ᐊᒃᓱᑕᔅ 40:18 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁸ ᐊᑐᑎᒺᒡ ᐊ ᐃᑎᓱᐛᔨᒋ ᒧᓱᓴ᙮ ᒂ ᒋᒥᑕᒡ ᐸᔭᒋ-ᐱᒍᐎᔭᓂᒋᐛᐱᔪᐤ ᑭᔭ ᑕᑕᐃᑭᓇ, ᒂ ᒋᒥᔭᒡ ᐛᔅᑲᔭᔅᑯᓂᑭᓇ᙮ ᒂ ᒋᑭᒺᐊᒡ ᓯᐸᔅᑯᓂᑭᓇ ᑭᔭ ᒂ ᒋᒥᔭᒡ ᓯᑥᔎᐃᑭᓇ ᐊᓐᑕ ᒐ ᐊᑯᑕᔨᒋ ᐊᑯᐛᑲᐃᑭᓇ᙮

ᐊᒃᓱᑕᔅ 40:18 Iomraidhean Croise

ᐊᒃᓱᑕᔅ 40:17

ᐊᑯ ᐊᓂᔭ ᓂᔅᑎᒻ ᒋᓯᑯᔪᐤ ᐊᓐᑕ ᓂᔅᑎᒻ ᐱᓯᒺ ᓂᓱ ᐱᐳᓂᔪᐤ ᒂ ᔅᑐᑕᒡ ᐃᒋᑉᑎᒡ ᐅᒡ, ᒂ ᒋᒥᑕᒡ ᐸᔭᒋ-ᐱᒍᐎᔭᓂᒋᐛᐱᔪᐤ᙮

ᐊᒃᓱᑕᔅ 40:19

ᒂ ᓴᑥᑭᔅᑕᒡ ᐊᑯᓇᐃᑭᓇ ᑕᑯᒡ ᐸᔭᒋ-ᐱᒍᐎᔭᓂᒋᐛᐱᒡ ᒧᔭᒻ ᒂ ᐃᑎᓱᐛᔨᒋ ᑎᐸᔨᒋᒐᓱᐛ᙮

ᐊᒃᓱᑕᔅ 40:2

“ᐅᔅᑭᒡ ᒋᓯᒄ ᐊᓐᑕ ᐅᔅᑭᒡ ᐱᓱᒻ ᒥᓐ ᑯᑎᒃ ᐱᐳᓐ ᒐ ᐎᑎᒧᐅᑥᐤ ᐃᔪᒡ ᒐᒋ ᐎᑲᐳᐅᑕᒡ ᐸᔭᒋ-ᐱᒍᐎᔭᓂᒋᐛᐱᔪᐤ᙮

ᒪᑎᔪᐤ 16:18

ᒋ ᐎᑎᒪᑎᓐ ᐱᑕᕐ, ᐊᐅᑯᐤ ᒋᔾ ᐊ ᐸᐸᒋᐱᔅᑲᒡ᙮ ᐊᑯᑕ ᒪᒃ ᐅᑕ ᐊ ᐸᐸᒋᐱᔅᑲᒡ ᒐ ᐎᔨᑲᐳᐅᑕᔭᓐ ᓂᑦ ᐊᔭᒥᐊᐅᒋᐛᑉ, ᓇᒪ ᒪᒃ ᐛᐛᒡ ᐊᐃᑎᔅ ᑲ ᐃᓯᓂᐧᑲᑕᔨᒋ ᒋᐱᔾ ᐊᔅᒋᔭ, ᐊᐅᑯᐤ ᓂᐳᐅᓐ, ᒋᑭ ᐅᒋ ᓴᐧᑯᒋᑕᒥᑭᓐ ᐅᑕ ᓂᑦ ᐊᔭᒥᐊᐅᒋᐛᐱᒡ᙮

ᒠᓐ 1:14

ᐊᓐ ᒪᒃ ᐃᔨᒧᐅᓐ ᐃᔪᐤ ᒋ ᐃᓯᓇᑯᐊᑭᓄᐤ᙮ ᐊᓐ ᑲ ᓴᑭᔅᒋᓇᔅᑲᑯᑦ ᒋᓴᐛᑎᓯᐅᓂᔪᐤ ᑭᔭ ᑕᑈᐅᓂᔪᐤ, ᔅᒋ ᐎᒋᒥᑯᓄᐤ ᐅᑕ ᐊᔅᒋᒡ᙮ ᔅᒋ ᐛᐱᒪᓄᐤ ᒪᒃ ᐊ ᒋᔅᑕᔨᑕᑯᓯᑦ ᒧᔭᒻ ᐊ ᐃᔅᐱᔅ ᒋᔅᑕᔨᑕᑯᓯᔨᒋ ᒋᓴᒪᓂᑐᐛ ᐊᓂᔭᔪᐛ ᐅᑕᐎᔭ ᐛᔅ ᐎᔾ ᒥᒄ ᐸᐃᑯᓱᐤ ᐊ ᐅᑯᓯᑐᑕᑯᑦ ᒋᓴᒪᓂᑐᐛ᙮

ᑲᓚᓯᔭᓇ 4:4

ᐃᔅᐱ ᒪᒃ ᑕᑈ ᐛᑎᒋᐱᔨᒡ ᐊᓐᑕ ᑲ ᐃᑕᔨᑎᒥᑯᐱᓇ ᒋᓴᒪᓂᑐᐤ ᒐᒋ ᐸᒋ ᐃᑎᓴᐛᑦ ᐅᑯᓴ, ᒋ ᐸᒋ ᐃᑎᓴᐛᐤ ᐅᑕ ᐊᔅᒋᒡ᙮ ᐃᔎᐛ ᐊ ᑕᔨᒋ ᒋ ᐅᒋ ᐱᒪᑎᓯᐤ᙮ ᒍᐤ ᒋ ᐃᑎᔅᑲᓇᓱᐤ ᑭᔭ ᒂ ᓂᑐᐛᔨᑕᑯᓯᑦ ᒐᒋ ᓂᓇᐃᑕᐧᒃ ᒍᐤ ᐊᔭᒥᐊᐅ ᐎᓱᐛᐅᓇ᙮

1 ᑎᒧᑎ 3:15

ᐊᑲ ᒪᒃ ᐎᐱᒡ ᑎᑯᓯᓂᔭᓇ, ᐅ ᑲ ᒥᓯᓇᐊᒪᑎᑯᒡ ᐊᐅᒄ ᐅ ᒐ ᐎᒋᐃᑯᔭᒄ ᒐᒋ ᒋᔅᒐᔨᑎᒪᒄ ᑕᓐ ᒋᐸ ᐃᑕᔨᑕᑯᓯᓇᓄᐤ ᐊᓐᑕ ᐊ ᐃᓯ ᐸᐃᑯᑕᐅᓯᔭᐧᒄ ᒋᓴᒪᓂᑐᐤ ᐊ ᑕᑦ᙮ ᐛᔅ ᐅ ᐊ ᐃᓯ ᐸᐃᑯᑕᐅᓯᔭᐧᒄ ᐊᐅᒄ ᐅᔭ ᐅᑦ ᐊᔭᒥᐊᐅᒋᐛᑉ ᐊᓐ ᑲ ᐱᒪᑎᓯᑦ ᒋᓴᒪᓂᑐᐤ ᑭᔭ ᐊᑯᑕ ᐛᒋ ᐊᔨᒋᑲᐳᐅᔭᐧᒄ ᑭᔭ ᐊᐅᒄ ᐛᒋ ᐃᔭᐃᑕᔨᑕᑯᓯᔭᐧᒄ ᑕᑈᐅᓂᒡ ᐃᔅ᙮

1 ᐱᑕᕐ 1:5

ᔅᒋ ᑕᑈᔭᔨᒪᐛᐤ ᒋᓴᒪᓂᑐᐤ, ᐎᔾ ᒪᒃ ᐅᒥᔅᑯᓯᐅᓐ ᒋᑭ ᑭᓄᐛᔨᒥᑯᓇᐛᐤ ᐱᐃᒻ ᒪᔅᑕᔾ ᒋᓯᑲᔨᒐ᙮ ᐊᑯ ᒪᒃ ᒐ ᐱᒪᒋᐃᑕᒄ ᐛᔅ ᐊᐅᑯᓐ ᒧᔅ ᑲ ᐸᒋ ᐃᑕᔨᑕᐧᒃ ᒐ ᐃᑐᑕᑕᒄ᙮

ᒋᔅᒐᔨᑕᑯᑕᒐᐅᓐ 21:3

ᐊᑯ ᒂ ᐸᑐᐅᒃ ᐊᐛᓐ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᔪᐤ ᐊ ᑎᑯᓂᔨᒡ ᐊ ᐅᒋ ᐃᔨᒥᑦ, ᒋ ᒋᔄᐛᐤ᙮ ᒪᐅ ᑲ ᐃᔅᒋᔄᑦ, “ᐊᓐᑕ ᐊᐛᔪᐛ ᐊ ᑕᔨᒋ ᐊᑯᑕ ᒐ ᑕᑦ ᐊᐅᒄ ᒋᓴᒪᓂᑐᐤ ᒋᑭ ᐎᒋᒪᐤ᙮ ᐊᐅᑯᓂ ᐊᓂᔭᔪᐛ ᐃᔪᐛ ᒐ ᐅᑦ ᐃᔨᒥᑦ᙮ ᐎᔾ ᒋᑭ ᑕᐤ ᒪᒂᒡ ᐊ ᑕᔨᒋ ᐊᓂᔭᔪᐛ ᐛᒋᓴᒪᓂᑐᒥᑐᑕᑯᑦ᙮