27 ᒋ ᐅᓯᑎᒧᐛᐅᒡ ᐱᒍᐎᔭᓇ ᐊᕋᓇ ᑭᔭ ᐅᑯᓯᔨᐛ᙮
ᒋᑭ ᐅᓯᑕᐅᒡ ᐊᓴᑯᐛᔨᒡ ᐎᔄᐅᓱᓇᔭᐱᔅᑯᔪᐤ ᑭᔭ ᒐ ᐎᑎᒧᐅᑦ ᑲ ᑭᔅᒋᑕᒡ ᐊᑐᔅᒐᒡ ᒐᒋ ᐎᓯᓇᑕᐊᒡ, “ᐊ ᐸᔭᒋᓯᑦ ᑎᐸᔨᒋᒐᓱᐛ ᐃᔅ,” ᐊᑎᔅᑕᔨᒡ᙮
ᒐᒋ ᐳᔅᑲᐧᒃ ᐊᕈᓐ ᒪᒂᒡ ᐊᑐᑕᒋ ᐅᑦ ᐊᑐᔅᒐᐅᓐ ᐊᔭᒥᐊᐅᒋᒪᐅᑦ᙮ ᒥᓯᐛ ᐅᔭ ᒐᒂᔪᐛ ᓇᐊᐤ ᒋ ᐃᓯᓇᑯᑕᑭᓄᔪᐛ ᒧᔭᒻ ᑎᐸᔨᒋᒐᓱᐤ ᑲ ᐃᑎᓱᒪᑦ ᒧᓱᓴ᙮
ᑭᔭ ᐃᔭᐱᒡ ᐅᐎᔎᔭᔅᑎᒂᓇᐱᓱᐅᓂᔨᐛ ᐱᒍᐎᔭᓂᔪᐤ ᐅᒡ ᒐᒋ ᒋᔅᑯᐛᔨᒋ ᐊᕈᓇ ᐅᔅᑎᒂᓂᔨᒡ᙮ ᒋ ᐅᓯᑎᒧᐛᐅᒡ ᐊᕈᓇ ᐅᑯᓯᔨᐛ ᐊᑯᓂᔎᐅᓇ ᑭᔭ ᐱᑐᑭᔅᒋᐱᓱᓇᓇ ᐱᒍᐎᔭᓂᔪᐤ ᐅᒡ᙮
ᓂᔅᐱᑐᐛᐧᒄ ᐅᑎᐸᔨᒋᒐᐤ ᒋᓴᔅ ᙭ ᒐᒋ ᐅᒋ ᐛᐱᒪᒡ ᐊᐛᓐᒋ ᑕᓐ ᐊ ᐃᑕᔨᑕᑯᓯᔨᒋ᙮ ᐊᑲᐎᔾ ᐊᐱᑕᔨᑎᒧᒄ ᒋᔭᓱᐛᐤ ᒐᒋ ᐃᑐᑎᒪᒄ ᑕᓐ ᐊ ᐃᓯ ᒥᒋ ᓂᑐᐛᔨᑎᒧᒥᑲᒋ᙮
ᐅᑯᐃᔅᑯᑕᑎᓯᐤ ᐃᓯ ᑭᓄᐛᐱᒪᐤ ᒋᓴᒪᓂᑐᐤ ᐊᓂᔭ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᔅ ᙭ᑕ᙮ ᒥᓯᐛ ᒪᒃ ᐊᐛᔪᐛ, ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ ᑭᔭ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ, ᑲ ᑕᑈᔭᔨᒪᔨᒋ ᒋᓴᓴ, ᐊᐅᑯᓐ ᐊ ᐃᓯ ᐃᑐᑎᒧᐛᑦ᙮ ᐛᔅ ᒥᓯᐛ ᐸᐃᑯᓄᒡ ᐃᓯ ᑭᓄᐛᐱᒪᐤ ᒥᓯᐛ ᐊᐛᔪᐛ ᒋᓴᒪᓂᑐᐤ᙮
ᑲ ᓯᑲᐃᑕᑯᔭᒄ ᐎᔾ ᙭ ᐊ ᑕᑦ ᔅᒋ ᐃᓯ ᓯᑲᐃᑕᑯᓇᐛᐤ᙮ ᐊᑯ ᒪᒃ ᐎᔾ ᐊ ᑕᑦ ᐊ ᐃᓯ ᑎᐸᔨᑕᑯᓯᔭᒄ ᑭᔭ ᒋᑦ ᐊᑎ ᓂᔅᐱᑐᐛᐛᐤ᙮
ᓱᒃ ᒪᒃ ᒧᔅ ᐎ ᐊᔭᔅᑯᐛᔨᑎᒧᒄ ᑕᓐ ᒥᒄ ᒐ ᐊᑎ ᐃᔅᐱᔨᒂ ᒐᒂᓐ ᑭᔭ ᓱᒃ ᓂᓇᑭᑐᐛᔨᒥᓱᒄ ᑕᓐ ᐊ ᐃᑎᔭᒄ᙮ ᓇᔅᒡ ᐊᔅᐸᔨᒧᑐᑎᒧᒄ ᐊᓐ ᒋᓴᐛᑎᓯᐅᓐ ᒐ ᒥᔨᑯᐅᔭᒄ ᐃᔅᐱᔅ ᒥᓐ ᑎᑯᓯᒐ ᒋᓴᔅ ᙭᙮
