16 ᒥᓯᐛ ᒋ ᐃᑐᑎᒺᐤ ᒧᓱᔅ ᑲ ᐃᑎᓱᒥᑯᑦ ᑎᐸᔨᒋᒐᓱᐛ᙮
ᓄᐛ ᒋ ᐃᑐᑎᒻ ᒥᓯᐛ ᑲ ᐃᑎᓱᒥᑯᑦ ᒋᓴᒪᓂᑐᐛ᙮
ᐊᑯ ᒐ ᑐᒥᓇᑯᒡ ᒧᔭᒻ ᑲ ᐃᓯ ᑐᒥᓂᒪᑯᐤ ᐅᑕᐎᐛᐛ, ᐊᑯ ᒪᒃ ᒐᒋ ᐊᑐᔅᑯᐅᒡ ᐊᔭᒥᐊᐅᒋᒪᐅᒡ ᒥᓯᐛ ᒐ ᐊᑎ ᐊᔭᓂᔅᒐ ᐱᒪᑎᓯᓇᓄᐎᒡ᙮”
ᐊᑯ ᒧᓱᔅ ᑭᔭ ᐊᕋᓐ ᒂ ᑐᑕᒡ ᑲ ᐃᑎᓱᒪᑯᒡ ᑎᐸᔨᒋᒐᓱᐛ᙮
ᑭᔭ ᒐ ᒋᔅᑯᑎᒧᐛᑯᒡ ᒐᒋ ᓂᓇᐃᑕᒡ ᒥᓯᐛ ᑕᓐ ᑲ ᐃᑎᓱᒥᑎᑯᒡ᙮ ᒧᔅ ᒪᒃ ᒋᑭ ᐎᒐᐅᑎᓇᐛᐤ ᐱᐃᒻ ᐊᑎ ᐃᔎᐱᔨᒐ ᐊᔅᒋᔾ᙮”
ᐸᐃᒄ ᒐᒂᔪᐤ ᑕᑈ ᐊ ᐃᓯ ᓂᑐᐛᔨᑕᑯᓯᒡ ᒐᒋ ᐃᑕᔨᑕᑯᓯᒡ ᐅᒡ ᐅᔭ ᑲ ᐃᓯ ᒥᔭᑭᓄᐎᒡ ᒐᒋ ᐃᑕᐱᑎᓯᒡ ᐊᐅᒄ ᒐᒋ ᒐᔅᑎᓇᑕᔨᑕᑯᓯᒡ ᑕᑈ ᒐᒋ ᑐᑕᒡ ᑕᓐ ᐊ ᐃᑎᓱᒥᑯᒡ ᐅᒋᒪᒧᐛᐛ᙮
ᑯᐃᔅᒄ ᒋ ᐃᑐᑐᐛᐤ ᒋᓴᒪᓂᑐᐛ ᒋᓴᔅ ᐊᓂᔭᔪᐛ ᑲ ᐅᑎᓂᑯᑦ ᐅᔭ ᒐᒋ ᐃᑕᐱᑎᓯᑦ᙮ ᑯᐃᔅᒄ ᒋ ᐃᑐᐤ ᑭᔭ ᐎᔾ ᒧᔭᒻ ᒧᓱᓴ ᑕᓐ ᑲ ᐃᓯ ᑯᐃᔅᒄ ᒋ ᐊᑐᔅᑯᐛᔨᒋ ᒋᓴᒪᓂᑐᐛ ᒧᔭᒻ ᐊ ᐎᔨᑲᐳᐅᑕᔨᒋ ᒋᓴᒪᓂᑐᐛ ᐎᒋᔪᐤ ᐊᒋ ᐃᓯᓇᑯᓯᔨᒋ᙮
ᒧᓱᔅ ᒪᒃ ᒋ ᐅᑦ ᐊᐱᒋᐊᑭᓂᑐᑕᑯᐤ ᒋᓴᒪᓂᑐᐛ, ᒧᔅ ᑯᐃᔅᒄ ᒋ ᐃᓯ ᐊᑐᔅᑯᐅᒪᐤ ᐅᑦ ᐃᔨᒥᔪᐛ᙮ ᒋ ᓂᑲᓐ ᐊᔨᒧᑎᒺᐤ ᑕᓐ ᒐ ᐃᓯ ᐎᑎᒥᔨᒋ ᒋᓴᒪᓂᑐᐛ ᐊᓐᑕ ᓂᔅᑕᒥᒡ᙮
