ᐊᒃᓱᑕᔅ 34:18 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁸ ᒐ ᐊᑲ ᐅᓂᒋᔅᒋᑎᒪᒄ ᒥᑯᓴᐤ ᒋᓯᒄ ᐊᑲ ᐅᐱᓱᑦ ᐸᒂᓯᑭᓐ, ᒧᔭᒻ ᑲ ᐃᑎᓱᒥᑎᑯᒡ᙮ ᓂᔄᐅᑕᒡ ᑕᑐᐤ ᒋᓯᑲᐛ ᐃᔅᐱᔅ ᒋᑭ ᒧᐛᐛᐤ ᐊᑲ ᐅᐱᓱᑦ ᐸᒂᓯᑭᓐ ᐊᐱᑉ ᐱᓯᒧᒡ ᐛᔅ ᐊᐅᑯᐤ ᐱᓯᒻ ᐃᒋᑉᑎᒡ ᑲ ᐅᒋ ᐎᐎᔭᒄ᙮

ᐊᒃᓱᑕᔅ 34:18 Iomraidhean Croise

ᐊᒃᓱᑕᔅ 12:2

“ᐊᓄᒡ ᐅ ᐱᓯᒻ ᐊᐅᒄ ᒐ ᐅᔅᑭᑯᒋᐧᒄ ᐱᓯᒻ, ᐊᓐ ᐅᔅᑭᒡ ᐱᓯᒻ ᒐ ᐱᐳᒡ᙮

ᐊᒃᓱᑕᔅ 12:42

ᐊᑯ ᒂ ᓇᑭᑐᐛᐱᒥᑯᒡ ᑎᐸᔨᒋᒐᓱᐛ ᑕᐱᔅᑲᔨᒡ ᒐᒋ ᐎᐎᑕᐃᑯᒡ ᐊᓐᑕ ᐃᒋᑉᑎᒡ ᐅᒡ, ᐊᐅᑯᔪᐤ ᐅᔭ ᐸᐃᑯᑕᐤ ᑕᐱᔅᑲᔨᒡ ᒥᓯᐛ ᐃᔅᕋᐃᓪ ᐃᔪᒡ ᐊ ᑎᐱᔅᑲᐤ ᐊᔭᒥᐊᒡ ᒐ ᐃᔅᐱᔅ ᐊᓂᔅᒐ ᐱᒪᑎᓯᒡ ᐊᔅᑕᔨᒪᒡ ᑎᐸᔨᒋᒐᓱᐛ᙮

ᐊᒃᓱᑕᔅ 13:3

ᒂ ᐃᑕᑦ ᒧᓱᔅ ᐃᔪᐛ, “ᒐ ᒋᔅᑕᔨᑎᒪᒃ ᐅ ᒋᓯᒄ, ᑲ ᐎᐎᔭᒄ ᐃᒋᑉᑎᒡ ᐅᒡ, ᑲ ᒪᑯᓂᑯᐅᔭᒄ, ᐛᔅ ᑎᐸᔨᒋᒐᓱᐤ ᐅᓱᐧᑲᑎᓯᐅᓐ ᒋ ᐊᐱᒋᑕᐤ ᒐᒋ ᐎᐎᑕᔨᑕᒄ ᐊᓐᑕ ᐃᒋᑉᑎᒡ᙮ ᒐ ᐊᑲ ᒥᒋᔭᒄ ᒐᒂᓐ ᓯᐅᔅᑎᒪᑭᓐ ᐊᔅᒋᐱᔨᑦ᙮

ᐊᒃᓱᑕᔅ 13:4

ᐊᓄᒡ ᐱᓯᒻ, ᐊᐱᑉ ᐊ ᐃᓯᓂᐧᑲᓱᑦ, ᑲ ᓂᑭᑎᒪᒄ ᐃᒋᑉᑦ ᐊᔅᒋᔾ᙮

ᐊᒃᓱᑕᔅ 23:14

“ᐊᓯᑯᒻ ᐱᐳᓇ ᒋᑭ ᐎ ᒥᑯᓴᓇᐛᐤ ᓂᔅᑐ ᒥᑯᓴᐅᓇ ᒐᒋ ᒋᔅᑕᔨᒥᔭᒄ᙮

ᐊᒃᓱᑕᔅ 23:15

ᐅᔅᑭᒡ ᒥᑯᓴᓐ ᒐ ᐃᑐᑎᒪᒄ ᐊᑲ ᐅᐱᓱᑦ ᐸᒂᓯᑭᓐ ᒋᑭ ᐃᓯᓂᐧᑲᑕᓇᐛᐤ᙮ ᐊᐱᑉ ᐃᓯᓂᐧᑲᑕᐤ ᐊᓐ ᐱᓯᒻ ᒐ ᒥᑯᓴᔭᒄ ᐅ ᒥᑯᓴᓐ᙮ ᐊᐅᑯᓐ ᐅ ᐱᓯᒻ ᑲ ᒋᔅᑐᑕᔭᒄ ᐊᓐᑕ ᐃᒋᑉᑎᒡ ᐅᒡ᙮ ᒧᔭᒻ ᑲ ᐃᑎᓱᒥᑎᑯᒡ ᒐ ᐃᓯ ᒥᑯᓴᔭᒄ᙮ ᓇᓂᑎᒻ ᒐ ᐸᑕᔭᒄ ᐱᔅᑎᓂᒐᐅᓐ ᑕᑥᐤ ᑕᑯᓯᓂᔭᑯᐤ ᒐᒋ ᐊᔭᒥᐊᔅᑐᐅᔭᒄ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:1

ᓂᓱ ᒋᓯᑲᐛ ᒋ ᐃᔅᐱᓯᓇᑯᓐ ᒐ ᐎᒪᔅᑲᒐᐅ-ᒥᑯᓴᓄᐅᒡ ᑭᔭ ᒐ ᒋᒋᐱᔨᒡ ᐸᒂᓯᑭᓐ ᐊᑲ ᐅᐱᔨᑦ ᑲᒋ ᒧᐛᑭᓄᐅᑦ᙮ ᐊᓐᒡ ᒪᒃ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ ᒋ ᓇᓂᑐᐤ ᒥᔅᑭᒧᒡ ᑕᓐᑕ ᒐᒋ ᐅᒋ ᒋᒧᑦ ᒪᑯᓇᒡ ᒋᓴᓴ ᒐᒋ ᓂᐸᐊᒡ᙮

ᓗᒃ 22:1

ᒋ ᐸᓱᓇᑯᓐ ᒪᒃ ᐊᓐᑕ ᐊ ᒥᑯᓴᐅᒋᓯᑲᒡ ᑲᒋ ᒧᐛᑭᓄᐅᑦ ᐊᑲ ᐅᐱᔨᑦ ᐸᒂᓯᑭᓐ᙮ ᐊᐅᑯᓐ ᐊᓐ ᐎᒪᔅᑲᒐᐅ-ᒥᑯᓴᓐ ᒋᓯᑲᐤ ᑲ ᐃᓯᓂᐧᑲᑕᒡ᙮

ᐊᑈᔅᑕᓇᒡ 12:3

ᐃᔅᐱ ᐎᔭᐸᑕᐧᒃ ᐊ ᒥᔽᔨᑎᒥᔨᒋ ᒍᐤ ᐃᔪᐛ ᐅᔭ ᑲ ᐃᑎᑦ, ᐊᑯ ᒂ ᐃᔅᒋᔄᑦ ᐱᑕᕋ ᑭᔭ ᒐᒋ ᒪᑯᓇᑭᓄᔨᒋ᙮ ᐊᐅᒄ ᒪᒃ ᐅᔭ ᒪᒂᒡ ᐊ ᒋᓯᑲᔨᒡ ᐊᓐᒡ ᒍᐤ ᐃᔪᒡ ᑲ ᒥᑯᓴᒡ, ᐊᓐ ᒥᑯᓴᓐ ᑲᒋ ᒧᐛᑭᓄᐅᑦ ᐸᒂᓯᑭᓐ ᐊᑲ ᐅᐱᓯᑭᓂᐧᑲᑐᐛᑭᓄᐅᑦ᙮