ᐊᒃᓱᑕᔅ 34:6 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶ ᐊᑯ ᑎᐸᔨᒋᒐᓱᐤ ᓂᑲᓐ ᐊᓐᑕ ᒂ ᐃᓯ ᐎᒪᔅᑯᐛᑦ ᒧᓱᓴ ᑭᔭ ᒂ ᐃᔅᒋᔄᑦ, “ᓂᔾ ᐅ ᑎᐸᔨᒋᒐᓱᐤ ᒋᓴᒪᓂᑐᐤ ᐊᓐ ᑲ ᓴᑭᔅᒋᓇᔅᑲᑯᑦ ᒋᓴᐛᑎᓯᐅᓂᔪᐤ ᑭᔭ ᒋᔅᑎᒪᒐᔨᒋᒐᐅᓂᔪᐤ, ᐊᑲ ᐎᐱᒡ ᒋᔄᓯᑦ ᑭᔭ ᑲ ᐛᔪᑎᓯᑦ ᓱᐛᔨᒋᒐᐅᓂᔪᐤ ᑭᔭ ᑕᑈᐅᒐᔨᑕᑯᓱᐅᓂᔪᐤ᙮

ᐊᒃᓱᑕᔅ 34:6 Iomraidhean Croise

ᒐᓂᓯᔅ 24:27

ᐊ ᐃᔅᒋᔄᑦ, “ᒋ ᓂᔅᑯᒥᑎᓐ ᑎᐸᔨᒋᒐᓱᐤ, ᓄᒋᒪᒻ ᐊᑉᕋᐊᒻ ᐅᒋᓴᒪᓂᑐᒪ, ᔅᒋ ᑭᓄᐛᔨᑕᓐ ᒋᑦ ᐊᓱᑎᒪᒐᐅᓐ ᑭᔭ ᔅᒋ ᒥᔭᐤ ᑲ ᐃᓯ ᓂᑐᐛᔨᑕᐧᒄ ᓄᒋᒪᒻ ᐊᑉᕋᐊᒻ᙮ ᑯᐃᔅᒄ ᔅᒋ ᐃᑐᑕᔨᓐ ᐊ ᑕᔨᒋ ᓄᒋᒪᒻ ᐎᐧᑲᓂᓴ᙮”

ᑎᐱᑦ ᐅᓂᑭᒧᐅᓇ 108:4

ᐛᔅ ᒋᓱᐛᔨᒋᒐᐅᓐ ᐊᔪᐛᒃ ᒥᔅᑎ ᐃᑕᔨᑕᑯᓐ ᐃᔅᐱᔅ ᒋᓯᒂ; ᑭᔭ ᒋᑕᑈᐅᓐ ᑭᔅᑯᐅᓂᒡ ᐃᔅᐱᔪᐤ᙮

ᑎᐱᑦ ᐅᓂᑭᒧᐅᓇ 111:4

ᒋ ᐃᓯᓇᑯᑕᐤ ᐅᒪᒥᔅᑲᒡ-ᐃᑐᐅᓇ ᒐᒋ ᒋᔅᒋᑕᑭᓄᐎᒋ: ᑎᐸᔨᒋᒐᓱᐤ ᒋᓴᐛᑎᓯᐤ ᑭᔭ ᓴᑭᔅᒋᓇᔅᑲᑯᐤ ᒋᔅᑎᒪᒐᔨᒋᒐᐅᓂᔪᐤ᙮

ᑎᐱᑦ ᐅᓂᑭᒧᐅᓇ 111:8

ᐊᔨᑎᔅᑕᔪᐛ ᑲᒋᒡ ᑭᔭ ᑲᒋᒡ, ᑭᔭ ᑐᑕᑭᓄᐎᔨᐛ ᑕᑈᐅᓂᒡ ᑭᔭ ᑯᐃᔅᑯᑐᐅᓂᒡ᙮

ᑎᐱᑦ ᐅᓂᑭᒧᐅᓇ 112:4

ᐅᑯᐃᔅᑯᑐᐤ ᐸᒋ ᓄᑯᓯᔅᑕᑯᐤ ᐛᔅᑕᐅᓂᔪᐤ ᐊ ᐅᓂᑎᐱᔅᑲᔨᒡ: ᒋᓴᐛᑎᓯᐤ ᑭᔭ ᓴᑭᔅᒋᓇᔅᑲᑯᐤ ᒋᔅᑎᒪᒐᔨᒋᒐᐅᓂᔪᐤ, ᑭᔭ ᑯᐃᔅᑯᑕᑎᓯᐤ᙮

ᑎᐱᑦ ᐅᓂᑭᒧᐅᓇ 116:5

ᒋᓴᐛᑎᓯᐤ ᑎᐸᔨᒋᒐᓱᐤ, ᑭᔭ ᑯᐃᔅᑯᑕᑎᓯᐤ; ᓂᐦᐃ, ᒋᒋᓴᒪᓂᑐᒥᓄᐤ ᒋᔅᑎᒪᒐᔨᒧᐛᐤ᙮

ᑎᐱᑦ ᐅᓂᑭᒧᐅᓇ 138:2

ᓂᑭ ᐅᒋᒋᐧᑯᓂᐱᔅᑕᓐ ᒋ ᐸᔭᒋ ᒋᓴᐊᔭᒥᐊᐅᒋᐛᑉ, ᑭᔭ ᓂᑭ ᒋᔅᑕᑐᑕᓐ ᒋᑦ ᐃᓯᓂᐧᑲᓱᐅᓐ ᒋ ᓴᒋᐃᐛᐤ ᒋᓴᐛᑎᓯᐅᓐ ᑭᔭ ᒋᑕᑈᐅᓐ ᐅᒡ: ᐛᔅ ᒋ ᒋᐧᑲᔭᑐᑕᓐ ᒋᑦ ᐃᔨᒧᐅᓐ ᐃᔅᐱᔅ ᒥᓯᐛ ᒋᑦ ᐃᓯᓂᐧᑲᓱᐅᓐ᙮

ᑎᐱᑦ ᐅᓂᑭᒧᐅᓇ 145:8

ᑎᐸᔨᒋᒐᓱᐤ ᒋᓴᐛᑎᓯᐤ, ᑭᔭ ᓴᑭᔅᒋᓇᔅᑲᑯᐤ ᒋᔅᑎᒪᒐᔨᒋᒐᐅᓂᔪᐤ; ᓇᒪ ᑎᐛᒡ ᒋᔄᓯᑦ, ᑭᔭ ᓇᔅᒡ ᐊ ᓱᐛᔨᒋᒐᑦ᙮

ᑎᐱᑦ ᐅᓂᑭᒧᐅᓇ 146:6

ᑲ ᐅᓯᑕᑦ ᒋᒋᒋᓯᑯᔪᐤ ᑭᔭ ᐊᔅᒋᔪᐤ, ᐎᓂᐸᑯᔪᐤ ᑭᔭ ᒥᓯᐛ ᐊᓐᑕ ᐊ ᑎᒂᓂᔨᒡ: ᑲ ᑭᓄᐛᔨᑕᐧᒃ ᑕᑈᐅᓂᔪᐤ ᑲᒋᒡ;

ᑎᐱᑦ ᐅᓂᑭᒧᐅᓇ 31:19

ᐅ, ᑕᑈ ᒥᓴᐤ ᒋᒥᔪᑐᑕᒐᐅᓐ, ᑲᒋ ᐊᔅᑐᐛᑭᓄᒡ ᐊᓐᒡ ᑲ ᓇᓂᒋᔅᑕᔅᒡ; ᑲᒋ ᐃᑐᑎᒧᐅᑥᐤ ᐊᓐᒡ ᑲ ᒪᒥᓯᑐᑕᔅᒡ, ᐅᑎᔅᑯᐤ ᐃᔪᐤ ᐅᑯᓯᓴᓐᒡ !

ᑎᐱᑦ ᐅᓂᑭᒧᐅᓇ 57:10

ᐛᔅ ᒋᓱᐛᔨᒋᒐᐅᓐ ᒥᔅᑎ ᐃᑕᔨᑕᑯᓐ ᒋᓯᑯᒡ ᐃᓯ, ᑭᔭ ᒋᑕᑈᐅᓐ ᒋᓯᑯᒡ ᐃᓯ᙮

ᑎᐱᑦ ᐅᓂᑭᒧᐅᓇ 86:15

ᒪᒃ ᒋᔾ, ᐅ ᑎᐸᔨᒋᒐᓱᐤ, ᒋ ᒋᓴᒪᓂᑐᐅᓐ ᑲ ᓴᑭᔅᒋᓇᔅᑲᑯᔨᓐ ᒋᔅᑎᒪᒐᔨᒋᒐᐅᓐ, ᑭᔭ ᑲ ᒋᓴᐛᑎᓯᔨᓐ; ᐊ ᓯᐱᔨᐛᓯᔨᓐ, ᑭᔭ ᐊ ᐛᔪᑎᓯᔨᓐ ᒋᔅᑎᒪᒐᔨᒋᒐᐅᓐ ᑭᔭ ᑕᑈᐅᓐ᙮

ᑎᐱᑦ ᐅᓂᑭᒧᐅᓇ 86:5

ᐛᔅ ᒋᔾ, ᑎᐸᔨᒋᒐᓱᐤ, ᒋ ᒥᔽᑎᓯᓐ, ᑭᔭ ᒋ ᐎ ᐛᐸᔨᑎᒪᒐᓐ; ᑭᔭ ᒋ ᐛᔪᒡ ᒋᔅᑎᒪᒐᔨᒪᐅᒡ ᒥᓯᐛ ᑲ ᓇᓂᑐᒥᔅᒡ᙮

ᑎᐱᑦ ᐅᓂᑭᒧᐅᓇ 91:4

ᒋᑭ ᐊᒂᓇᐅᒄ ᐅᒥᑯᓇ ᐅᒡ, ᑭᔭ ᓯᐸ ᐅᑎᑎᑭᓂᒡ ᒋᑭ ᒪᒥᓯᓐ: ᐅᑕᑈᐅᓐ ᒋᑭ ᐅᑦ ᐊᒂᓇᐊᓱᐛᑭᓄᐛᓐ ᑭᔭ ᒋᑭ ᐊᒂᓇᐱᔅᑯᒧᐛᓐ᙮

ᐊᒃᓱᑕᔅ 20:5

ᐊᑲᐎᔾ ᒋᑭ ᐅᒋᒋᐧᑯᓂᐱᔅᑐᐛᐛᐅᒡ, ᐛᔅ ᓂᔾ ᑎᐸᔨᒋᒐᓱᐤ ᒋᒋᓴᒪᓂᑐᒻ ᓄᒋᐃᐛᐤ ᒋᓴᒪᓂᑐᐅᓐ; ᓂᑦ ᐊᔨᒥᐊᐅᒡ ᒪᒃ ᐊᐛᓯᒡ ᐅᑕᐎᐛᐛ ᐅᒥᒋᑥᐅᓂᔪᐛ ᐅᒡ ᐱᐃᒻ ᓂᔅᑐ ᑭᔭ ᓇᐤ ᒐ ᐊᑎ ᐊᓂᔅᒐ ᐱᒪᑎᓯᒡ ᐊᓐᒡ ᐎᔭᐧᑲᓯᒡ;

ᐊᒃᓱᑕᔅ 22:27

ᐛᔅ ᒋᑭ ᓄᑕᐱᔪᐤ ᐊᓂᔭ ᐅᑦ ᐊᑯᑉ ᒐᒋ ᒋᓱᓂᑯᑦ ᑎᐸᔅᑲᔨᒐ᙮ ᐛᔅ ᐊᐅᑯᔪᐤ ᒥᒄ ᑭᓄᐛᔨᑕᐧᒃ ᐊᐛᓐ ᐊ ᒋᔅᑎᒪᑎᓯᑦ᙮ ᐃᔅᐱ ᑕᑈᓯᒐ ᒐᒋ ᐎᒋᐃᒄ, ᓂᑭ ᐸᑐᐛᐤ ᐛᔅ ᓂ ᒋᔅᑎᒪᒐᔨᒧᐛᓐ᙮

ᐊᒃᓱᑕᔅ 33:19

ᑎᐸᔨᒋᒐᓱᐤ ᒪᒃ ᒋ ᐃᑕᐤ, “ᓂᑭ ᑐᑕᓐ ᒥᓯᐛ ᓂᒥᔽᑎᓯᐅᓐ ᒐᒋ ᐎᒪᐱᔨᔅᑕᑯᔨᓐ ᐅᑎᔅᑯᐤ ᐊᑕᔨᓐ ᑭᔭ ᓂᑭ ᐎᑕᒺᓐ ᑎᐸᔨᒋᒐᓱᐤ ᐅᑦ ᐃᓯᓂᐧᑲᓱᐅᓐ: ᓂᑭ ᒋᔅᑎᒪᒐᔨᒪᐤ ᒪᒃ ᐊᐛᓐ ᐛ ᒋᔅᑎᒪᒐᔨᒥᒃ ᑭᔭ ᓂᑭ ᓱᐛᔨᒪᐤ ᐊᐛᓐ ᐛ ᓱᐛᔨᒥᒃ᙮

ᒠᓐ 1:17

ᒋᓴᒪᓂᑐᐤ ᒋ ᐊᐱᒋᐊᐤ ᐊᓂᔭᐧᑲ ᒧᓱᓴ ᒐᒋ ᐎᑎᒧᐛᔨᒋ ᐃᔪᐛ ᐅᐎᓱᐛᐅᓇ᙮ ᑭᔭ ᒋᓴᔅ ᙭ᑕ ᒋ ᐊᐱᒋᐊᐤ ᒐᒋ ᓄᑯᑕᔨᒋ ᐅᑕᑈᐅᓐ ᑭᔭ ᐅᒋᓴᐛᑎᓯᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:4

ᓇᔅᒡ ᑕᑈ ᒋᓴᐛᑎᓯᐤ ᒋᓴᒪᓂᑐᐤ᙮ ᓇᑲᐎᐤ ᒐᒋ ᑎᐸᔅᑯᓂᔅᒃ ᑭᔭ ᓇᔅᒡ ᑕᑈ ᒋ ᓯᐱᔪᐛᓯᔅᑕᒄ᙮ ᒐᒂᔪᐤ ᐛᒋ ᒪᔭᔨᒥᑦ, ᐊᓂᔭ ᒪᒃ ᐊ ᐃᔅᐱᔅ ᒥᔽᔨᑕᑯᓯᑦ᙮ ᓇᒪᐎᔾ ᐊ ᒋ ᒋᔅᒐᔨᑕᓐ ᒐᒂᔪᐤ ᐛᒋ ᒋᓴᐛᑐᑕᔅᒃ ? ᒋ ᓂᑐᐛᔨᒧᒄ ᒐᒋ ᒥᑕᒋᔨᐛᔨᑎᒧᑦ ᑕᓐ ᐊ ᐃᓯ ᒥᒐᑎᓯᔪᐅᑦ ᑭᔭ ᒐᒋ ᒂᔅᑲᑎᓯᔪᐅᑦ᙮

ᒋᒥᔅ ᐅᒥᓯᓇᐊᒪᒐᐅᓐ 5:11

ᐛᔅ ᑕᑈ ᓱᐛᔨᑕᑯᓱᐅᒡ ᒋᑦ ᐃᑕᔨᒪᓄᐅᒡ ᐊᓐᒡ ᐊᑲ ᐅᒋ ᐳᓂᒡ᙮ ᔅᒋ ᐸᑕᓇᐛᐤ ᑕᓐ ᑲ ᐃᔅᐱᔅ ᓯᐱᔪᐛᓯᑦ ᒠᑉ ᒪᒂᒡ ᑲ ᐊᔨᒥᐅᑦ᙮ ᒋ ᒋᔅᒐᔨᒪᓄᐤ ᒪᒃ ᑕᓐ ᑲ ᐃᓯ ᒥᔪᐱᔨᑎᒪᑯᑦ ᐅᑎᐸᔨᒋᒐᐛ ᐃᔅᐱ ᑲᒋ ᐃᓯ ᐊᔨᒥᐅᑦ᙮ ᓴᑭᔅᒋᓇᔅᑲᑯᐤ ᒋᓴᐛᑎᓯᐅᓂᔪᐤ ᐅᑎᐸᔨᒋᒐᐤ ᑭᔭ ᓴᑭᔅᒋᓇᔅᑲᑯᐤ ᐊ ᒋᔅᑎᒪᒐᔨᒪᑦ ᐊᐛᔪᐛ᙮