ᐊᒃᓱᑕᔅ 32:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᐃᔅᐱ ᐃᔪᒡ ᒐ ᒋᔅᒐᔨᒪᒡ ᒧᓱᓴ ᐊᔅᐱᔅ ᐊᑲ ᓇᐅᔅ ᓂᑎᒋᐛᔨᒋ ᐱᔅᑯᑎᓇᒡ ᐅᒡ, ᒋ ᓂᑐᐛᐱᒪᐅᒡ ᐊᕋᓇ ᑭᔭ ᒂ ᐃᑕᒡ, “ᐅᓯᑎᒧᐅᓇᓐ ᒥᓂᑐᐧᑲᓐ ᒐ ᓂᑲᓂᔅᑯᐎᒥᑦ᙮ ᐛᔅ ᐅᐛ ᒧᓱᔅ ᑲ ᐸᒋ ᐎᐎᑕᔨᒥᑦ ᐃᒋᑉᑎᒡ ᐅᒡ, ᓇᒪ ᓂ ᒋᔅᒐᔨᒪᓇᓐ ᑕᓐ ᐊᑎᑦ᙮”

ᐊᒃᓱᑕᔅ 32:1 Iomraidhean Croise

ᒐᓂᓯᔅ 19:14

ᓗᑦ ᒂ ᓂᑐᐛᐱᒪᑦ ᐊᓂᔭ ᓇᐸᐛ ᑲ ᐎᐎᒋᒪᔨᒋ ᐅᑕᓂᓴ, ᒂ ᐃᑕᑦ, “ᐃᔭᓯᒋᒄ, ᓂᑭᑎᒥᒄ ᐅ ᐅᑕᓇᐤ, ᐛᔅ ᑎᐸᔨᒋᒐᓱᐤ ᒋᑭ ᓂᓱᐅᓇᒋᑕᐤ ᐅᔭ ᐅᑕᓇᔪᐤ᙮” ᒥᒄ ᐅᐎᑥᐤ ᒋ ᐃᑕᔨᒥᑯᐤ ᐅᓇᒋᒪ ᑭᔭ ᓇᒪ ᐅᒋ ᑕᑈᑕᑯᐤ᙮

ᒐᓂᓯᔅ 21:26

ᒥᒄ ᐊᐱᒪᓕᒃ ᒋ ᐃᑕᐤ, “ᓇᒪ ᓂ ᒋᔅᒐᔨᒪᐤ ᐊᐛᓐ ᐅᔭ ᑲ ᐃᑐᑕᐧᒃ ᓇᒪ ᒋ ᐅᒋ ᐎᑎᒧᐅᓐ ᓂᑦ ᐊᐱᒋᐊᑭᓐᒡ ᑲᒋ ᐅᑎᓇᒡ ᐅᔭ ᒧᓇᐃᐸᓂᔪᐤ ᑭᔭ ᐃᔭᒄ ᐅ ᐊᓄᒡ ᐱᔭᑎᒪᓐ᙮”

ᒐᓂᓯᔅ 39:8

ᒥᒄ ᓇᒪ ᐅᒋ ᑕᑈᑐᐛᐤ ᒍᓯᑉ᙮ ᒂ ᐃᑕᑦ, “ᓂᒋ ᒥᔨᒄ ᓄᒋᒪᒻ ᒐᒋ ᑭᓄᐛᔨᑎᒧᒡ ᒥᓯᐛ ᒐᒂᔪᐤ ᐊ ᐃᔅᐱᔨᒡ ᐅᑕ ᓄᑎᒻ ᐎᒋᒡ᙮ ᓂᒋ ᑕᑈᐅᒐᔨᒥᒄ ᒐᒋ ᑭᓄᐛᔨᑎᒧᒡ ᒥᓯᐛ ᒐᒂᔪᐤ ᑕᐱᔨᐛᐅᓯᑦ᙮

ᒐᓂᓯᔅ 44:15

ᐊᑯ ᒍᓯᑉ ᐊᑕᑦ, “ᒐᒂᓐ ᐅ ᑲ ᐃᑐᑎᒪᒄ ? ᓇᒪ ᓇ ᒋ ᐅᒋ ᒋᔅᒐᔨᑕᓇᐛᐤ ᐊᓐ ᓇᐸᐤ ᑕᐸᔨᒋᒐᑦ ᒧᔭᒻ ᓂᔾ ᐊᔭᑦ ᓱᐧᑲᑎᓯᐅᓂᔪᐤ ᒐ ᒋᔅᒐᔨᑕᐧᒃ ᒐᒂᔪᐤ ᐊ ᐊᑲ ᑯᑎᑲ ᒋᔅᒐᔨᑎᒥᔨᒋ ?”

ᒐᓂᓯᔅ 44:4

ᐃᔅᐱ ᑲᒋ ᓂᑭᑕᒡ ᐅᑕᓇᔪᐤ ᑭᔭ ᐊᑲ ᐛᔪᐤ ᐅᒋ ᑕᒡ, ᒍᓯᑉ ᒋ ᐃᑕᐤ ᐅᑭᓄᐛᔨᑎᔭᑭᓇ ᒐᒋ ᓇᓴᐛᔨᒋ ᐊᓂᔭ ᐎᐧᑲᓂᓯᒪᐛ ᑭᔭ ᒐ ᓂᑲᓇᔨᒋ ᒐ ᐊᑲ ᐊᑎᑐᐤ ᒋ ᔅᑐᑕᔨᒋ᙮ ᒋ ᐃᑕᐤ ᐅᑭᓄᐛᔨᑎᔭᑭᓇ ᒐᒋ ᒥᔭᔨᒋ ᐅᔭ ᐃᔨᒧᐅᓂᔪᐤ, “ᒐᒂᓐ ᐛᒋ ᒋᐛᑎᐸᒪᒐᔭᒄ ᑲ ᒪᔭᑎᒡ ᒥᔅᑯᒡ ᑲ ᒥᔽᓯᒡ ?

ᑎᐱᑦ ᐅᓂᑭᒧᐅᓇ 106:19

ᒋ ᐅᓯᐊᐅᒡ ᒥᓂᑐᐧᑲᓇ ᒥᒋᑎᒂ ᐊ ᐃᓯᓇᑯᓯᔨᒋ ᐦᐅᕋᐱᒡ, ᑭᔭ ᒋ ᐊᔭᒥᐊᔅᑐᐛᐅᒡ ᑎᒋᓯᑭᓂ ᒥᓂᑐᐧᑲᓇ᙮

ᐊᒃᓱᑕᔅ 13:21

ᒐᓯᑲᔨᒋ ᑎᐸᔨᒋᒐᓱᐛ ᒋ ᓂᑲᓄᑕᔨᑯᐅᒡ ᑭᔅᑯᐅᓂᔅᑯᒡ ᐊ ᐛᐸᑎᔨᑯᒡ ᑕᓐᑕ ᒐ ᐃᑐᑕᒡ ᑭᔭ ᐃᔅᑯᑕᐤ ᓯᑥᔎᐃᑭᓂᒡ ᒐᒋ ᐛᐸᑕᒡ ᑕᐱᔅᑲᔨᒋ᙮

ᐊᒃᓱᑕᔅ 14:11

ᒂ ᐃᑕᒡ ᒧᓱᓴ, “ᓇᒪ ᓇ ᐅᒋᑎᑯᓇ ᓂᒂᔅᑲᓇ ᐊᓐᑕ ᐃᒋᑉᑎᒡ ? ᒋᒋ ᐸᓱᐅᓇᓐ ᐊ ᐅᑕ ᐸᐧᑯᑎᔅᑭᒥᑲᒡ ᒐᒋ ᓂᐱᔭᒡ ? ᒋ ᐛᐸᑕᓐ ᐊ ᐊᑐᑎᒥᓐ ᑲ ᐎᐎᑕᔨᔭᒡ ᐃᒋᑉᑎᒡ !

ᐊᒃᓱᑕᔅ 16:3

ᐊ ᐃᑕᒡ, “ᑭᒪ ᒋ ᓂᐸᐃᒥᑎᑕᒂ ᑎᐸᔨᒋᒐᓱᐤ ᐊᓐᑕ ᐃᒋᑉᑎᒡ ! ᐃᔅᐱ ᐊᓐᑕ ᑲ ᐎᒋᔭᒡ, ᐊᔪᐛᒡ ᓂᒋ ᐛᔅᑲᐱᔅᑕᓇᓐ ᐊᔅᒋᒂ ᐊ ᓴᑭᔅᒋᓇᒡ ᐎᔭᔅ ᑭᔭ ᓂᒋ ᒥᒋᓇᓐ ᒥᒋᒻ ᒥᒄ ᐊᔅᐱᔅ ᓂᑐᐛᔨᑎᒪᒡ, ᒥᒄ ᔅᒋ ᐸᓱᐅᓇᓐ ᐅᑕ ᐸᐧᑯᑎᔅᑭᒥᑲᒡ ᒐᒋ ᒥᓯᐛ ᑯᐧᑭᑕᐊᔭᒡ᙮”

ᐊᒃᓱᑕᔅ 20:23

ᒐ ᐊᑲ ᐅᓯᐊᑯᒡ ᒥᓂᑐᐧᑲᓐᒡ ᐊ ᓱᓇᔭᐱᔅᑯᐅᒡ ᑭᔭ ᒪᒃ ᐊ ᐎᓴᐅᓱᓇᐱᔅᑯᐅᒡ ᒐᒋ ᐊᔭᒥᐊᔅᑐᐛᑯᒡ ᒥᔅᑯᒡ ᓂᔾ᙮

ᐊᒃᓱᑕᔅ 24:12

ᐊᑯ ᑎᐸᔨᒋᒐᓱᐤ ᐊᑕᑦ ᒧᓱᓴ, “ᐸᒋ ᓴᑭᒋᐛ ᐱᔅᑯᑎᓇᐤ ᑭᔭ ᐛᐃᐱᔅᒋᔅ ᐅᑕ ᒐ ᑕᔨᓐ᙮ ᓂᓱ ᑲ ᐱᐱᒋᓯᒡ ᐊᓯᓂᔨᒡ ᒋᑭ ᒥᔨᑎᓐ ᐊᓐᑕ ᑲ ᒥᓯᓇᐊᒪᓐ ᐃᑎᓱᐛᐅᓇ ᓂᑦ ᐃᔨᒥᒡ ᒐ ᐎ ᓇᓴᐊᒡ᙮”

ᐊᒃᓱᑕᔅ 24:18

ᐊᑯ ᒧᓱᔅ ᓯᔭᑭᒋᐛᑦ ᑲ ᑭᔅᑯᐅᓄᐎᒡ ᐱᔅᑯᑎᓇᔪᐤ ᑭᔭ ᓇᐎᔪᐛ ᒋᓯᑲᐛ ᑭᔭ ᓇᐎᔪᐛ ᑎᐱᔅᑲᐛ ᒋ ᐃᔅᐱᔅ ᑕᐤ ᐊᓐᑕ ᐱᔅᑯᑎᓇᒡ᙮

ᐊᒃᓱᑕᔅ 32:11

ᒥᒄ ᒧᓱᔅ ᒋ ᓂᑐᑎᒧᐛᐤ ᐅᒋᓴᒪᓂᑐᒪ ᑎᐸᔨᒋᒐᓯᐛ ᐊ ᐃᑕᑦ, “ᐅᑎᐸᔨᒋᒐᐤ, ᒐᒂᓐ ᒋᐸ ᐅᒋ ᒋᔄᐱᔅᑐᐛᐅᒡ ᒋᑦ ᐃᔨᒥᒡ, ᐊᓐᒡ ᐃᒋᑉᑎᒡ ᑲ ᐅᒋ ᐎᐎᑕᐃᑥᐤ ᒋᓱᐧᑲᑎᓯᐅᓂᒡ ᐅᒡ ?

ᐊᒃᓱᑕᔅ 32:22

ᐊᕋᓐ ᒂ ᐃᑕᑦ, “ᐊᑲ ᒋᔄᐱᔅᑐᐎ, ᒋ ᒋᔅᒐᔨᒪᐅᒡ ᐅᒡ ᐃᔪᒡ ᐊᔅᐱᔅ ᓱᒐᔨᒧᒡ ᒐᒋ ᒥᒋᑐᑕᒡ᙮

ᐊᒃᓱᑕᔅ 32:23

ᓂᒋ ᐃᑎᑯᒡ ᐊᓐᒡ ᐃᔪᒡ, ‘ᓇᒪ ᓂ ᒋᔅᒐᔨᒪᓇᓐ ᑕᓐ ᐊ ᐃᑎᑦ ᐅ ᓇᐸᐤ ᒧᓱᔅ, ᐊᓐ ᑲ ᐎᐎᑕᔨᒥᑦ ᐃᒋᑉᑎᒡ ᐅᒡ, ᐅᓯᑎᒧᐅᓇᓐ ᒪᒃ ᒥᓂᑐᐧᑲᓐ ᒐᒋ ᒋᔅᒋᓄᑕᔨᒥᑦ !’

ᐊᒃᓱᑕᔅ 32:7

ᐊᑯ ᑎᐸᔨᒋᒐᓱᐤ ᐊᑕᑦ ᒧᓱᓴ, “ᓂᑎᒋᐛ, ᐛᔅ ᒋᑦ ᐃᔨᒥᒡ ᐊᓐᒡ ᐃᒋᑉᑎᒡ ᑲ ᐅᒋ ᐎᐎᑕᐃᑥᐤ, ᓴᔅ ᒥᒐᑎᓯᐅᒡ᙮

ᐊᒃᓱᑕᔅ 33:3

ᒋᑭ ᐃᑐᑕᓇᐛᐤ ᐊᔅᒋᒡ ᐊᓐᑕ ᐊ ᐛᔪᑎᓯᒡ ᒋᒋᓇᐳᔭᐎᒡ ᑭᔭ ᑲᓯᐛᓯᐛᐳᔾ, ᒥᒄ ᓇᒪ ᒋᑭ ᒋ ᐎᒐᐅᑎᓇᐛᐤ ᐅᓴᒻ ᒋᔨᐛᐤ ᐅ ᑲ ᒥᔅᑯᔅᑎᒂᓇᒡ ᐃᔪᒡ ᑭᔭ ᒂᔄᓐ ᒋᑭ ᒋ ᓂᓱᐅᓇᒋᐃᑎᓇᐛᐤ ᒪᒂᒡ ᐊᑎ ᐱᒧᑕᔭᒄ᙮”

ᒪᑎᔪᐤ 24:43

ᐎ ᓂᔅᑐᑎᒧᒄ ᒪᒃ ᐅ᙮ ᒧᔭᒻ ᐊᐛᓐ ᐎᒋᒡ ᐊ ᑕᑦ ᒋᔅᒐᔨᒪᑦ ᑲᓂᑕᐅᒋᒧᑎᔨᒋ ᒐ ᐸᒋ ᑎᑯᓯᓂᔨᒋ, ᒋᐸ ᐊᔭᔅᑯᐎᔅᑐᐛᐤ᙮ ᐊᑐᒡ ᐎ ᒋᐸ ᐅᒋ ᐱᔅᑎᓇᐤ ᒥᒄ ᒐᒋ ᐃᓯ ᑭᒐᒧᑎᔨᒋ ᐊᓐᑕ ᐎᒋᒡ᙮

ᒪᑎᔪᐤ 24:48

ᒥᒄ ᒪᒃ ᒥᒋ ᐊᐱᒋᐊᑭᓐ ᐃᑕᔨᑕᒐ, ᐊᔅᒄ ᓇᐅᔅ ᒐ ᐃᔅᐱᔅ ᑎᑯᓯᐧᒃ ᒥᓐ ᓄᒋᒪᒻ᙮

ᐊᑈᔅᑕᓇᒡ 17:29

“ᐊ ᐅᑦ ᐊᐛᓯᒥᑐᑕᑕᒄ ᒪᒃ ᒋᓴᒪᓂᑐᐤ, ᓇᒪ ᒋᐸ ᐅᒋ ᐃᑕᔨᒪᓄᐤ ᒋᓴᒪᓂᑐᐤ ᑕᐱᔅᑯᓐ ᒥᓂᑐᐧᑲᓇ ᒐᒋ ᐃᑕᔨᑕᑯᓯᑦ ᐛᔅ ᓇᐸᐤ ᐅᓯᐊᐤ ᒥᓂᑐᐧᑲᓇ ᓱᓇᔭᐱᔅᑯᒡ ᑭᔭ ᐛᐱᓱᓇᔭᐱᔅᑯᒡ ᒪᒃ ᐊᓯᓂᒡ ᐅᒡ, ᐎᔾ ᐅᑭᔅᒋᐅᓐ ᐊ ᐊᐱᒋᑕᑦ᙮

ᐊᑈᔅᑕᓇᒡ 19:26

ᒥᒐᑦ ᒋ ᐃᑐᑐᐛᐤ ᐃᔪᐛ ᒐᒋ ᑕᑈᑎᒥᔨᒋ ᑕᓐ ᐊ ᐃᓯ ᒋᔅᑯᑎᒪᒐᑦ ᒐ ᐊᑲ ᒋ ᐊᔭᒥᐊᔅᑎᒥᔨᒋ ᒐᒂᔪᐛ ᓱᓇᔭᐱᔅᑯᒡ ᐊᒋ ᐅᒋ ᐅᓯᑕᑭᓄᔨᒋ᙮ ᒥᒐᑦ ᒪᒃ ᐊᐛᔪᐛ ᒋ ᑕᑈᑕᑯᐤ ᐅᑕ ᐃᐱᓴᔅ ᑲ ᑕᔨᒋ ᑭᔭ ᒥᓯᐛ ᐊᓐᑕ ᐊᐃᓴ ᐊᔅᒋᒡ ᑲ ᑕᔨᒋ᙮

ᐊᑈᔅᑕᓇᒡ 7:40

ᒋ ᐃᑕᐅᒡ ᒪᒃ ᐊᓂᔭ ᐊᕋᓇ, ᐅᓯᑎᒧᐅᓇᓐ ᒥᓂᑐᐧᑲᓐᒡ ᒐᒋ ᓂᑲᓄᑕᐊᑭᓄᐎᒡ ᐊᓐᑕ ᐊ ᐃᑐᑕᔭᒡ, ᐛᔅ ᓇᒪ ᓂ ᒋᔅᒐᔨᒪᓇᓐ ᑕᓐ ᐊ ᐃᔅᐱᔨᑦ ᒧᓱᔅ, ᐊᓐ ᑲ ᐎᐧᑯᒋᐃᔨᒥᑦ ᐊᓐᑕ ᐃᒋᑉᑎᒡ ᐅᒡ᙮

2 ᐱᑕᕐ 3:4

ᒋᑭ ᐃᔅᒋᔄᐅᒡ ᒪᒃ ᐊ ᒪᔭᔨᒥᑕᑯᒡ, “ᑕᓐ ᒪᒃ ᐅ ᒐ ᑎᑯᓯᐧᒃ ᐅᑎᐸᔨᒋᒐᐤ ᒧᔅ ᑲ ᐸᒋ ᐊᔨᒧᒪᒄ᙮ ᑲ ᐃᔅᐱᔅ ᒋ ᐸᒋ ᑎᒂᒡ ᐅ ᐊᔅᒋᔾ ᒥᓯᐛ ᒐᒂᓐ ᒧᔅ ᐸᐃᑯᓄᒡ ᐃᔅᐱᔪᐤ᙮”