ᐊᒃᓱᑕᔅ 37:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᐱᓴᓕᓪ ᒋ ᐅᓯᑕᐤ ᒥᒋᓱᐛᑭᓇᑎᑯᔪᐤ ᓂᔅᑐᐎᔪᐤ ᐊᓱ ᐊᓱᑕᒡ ᒥᒋᒋᓐ ᐊᔅᐱᔅ ᒋᓏᔨᒡ ᑭᔭ ᔭᓇᐤ ᑕᑐᓴᑉ ᒥᒋᒋᓐ ᐊᔅᐱᔅ ᐃᔨᑭᔅᑲᔨᒡ, ᑭᔭ ᓂᓱᐎᔪᐤ ᐊᓱ ᓂᔄᐅᑕᒡ ᒥᒋᒋᓐ ᐊᔅᐱᔅ ᐃᔅᐸᔨᒡ᙮ ᐊᑲᓯᔭ ᒥᔅᑎᒂ ᒋ ᐊᐱᒋᐊᐤ᙮

ᐊᒃᓱᑕᔅ 37:10 Iomraidhean Croise

ᐊᒃᓱᑕᔅ 31:8

ᒥᒋᓱᐛᑭᓇᑎᑯᔪᐤ ᑭᔭ ᑲ ᐎᔄᐅᓱᓇᔭᐱᔅᑯᔨᒋ ᐛᔅᑕᓂᐱᒪᑭᓇᑎᒂ ᑭᔭ ᐊᓂᔭ ᒐ ᐃᑕᐱᑎᓂᔨᒋ ᒐᒂᔪᐛ ᒐ ᓇᑭᑐᐛᔨᑎᑭᓄᐎᔨᒡ ᑭᔭ ᐱᔅᑎᓂᒐᐅᓇᐱᔅᑯᔪᐤ ᐊᓐᑕ ᒐ ᐃᔎᓴᑭᓄᐎᔨᒋ ᑲ ᐎᒋᒪᑯᓯᔨᒋ᙮

ᐊᒃᓱᑕᔅ 35:13

ᒥᒋᓱᐛᑭᓇᑎᒄ ᑭᔭ ᒥᔅᑎᒂ ᒐ ᐅᒋ ᑕᐧᑯᓇᑭᓄᐅᒡ ᒥᒋᓱᐛᑭᓇᑎᒄ ᑭᔭ ᒐᒂᔪᐛ ᒐ ᐊᐱᑎᓂᔨᒋ ᒥᒋᓱᐛᑭᓇᑎᑯᒡ ᑭᔭ ᑲ ᐸᔭᒋᓯᑦ ᐸᒂᓯᑭᓐ᙮

ᐊᒃᓱᑕᔅ 37:11

ᐎᔄᐅᓱᓇᔭᔪᐤ ᒋ ᐎᔎᔭᒋᓂᒻ ᑭᔭ ᑲ ᐎᔄᐅᓱᓇᔭᐅᔨᒋ ᐛᔅᑲᔅᑲᐃᑭᓇ ᒥᓯᐛ ᐊᓐᑕ ᐛᔅᑲ ᒋ ᒋᑭᒺᐊᐤ᙮

ᐊᒃᓱᑕᔅ 37:9

ᐊᑯ ᐊᓐᒡ ᐊ ᐅᑎᑎᑭᓂᒡ ᐊᐛᓯᓯᒡ ᒋ ᑕᔅᑲᑐᐅᒡ ᐅᑎᑎᑭᓄᐛᒡ ᑭᔭ ᒋ ᐊᑯᓇᐊᒧᒡ ᒋᐸᐃᑭᓂᔪᐤ ᐊ ᒥᓯᑕᔅᑕᔨᒋ ᐅᑎᑎᑭᓄᐛᐛ᙮

ᐊᒃᓱᑕᔅ 40:4

ᒐ ᐱᑎᑭᑕᔭᒄ ᒥᒋᓱᐛᑭᓇᑎᒄ ᑭᔭ ᒐ ᑕᐧᑯᑎᔅᑕᔭᒄ ᐊᓐᑕ ᒐᒂᓐ ᒐ ᐃᑕᐱᑎᒡ ᑭᔭ ᐊᓯᒡ ᒐ ᐱᑎᑭᑕᔭᒄ ᐛᔅᑕᓂᐱᒪᑭᑕᓂᑎᒂ ᑭᔭ ᐊᔭᔅᑯᔭᑯᒡ ᐛᔅᑕᓂᐱᒪᑭᓐᒡ᙮

ᒠᓐ 1:14

ᐊᓐ ᒪᒃ ᐃᔨᒧᐅᓐ ᐃᔪᐤ ᒋ ᐃᓯᓇᑯᐊᑭᓄᐤ᙮ ᐊᓐ ᑲ ᓴᑭᔅᒋᓇᔅᑲᑯᑦ ᒋᓴᐛᑎᓯᐅᓂᔪᐤ ᑭᔭ ᑕᑈᐅᓂᔪᐤ, ᔅᒋ ᐎᒋᒥᑯᓄᐤ ᐅᑕ ᐊᔅᒋᒡ᙮ ᔅᒋ ᐛᐱᒪᓄᐤ ᒪᒃ ᐊ ᒋᔅᑕᔨᑕᑯᓯᑦ ᒧᔭᒻ ᐊ ᐃᔅᐱᔅ ᒋᔅᑕᔨᑕᑯᓯᔨᒋ ᒋᓴᒪᓂᑐᐛ ᐊᓂᔭᔪᐛ ᐅᑕᐎᔭ ᐛᔅ ᐎᔾ ᒥᒄ ᐸᐃᑯᓱᐤ ᐊ ᐅᑯᓯᑐᑕᑯᑦ ᒋᓴᒪᓂᑐᐛ᙮

ᒠᓐ 1:16

ᐊᓂᔭ ᐊ ᓴᑭᔅᒋᓇᔅᑲᑯᑦ ᒋᓴᐛᑎᓯᐅᓂᔪᐤ ᒥᓯᐛ ᐊ ᑎᓯᔭᐧᒄ ᓇᔅᒡ ᑕᑈ ᒋ ᓱᐛᔨᒥᑯᓄᐤ, ᓇᒪ ᒪᒃ ᓂᑕ ᒋᑭ ᐅᒋ ᐳᓂᐱᔪᐤ ᐊ ᓱᐛᔨᒥᑕᐧᒄ᙮

ᑯᓚᓯᔭᓇ 1:27

ᒋᓴᒪᓂᑐᐤ ᒪᒃ ᒋ ᐃᑕᔨᑎᒥᐃᑯᐤ ᒐᒋ ᒋᔅᒐᔨᑎᒥᔨᒋ ᐊᑯ ᐅᑦ ᐃᔨᒪ ᐊᓂᔭ ᐊᑲ ᐅᒋ ᒋᔅᒐᔨᑎᒪᐊᑦ ᐊᓐᑕ ᐅᑕᒡ᙮ ᐊᔪᐛᒡ ᒪᒃ ᒪᒥᔅᑲᑕᔨᑕᑯᓂᔪᐤ ᐅᔭ ᐛ ᐃᓯ ᒋᔅᒐᔨᑎᒪᐊᑦ ᒥᓯᐛ ᐊᐛᔪᐛ᙮ ᐊᓐ ᒪᒃ ᐊᑲ ᓂᑕ ᐅᒋ ᐸᒋ ᒋᔅᒐᔨᑕᑭᓄᐅᒡ ᐊᐅᒄ ᙭ ᐊ ᐱᒋᔅᑲᑕᒄ ᒋᑕᐃᐛᒡ ᐛᔅ ᐊᑯᑕ ᐛᒋ ᒐᔅᑎᓇᑕᔨᑎᒥᐃᑯᔭᒄ ᑕᑈ ᒐ ᐅᑎᑎᒪᒄ ᒥᓯᐛ ᑕᓐ ᐊ ᐃᓯ ᒥᔪ ᐊᔭᔅᑯᔅᑎᒪᑕᒄ ᒋᓴᒪᓂᑐᐤ᙮