ᐊᒃᓱᑕᔅ 30:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᑭᔭ ᐛᑕᑯᓯᔨᒋ ᐃᔭᐱᒡ ᒋᑭ ᐃᔎᓯᐊᒻ ᑲᐎᒋᒪᑯᓯᔨᒋ ᐃᔅᐱ ᓴᔅᑲᐛᒋ ᐛᔅᑕᓂᐱᒪᑭᓇ᙮ ᓇᓂᑎᒻ ᒋᑭ ᐎ ᐃᔎᓴᑭᓄᐤ ᒐ ᐃᔅᐱᔅ ᐊᓂᔅᒐ ᐱᒪᑎᓯᓇᓄᐅᒡ᙮

ᐊᒃᓱᑕᔅ 30:8 Iomraidhean Croise

ᑎᐱᑦ ᐅᓂᑭᒧᐅᓇ 141:2

ᐊᑯᔅ ᓂᑦ ᐊᔭᒥᐊᓐ ᒋᑭ ᐎᔨᔅᑎᒪᑯᐅᓐ ᒧᔭᒻ ᐎᒋᒪᓯᑭᓐ; ᑭᔭ ᐊ ᐅᐱᓂᔅᒐᔨᔭᓐ ᒧᔭᒻ ᐅᑕᑯᓯᐤ ᐱᔅᑎᓂᒐᐅᓐ᙮

ᐊᒃᓱᑕᔅ 12:6

ᒋᑭ ᑭᓄᐛᔨᒪᐛᐤ ᒪᒃ ᐃᔅᐱᔅ ᓇᐅᓴᑉ ᐊ ᒋᓯᑲᒡ ᐊᓐ ᐱᓯᒻ: ᑭᔭ ᒥᓯᐛ ᑲ ᒪᒧᐎᒡ ᐃᔅᕋᐃᓪ ᐃᔪᒡ ᒋᑭ ᓂᐸᐊᐅᒡ ᐊᑎ ᐅᑕᑯᓯᔨᒐ᙮

ᐊᒃᓱᑕᔅ 25:37

ᒋᑭ ᐅᓯᐊᐅᒡ ᓂᔄᐅᑕᒡ ᐛᔅᑕᓂᐱᒪᑭᓇ ᑭᔭ ᒋᑭ ᐃᓯᓇᒂᐅᒡ ᓂᑲᓐ ᐃᑕᒐ ᒐᒋ ᐛᔅᑕᔨᒡ ᐛᔅᑕᓂᐱᒪᑭᓇᔅᑯᒡ᙮

ᐊᒃᓱᑕᔅ 27:21

ᐊᕋᓐ ᑭᔭ ᐅᑯᓴ ᒋᑭ ᐊᔭᔅᑯᔅᑕᐅᒡ ᐛᔅᑕᓂᐱᒪᑭᓇᔅᑯᔪᐤ ᐊᓐᑕ ᐸᔭᒋ-ᐱᒍᐎᔭᓂᒋᐛᐱᒡ ᐎᐎᑎᒥᒡ ᐊᑯᑕᔨᒡ ᐊᑯᐛᑲᐃᑭᓂᔪᐤ ᐅᑎᔅᑯᐤ ᐸᔭᒋ-ᒥᐅᑎᔪᐤ᙮ ᐊᓯᑯᒻ ᑕᐱᔅᑲᐛ ᒋᑭ ᐎ ᐛᔅᑕᐤ ᐛᔅᑕᓂᐱᒪᑭᓇᔅᒄ ᐃᔅᐱᔅ ᒋᔭᒋᓴᐸᔭᒋ᙮ ᒧᔅ ᑲᒋᒡ ᒋᑭ ᐎ ᓇᑭᑐᐛᔨᑎᒧᒡ ᐃᔅᕋᐃᓪ ᐃᔪᒡ ᑭᔭ ᐅᑦ ᐊᓂᔅᑯᑕᐸᓄᐛᐛ ᐅᔭ ᐃᑎᓱᐛᐅᓂᔪᐤ᙮”

ᐊᒃᓱᑕᔅ 30:7

ᐊᑯ ᐊᕋᓐ ᒋᑭ ᐎ ᐃᔎᓯᒻ ᑲᐎᒋᒪᑯᓯᔨᒋ ᐊᓐᑕ ᐱᔅᑎᓂᒐᐅᓇᐱᔅᑯᒡ ᐊᓯᑯᒻ ᒋᔭᒋᓴᐸᔭᔨᒋ ᐃᔅᐱ ᐊ ᐃᑐᑐᐛᒋ ᐛᔅᑕᓂᐱᒪᑭᓇ᙮

ᐊᒃᓱᑕᔅ 30:9

ᒐ ᐊᑲ ᐱᔅᑎᓂᒐᔨᓐ ᐊᓐᑕ ᐱᔅᑎᓂᒐᐅᓇᐱᔅᑯᒡ ᐊᑲ ᐸᔭᒋᓇᒂᔨᒋ ᑲᐎᒋᒪᑯᓯᔨᒋ ᑭᔭ ᒪᒃ ᒐᒋ ᒥᑐᔅᑕᐊᒪᔨᓐ ᐎᔭᔅ ᑭᔭ ᒪᒃ ᓂᑕᐅᒋᑕᑭᓐ, ᑭᔭ ᒪᒃ ᒐᒋ ᐳᐅᓂᒥᓐ ᓱᒥᓇᐳᔾ ᐊᓐᑕ ᐱᔅᑎᓂᒐᐅᓇᐱᔅᑯᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:34

ᓇᒪ ᒪᒃ ᐊᐛᓐ ᒋᑭ ᒋ ᓂᓱᐅᓇᒋᒪᐤ ᒋᓴᒪᓂᑐᐛ ᐅᐅᑎᓇᑭᓂᔪᐛ ᒐᒋ ᐃᔅᒋᔄᑦ ᐊ ᐃᑕᔨᑕᑯᓂᔨᒡ ᒐᒋ ᐛᐛᓯᐊᑭᓄᔨᒋ ᐅᒥᒋᑥᐅᓂᔪᐤ ᐅᒡ᙮ ᐛᔅ ᓇᒪ ᒥᒄ ᒋ ᐅᒋ ᓂᐱᔅᑎᒪᑭᓄᐤ ᙭ ᐊᔪᐤ ᒋ ᐅᓂᔅᑲᓇᑭᓄᐤ ᓂᐳᐅᓂᒡ ᐅᒡ᙮ ᒪᒂᒡ ᒪᒃ ᒋᓴᒪᓂᑐᐛ ᐅᒥᔪᐅᓂᒡ ᐊᐳᐤ ᐊ ᐊᔭᒥᐊᔅᑎᒪᑕᐧᒄ᙮

1 ᑕᓴᓗᓂᔭᓇ 5:17

ᒧᔅ ᐊᔭᒥᐊᒄ᙮

ᐃᑉᕈᐛ 7:25

ᓇᔅᒡ ᒋᑭ ᒋ ᐱᒪᒋᐊᐤ ᒥᓯᐛ ᐊᐛᔪᐛ ᑲ ᑕᑈᔭᔨᒥᑯᑦ ᐊ ᓇᑕᔨᒋ ᒋᓴᒪᓂᑐᐛ᙮ ᐛᔅ ᑲᒋᒡ ᐱᒪᑎᓯᐤ ᑭᔭ ᒧᔅ ᒐᒋ ᐃᔨᒥᔅᑎᒧᐛᑦ ᐅᑦ ᐃᔨᒪ᙮

ᐃᑉᕈᐛ 9:24

ᐛᔅ ᙭ ᒋ ᐱᒐᐤ ᐊᓂᔭ ᒪᐅᒡ ᑲ ᒋᔅᑕᔨᑕᑯᓂᔨᒡ ᐊᔭᒥᐊᐤ ᒥᒋᐛᐱᔪᐤ ᐊᓐᑕ ᒋᒋᒋᓯᑯᒡ ᐊ ᑎᑯᓂᔨᒡ, ᐊᓂᔭ ᐊᑲ ᓇᐸᐛ ᐅᒋ ᐅᓯᑕᔨᒋ᙮ ᐅ ᒥᒋᐛᑉ ᐅᑕ ᐊᔅᒋᒡ ᑲ ᑎᒂᒡ ᓂᔅᐱᑐᒧᒥᑭᓐ ᐊ ᐃᓯᓇᒂᒡ ᐊᓐ ᒥᒋᐛᑉ ᒋᒋᒋᓯᑯᒡ ᐊ ᑎᒂᒡ᙮ ᒋᓴᔅ ᒪᒃ ᐊᓐᑕ ᒋᒋᒋᓯᑯᒡ ᐛᒋᒡ ᒋ ᐱᒐᐤ, ᐊᓐᑕ ᒧᔅ ᐊ ᐊᔭᒥᐊᔅᑎᒪᑕᐧᒄ ᒋᓴᒪᓂᑐᐛ ᐊ ᑕᔨᒋ᙮