ᐊᒃᓱᑕᔅ 37:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᒥᓯᐛ ᒐᒂᔪᐤ ᐊᓐᑕ ᒐ ᐊᐱᒋᑕᑭᓄᐎᒡ ᒥᒋᓱᐛᑭᓇᑎᑯᒡ ᐎᔄᐅᓱᓇᔭᔪᐤ ᒋ ᐅᒋ ᐅᓯᑕᐤ: ᓱᒥᓇᐳᔾ ᒥᓂᒂᑭᓇ ᑭᔭ ᐊᑐᔅᐳᐛᑭᓇ ᑭᔭ ᐎᔭᑭᓇ ᒐ ᐱᔅᑎᓂᒐᓄᐅᒡ ᓱᒥᓇᐳᔾ᙮

ᐊᒃᓱᑕᔅ 37:16 Iomraidhean Croise

ᐊᒃᓱᑕᔅ 25:29

ᒐ ᐎᑎᒧᐅᑥᐤ ᐃᔭᐱᒡ ᒐᒋ ᐅᓯᑕᒡ ᐊᑐᔅᐳᐛᑭᓇ ᑭᔭ ᒥᓂᒂᑭᓇ ᑭᔭ ᐎᔭᑭᓇ ᒐ ᐊᐱᒋᑕᑯᓄᐅᒋ ᐃᔅᐱ ᐊᔭᒥᐊᐅᒋᒪᐤ ᐱᔅᑎᓂᒧᐅᒐ ᓱᒥᓇᐳᔪᐤ᙮ ᒥᓯᐛ ᐅᔭ ᐎᔄᐅᓱᓇᔭᐱᔅᑯᒡ ᒋᑭ ᐅᒋ ᐅᓯᑕᑭᓄᐅᐛ᙮

ᐊᒃᓱᑕᔅ 37:15

ᒋ ᐅᓯᐊᐤ ᓂᓱ ᒥᔅᑎᑯᐧᑲᓇ ᐊᑲᓯᔭ ᒥᔅᑎᒂ ᐅᒡ ᑭᔭ ᒋ ᐎᔎᔭᒋᓇᐤ ᐎᔄᐅᓱᓇᔭᔪᐤ, ᐊᐅᑯᓐᒡ ᐅᒡ ᒥᔅᑎᑯᐧᑲᓐᒡ ᒐᒋ ᐅᒋ ᑕᐧᑯᓂᑭᓄᐅᒡ ᐊ ᐱᐸᒧᑕᑭᓄᐅᒡ ᒥᒋᓱᐛᑭᓇᑎᒄ᙮

ᐊᒃᓱᑕᔅ 37:17

ᒋ ᐅᓯᑕᐤ ᐛᔅᑕᓂᐱᒪᑭᓇᑎᑯᔪᐤ ᒋᒋᐛ ᐎᔄᐅᓱᓇᔭᔪᐤ ᐅᒡ᙮ ᒋ ᐅᓯᐊᐤ ᐃᔭᐱᒡ ᑕᑕᐃᑭᓇ ᑭᔭ ᐅᑎᐧᑯᓇ ᐊ ᐱᐱᑲᐃᑭᓄᐎᒡ ᐊ ᓄᑎᒪᔨᒡ ᐎᔄᐅᓱᓇᔭᔪᐤ ᐅᒡ ᑭᔭ ᒋ ᒥᒪᑕᐛᐱᔅᑲᐊᒻ ᐊᓐᑕ ᒥᓂᒂᑭᓇ ᐊᓱᔭᑭᓄᐅᑦ ᐱᒥᔾ ᑭᔭ ᐛᐱᑯᓂᔅᒐ ᑭᔭ ᐛᐱᑯᓐ ᓂᐱᔭ᙮

2 ᑎᒧᑎ 2:20

ᐊᓐᑕ ᒥᔅᑎ ᒥᒋᐛᐱᒡ ᑎᑯᓇ ᓂᓇᐧᑯᐤ ᐊ ᐃᓯᓇᒂᒋ ᐎᔭᑭᓇ᙮ ᐱᔅᒐ ᐊᓂᔭᔪᐛ ᐎᔭᑭᓇ ᐎᔄᐅᓱᓇᔭᐱᔅᑯᐅᐛ ᐊᑯ ᑯᑎᑲ ᐛᓴᔭᐱᔅᑲᐛ᙮ ᐱᔅᒐ ᒥᔅᑎᑯᒡ ᒋ ᐅᒋ ᐅᓯᑕᑭᓄᐛ ᐊᑯ ᑯᑎᑲ ᐊᓯᔅᒋᒡ᙮ ᐊᓂᔭᔪᐛ ᑲ ᓱᓇᔭᐅᔨᒋ ᓇᒪ ᓇᔅᒡ ᐊᐱᑎᓇ ᐊᑯ ᐊᓂᔭ ᐊᑲ ᓱᓇᔭᐅᔨᒋ ᐊᐅᑯᓂ ᐊᓂᔭᔪᐛ ᐊᓯᑯᒻ ᒋᓯᑲᐛ ᐃᔭᐱᒋᑕᑭᓄᐅᒋ᙮