ ᑎᐸᔨᒋᒐᓱᐤ᙮
ᐃᔅᐱ ᒋ ᓴᐧᑯᒋᐃᒂᐛ, ᒋᑭ ᒋᔅᒐᔨᑎᒧᒡ ᐃᒋᑉᑦ ᐃᔪᒡ ᓂᔾ ᐊ ᐎᔭᓐ ᑎᐸᔨᒋᒐᓱᐤ᙮”
ᑎᐸᔨᒋᒐᓱᐤ ᓂᑐᐱᔪᐅ-ᐃᔪᐅᐤ; ᑎᐸᔨᒋᒐᓱᐤ ᐃᓯᓂᐧᑲᓱᐤ᙮
ᒥᓯᐛ ᐃᔅᕋᐃᓪ ᐃᔪᒡ, ᓯᓐ ᐸᐧᑯᑎᔅᑭᒥᑲᒡ ᒋ ᐅᒋ ᔅᑐᑕᐅᒡ, ᐊᔭᑎᐊᑐᒐᒡ ᒧᔭᒻ ᑲ ᐃᑎᓱᒥᑯᒡ ᑎᐸᔨᒋᒐᓱᐛ᙮ ᐸᐃᒂᐤ ᕆᐱᑎᒻ ᒋ ᐎᒍᐅᒡ, ᒥᒄ ᓇᒪ ᐅᒋ ᑎᑯᓂᔪᐤ ᐊᓐᑕ ᓂᐱᔪᐤ ᒐᒋ ᒥᓂᒡ ᐃᔪᒡ᙮
“ᓂᔾ ᐊᐅᒄ ᑎᐸᔨᒋᒐᓱᐤ ᒋᒋᓴᒪᓂᑐᒻ, ᑲ ᐅᒋ ᐸᒋ ᐎᐎᑕᐃᔅᒃ ᐃᒋᑉᑦ ᐊᔅᒋᒡ, ᐊ ᐛᐧᑲᑎᑯ-ᐊᔅᒋᒡ ᐅᒡ᙮
ᒋᓴᒪᓂᑐᐤ ᒋ ᐃᑕᐤ ᒧᓱᓴ, “ᓂᔾ ᐅ ᒧᔅ ᑲᒋᒡ ᒋᓴᒪᓂᑐᐤ᙮ ᒋᔭᒻ ᒐ ᐃᑎᑥᐤ, ‘ᓂᔾ ᓂᑦ ᐊᐎᓐ, ᓂᒋ ᐃᑎᓴᐅᒃ !’ ”
ᒋᓴᒪᓂᑐᐤ ᐃᔭᐱᒡ ᒋ ᐃᑕᐤ ᒧᓱᓴ, “ᒐ ᐃᑎᑥᐤ ᐃᔅᕋᐃᓪ ᐃᔪᒡ, ‘ᓂᔾ ᐅᑎᐸᔨᒋᒐᓱᐤ, ᐊᑉᕋᐊᒻ, ᐊᐃᓯᒃ, ᑭᔭ ᒐᑭᑉ ᐅᒋᓴᒪᓂᑐᒧᐛᐛ, ᓂᒋ ᐸᒋ ᐃᑎᓴᐅᑯᔪᐛ ᐊᓐᑕ ᐊ ᑕᐛᒄ ᒋᔨᐛᐤ ᐃᔅᕋᐃᓪ ᐃᔪᒡ᙮’ ᐊᐅᑯᐤ ᒧᔅ ᑲᒋᒡ ᓂᑦ ᐃᓯᓂᐧᑲᓱᐅᓐ ᒐᒋ ᐅᒋ ᒋᔅᒋᑕᑯᐅᔭᓐ ᒐ ᐊᑎ ᐊᓂᔅᒐ ᐱᒪᑎᓯᓇᓄᐅᒡ᙮
ᒂ ᐃᑎᑯᑦ, “ᓂᔾ ᐅ ᑎᐸᔨᒋᒐᓱᐤ᙮ ᒐ ᐎᑎᒧᐅᑦ ᐃᒋᑉᑎᒡ ᒋᓴᐅᒋᒪᐤ ᓄᑎᒻ ᒐᒂᔪᐤ ᑲ ᐃᑎᑕᓐ᙮”
“ᐊᐅᑯᐤ ᒐ ᐃᑎᑥᐤ ᐃᔅᕋᐃᓪ ᐃᔪᒡ, ‘ᓂᔾ ᐅ ᑎᐸᔨᒋᒐᓱᐤ᙮ ᑭᔭ ᓂᓱᐧᑲᑎᓯᐅᓐ ᐅᒡ ᓂᑭ ᐊᓏᔨᒪᐅᒡ ᐃᒋᑉᑦ ᐃᔪᒡ ᑭᔭ ᒋᑭ ᐱᐧᑯᐃᑎᓇᐛᐤ ᐊ ᓂᓇᐧᑲᒋᐃᑯᐅᔭᒄ ᐊᓐᑕ ᐃᒋᑉᑎᒡ᙮
ᒋᑭ ᐃᑐᑕᔨᑎᓇᐛᐤ ᐊᓐᑕ ᐊᔅᒋᒡ ᑲ ᒋᒋ ᐊᓱᑎᒧᐅᒂᐤ ᐊᑉᕋᐊᒻ, ᐊᐃᓯᒃ, ᑭᔭ ᒐᑭᑉ᙮ ᒋᔨᐛᐤ ᒋᑭ ᑎᐱᔨᐛᐅᓯᓇᐛᐤ ᐅ ᐊᔅᒋᔾ, ᓂᔾ ᐅ ᑎᐸᔨᒋᒐᓱᐤ᙮’ ”
