22 ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ,
ᓇᓂᑎᒻ ᒋᑭ ᐎ ᒋᔅᑕᐸᐅᑕᐅᒡ ᐅᑎᒋᔨᐛᐛ ᑭᔭ ᐅᓯᑐᐛᐛ ᒐ ᐊᑲ ᐳᓂᐱᒪᑎᓯᒡ᙮ ᓇᓂᑎᒻ ᐅᔭ ᒋᑭ ᐎ ᓇᓴᐊᒧᒡ ᐎᓱᐛᐅᓂᔪᐤ ᑭᔭ ᓂᔭᐸᐎᒋ ᐅᑦ ᐊᓂᔅᑯᑕᐸᓄᐛᐛ ᒐ ᐸᒋ ᑕᔨᒋ᙮”
“ᒐ ᐎᑎᒧᐅᑥᐤ ᑲ ᑭᔅᒋᑕᒡ ᐊᑐᔅᒐᒡ ᒐᒋ ᒪᒧᓴᒋᓇᒡ ᓂᐱᓯᔭ ᑲ ᐎᒋᒪᑯᓂᔨᒋ: ᓂᓴᑉ ᑎᐸᐸᑲᐃᑭᓇ ᑲ ᐎᒋᒪᑯᓯᔨᒋ ᑐᒥᓂᑭᓇ ᑭᔭ ᐊᓱᑕᒡ ᑎᐸᐸᑲᐃᑭᓇ ᑲ ᐎᒋᒪᓱᔨᒋ ᐱᒍᐛ᙮
ᑭᔭ ᐱᔅᑎᓂᒐᐅᓇᐱᔅᒄ ᐊᓐᑕ ᒐ ᓯᔅᑲᐃᑭᓂᔨᒋ ᑲᐎᒋᒪᑯᓯᔨᒋ ᑭᔭ ᒥᔅᑎᑯᒡ ᒐ ᐅᒋ ᑕᐧᑯᓂᑭᓄᐅᒡ ᐱᔅᑎᓂᒐᐅᓇᐱᔅᒄ᙮ ᑐᒥᓂᒐᐅ-ᐱᒥᔾ ᑭᔭ ᐎᒋᒪᓯᑭᓐ, ᐊᑯᐛᑲᐃᑭᓐ ᐊᓐᑕ ᒐ ᐊᑯᑕᒡ ᐛᒋ ᐱᔨᒐᓄᐅᒡ ᐸᔭᒋ-ᐱᒍᐎᔭᓂᒋᐛᐱᒡ᙮
ᒋ ᐅᓯᐊᐤ ᐃᔭᐱᒡ ᐸᔭᒋ ᑐᒥᓂᒐᐅ-ᐱᒥᔭ ᑭᔭ ᐎᒋᒪᓯᑭᓂᔪᐤ ᐊ ᒪᒧᐱᔨᑕᑦ ᒧᔭᒻ ᑲᐎᒋᒪᑯᓯᔨᒡ᙮
ᑭᔭ ᐎᔄᐅᓱᓇᔭᐤ ᐱᔅᑎᓂᒐᐅᓇᐱᔅᒄ ᐊᓐᑕ ᒐ ᓯᔅᑲᐃᑭᓂᔨᒋ ᑲ ᐎᒋᒪᑯᓯᔨᒋ ᑭᔭ ᑐᒥᓂᒐᐅ-ᐱᒥᔭ ᑭᔭ ᐎᒋᒪᓯᑭᓂᔪᐤ, ᑭᔭ ᐊᑯᐛᑲᐃᑭᓂᔪᐤ ᐊᓐᑕ ᒐ ᐊᑯᑕᔨᒡ ᐛᒋ ᐱᔨᒐᓄᐎᒡ ᐸᔭᒋ-ᐱᒍᐎᔭᓂᒋᐛᐱᔪᐤ᙮
