ᐊᒃᓱᑕᔅ 5:21 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²¹ ᒂ ᐃᑕᒡ ᒧᓱᓴ ᑭᔭ ᐊᕋᓇ, “ᑭᒪ ᑎᐸᔨᒋᒐᓱᐤ ᑎᐸᔅᑯᓂᑕᒄ ᐊᑐᑐᐅᔭᒡ ᒐᒋ ᐛᐧᑲᓯᔨᒥᑦ ᒋᓴᐅᒋᒪᐤ, ᑭᔭ ᐅᔅᑦ ᒐᒋ ᓂᐸᐃᑯᐅᔭᒡ᙮”

ᐊᒃᓱᑕᔅ 5:21 Iomraidhean Croise

ᒐᓂᓯᔅ 16:5

ᐊᑯ ᓴᕋᐃ ᒂ ᐃᑕᑦ ᐊᑉᕋᒪ, “ᒋᔾ ᐅ ᑲ ᐃᑐᑎᒥᓐ ᐸᐛᔨᒥᑦ ᐦᐊᐃᑲᕐ, ᓂᔾ ᐊᓐ ᔅᒋ ᒥᔨᑎᓐ ᐃᔎᔅ ᒧᔭᒻ ᒋᐅ ᑭᔭ ᐊᓄᒡ ᒐᔅᒐᔨᑕᐧᒃ ᐊ ᐊᓱᐛᐱᒪᐅᓱᑦ, ᒋᔅᑕᔨᒥᓱᐤ ᑭᔭ ᓂᔾ ᐊᑲ ᒋᔅᑕᔨᒥᑦ᙮ ᑭᒪ ᐊᓏᔨᒥᔅᒃ ᑎᐸᔨᒋᒐᓱᐤ ᑲ ᐃᓯ ᐃᑐᑎᒥᓐ᙮”

ᒐᓂᓯᔅ 31:53

ᑭᒪ ᐊᑉᕋᐊᒻ ᐅᒋᓴᒪᓂᑐᒪ ᑭᔭ ᓇᐃᐅᕐ ᐅᒋᓴᒪᓂᑐᒪ ᑐᑕᑕᐧᒄ ᔭᐃᑕᔾ ᒐᒋ ᑭᓄᐛᔨᑎᒪᐧᒄ ᑲ ᐃᓯ ᓂᔅᑯᒥᑐᔭᐧᒄ᙮” ᐊᑯ ᐊᓂᔭ ᐅᑕᐎᔭ ᐊᐃᓯᑲ ᒋᓴᒪᓂᑐᐛ ᑲ ᐊᔭᒥᐊᔅᑐᐛᔨᒋ ᐅᑦ ᐃᓯᓂᐧᑲᓱᓂᔨᒡ ᐅᒡ, ᒋ ᐊᓱᑎᒪᒐᐤ ᒐᑭᑉ ᒐᒋ ᑭᓄᐛᔨᑕᐧᒃ ᐅᒋᓴᓂᔅᑯᒧᐅᓐ᙮

ᒐᓂᓯᔅ 34:30

ᐊᑯ ᒐᑭᑉ ᐊᑕᑦ ᓯᒥᐅᓇ ᑭᔭ ᓕᐸᐃᔨᒋ, “ᒋ ᐅᔅᑕᐱᓇᐛᐤ, ᐊᓄᒡ ᑲᐃᓇᓐ ᐃᔪᒡ, ᐸᕆᔅ ᐃᔪᒡ ᑭᔭ ᒥᓯᐛ ᐊᐛᓐ ᐅᑕ ᐊᔅᒋᒡ ᓂᑭ ᐛᐧᑲᑎᑯᒡ᙮ ᓇᒪ ᒥᒐᑐᐅᒡ ᓂᑦ ᐃᔨᒥᒡ, ᒪᒧᐎᑥᐛ ᑭᔭ ᓂᑐᐱᔨᑕᑕᒂᐛ, ᒋᑭ ᓂᓱᐅᓇᒋᐃᑭᓄᐅᒡ ᒥᓯᐛ ᐊᑎᓯᐛᐧᒄ᙮”

ᐊᒃᓱᑕᔅ 14:11

ᒂ ᐃᑕᒡ ᒧᓱᓴ, “ᓇᒪ ᓇ ᐅᒋᑎᑯᓇ ᓂᒂᔅᑲᓇ ᐊᓐᑕ ᐃᒋᑉᑎᒡ ? ᒋᒋ ᐸᓱᐅᓇᓐ ᐊ ᐅᑕ ᐸᐧᑯᑎᔅᑭᒥᑲᒡ ᒐᒋ ᓂᐱᔭᒡ ? ᒋ ᐛᐸᑕᓐ ᐊ ᐊᑐᑎᒥᓐ ᑲ ᐎᐎᑕᔨᔭᒡ ᐃᒋᑉᑎᒡ !

ᐊᒃᓱᑕᔅ 15:24

ᐃᔅᕋᐃᓪ ᐃᔪᒡ ᒂ ᐊᓏᔨᒪᒡ ᒧᓱᓴ, “ᒐᒂᓐ ᐅ ᒐ ᒥᓂᔭᒡ ?”

ᐊᒃᓱᑕᔅ 16:2

ᐊᓐᑕ ᒪᒃ ᐸᐧᑯᑎᔅᑭᒥᑲᒡ, ᒋ ᐊᓏᔨᒪᐅᒡ ᐃᔪᒡ ᒧᓱᓴ ᑭᔭ ᐊᕋᓇ᙮

ᐊᒃᓱᑕᔅ 4:31

ᐊᑯ ᓄᑎᒻ ᒂ ᑕᑈᑕᒡ᙮ ᐊᑯ ᒐᔅᒐᔨᑕᒡ ᐊᓂᔭ ᑎᐸᔨᒋᒐᓱᐛ ᑲ ᐛᐸᑎᒥᔨᒋ ᑕᓐ ᑲ ᐃᓯ ᓇᐧᑲᒋᐅᒡ, ᒂ ᓄᐛᑲᐳᔅᑐᐛᒡ ᑭᔭ ᒂ ᐊᔭᒥᐊᔅᑐᐛᒡ ᒋᓴᒪᓂᑐᐛ᙮

ᐊᒃᓱᑕᔅ 5:20

ᑲᒋ ᓂᑐᐛᐱᒪᒡ ᒋᓴᐅᒋᒪᐛ᙮ ᒂ ᓂᑐᐛᐱᒪᒡ ᒧᓱᓴ ᑭᔭ ᐊᕋᓇ, ᑲ ᐊᓱᐛᐱᒥᑯᒡ ᐊᓐᑕ ᐎᐎᑎᒥᒡ ᒋᓴᐅᒋᒪᐛ ᐎᒋᔨᒡ᙮

ᐊᒃᓱᑕᔅ 6:9

ᐃᔅᐱ ᒧᓱᔅ ᑲ ᐎᑎᒧᐛᑦ ᐃᔅᕋᐃᓪ ᐃᔪᐛ ᑎᐸᔨᒋᒐᓱᐛ ᑲ ᐃᔅᒋᔄᔨᒋ, ᓇᒪ ᐅᒋ ᐎ ᑕᑈᑐᐛᐅᒡ ᐛᔅ ᓴᔅ ᓇᔅᒡ ᒋ ᐱᒋᑕᐃᒧᐅᒡ ᑭᔭ ᒋ ᐱᐛᔨᒪᑭᓄᐎᒡ᙮