ᐊᒃᓱᑕᔅ 3:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᓂᒋ ᐸᒋ ᔭᓯᓐ ᒐᒋ ᐱᒪᒋᐃᒂᐤ ᐃᒋᑉᑦ ᐃᔪᐛ ᐅᓱᐧᑲᑎᓯᐅᓂᒡ ᐅᒡ ᑭᔭ ᒐᒋ ᐸᒋ ᐎᐎᑕᐃᒂᐤ ᐃᒋᑉᑎᒡ ᐅᒡ ᑭᔭ ᐊᓐᑕ ᐊ ᒥᔽᓯᔨᒡ ᐊᔅᒋᔪᐤ ᒐ ᐃᑐᑕᐃᒂᐤ, ᐊᓐᑕ ᐊ ᐛᔪᑎᓯᔨᒋ ᒋᒋᓇᐳᔭ ᑭᔭ ᑲᓯᐛᓯᐛᐳᔪᐤ, ᐊᓐᑕ ᐛᒋᔨᒋ ᑲᐃᓇᓐ ᐃᔪᐛ, ᐊᑦ ᐃᔪᐛ, ᐊᒧᕆ ᐃᔪᐛ, ᐸᕆᔅ ᐃᔪᐛ, ᐃᑉ ᐃᔪᐛ ᑭᔭ ᒐᐱᐅᔅ ᐃᔪᐛ᙮

ᐊᒃᓱᑕᔅ 3:8 Iomraidhean Croise

ᒐᓂᓯᔅ 11:5

ᐊᑯ ᑎᐸᔨᒋᒐᓱᐤ ᒪᒃ ᒋ ᐸᒋ ᔭᓯᐤ ᒐᒋ ᒋᑕᐸᑕᐧᒃ ᐅᑕᓇᔪᐤ ᑭᔭ ᑲ ᐃᔅᐸᔨᒡ ᒥᒋᐛᐱᔪᐤ,

ᒐᓂᓯᔅ 11:7

ᐊᔅᑎᒻ ᔭᓯᑕᐤ ᑭᔭ ᒐ ᐃᑐᑐᐛᐧᑯᒡ ᑕᑎᐸᓐ ᒐ ᐃᓯ ᐃᔨᒥᒡ ᐃᔨᒧᐅᓇ ᒐ ᐊᑲ ᒋ ᓂᔅᑐᑕᑐᒡ᙮”

ᒐᓂᓯᔅ 15:13

ᐊᑯ ᑎᐸᔨᒋᒐᓱᐛ ᐊᑎᑯᑦ, “ᒐ ᐎ ᓂᔅᑐᑎᒥᓐ ᒐᒂᓐ ᒐ ᐎᑎᒪᑕᓐ, ᒋᓂᑕᐅᒋᐊᑭᓐᒡ ᒋᑭ ᐎᒍᐅᒡ ᐊᓐᑕ ᐊᔅᒋᒡ ᐊᑲ ᑎᐸᔨᑕᒡ᙮ ᒋᑭ ᓯᒋᒪᐅᒡ ᐃᔪᒡ ᐛᑎᔅᒋᒡ ᒐᒋ ᐊᑐᔅᒐᔅᑕᑯᒡ ᒋᓂᑕᐅᒋᐊᑭᓇ ᑭᔭ ᓇᐤ ᒥᑕᓯᒥᑎᓄᐛᐳᓇ ᐃᔅᐱᔅ ᒋᑭ ᐱᐛᔨᒪᑭᓄᐎᒡ᙮

ᒐᓂᓯᔅ 15:14

ᒥᒄ ᓂᑭ ᐊᓏᔨᒪᐛ ᐊᓂᔭ ᐊ ᐸᐃᑯᔅᑲᓇᓯᔨᒋ ᐊᑐᔅᒐᔅᑐᐛᒡ᙮ ᐊᑯ ᒋᓂᑕᐅᒋᐊᑭᓐᒡ ᒋᑭ ᓂᑭᑎᒧᒡ ᐊᓂᔭ ᒪᓐᑕᐤ ᐊᔅᒋᔪᐤ ᐛᔪᑎᓯᐅᓂᔪᐤ ᐊ ᔅᑐᑕᒡ᙮

ᒐᓂᓯᔅ 18:21

ᓂᑭ ᐃᑐᑕᓐ ᒐᒋ ᐛᐸᑎᒧᒡ ᒐᒂᓂᔪᐤ ᑲ ᐃᓯ ᑐᑕᒡ᙮ ᐊᑯ ᒐᔅᒐᔨᑎᒧᒡ ᑎᔭᑈᓄᐎᒂ᙮”

ᒐᓂᓯᔅ 43:11

ᐊᑯ ᐊᑎᑯᒡ ᐅᑕᐎᐛᐛ, “ᐛᓴ ᐊᑯ ᒐ ᐃᓯᓇᑯᓂᒂ, ᐊᑯ ᐃᑐᑎᒥᒄ ᐅᒪ᙮ ᒐ ᐅᑎᓂᒪᒄ ᑲ ᒥᔽᓯᔨᒋ ᒐᒂᔪᐛ ᑲ ᓂᑕᐅᒋᒋ ᒋᑦ ᐊᔅᒋᓇᒡ᙮ ᐃᑐᑐᐛᐧᒄ ᐊᓐ ᐃᔪᐤ ᒧᔭᒻ ᒥᔨᐛᐅᓇ, ᒥᔭᐧᒄ ᓱᑈᒋᐅᓂᔪᐤ, ᑲᓯᐛᓯᐛᐳᔪᐤ, ᑲᐎᒋᒪᑯᓯᔨᒡ, ᑭᔭ ᐱᐧᑲᓇ᙮

ᒐᓂᓯᔅ 46:4

ᒋᑭ ᐎᒐᐅᑎᓐ ᐃᑐᑕᔨᓇ ᐃᒋᑉᑎᒡ ᑭᔭ ᑲᐤ ᓂᑭ ᐸᓱᐛᐅᒡ ᒋᑦ ᐊᓂᔅᑯᑕᐸᓐᒡ ᐅᑕ ᐊᔅᒋᒡ᙮ ᐳᓂᐱᒪᑎᓯᔨᓇ ᒋᑯᔅ ᒍᓯᑉ ᒋᑭ ᑕᐤ ᐊᑕᐅᑦ᙮”

ᒐᓂᓯᔅ 50:24

ᒋ ᐎᓴᒪᐤ ᐎᐧᑲᓂᓴ ᒍᓯᑉ᙮ ᐃᔅᐱ ᒪᒃ ᑕᑯᓯᓂᔨᒋ ᐊᑯ ᐊᑕᑦ, “ᓴᔅ ᐎᐱᒡ ᓂᑭ ᐳᓂᐱᒪᑎᓯᓐ, ᒥᒄ ᒋᓴᒪᓂᑐᐤ ᒋᑭ ᒥᔪ ᑭᓄᐛᔨᒥᑯᐛᐤ ᑭᔭ ᒋᑭ ᒋᔅᒋᓄᑕᐃᑯᐛᐤ ᐃᒋᑉᑦ ᐊᔅᒋᒡ ᐅᒡ ᐊᓐᑕ ᐊᔅᒋᒡ ᒐ ᐃᓯ ᒋᔅᒋᓄᑕᔨᑕᒄ ᑲ ᐊᓱᑎᒧᐛᑦ ᒐᒋ ᒥᔭᑦ ᐊᑉᕋᐊᒪ, ᐊᐃᓯᑲ ᑭᔭ ᒐᑭᐸ᙮

ᑎᐱᑦ ᐅᓂᑭᒧᐅᓇ 12:5

“ᐊ ᐊᔨᒥᐊᑭᓄᐎᒡ ᐅᒋᔅᑎᒪᒋᓯᐅᒡ, ᐅᓇᐃᑎᒧᒡ ᑲ ᓇᐧᑲᑎᓯᒡ, ᐊᑯ ᒐ ᐱᓯᑯᔭᓐ,” ᐃᔅᒋᔄᐤ ᑎᐸᔨᒋᒐᓱᐤ; “ᓂᑭ ᐱᒪᒋᐊᐤ ᐊᓂᔭᔪᐛ ᑲ ᐳᑕᑎᑯᑦ ᐅᒋ᙮”

ᑎᐱᑦ ᐅᓂᑭᒧᐅᓇ 12:6

ᐅᑦ ᐃᔨᒧᐅᓇ ᑎᐸᔨᒋᒐᓱᐤ ᐸᔭᒋ-ᐃᔨᒧᐅᓂᔪᐛ; ᒧᔭᒻ ᓱᓇᔭᐱᔅᒄ ᑲ ᑯᒋᑕᑭᓄᐅᒡ ᐊᔅᒋᐤ ᐃᔅᑯᑕᐅᒋᐛᐱᒡ, ᓂᔄᐅᑕᒡ ᑕᑥᐤ ᑲ ᐸᔭᒋᑕᑭᓄᐅᒡ᙮

ᑎᐱᑦ ᐅᓂᑭᒧᐅᓇ 34:8

ᐅ ᑯᒋᔅᑎᒧᒄ, ᐛᐸᑎᒧᒄ ᑭᔭ ᐊ ᒥᔽᑎᓯᑦ ᑎᐸᔨᒋᒐᓱᐤ: ᓱᐛᔨᑕᑯᓱᐤ ᐊᓐ ᐃᔪᐤ ᑲ ᒪᒥᓯᑐᑐᐛᑦ᙮

ᑎᐱᑦ ᐅᓂᑭᒧᐅᓇ 91:15

ᓂᑭ ᓇᓂᑐᒥᒄ, ᓂᑭ ᓂᔅᑯᒪᐤ ᒪᒃ: ᓂᑭ ᐎᒐᐊᐤ ᐊᔨᒥᓯᒐ; ᓂᑭ ᐱᒪᒋᐊᐤ, ᑭᔭ ᓂᑭ ᒋᔅᑕᔨᒪᐤ᙮

ᐊᒃᓱᑕᔅ 12:41

ᐊᑯ ᐊᓂᔭ ᑲ ᐃᔎᐱᔨᒡ ᓇᐤ ᒥᑕᓯᒥᑎᓄᐤ ᐊᓱ ᓂᔅᑐᔪᐛ ᐱᐳᓇ, ᓇᐊᐤ ᐊᓂᔭ ᒋᓯᑯᔪᐤ ᐊᐅᑯᔪᐤ ᐊᓂᔭ ᑎᐸᔨᒋᒐᓱᐤ ᐅᑦ ᐃᔨᒪ ᑲ ᓂᑭᑕᒡ ᐃᒋᑉᑦ ᐊᔅᒋᔪᐤ᙮

ᐊᒃᓱᑕᔅ 12:51

ᑭᔭ ᓇᐊᐤ ᐊᓂᔭ ᒋᓯᑯᔪᐤ ᑎᐸᔨᒋᒐᓱᐤ ᒂ ᐎᐎᑕᐊᑦ ᐃᔅᕋᐃᓪ ᐃᔪᐛ ᐊᓐᑕ ᐃᒋᑉᑎᒡ ᐅᒡ᙮

ᐊᒃᓱᑕᔅ 13:5

ᐊᑯ ᐸᓱᐅᑕᒂ ᑎᐸᔨᒋᒐᓱᐤ ᐊᓐᑕ ᑲᐃᓇᓐ ᐃᔪᐛ, ᐊᑦ ᐃᔪᐛ, ᐊᒧᕆ ᐃᔪᐛ, ᐃᑉ ᐃᔪᐛ, ᒐᐱᐅᔅ ᐃᔪᐛ ᐅᑦ ᐊᔅᒋᔨᒡ, ᐊᓂᔭ ᐊᔅᒋᔪᐤ ᑲ ᐊᓱᑎᒧᐛᑦ ᒋᑦ ᐊᓂᔅᑯᑕᐸᓇᐛᐛ ᒐᒋ ᒥᔨᑕᒄ, ᐊᓐᑕ ᐊᔅᒋᔪᐤ ᐊ ᐛᔪᑎᓯᔨᒋ ᒋᒋᓇᐳᔭ ᑭᔭ ᑲᓯᐛᓯᐛᐳᔪᐤ, ᒐᒋ ᓇᑭᑐᐛᔨᑎᒪᒃ ᐅ ᒥᑯᓴᐅᓐ ᐅ ᐱᓯᒻ᙮

ᐊᒃᓱᑕᔅ 3:17

ᓂᒋ ᐊᓱᑎᒪᒐᓐ ᒐ ᐎᐎᑕᐃᒂᐤ ᓂᑦ ᐃᔨᒥᒡ ᐃᒋᑉᑎᒡ ᐅᒡ ᐊᓐᑕ ᑲ ᐃᔅᐱᔅ ᓂᓇᐧᑲᒋᐅᒡ ᑭᔭ ᒐ ᐃᑐᑕᐃᒂᐤ ᐊᓐᑕ ᐛᒋᔨᒋ ᑲᐃᓇᓐ ᐃᔪᐛ ᑭᔭ ᐊᑦ ᐃᔪᐛ ᑭᔭ ᐊᒧᕆ ᐃᔪᐛ ᑭᔭ ᐸᕆᔅ ᐃᔪᐛ ᑭᔭ ᐃᑉ ᐃᔪᐛ ᑭᔭ ᒐᐱᐅᔅ ᐃᔪᐛ, ᐊᓐᑕ ᐊ ᐛᔪᑎᓯᔨᒋ ᒋᒋᓇᐳᔭ ᑭᔭ ᑲᓯᐛᓯᐛᐳᔪᐤ᙮” ’

ᐊᒃᓱᑕᔅ 34:11

ᒐ ᓂᓇᐃᑎᒥᓐ ᑕᓐ ᐊᐃᑎᓱᒥᑕᓐ ᐊᓄᒡ ᒐᓯᑲᒡ᙮ ᓂᑭ ᐃᑲᑎᓴᐛᐅᒡ ᐅᑎᔅᑯᐤ ᐊᐃᑕᔨᓐ ᐊᒧᕆ ᐃᔪᒡ, ᑲᐃᓇᓐ ᐃᔪᒡ, ᐊᑦ ᐃᔪᒡ, ᐸᕆᔅ ᐃᔪᒡ, ᐃᑉ ᐃᔪᒡ, ᒐᐱᐅᔅ ᐃᔪᒡ, ᒥᒄ ᒋᑭ ᐎ ᑐᑕᓐ ᒐᒂᓐ ᒐ ᐃᑎᓱᒥᑕᓐ ᐊᓄᒡ᙮

ᐊᒃᓱᑕᔅ 5:23

ᐃᔅᐱ ᑲᒋ ᓂᑐᐛᐱᒥᒃ ᒋᓴᐅᒋᒪᐤ, ᑲ ᐃᔨᒥᐃᒃ ᒋᑦ ᐃᓯᓂᐧᑲᓱᐅᓂᒡ ᐅᒡ, ᒋ ᐊᐧᑯᐊᐤ ᐃᔪᐛ᙮ ᑭᔭ ᓇᒪ ᒐᒂᓐ ᒋ ᐅᒋ ᑐᑕᓐ ᒐᒋ ᐎᒋᐃᑥᐤ᙮”

ᒠᓐ 3:13

ᓇᒪ ᒪᒃ ᐊᐛᓐ ᐅᒋ ᐅᐱᔪᐤ ᒋᒋᒋᓯᑯᒡ ᐃᔅ ᒥᒄ ᐃᔪᐤ ᐅᑯᓯᓴᓐ ᒋᒋᒋᓯᑯᒡ ᑲ ᐅᑐᑕᑦ᙮”

ᒠᓐ 6:38

ᐛᔅ ᓂᒋ ᑎᑯᓯᓐ ᒋᒋᒋᓯᑯᒡ ᐊ ᐅᑐᑕᔭᓐ ᒐᒋ ᐃᑐᑎᒧᒡ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ, ᐊᓐ ᑲ ᐸᒋ ᐃᑎᓴᐅᑦ᙮ ᓇᒪ ᓂ ᐅᒋ ᑎᑯᓯᓐ ᐅᑕ ᐊᔅᒋᒡ ᒥᒄ ᓂᔾ ᓂᑦ ᐃᑕᔨᑎᒧᐅᓐ ᒐᒋ ᐃᑐᑎᒪᓐ᙮