ᐊᒃᓱᑕᔅ 32:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᐎᔾ ᒋᓴᒪᓂᑐᐤ ᒋ ᐅᓯᐊᐤ ᐊᓂᔭ ᐊᓯᓂᔭ ᑭᔭ ᐎᔾ ᒋ ᒥᓯᓇᑕᐊᒻ ᐊᓂᔭ ᐎᓱᐛᐅᓇ᙮

ᐊᒃᓱᑕᔅ 32:16 Iomraidhean Croise

ᐊᒃᓱᑕᔅ 31:18

ᐃᔅᐱ ᒋᓴᒪᓂᑐᐤ ᑲᒋ ᐃᓯ ᐃᔨᒪᐊᑦ ᒧᓱᓴ ᐊᓐᑕ ᓴᐃᓇᐃ ᐱᔅᑯᑎᓇᒡ᙮ ᒂ ᒥᔭᑦ ᓂᓱ ᐊᓯᓂᔭ ᐊᓐᑕ ᑲ ᒥᓯᓇᐊᐧᒃ ᐅᑦ ᐃᑎᓱᐛᐅᓇ ᐅᑎᒋᒡ ᐅᒡ᙮

ᐊᒃᓱᑕᔅ 32:15

ᒧᓱᔅ ᒂ ᒋᐛᑲᐳᔅᑐᐛᑦ ᒂ ᐊᑎ ᓂᑎᒋᐛᑦ ᐊᓂᔭ ᐱᔅᑯᑎᓇᔪᐤ, ᐊ ᑕᐧᑯᓇᑦ ᐊᓂᔭ ᐊᓯᓂᔭ ᐊᔨᑐᐤ ᐃᑕᒐ ᑲ ᒥᓯᓇᑕᒥᔨᒋ ᒋᓴᒪᓂᑐᐛ ᐃᑎᓱᐛᐅᓇ᙮

ᐊᒃᓱᑕᔅ 32:17

ᒐᓱᐛ ᒋ ᐸᑎᒻ ᐊ ᐃᑎᑕᑯᓯᔨᒋ ᐃᔪᐛ᙮ ᐊᑯ ᒐᑲᑦ ᐛᑎᑕᐧᒃ ᐊᓐᑕ ᑲ ᒪᓂᑲᓱᓇᓄᐎᒡ, ᒧᓱᓴ ᒋᓂᒋᔅᑯᐛᐤ ᐊᑯ ᒂ ᐃᑕᑦ, “ᓂ ᐸᑕᓐ ᐊᓐᑕ ᑲ ᒪᓂᑲᓱᓇᓄᐅᒡ ᒧᔭᒻ ᐊ ᓂᑐᐱᔨᓇᓄᐅᒋ ᐊᑎᑕᒂᒡ᙮”

ᐊᒃᓱᑕᔅ 34:1

ᒂ ᐃᑕᑦ ᑎᐸᔨᒋᒐᓱᐤ ᒧᓱᓴ, “ᒐ ᒋᒥᓱᑥᐤ ᓂᓱ ᐊ ᐱᐱᒋᓯᒡ ᐊᓯᓂᔨᒡ ᒧᔭᒻ ᐅᔅᑭᒡ ᐊᓯᓂᔨᒡ, ᓂᑭ ᒥᓯᓇᐊᓐ ᐊᓐᑕ ᐸᐃᑯᑕᐤ ᐎᓱᐛᐅᓇ, ᒧᔭᒻ ᑲ ᒥᓯᐊᒪᓐ ᐊᓐᑕ ᐅᔅᑭᒡ ᓂᓱ ᐊᓯᓂᒡ, ᐊᓂᔭ ᑲ ᐱᑯᑕᔨᓐ᙮

ᐊᒃᓱᑕᔅ 34:4

ᐊᑯ ᒧᓱᔅ ᒂ ᒋᒥᓴᐧᒃ ᓂᓱ ᐊᓯᓂᔭ ᒧᔭᒻ ᐊᓂᔭ ᐅᔅᑭᒡ, ᐊᑯ ᒋᔭᒋᓴᐸᔭᔨᒡ ᒂ ᐃᑐᑕᐊᑦ ᐊᓯᓂᔭ ᐊᓐᑕ ᑕᐧᑯᒡ ᓴᐃᓇᐃ ᐱᔅᑯᑎᓇᒡ, ᒧᔭᒻ ᑲ ᐃᑎᓱᒥᑯᑦ ᑎᐸᔨᒋᒐᓱᐛ᙮

2 ᑯᕆᓐᑎᔭᓇ 3:3

ᑕᓐ ᐊ ᐃᓯ ᐱᒪᑎᓯᔭᒄ ᐊᑯᑕ ᐛᒋ ᓂᔅᑐᓇᒂᒡ ᑕᓐ ᑲ ᐃᓯ ᐃᑐᑎᒪᑕᒄ ᙭᙮ ᐊᐅᑯᓐ ᒪᒃ ᒧᔭᒻ ᑕᑈ ᑎᐸᒋᒧᓯᓇᐃᑭᓐ ᐛᒋ ᐃᓯᓇᑯᓯᔭᒄ᙮ ᐅ ᒪᒃ ᑎᐸᒋᒧᓯᓇᐃᑭᓐ ᓇᒪ ᐎ ᒥᓯᓇᐃᑭᓇᔅᒄ ᐊᐱᑎᓐ ᐊ ᒥᓯᓇᐃᑭᓄᐅᒡ᙮ ᓇᒪ ᑭᔭ ᐊᓯᓂᒡ ᐅᒡ ᒥᓯᓇᐃᑭᓄᐤ᙮ ᒋᓴᒪᓂᑐᐤ ᐅ ᐸᔭᒋ ᐊᒐᒂ ᐊᐅᒄ ᐊ ᐃᓯᓇᑯᓯᑦ ᒧᔭᒻ ᐊ ᒥᓯᓇᐃᒐᑦ ᒋᑕᐃᐛᒡ᙮ ᐊᐅᒄ ᐅ ᑲ ᐊᐱᒋᐃᔨᒥᑦ ᒐᒋ ᐸᑥᑕᒡ ᐅ ᑎᐸᒋᒧᐅᓐ᙮

2 ᑯᕆᓐᑎᔭᓇ 3:7

ᐊᓐ ᐛᔅᑭᒡ ᐎᓱᐛᐅᓐ ᐊᓯᓂᒡ ᒋ ᒥᓯᓇᐃᑭᓄᐤ᙮ ᓇᒪ ᐅᒋ ᐎᒋᐃᑯᐅᒡ ᐊᐛᓐᒋ ᒐᒋ ᐱᒪᒋᐅᒡ᙮ ᐃᔭᐱᒡ ᒪᒃ ᓇᔅᒡ ᑕᑈ ᒋ ᓄᑯᓂᔪᐤ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ ᐃᔅᐱ ᒧᓱᔅ ᑲ ᒥᔭᑦ ᐊᓂᔭᔪᐛ ᐃᔪᐛ ᐊᓂᔭ ᐎᓱᐛᐅᓂᔪᐤ᙮ ᓇᔅᒡ ᑕᑈ ᒋ ᓱᒐᔨᑕᑯᓂᔪᐤ ᑕᓐ ᑲ ᐃᓯ ᒋᐧᑲᔭᔅᑕᔨᒡ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ ᒧᓱᔅ ᐅᑕᔅᑎᒥᐧᑯᒡ᙮ ᓇᒪ ᐊᑐᐎᔅ ᐅᒋ ᐎ ᑭᓄᐛᐸᑎᒧᐅᒡ ᐊᓐᒡ ᐃᔪᒡ ᒧᓱᓴ ᐅᑕᔅᑎᒥᐧᑯᔪᐤ᙮ ᓇᒪ ᒪᒃ ᓇᐅᔅ ᐅᒋ ᒋᐧᑲᔭᔅᑕᐤ ᐊᓐ ᒋᔅᑕᔨᑕᑯᓱᐅᓐ ᐊᓐᑕ ᒧᓱᔅ ᐅᑕᔅᑎᒥᐧᑯᒡ᙮ ᒋ ᐊᑎ ᐸᓯᑯᓇᑯᓐ᙮ ᐃᔭᐱᒡ ᒪᒃ ᒋ ᓄᑯᓂᔪᐤ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ ᐊᓐ ᐎᓱᐛᐅᓐ ᑲ ᒥᔨᐛᓄᒡ ᐊᑎ ᐊᑲ ᐅᒋ ᐱᒪᒋᐃᐛᒥᑲᒡ᙮

ᐃᑉᕈᐛ 8:10

ᒥᒄ ᒪᒃ ᒪᐅᔭᔪᐤ ᑲ ᐅᔅᑲᔨᒡ ᓂᔅᑯᒧᐅᓂᔪᐤ ᒐ ᒥᔨᒂᐤ ᐃᔅᕋᐃᓪ ᐃᔪᒡ ᐃᔅᐱ ᐅᑎᒋᐱᔨᒂᐛ ᐊᓂᔭᔪᐛ ᐊ ᒋᓯᑲᒋ᙮ ᓂᑭ ᐃᑐᑐᐛᐅᒡ ᒐᒋ ᒪᒥᑐᓇᔨᑎᒥᐃᑯᒡ ᓂᐎᓱᐛᐅᓇ ᑭᔭ ᓇᔅᒡ ᒐᒋ ᒧᓯᐅᒡ ᐊ ᐎ ᓂᓇᐃᑕᒡ᙮ ᓂᔾ ᓂᑭ ᐅᒋᓴᒪᓂᑐᒥᑐᑕᑯᒡ ᑭᔭ ᐎᔨᐛᐤ ᓂᑭ ᐅᑦ ᐃᔨᒥᓐ᙮