ᐊᒃᓱᑕᔅ 33:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ, “ᓂᑭᑕ ᐅ ᐃᑕᐅᓐ, ᒋᔾ ᑭᔭ ᐃᔅᕋᐃᓪ ᐃᔪᒡ ᐊᓐᒡ ᑲ ᐎᐎᑕᐃᑥᐤ ᐊᓐᑕ ᐃᒋᑉᑎᒡ ᐅᒡ᙮ ᒐ ᐃᑐᑕᐃᑥᐤ ᐊᓐᑕ ᑲ ᐊᓱᑎᒧᐅᒂᐤ ᐊᔅᒋᔪᐤ ᒐᒋ ᒥᔨᒂᐤ ᐊᑉᕋᐊᒻ, ᐊᐃᓯᒃ ᑭᔭ ᒐᑭᑉ, ᑭᔭ ᐅᑦ ᐊᓂᔅᑯᑕᐸᓄᐛᐛ᙮

ᐊᒃᓱᑕᔅ 33:1 Iomraidhean Croise

ᒐᓂᓯᔅ 12:7

ᑎᐸᔨᒋᒐᓱᐤ ᒋ ᓄᑯᓯᔅᑐᐛᐤ ᐊᑉᕋᒪ ᑭᔭ ᒂ ᐃᑕᑦ, “ᓂᑭ ᒥᔭᐅᒡ ᒋᑦ ᐊᑐᔅᒐᔭᑭᓐᒡ ᐅᔭ ᑲᐃᓇᓐ ᐊᔅᒋᔪᐤ᙮” ᐊᑯ ᐊᑉᕋᒻ ᒂ ᐃᑐᑎᒧᐛᑦ ᑎᐸᔨᒋᒐᓱᐛ ᐱᔅᑎᓂᒐᐅᓇᐱᔅᑯᔪᐤ ᑲᒋ ᓄᑯᓯᔅᑕᑯᑦ᙮

ᒐᓂᓯᔅ 15:18

ᐊᓂᔭ ᑲ ᒋᓯᑲᔨᒡ, ᑎᐸᔨᒋᒐᓱᐤ ᑭᔭ ᐊᑉᕋᒻ ᒋ ᐃᑐᑎᒧᒡ ᓂᔅᑯᒥᑐᐅᓂᔪᐤ ᑭᔭ ᑎᐸᔨᒋᒐᓱᐤ ᒂ ᐃᑕᑦ, “ᓂᒋ ᐊᓱᑎᒪᒐᓐ ᒐᒋ ᒥᔨᒂᐤ ᒋᓂᑕᐅᒋᐊᑭᓐᒡ ᒥᓯᐛ ᐅᔭᔪᐤ ᐊᔅᒋᔪᐤ, ᐃᒋᑉᑎᒡ ᓯᐱᒡ ᐛᒋᒋᐱᔨᒡ ᐃᔅᐱᔅ ᔪᑉᕆᑎᔅ ᓯᐱᒡ᙮

ᒐᓂᓯᔅ 26:1

ᒪᒂᒡ ᐊᐃᓯᒃ ᑲ ᐎᒋᑦ ᐱᕐ-ᓚᐊᐃ-ᕈᐃ, ᒋ ᑎᑯᓐ ᐊᑲ ᐅᒋ ᒥᓴᒡ ᒥᒋᒻ ᒧᔭᒻ ᑲ ᐃᔅᐱᔨᒡ ᐊᑉᕋᐊᒻ ᑲ ᐎᒋᑦ ᐊᓐᑕ ᐊᔅᒋᒡ᙮ ᐊᑯ ᑭᕋᕐ ᒂ ᐃᓯ ᐊᑐᒐᑦ ᐊᐃᓯᒃ, ᐊᓐᑕ ᐊᐱᒪᓕᒃ ᑲ ᒋᓴᐅᒋᒪᐅᑦ ᐱᓕᔅᑕᐃᓐ ᐃᔪᐛ᙮

ᒐᓂᓯᔅ 26:3

ᒐ ᑕᔨᓐ ᐅᑕ ᐊᔅᒋᒡ ᑭᔭ ᓂᑭ ᑕᓐ ᐊ ᑕᔨᓐ ᑭᔭ ᒋᑭ ᒥᔪᑐᑕᑎᓐ᙮ ᐛᔅ ᒋᔾ ᑭᔭ ᒋᑦ ᐊᓂᔅᑯᑕᐸᓐᒡ ᓂᑭ ᒥᔭᐅᒡ ᐅᔭ ᒥᓯᐛ ᐊᔅᒋᔪᐤ᙮ ᓂᑭ ᑭᓄᐛᔨᑎᒺᓐ ᓂᔅᑯᒥᑐᐅᓂᔪᐤ ᑲ ᐃᑐᑎᒧᐅᒃ ᒍᑕᐎᔾ ᐊᑉᕋᐊᒻ᙮

ᒐᓂᓯᔅ 28:10

ᐃᔅᐱ ᒐᑭᑉ ᑲ ᓂᑭᑕᐧᒃ ᐱᕐ-ᓯᐸ, ᐦᐊᕋᓐ ᐃᑕᒐ ᒋ ᐃᑐᑕᐤ᙮

ᒐᓂᓯᔅ 50:24

ᒋ ᐎᓴᒪᐤ ᐎᐧᑲᓂᓴ ᒍᓯᑉ᙮ ᐃᔅᐱ ᒪᒃ ᑕᑯᓯᓂᔨᒋ ᐊᑯ ᐊᑕᑦ, “ᓴᔅ ᐎᐱᒡ ᓂᑭ ᐳᓂᐱᒪᑎᓯᓐ, ᒥᒄ ᒋᓴᒪᓂᑐᐤ ᒋᑭ ᒥᔪ ᑭᓄᐛᔨᒥᑯᐛᐤ ᑭᔭ ᒋᑭ ᒋᔅᒋᓄᑕᐃᑯᐛᐤ ᐃᒋᑉᑦ ᐊᔅᒋᒡ ᐅᒡ ᐊᓐᑕ ᐊᔅᒋᒡ ᒐ ᐃᓯ ᒋᔅᒋᓄᑕᔨᑕᒄ ᑲ ᐊᓱᑎᒧᐛᑦ ᒐᒋ ᒥᔭᑦ ᐊᑉᕋᐊᒪ, ᐊᐃᓯᑲ ᑭᔭ ᒐᑭᐸ᙮

ᐊᒃᓱᑕᔅ 17:3

ᒥᒄ ᒋᒋᐛ ᒋ ᓄᑕᔭᐸᒂᐅᒡ ᐃᔪᒡ ᑭᔭ ᒋ ᐊᓏᔨᒪᐅᒡ ᒧᓱᓴ᙮ ᒋ ᐃᑕᐅᒡ, “ᒐᒂᓐ ᐛᒋ ᐎᐎᑕᐃᔭᒡ ᐃᒋᑉᑎᒡ ᐅᒡ ᒐᒋ ᐃᑐᑐᐅᔭᒡ ᓂᔭᓐ ᑭᔭ ᓂᑦ ᐊᐛᓯᒥᓇᓐᒡ ᑭᔭ ᓂᑦ ᐊᐛᓯᓯᒥᓇᓐᒡ ᒐᒋ ᒋᒪᐸᒂᔭᒡ ?”

ᐊᒃᓱᑕᔅ 32:1

ᐃᔅᐱ ᐃᔪᒡ ᒐ ᒋᔅᒐᔨᒪᒡ ᒧᓱᓴ ᐊᔅᐱᔅ ᐊᑲ ᓇᐅᔅ ᓂᑎᒋᐛᔨᒋ ᐱᔅᑯᑎᓇᒡ ᐅᒡ, ᒋ ᓂᑐᐛᐱᒪᐅᒡ ᐊᕋᓇ ᑭᔭ ᒂ ᐃᑕᒡ, “ᐅᓯᑎᒧᐅᓇᓐ ᒥᓂᑐᐧᑲᓐ ᒐ ᓂᑲᓂᔅᑯᐎᒥᑦ᙮ ᐛᔅ ᐅᐛ ᒧᓱᔅ ᑲ ᐸᒋ ᐎᐎᑕᔨᒥᑦ ᐃᒋᑉᑎᒡ ᐅᒡ, ᓇᒪ ᓂ ᒋᔅᒐᔨᒪᓇᓐ ᑕᓐ ᐊᑎᑦ᙮”

ᐊᒃᓱᑕᔅ 32:13

ᒋᔅᒋᑐᐅᒡ ᒋᑦ ᐊᐱᒋᐊᑭᓐᒡ ᐊᑉᕋᐊᒻ, ᐊᐃᓯᒃ ᑭᔭ ᒐᑭᑉ᙮ ᑲ ᐊᓱᑎᒧᐅᑥᐤ ᑲ ᐃᑎᑥᐤ, ‘ᓂᑭ ᒥᒐᑐᐛᐅᒡ ᒋᑦ ᐊᓂᔅᑯᑕᐸᓄᐛᐅᒡ ᒧᔭᒻ ᒋᓯᑯᒡ ᐊᔅᐱᒐᑎᒡ ᐅᒐᑭᑕᐧᑯᒡ ᑭᔭ ᓂᑭ ᒥᔭᐅᒡ ᒥᓯᐛ ᐅᔭ ᐊᔅᒋᔭ ᑲ ᐊᓱᑎᒧᐅᒂᐤ ᑭᔭ ᐎᔨᐛᐤ ᒧᔅ ᑲᒋᒡ ᒋᑭ ᑎᐱᔨᐛᓯᐅᒡ᙮’ ”

ᐊᒃᓱᑕᔅ 32:34

ᒪᒋ ᒪᒃ ᒐ ᐃᑐᑕᐃᑥᐤ ᐃᔪᒡ ᐊᓐᑕ ᐃᔅ ᐃᑕᐅᓂᒡ ᑲ ᐊᔨᒧᑎᒪᑕᓐ, ᒐ ᒋᔅᒋᔨᓐ ᓂᑦ ᐊᓐᒋᓂᒻ ᒐ ᒋᔅᒋᓄᑕᔨᑕᒄ᙮ ᒥᒄ ᓴᔅ ᒋᑭ ᐅᑎᒋᐱᔪᐤ ᒐ ᐊᓏᔨᒥᒂᐤ ᐅᒡ ᐃᔪᒡ ᐊᓂᔭ ᑲ ᐃᓯ ᒥᒋᑐᑎᒡ᙮”

ᐊᒃᓱᑕᔅ 32:7

ᐊᑯ ᑎᐸᔨᒋᒐᓱᐤ ᐊᑕᑦ ᒧᓱᓴ, “ᓂᑎᒋᐛ, ᐛᔅ ᒋᑦ ᐃᔨᒥᒡ ᐊᓐᒡ ᐃᒋᑉᑎᒡ ᑲ ᐅᒋ ᐎᐎᑕᐃᑥᐤ, ᓴᔅ ᒥᒐᑎᓯᐅᒡ᙮

ᐊᑈᔅᑕᓇᒡ 7:36

“ᐊᐅᒄ ᒪᒃ ᐅ ᒧᓱᔅ ᑲ ᐸᒋ ᐎᐎᑕᐊᑦ ᐊᓂᔭ ᐃᔪᐛ ᐊᓐᑕ ᐃᒋᑉᑎᒡ ᐅᒡ᙮ ᒋ ᒪᒥᔅᑲᒡ ᐃᑐᐤ ᒪᒃ ᐊᓐᑕ ᐃᒋᑉᑎᒡ ᑭᔭ ᐊᓐᑕ ᒥᒂᑭᒥ ᐎᓂᐸᒄ ᑭᔭ ᓇᐎᔪᐛ ᐱᐳᓇ ᒋ ᒪᒥᔅᑲᒡ ᐃᑐᐤ ᐊᓐᑕ ᐸᐧᑯᑎᔅᑭᒥᑲᒡ᙮”