ᐊᒃᓱᑕᔅ 3:9 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁹ ᒋ ᐱᑯᓴᔨᑎᒧᒡ ᐃᔅᕋᐃᓪ ᐃᔪᒡ ᒐᒋ ᐎᒋᐃᒂᐤ, ᑭᔭ ᓂᒋ ᐛᐸᑕᓐ ᐊ ᐃᓯ ᓇᐧᑲᒋᐃᑯᒡ ᐃᒋᑉᑦ ᐃᔪᐛ᙮

ᐊᒃᓱᑕᔅ 3:9 Iomraidhean Croise

ᒐᓂᓯᔅ 16:11

ᑎᐸᔨᒋᒐᓱᐛ ᐅᑦ ᐊᓐᒋᓂᒥᔪᐛ ᐃᔭᐱᒡ ᒂ ᐃᑎᑯᑦ, “ᓂᑐᑐᐎ, ᒋᑭ ᐅᑯᓯᓐ᙮ ᐃᔅᒪᐃᓪ ᒐ ᐃᓯᓂᐧᑲᑎᑦ, ᐅᓴᒻ ᑎᐸᔨᒋᒐᓱᐤ ᒋ ᐸᑎᒻ ᑲ ᐃᔅᐱᔅ ᓂᓇᐧᑲᑕᔨᑎᒥᓐ᙮

ᒐᓂᓯᔅ 31:12

ᒂ ᐃᔅᒋᔄᑦ, ‘ᒋ ᑕᐱᒥᒡ ᐊᐛᓯᓯᒡ, ᒥᓯᐛ ᐊᓐᒡ ᒥᔅᑐᓯᒡ ᐛᓴᑯᐅᒡ ᐸᐸᑕᐅᓯᐅᒡ ᑭᔭ ᐸᐱᒥᓯᓇᓱᐅᒡ᙮ ᓂ ᑐᑕᓐ ᐅ ᒐᒋ ᐃᓯᓇᒂᒡ ᐛᔅ ᓂᒋ ᐛᐸᑎᒺᓐ ᐊᓯ ᐎᔭᓯᒥᔅᒃ ᓚᐸᓐ᙮

ᑎᐱᑦ ᐅᓂᑭᒧᐅᓇ 12:5

“ᐊ ᐊᔨᒥᐊᑭᓄᐎᒡ ᐅᒋᔅᑎᒪᒋᓯᐅᒡ, ᐅᓇᐃᑎᒧᒡ ᑲ ᓇᐧᑲᑎᓯᒡ, ᐊᑯ ᒐ ᐱᓯᑯᔭᓐ,” ᐃᔅᒋᔄᐤ ᑎᐸᔨᒋᒐᓱᐤ; “ᓂᑭ ᐱᒪᒋᐊᐤ ᐊᓂᔭᔪᐛ ᑲ ᐳᑕᑎᑯᑦ ᐅᒋ᙮”

ᑎᐱᑦ ᐅᓂᑭᒧᐅᓇ 9:14

ᒐᒋ ᐛᐸᑎᔨᐛᔭᓐ ᒥᓯᐛ ᒋᒪᒥᒋᒥᑯᓯᐎᓐ ᐅᒋᒋᐃᔎᑕᒥᒡ ᓴᐃᔭᓐ ᐅᑕᓂᓴ: ᓂᑭ ᒥᔽᔨᑕᓐ ᒋᐱᒪᒋᐃᐛᐅᓂᒡ᙮

ᐊᒃᓱᑕᔅ 1:11

ᐊᑯ ᐃᒋᑉᑦ ᐃᔪᒡ ᒂ ᑎᔭᒡ ᐅᒋᒪᐤ ᐊᐱᒋᐊᑭᓇ ᐃᔅᕋᐃᓪ ᐃᔪᐛ ᐊ ᑕᔨᒋ ᒐᒋ ᓇᓇᑭᒐᔨᒋ ᑭᔭ ᒐ ᒥᔅᑎ ᐊᑐᔅᑲᐊᔨᒋ᙮ ᐃᔅᕋᐃᓪ ᐃᔪᒡ ᒂ ᐅᓯᑕᒡ ᐱᑐᒻ ᑭᔭ ᕋᒪᓯᔅ ᐅᑕᓇᐛ, ᐊᓐᑕ ᒐ ᐊᔅᑕᓱᐅᔨᒋ ᒋᓴᐅᒋᒪᐛ᙮

ᐊᒃᓱᑕᔅ 1:22

ᐊᑯ ᒋᓴᐅᒋᒪᐤ ᒂ ᐃᑎᓱᒪᑦ ᐅᑦ ᐃᔨᒪ, “ᒥᓯᐛ ᑕᑐᐤ ᐃᑉᕈᐤ ᓇᐸᓯᒡ ᐊ ᐃᔪᑥᐎ, ᓇᐃᔭᓪ ᓯᐱᒡ ᐊᓐᑕ ᒐ ᐱᑭᔅᑐᐛᐱᓇᑯᒡ, ᐊᑯ ᐊᓐᒡ ᐊ ᐃᔎᓯᐅᒡ ᒐ ᐊᑲ ᓂᐸᐊᑯᒡ᙮”

ᐊᒃᓱᑕᔅ 1:8

ᐊᑯ ᐊ ᐅᔅᒋᑦ ᒋᓴᐅᒋᒪᐊᐤ ᒋ ᑕᐤ, ᐊᓐᑕ ᐃᒋᑉᑎᒡ ᐊᑲ ᐅᒋ ᒋᔅᒐᔨᒪᑦ ᒍᓯᐸ᙮

ᐊᒃᓱᑕᔅ 2:23

ᓇᓇᒐ ᑲᒋ ᒥᒐᑐᐱᐳᓂᒡ ᒋ ᐳᓂᐱᒪᑎᓯᐤ ᐊᓐ ᐃᒋᑉᑦ ᒋᓴᐅᒋᒪᐤ, ᐃᔅᕋᐃᓪ ᐃᔪᒡ ᒋ ᓂᓇᐧᑲᒋᒧᐅᒡ ᐊᔅᒄ ᐊ ᒪᑯᓇᑭᓄᐅᒡ ᐊᓐᑕ ᐃᒋᑉᑎᒡ᙮ ᒋ ᐸᑕᑯᐅᒡ ᒋᓴᒪᓂᑐᐛ ᐊ ᓂᓇᐧᑲᒋᒧᒡ᙮

ᐊᒃᓱᑕᔅ 2:25

ᒋᔅᒐᔨᒪᐤ ᑕᓐ ᑲ ᐃᔅᐱᔨᒋ ᐅᑦ ᐃᔨᒪ ᑭᔭ ᒋᔅᑎᒪᒐᔨᒪᐤ᙮

ᐊᒃᓱᑕᔅ 3:7

ᐊᑯ ᑎᐸᔨᒋᒐᓱᐤ ᐊᔅᒋᔄᑦ, “ᓂᒋ ᐛᐱᒪᐅᒡ ᑕᓐ ᐊᔅᐱᔅ ᓂᓇᐧᑲᑕᔨᒧᒡ ᓂᑦ ᐃᔨᒥᒡ ᐊᓐᑕ ᐃᒋᑉᑎᒡ᙮ ᓂᒋ ᐸᑎᒺᓐ ᐊ ᐱᑯᓴᔨᑕᒡ ᒐᒋ ᐎᒋᐃᒂᐤ ᐛᔅ ᐊᑲ ᒥᔪᑐᑐᐛᑭᓄᐅᒡ ᑭᔭ ᓂ ᒋᔅᒐᔨᑎᒺᓐ ᐅᒥᓯᒪᐃᑎᒧᐅᓄᐛᐛ᙮