ᐊᒃᓱᑕᔅ 3:20 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁰ ᐊᑯ ᓂᓱᐧᑲᑎᓯᐅᓐ ᒐ ᐊᐱᒋᑕᔭᓐ ᒐᒋ ᑐᑐᐅᒂᐤ ᒪᒥᔅᑲᒡ ᒐᒂᔪᐤ, ᐊᑯ ᐸᑐᔅ ᑭᔭ ᒐ ᐱᔅᑎᓂᑕᒄ᙮”

ᐊᒃᓱᑕᔅ 3:20 Iomraidhean Croise

ᒐᓂᓯᔅ 15:14

ᒥᒄ ᓂᑭ ᐊᓏᔨᒪᐛ ᐊᓂᔭ ᐊ ᐸᐃᑯᔅᑲᓇᓯᔨᒋ ᐊᑐᔅᒐᔅᑐᐛᒡ᙮ ᐊᑯ ᒋᓂᑕᐅᒋᐊᑭᓐᒡ ᒋᑭ ᓂᑭᑎᒧᒡ ᐊᓂᔭ ᒪᓐᑕᐤ ᐊᔅᒋᔪᐤ ᐛᔪᑎᓯᐅᓂᔪᐤ ᐊ ᔅᑐᑕᒡ᙮

ᑎᐱᑦ ᐅᓂᑭᒧᐅᓇ 105:27

ᒋ ᐛᐸᑎᔨᐛᐅᒡ ᐅᒋᔅᒋᓄᐛᒋᒋᑭᓂᔪᐛ ᐊᓐᑕ ᐊ ᐃᑕᔨᒋ, ᑭᔭ ᒪᒪᑕᐤ ᐃᑐᐅᓇ ᐦᐊᒻ ᐊᔅᒋᒡ᙮

ᑎᐱᑦ ᐅᓂᑭᒧᐅᓇ 105:38

ᐃᒋᑉᑦ ᐃᔪᒡ ᒋ ᓯᒋᔭᓱᐅᒡ ᐊᒋ ᔅᑐᑕᔨᒋ; ᐛᔅ ᒋ ᑯᔅᑕᐅᒡ᙮

ᑎᐱᑦ ᐅᓂᑭᒧᐅᓇ 106:22

ᒪᒥᔅᑲᒡ ᐊᑐᔅᒐᐅᓇ ᐦᐊᒪ ᐅᑦ ᐊᔅᒋᔨᒡ, ᑭᔭ ᑲ ᑯᔅᑕᑕᔨᑕᒂᓂᔨᒋ ᒥᒂᑭᒥ ᐎᓂᐸᑯᒡ᙮

ᐊᒃᓱᑕᔅ 11:1

ᐊᑯ ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ, “ᒪᔅᑕᔾ ᐸᐃᒂᐤ ᓂᑭ ᐃᑎᓴᐊᒧᐛᐤ ᐊᓏᔨᑎᒧᐅᓂᔪᐤ ᐊᓐᒡ ᒋᓴᐅᒋᒪᐤ ᑭᔭ ᐃᒋᑉᑦ ᐃᔪᒡ᙮ ᐊᑯ ᐸᑐᔅ ᒐ ᐱᔅᑎᓇᑦ ᐃᔅᕋᐃᓪ ᐃᔪᐛ, ᓇᔅᒡ ᒋᑭ ᐎ ᐃᒐᑎᓴᐅᑯᐛᐤ ᐊᓐᑕ ᐅᑦ ᐊᔅᒋᐛᒡ᙮

ᐊᒃᓱᑕᔅ 12:39

ᐊᑯ ᐊᓂᔭ ᑲ ᐸᓱᐛᒡ ᐸᑎᑯᓇᑭᓇ ᐃᒋᑉᑎᒡ ᐅᒡ, ᒂ ᐸᒂᓯᑭᓂᒐᒡ ᐊᑲ ᐅᐱᓱᔨᒋ ᐸᑎᑯᓇᑭᓇ ᐅᒡ᙮ ᐛᔅ ᓯᔅᒋᑯᒡ ᑲ ᐃᑲᑎᓴᐛᑭᓄᐅᒡ ᐊᓐᑕ ᐃᒋᑉᑎᒡ ᐅᒡ ᓇᒪ ᐅᒋ ᐃᔅᐱᓯᔪᐅᒡ ᒐᒋ ᐃᔭᔅᑯᔅᑕᒡ ᒥᒋᒥᔪᐤ ᑭᔭ ᒪᒃ ᒐᒋ ᐊᔭᔅᑯᐛᐊᒡ ᐊ ᐅᐱᓱᔨᒋ ᐸᑎᑯᓇᑭᓇ᙮

ᐊᒃᓱᑕᔅ 13:3

ᒂ ᐃᑕᑦ ᒧᓱᔅ ᐃᔪᐛ, “ᒐ ᒋᔅᑕᔨᑎᒪᒃ ᐅ ᒋᓯᒄ, ᑲ ᐎᐎᔭᒄ ᐃᒋᑉᑎᒡ ᐅᒡ, ᑲ ᒪᑯᓂᑯᐅᔭᒄ, ᐛᔅ ᑎᐸᔨᒋᒐᓱᐤ ᐅᓱᐧᑲᑎᓯᐅᓐ ᒋ ᐊᐱᒋᑕᐤ ᒐᒋ ᐎᐎᑕᔨᑕᒄ ᐊᓐᑕ ᐃᒋᑉᑎᒡ᙮ ᒐ ᐊᑲ ᒥᒋᔭᒄ ᒐᒂᓐ ᓯᐅᔅᑎᒪᑭᓐ ᐊᔅᒋᐱᔨᑦ᙮

ᐊᒃᓱᑕᔅ 13:9

ᐅ ᐊ ᐃᓯ ᑭᓄᐛᐱᑕᑭᓄᐅᒡ ᒧᔭᒻ ᐊ ᒪᑯᐱᑎᒥᓂ ᒐᒂᓐ ᒋᑦ ᐅᐧᑯᓂᑎᒋᒡ ᑭᔭ ᒪᒃ ᐊᓐᑕ ᒋᔅᑲᑎᑯᒡ ᒐᒋ ᒋᔅᒋᔭᒄ ᒐᒋ ᒋᔅᑯᑎᒧᐛᑯᒡ ᐊᐛᓐᒋ ᑎᐸᔨᒋᒐᓱᐛ ᐅᑦ ᐃᑎᓱᐛᐅᓂᔪᐤ, ᐊᓂᔭ ᐅᓱᐧᑲᑎᓯᐅᓐ ᑲ ᐊᐱᒋᑕᑦ ᒐᒋ ᐎᐎᑕᔨᑕᒄ ᐃᒋᑉᑎᒡ᙮

ᐊᒃᓱᑕᔅ 15:11

ᑎᐸᔨᒋᒐᓱᐤ, ᒐᒄ ᒥᓂᑐᐧᑲᓐ ᐊ ᑕᑦ ᒧᔭᒻ ᒋᔾ, ᒋᔅᑕᔨᑕᑯᓯᓐ, ᐊᐛᓐ ᐊ ᑕᑦ ᒐᒋ ᐃᑐᑕᐧᒃ ᒪᒥᔅᑲᒡ ᒐᒂᔪᐛ ᒧᔭᒻ ᒋᔾ !

ᐊᒃᓱᑕᔅ 15:6

ᒋᒥᔪᐅᓐ, ᐅ ᑎᐸᔨᒋᒐᓱᐤ, ᒋᒋᐛ ᓱᐧᑲᑎᓯᒥᑭᓐ ᑭᔭ ᒋ ᐱᑯᓇᐅᒡ ᐊᐛᓐᒋ ᑲ ᐛᐧᑲᑎᔅᒡ᙮

ᐊᒃᓱᑕᔅ 4:21

ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ, “ᒋ ᑎᑯᓯᓂᔭᒂ ᐊᓐᑕ ᐃᒋᑉᑎᒡ, ᒐ ᓂᑐᐛᐱᒥᑦ ᒋᓴᐅᒋᒪᐤ, ᒐ ᐃᑐᑎᒥᓐ ᐅᔭ ᐊᒥᔅᑲᑕᔨᑕᒂᒋ ᒐᒂᔪᐛ ᑲ ᒥᔨᑕᓐ ᓱᐧᑲᑎᓯᐅᓐ ᒐᒋ ᐃᑐᑎᒥᓐ᙮ ᓂᑭ ᐃᑐᑐᐛᐤ ᒐᒋ ᒥᔅᑯᔅᑎᒂᓇᑦ ᑭᔭ ᓇᒪ ᒋᑭ ᐎ ᐱᔅᑎᓇᐤ ᐃᔪᐛ᙮

ᐊᒃᓱᑕᔅ 6:1

ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ, “ᒋᑭ ᐛᐱᒪᐤ ᒐ ᐃᑐᑐᐅᒃ ᒋᓴᐅᒋᒪᐤ ᐊᔅᐱᔅ ᓱᐧᑲᑎᓯᔭᓐ᙮ ᒋᑭ ᐱᔅᑎᓇᐤ ᓂᑦ ᐃᔨᒪ, ᑭᔭ ᓇᔅᒡ ᒋᑭ ᐎ ᐃᑲᑎᓴᐛᐤ ᐅᑦ ᐊᔅᒋᒡ ᐅᒡ᙮”

ᐊᒃᓱᑕᔅ 6:6

“ᐊᐅᑯᐤ ᒐ ᐃᑎᑥᐤ ᐃᔅᕋᐃᓪ ᐃᔪᒡ, ‘ᓂᔾ ᐅ ᑎᐸᔨᒋᒐᓱᐤ᙮ ᑭᔭ ᓂᓱᐧᑲᑎᓯᐅᓐ ᐅᒡ ᓂᑭ ᐊᓏᔨᒪᐅᒡ ᐃᒋᑉᑦ ᐃᔪᒡ ᑭᔭ ᒋᑭ ᐱᐧᑯᐃᑎᓇᐛᐤ ᐊ ᓂᓇᐧᑲᒋᐃᑯᐅᔭᒄ ᐊᓐᑕ ᐃᒋᑉᑎᒡ᙮

ᐊᒃᓱᑕᔅ 9:15

ᓴᔅ ᓄᑎᒻ ᒋᐸ ᒋ ᓂᐸᐃᑎᓇᐛᐱᓐ᙮ ᒋᐸ ᒋ ᒥᔨᑎᓇᐛᐱᓐ ᐊᐧᑯᓱᐅᓐ ᑭᔭ ᓇᒪ ᐊᑐᒡ ᔅᒋ ᓄᑯᓯᓇᐛᐱᓐ ᐅᑕ ᐊᔅᒋᒡ᙮

ᐊᑈᔅᑕᓇᒡ 7:36

“ᐊᐅᒄ ᒪᒃ ᐅ ᒧᓱᔅ ᑲ ᐸᒋ ᐎᐎᑕᐊᑦ ᐊᓂᔭ ᐃᔪᐛ ᐊᓐᑕ ᐃᒋᑉᑎᒡ ᐅᒡ᙮ ᒋ ᒪᒥᔅᑲᒡ ᐃᑐᐤ ᒪᒃ ᐊᓐᑕ ᐃᒋᑉᑎᒡ ᑭᔭ ᐊᓐᑕ ᒥᒂᑭᒥ ᐎᓂᐸᒄ ᑭᔭ ᓇᐎᔪᐛ ᐱᐳᓇ ᒋ ᒪᒥᔅᑲᒡ ᐃᑐᐤ ᐊᓐᑕ ᐸᐧᑯᑎᔅᑭᒥᑲᒡ᙮”