ᐊᒃᓱᑕᔅ 39:30 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁰ ᒋ ᐅᓯᑕᐅᒡ ᐊᐱᓴᓯᔨᒡ ᐛᐛᓯᐅᓂᔪᐤ ᐎᔄᐅᓱᓇᔭᔪᐤ ᐅᒡ ᑭᔭ ᐊᐛᓐ ᑲ ᑭᔅᒋᐅᑦ ᐊᐅᓯᑕᑦ ᒐᒂᔪᐤ ᒋ ᐎᓯᓇᑕᐊᒻ, “ᐊ ᐸᔭᒋᓯᑦ ᑎᐸᔨᒋᒐᓱᐛ ᐃᔅ,” ᐊ ᐃᑎᔅᑕᔨᒡ᙮

ᐊᒃᓱᑕᔅ 39:30 Iomraidhean Croise

ᐊᒃᓱᑕᔅ 26:36

ᒋᑭ ᐅᓯᑕᐅᒡ ᐊᑯᐛᑲᐃᑭᓂᔪᐤ ᒐᒋ ᒋᐸᐃᑭᓄᐅᒡ ᐛᒋ ᐱᒐᓄᐅᒡ ᐸᔭᒋ-ᐱᒍᐎᔭᓂᒋᐛᑉ ᐊ ᒥᔽᔨᒡ ᐱᒍᐎᔭᓂᔪᐤ ᐊ ᐊᐱᒋᑕᒡ ᐊ ᒥᒪᑕᐅᒂᑕᑭᓄᔨᒡ ᑲ ᐱᔅᑭᓂᓯᔨᒋ ᑭᔭ ᑲ ᐱᒋᒥᓇᑯᓯᔨᒋ ᑭᔭ ᑲ ᒥᐧᑯᓯᔨᒋ ᐊᓯᑭᓇᔭᐱᔭ᙮

ᐊᒃᓱᑕᔅ 39:29

ᑭᔭ ᐱᒂᑕᐅᓂᔪᐤ ᐱᒍᐎᔭᓂᔪᐤ ᑭᔭ ᐊ ᐱᔅᑭᓂᓯᔨᒋ, ᐊ ᐱᒋᒥᓇᑯᔨᒋ ᑭᔭ ᐊ ᒥᐧᑯᓯᔨᒋᑦ ᐊᓯᑭᓂᔭᐱᔭ ᒋ ᐅᒋ ᐅᓯᑕᐅᒡ ᑭᔭ ᒋ ᒥᒪᑕᐅᒂᑎᒧᒡ, ᒧᔭᒻ ᑎᐸᔨᒋᒐᓱᐤ ᑲ ᐃᑎᓱᒪᑦ ᒧᓱᓴ᙮

ᐊᒃᓱᑕᔅ 39:31

ᓂᑲᓐ ᐊᓐᑕ ᐅᐎᔎᔭᔅᑎᒂᓇᐱᓱᐅᓂᔨᒡ ᒋ ᒪᑯᐱᑎᒧᒡ ᐊ ᐱᔅᑭᓇᔨᒡ ᐊᐱᓯᔪᐤ ᒧᔭᒻ ᒥᓯᐛ ᑎᐸᔨᒋᒐᓱᐤ ᑲ ᐃᑎᓱᒪᑦ ᒧᓱᓴ᙮

1 ᑯᕆᓐᑎᔭᓇ 1:30

ᐎᔾ ᒋᓴᒪᓂᑐᐤ ᒋ ᓇᐃᐱᔨᑕᐤ ᒐᒋ ᐎᒐᐅᒪᑯ ᒋᓴᔅ ᙭ᑕ᙮ ᒋᓴᔅ ᒪᒃ ᐊ ᑕᑦ ᐅᒋ ᐊᑯᑕ ᐛᒋ ᐊᔭᔭᐧᒄ ᑭᒐᑕᐛᔨᑎᒧᐅᓐ, ᑭᔭ ᑯᐃᔅᑯᑕᑎᓯᐅᓐ, ᑭᔭ ᐸᔭᒋ ᐱᒪᑎᓯᐅᓐ, ᑭᔭ ᐱᒪᒋᐃᑯᓯᐅᓐ᙮

2 ᑯᕆᓐᑎᔭᓇ 5:21

ᐊᑎ ᒪᒃ ᙭ ᐊᑲ ᓂᑕ ᐅᒋ ᒥᒋᑐᑕᐧᒃ ᒋᓴᒪᓂᑐᐛ ᒋ ᐃᑐᑕᑯᐤ ᒧᔭᒻ ᐅᒥᒋᑥᐤ ᒐᒋ ᐃᓯᓇᑯᓯᑦ ᒋᔭᓄᐤ ᐅᒡ᙮ ᐊᑯ ᒪᒃ ᙭ ᐎᒐᐛᒂ, ᐅᑯᐃᔅᑯᑕᑎᓯᐅᒡ ᒋᑭ ᐃᓯ ᑭᓄᐛᐱᒥᑯᓄᐤ ᒋᓴᒪᓂᑐᐤ᙮

ᑕᐃᑕᔅ 2:14

ᒋ ᐱᔅᑕᔨᒥᑎᓱᐤ ᙭ ᒋᔭᓄᐤ ᐅᒋ, ᒐᒋ ᐛᐸᔨᑎᒪᑯᐅᔭᐧᒄ ᒥᓯᐛ ᒋᒥᒋᑥᐅᓄᐛ ᑭᔭ ᒐᒋ ᐸᔭᒋᐃᑕᐧᒄ ᒥᒄ ᐎᔾ ᒐᒋ ᐊᔭᐅᑕᐧᒄ᙮ ᒋ ᓂᑐᐛᔨᒥᑯᓄᐤ ᓱᒃ ᒐᒋ ᐃᑕᔨᑎᒥᐃᑯᐅᔭᐧᒄ ᑯᐃᔅᒄ ᒐᒋ ᐃᑎᔭᐧᒄ᙮

ᐃᑉᕈᐛ 1:3

ᐊᓐ ᐅᑯᓯᓯᒪᐤ ᐊ ᑕᑦ ᐊᑯᑕ ᐛᒋ ᒋᔅᒐᔨᑕᑯᓂᔨᒡ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ, ᑭᔭ ᐅᑯᓯᓯᒪᐤ ᓇᔅᒡ ᓂᔅᐱᑐᐛᐤ ᑕᓐ ᐊ ᐃᑕᔨᑕᑯᓯᔨᒋ᙮ ᐎᔾ ᐅᑯᓯᓯᒪᐤ ᐅᒋᒪᐧᑲᑎᒻ ᐊᔅᒋᔪᐤ ᑭᔭ ᒥᓯᐛ ᒐᒂᔪᐤ ᐃᔅᐱᒥᒡ ᐊ ᑎᑯᓂᔨᒡ᙮ ᐅᑦ ᐃᔨᒧᐅᓐ ᑲ ᓱᒐᔨᑕᑯᓂᔨᒡ ᐅᒋ ᐅᒋᒪᐧᑲᑎᒻ ᒥᓯᐛ ᐅᔭ᙮ ᒋ ᐱᔅᑕᔨᒥᑎᓱᐤ ᒐᒋ ᓂᐸᐊᑭᓄᐅᑦ ᒐᒋ ᐅᒋ ᐸᔭᒋᐊᑭᓄᔨᒋ ᐊᐛᔪᐛ ᐊ ᐛᐸᔨᑎᒧᐛᑭᓄᔨᒋ ᐅᒥᒋᑥᐅᓂᔪᐛ᙮ ᐃᔅᐱ ᑲ ᒋᔅᑕᑦ ᐅᔭ ᑲ ᐃᓯ ᐱᔅᑕᔨᒥᑎᓱᑦ ᐊᑯ ᒂ ᐅᑎᓇᑭᓄᐅᑦ ᐊᓐᑕ ᐅᒥᔪᓂᔨᒡ ᒋᓴᒪᓂᑐᐛ ᐊ ᑕᔨᒋ ᐊᓂᔭ ᒪᐅᒡ ᐊ ᐃᔅᐸᔨᑕᑯᓯᔨᒋ ᒋᒋᒋᓯᑯᒡ᙮

ᐃᑉᕈᐛ 7:26

ᒋᓴᔅ ᐊᐅᒄ ᒋᓴᐊᔭᒥᐊᐅᒋᒪᐤ ᒋᒋᐛ ᒐᒋ ᐎᒋᐃᑕᐧᒄ᙮ ᓇᒪ ᓂᑕ ᒥᒋᑐᑎᒻ᙮ ᓇᔅᒡ ᑯᐃᔅᑯᑕᑎᓯᐤ ᑭᔭ ᐸᔭᒋᓯᐤ᙮ ᓇᒪ ᓇᔅᒡ ᐃᑕᔨᑕᑯᓱᐤ ᑕᓐ ᐊ ᐃᑕᔨᑕᑯᓱᐛᐧᒄ ᒋᔭᓄᐤ ᐊ ᒥᒐᑎᓯᔭᐧᒄ᙮ ᓇᒪ ᓇᔅᒡ ᑎᑯᓂᔪᐤ ᒐᒂᔪᐤ ᒐᒋ ᐃᓯ ᐊᑕᒪᔨᑕᑯᓯᑦ᙮ ᒋᓴᒪᓂᑐᐛ ᒋ ᐅᑎᓂᑯᐤ ᑭᔭ ᒋ ᐊᐃᑯᐤ ᐊᓐᑕ ᒪᐅᒡ ᐊ ᐃᔅᐸᔨᑕᑯᓂᔨᒡ ᐊᓐᑕ ᒋᒋᒋᓯᑯᒡ᙮

ᒋᔅᒐᔨᑕᑯᑕᒐᐅᓐ 5:10

ᒥᓯᐛ ᔅᒋ ᒪᒧᓇᐅᒡ ᐊᓐᑕ ᐊ ᑕᔨᓐ ᐃᔅ ᒐᒋ ᐊᑐᔅᑯᐛᒡ ᒋᓴᒪᓂᑐᐛ ᐊ ᐊᔭᒥᐊᐅᒋᒪᐤ ᐊᐱᑎᓯᒡ᙮ ᒋᑭ ᐅᒋᒪᐅᒡ ᒪᒃ ᐅᑕ ᐊᔅᒋᒡ᙮”