ᐊᒃᓱᑕᔅ 6:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ, “ᒋᑭ ᐛᐱᒪᐤ ᒐ ᐃᑐᑐᐅᒃ ᒋᓴᐅᒋᒪᐤ ᐊᔅᐱᔅ ᓱᐧᑲᑎᓯᔭᓐ᙮ ᒋᑭ ᐱᔅᑎᓇᐤ ᓂᑦ ᐃᔨᒪ, ᑭᔭ ᓇᔅᒡ ᒋᑭ ᐎ ᐃᑲᑎᓴᐛᐤ ᐅᑦ ᐊᔅᒋᒡ ᐅᒡ᙮”

ᐊᒃᓱᑕᔅ 6:1 Iomraidhean Croise

ᑎᐱᑦ ᐅᓂᑭᒧᐅᓇ 12:5

“ᐊ ᐊᔨᒥᐊᑭᓄᐎᒡ ᐅᒋᔅᑎᒪᒋᓯᐅᒡ, ᐅᓇᐃᑎᒧᒡ ᑲ ᓇᐧᑲᑎᓯᒡ, ᐊᑯ ᒐ ᐱᓯᑯᔭᓐ,” ᐃᔅᒋᔄᐤ ᑎᐸᔨᒋᒐᓱᐤ; “ᓂᑭ ᐱᒪᒋᐊᐤ ᐊᓂᔭᔪᐛ ᑲ ᐳᑕᑎᑯᑦ ᐅᒋ᙮”

ᑎᐱᑦ ᐅᓂᑭᒧᐅᓇ 12:6

ᐅᑦ ᐃᔨᒧᐅᓇ ᑎᐸᔨᒋᒐᓱᐤ ᐸᔭᒋ-ᐃᔨᒧᐅᓂᔪᐛ; ᒧᔭᒻ ᓱᓇᔭᐱᔅᒄ ᑲ ᑯᒋᑕᑭᓄᐅᒡ ᐊᔅᒋᐤ ᐃᔅᑯᑕᐅᒋᐛᐱᒡ, ᓂᔄᐅᑕᒡ ᑕᑥᐤ ᑲ ᐸᔭᒋᑕᑭᓄᐅᒡ᙮

ᑎᐱᑦ ᐅᓂᑭᒧᐅᓇ 136:12

ᐊ ᒥᔅᑯᐎᐅᑎᒋᑦ, ᑭᔭ ᐊ ᓱᐅᓂᔅᒐᔨᑦ: ᐛᔅ ᐅᓱᐛᔨᒋᒐᐅᓐ ᑲᒋᒡ ᐱᒥᐱᔪᐤ᙮

ᑎᐱᑦ ᐅᓂᑭᒧᐅᓇ 89:13

ᒋᑭᓄᐛᔨᑕᓐ ᓱᐧᑲᑎᓯᐅ-ᒥᔅᐱᑐᓐ: ᒥᔅᑯᐅᓯᒥᑭᓐ ᒋᑎᒋᔾ, ᑭᔭ ᐃᔅᐸᐤ ᒋᒥᔪᐅᓐ᙮

ᐊᒃᓱᑕᔅ 11:1

ᐊᑯ ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ, “ᒪᔅᑕᔾ ᐸᐃᒂᐤ ᓂᑭ ᐃᑎᓴᐊᒧᐛᐤ ᐊᓏᔨᑎᒧᐅᓂᔪᐤ ᐊᓐᒡ ᒋᓴᐅᒋᒪᐤ ᑭᔭ ᐃᒋᑉᑦ ᐃᔪᒡ᙮ ᐊᑯ ᐸᑐᔅ ᒐ ᐱᔅᑎᓇᑦ ᐃᔅᕋᐃᓪ ᐃᔪᐛ, ᓇᔅᒡ ᒋᑭ ᐎ ᐃᒐᑎᓴᐅᑯᐛᐤ ᐊᓐᑕ ᐅᑦ ᐊᔅᒋᐛᒡ᙮

ᐊᒃᓱᑕᔅ 12:31

ᒪᒂᒡ ᐊ ᑎᐱᔅᑲᔨᒡ ᒋᓴᐅᒋᒪᐤ ᒂ ᐎᓴᒪᑦ ᒧᓱᓴ ᑭᔭ ᐊᕋᓇ ᑭᔭ ᒂ ᐃᑕᑦ, “ᒪᒋᒃ ! ᔅᑐᑕᒪᒃ, ᒋᔾ ᑭᔭ ᐃᔅᕋᐃᓪ ᐃᔪᒡ ! ᓂᑭᑎᒥᒄ ᓂᑦ ᐊᔅᒋᔾ᙮ ᒪᒋᒃ, ᒐ ᐊᔭᒥᐊᔅᑐᐛᒄ ᑎᐸᔨᒋᒐᓱᐤ ᐊᓐ ᑲ ᐃᓯ ᓂᑐᐛᔨᑎᒪᒃ᙮

ᐊᒃᓱᑕᔅ 12:33

ᐃᒋᑉᑦ ᐃᔪᒡ ᓇᔅᒡ ᒋ ᐅᔅᑯᐎᔅᑐᐛᐅᒡ ᒐᒋ ᒋᔅᑕᑉ ᓂᑭᑎᒥᔨᒋ ᐊᓂᔭ ᐊᔅᒋᔪᐤ᙮ ᐛᔅ ᒋ ᐃᔅᒋᔄᐅᒡ, “ᒥᓯᐛ ᓂᑭ ᐳᓂᐱᒪᑎᓯᓇᓐ ᐊ ᐊᑲ ᔅᑐᑕᔭᒂ”

ᐊᒃᓱᑕᔅ 12:39

ᐊᑯ ᐊᓂᔭ ᑲ ᐸᓱᐛᒡ ᐸᑎᑯᓇᑭᓇ ᐃᒋᑉᑎᒡ ᐅᒡ, ᒂ ᐸᒂᓯᑭᓂᒐᒡ ᐊᑲ ᐅᐱᓱᔨᒋ ᐸᑎᑯᓇᑭᓇ ᐅᒡ᙮ ᐛᔅ ᓯᔅᒋᑯᒡ ᑲ ᐃᑲᑎᓴᐛᑭᓄᐅᒡ ᐊᓐᑕ ᐃᒋᑉᑎᒡ ᐅᒡ ᓇᒪ ᐅᒋ ᐃᔅᐱᓯᔪᐅᒡ ᒐᒋ ᐃᔭᔅᑯᔅᑕᒡ ᒥᒋᒥᔪᐤ ᑭᔭ ᒪᒃ ᒐᒋ ᐊᔭᔅᑯᐛᐊᒡ ᐊ ᐅᐱᓱᔨᒋ ᐸᑎᑯᓇᑭᓇ᙮

ᐊᒃᓱᑕᔅ 13:14

“ᓇᑕ ᒪ ᓂᑲᓄᒡ, ᑯᒂᒋᒥᔅᒐ ᒋᑦ ᐊᐛᓯᒻ, ‘ᒐᒂᓐ ᐊᓐ ᒋᐸ ᐃᔅᒋᔄᒥᑯᓐ ?’ ᒐ ᐛᐎᑎᒧᐅᑦ ᐊ ᐃᑎᑦ, ‘ᑎᐸᔨᒋᒐᓱᐤ ᐅᓱᐧᑲᑎᓯᐅᓐ ᔅᒋ ᐱᒪᒋᐃᑯᐛᓇᓄᐤ ᐊᒋ ᐅᑦ ᐊᐱᒋᐊᑭᓄᐅᔭᐧᒄ ᐊᓐᑕ ᐃᒋᑉᑦ ᐊᔅᒋᒡ᙮

ᐊᒃᓱᑕᔅ 13:16

ᐅ ᐊ ᐃᓯ ᑭᓄᐛᐱᑕᑭᓄᐅᒡ ᒧᔭᒻ ᐊ ᒪᑯᐱᑎᒪᐧᑯᐤ ᒐᒂᓐ ᒋᑦ ᐅᐧᑯᓂᑎᒋᓇᒡ ᑭᔭ ᒪᒃ ᐊᓐᑕ ᒋᔅᑲᑎᑯᓇᒡ ᒐᒋ ᒋᔅᒋᒥᑯᔭᐧᒄ ᑎᐸᔨᒋᒐᓱᐤ ᐊᓂᔭ ᐅᓱᐧᑲᑎᓯᐅᓐ ᑲ ᐊᐱᒋᑕᑦ ᒐᒋ ᐎᐎᑕᔨᑕᐧᒄ ᐃᒋᑉᑎᒡ᙮”

ᐊᒃᓱᑕᔅ 13:3

ᒂ ᐃᑕᑦ ᒧᓱᔅ ᐃᔪᐛ, “ᒐ ᒋᔅᑕᔨᑎᒪᒃ ᐅ ᒋᓯᒄ, ᑲ ᐎᐎᔭᒄ ᐃᒋᑉᑎᒡ ᐅᒡ, ᑲ ᒪᑯᓂᑯᐅᔭᒄ, ᐛᔅ ᑎᐸᔨᒋᒐᓱᐤ ᐅᓱᐧᑲᑎᓯᐅᓐ ᒋ ᐊᐱᒋᑕᐤ ᒐᒋ ᐎᐎᑕᔨᑕᒄ ᐊᓐᑕ ᐃᒋᑉᑎᒡ᙮ ᒐ ᐊᑲ ᒥᒋᔭᒄ ᒐᒂᓐ ᓯᐅᔅᑎᒪᑭᓐ ᐊᔅᒋᐱᔨᑦ᙮

ᐊᒃᓱᑕᔅ 13:9

ᐅ ᐊ ᐃᓯ ᑭᓄᐛᐱᑕᑭᓄᐅᒡ ᒧᔭᒻ ᐊ ᒪᑯᐱᑎᒥᓂ ᒐᒂᓐ ᒋᑦ ᐅᐧᑯᓂᑎᒋᒡ ᑭᔭ ᒪᒃ ᐊᓐᑕ ᒋᔅᑲᑎᑯᒡ ᒐᒋ ᒋᔅᒋᔭᒄ ᒐᒋ ᒋᔅᑯᑎᒧᐛᑯᒡ ᐊᐛᓐᒋ ᑎᐸᔨᒋᒐᓱᐛ ᐅᑦ ᐃᑎᓱᐛᐅᓂᔪᐤ, ᐊᓂᔭ ᐅᓱᐧᑲᑎᓯᐅᓐ ᑲ ᐊᐱᒋᑕᑦ ᒐᒋ ᐎᐎᑕᔨᑕᒄ ᐃᒋᑉᑎᒡ᙮

ᐊᒃᓱᑕᔅ 14:13

ᒧᓱᔅ ᒂ ᐃᑕᑦ ᐃᔪᐛ, “ᐊᑲ ᓴᒋᓱᒄ ! ᐎ ᓱᒋᓯᒄ, ᑭᔭ ᒋᑭ ᐛᐸᑎᒺᓇᐛᐤ ᒐᒂᔪᐤ ᒐ ᐃᑐᑕᐧᒃ ᑎᐸᔨᒋᒐᓱᐤ ᒐᒋ ᐱᒪᒋᐃᑕᒄ ᐊᓄᒡ᙮ ᓇᒪ ᒋᑭ ᓄᒋᐧᑲᑯᐛᐅᒡ ᒥᓐ ᐊᓐᒡ ᐃᒋᑉᑦ ᐃᔪᒡ᙮

ᐊᒃᓱᑕᔅ 15:6

ᒋᒥᔪᐅᓐ, ᐅ ᑎᐸᔨᒋᒐᓱᐤ, ᒋᒋᐛ ᓱᐧᑲᑎᓯᒥᑭᓐ ᑭᔭ ᒋ ᐱᑯᓇᐅᒡ ᐊᐛᓐᒋ ᑲ ᐛᐧᑲᑎᔅᒡ᙮

ᐊᒃᓱᑕᔅ 7:4

ᐊᑯ ᒐ ᐃᑐᑎᒪᓐ ᓂᓱᐧᑲᑎᓯᐅᓐ ᒪᔅᑕᔾ ᒐ ᒥᔅᑎ ᐊᓏᔨᒥᒂᐤ ᐊᓐ ᐃᒋᑉᑦ ᐃᔪᒡ, ᐊᑯ ᒐ ᒋᔅᒋᓄᑕᐃᒂᐤ ᓂᑦ ᐃᔨᒥᒡ ᐃᒋᑉᑎᒡ ᐅᒡ᙮

ᐊᒃᓱᑕᔅ 7:5

ᐅ ᒋ ᐃᔅᐱᔨᒐ ᐊᑯ ᐃᒋᑉᑦ ᐃᔪᒡ ᒐ ᒋᔅᒐᔨᑕᒡ, ᓂᔾ ᐅ ᑎᐸᔨᒋᒐᓱᐤ᙮”

ᐊᑈᔅᑕᓇᒡ 13:17

ᐊᓂᔭ ᒋᓴᒪᓂᑐᐛ, ᒍᐤ ᐃᔪᒡ ᑲ ᑕᑈᔭᔨᒪᒡ ᒋ ᐎᔭᔨᒪᐤ ᐛᔅᑭᒡ ᒋᐧᑲᓂᓯᓄᐛ ᒐᒋ ᐅᑦ ᐃᔨᒥᑦ᙮ ᒋ ᐃᑐᑐᐛᐤ ᒐᒋ ᐊᑎ ᒥᒐᑎᔨᒋ ᒪᒂᒡ ᐊᓐᑕ ᐃᒋᑉᑎᒡ ᑲ ᑕᔨᒋ᙮ ᐊᑯ ᒪᒃ ᐊ ᐃᔅᐱᔅ ᓱᒐᔨᑕᑯᓯᔨᒋ ᒋᓴᒪᓂᑐᐛ ᒋ ᐎᐎᑕᐃᑯᐅᒡ ᐊᓐᑕ ᐊᔅᒋᒡ ᐅᒡ᙮