ᐊᒃᓱᑕᔅ 3:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᐊᑯᑕ ᒪᒃ ᑲ ᓄᑯᓯᔅᑕᑯᑦ ᑎᐸᔨᒋᒐᓱᐛ ᐅᑦ ᐊᒋᓂᒥᔪᐛ ᐊᓐᑕ ᑕᑕᐅᒡ ᐊ ᐃᔅᑯᑕᐎᒡ ᓯᑲᒡ ᐅᒡ᙮ ᐊᑎᓱᐧᒄ ᒧᓱᔅ ᐛᐸᑕᐧᒃ ᐊ ᐛᔭᑕᔨᒋ ᓯᑲᐛ, ᓇᒪ ᐅᒋ ᐃᔎᑕᔪᐛ᙮

ᐊᒃᓱᑕᔅ 3:2 Iomraidhean Croise

ᒐᓂᓯᔅ 21:17

ᒋᓴᒪᓂᑐᐤ ᒋ ᐸᑐᐛᐤ ᐊᒪᔨᒋ ᓇᐸᓴ ᑭᔭ ᐅᑦ ᐊᓐᒋᓂᒪ ᒋᒋᒋᓯᑯᒡ ᒋ ᐅᒋ ᑕᑈᑕᔪᐛ ᐦᐊᐃᑲᕋ ᑭᔭ ᒂ ᐃᑕᔨᒋ, “ᐦᐊᐃᑲᕐ, ᒐᒂᓐ ᒪᑯᔅᑲᑕᔨᑎᒥᐃᑯᔨᓐ ? ᐊᑲ ᑯᔅᑕᒋ, ᒋᓴᒪᓂᑐᐤ ᒋ ᐸᑐᐛᐤ ᐊᒪᔨᒋ ᓇᐸᓴ ᐅᑎ ᐱᒥᓯᓂᔾ ᐊᓐᑕ ᑕᒥᓯᑲᒡ᙮

ᒐᓂᓯᔅ 22:11

ᓯᔅᒋᑯᒡ ᑎᐸᔨᒋᒐᓱᐛ ᐅᑦ ᐊᓐᒋᓂᒥᔪᐛ ᒋᒋᒋᓯᑯᒡ ᒋ ᐅᒋ ᑕᑈᑎᑯ ᐊ ᐃᑎᑯᑦ, “ᐊᑉᕋᐊᒻ ! ᐊᑉᕋᐊᒻ !” ᐊᑉᕋᐊᒻ ᐃᑕᐤ, “ᓂᑦ ᐃᑕᓐ ᐅᑕ᙮”

ᒐᓂᓯᔅ 48:16

ᒋᔾ ᐅ ᐃᔭᐱᒡ ᐊᓐᒋᓐ ᐊᓐ ᑲ ᐱᐧᑯᒋᐃᑦ ᒥᓯᐛ ᐊ ᐃᓯᓇᑯᓂᔨᒡ ᑲ ᒪᔭᑎᓂᔨᒡ ᐅᒡ, ᒋᓴᒪᓂᑐᐤ, ᓱᐛᔨᑕᑯᔨᒡ ᐅᒡ ᑲᓂᓯᒡ ᓇᐸᓯᒡ᙮ ᑭᒪ ᐃᔪᒡ ᒋᔅᒋᑕᒡ ᓂᑦ ᐃᓯᓂᐧᑲᓱᐅᓂᔪᐤ ᑭᔭ ᐅᑦ ᐃᓯᓂᐧᑲᓱᐅᓂᔪᐛ ᓄᑕᐎᔭ ᐊᐃᓯᑲ ᑭᔭ ᓂᒧᓱᒪ ᐊᑉᕋᐊᒪ ᐅᔭ ᓇᐸᓴ ᐅᒡ᙮ ᑭᒪ ᐅᒡ ᓇᐸᓯᒡ ᒥᒐᑎᔨᒋ ᐅᑦ ᐊᓂᔅᑯᑕᐸᓄᐛᐛ᙮”

ᑎᐱᑦ ᐅᓂᑭᒧᐅᓇ 66:12

ᔅᒋ ᐱᒥᑕᑎᐱᐊᐅᒡ ᐃᔪᒡ ᒥᒋᒪ ᓂᔅᑎᒂᓂᓇᒡ: ᓂᒋ ᓴᐳᔅᑲᓇᓐ ᐃᔅᑯᑕᐤ ᑭᔭ ᓂᐱᔾ; ᒪᒃ ᔅᒋ ᐸᒋ ᐃᑐᑕᐃᓇᓐ ᐊᓐᑕ ᐊ ᐛᔪᑎᒡ᙮

ᐊᒃᓱᑕᔅ 19:18

ᒥᓯᐛ ᓴᐃᓇᐃ ᐱᔅᑯᑎᓇᐤ ᒋ ᐱᐳᑕᐤ ᐅᓴᒻ ᑎᐸᔨᒋᒐᓱᐤ ᒋ ᓂᑎᒋᐛᐤ ᐱᔅᑯᑎᓇᔪᐤ ᐊᐛᔅᑲᔅᑲᑯᑦ ᐃᔅᑯᑕᔪᐤ᙮ ᒋ ᐅᐸᐱᑕᐤ ᒧᔭᒻ ᐊ ᐱᐳᑥᑦ ᒋᓴᐱᔅᒐᐛᓐ, ᑭᔭ ᒥᓯᐛ ᐱᔅᑯᑎᓇᐤ ᒋ ᒥᔅᑎ ᓇᓇᒥᐱᔪᐤ᙮

ᐊᒃᓱᑕᔅ 23:20

“ᓂᑭ ᐃᑎᓴᐛᐤ ᐊᓐᒋᓐ ᐊᓐᑕ ᓂᑲᓐ ᐊ ᑕᔭᒄ, ᒐᒋ ᓇᑭᑐᐛᔨᒥᑕᒄ ᒪᒂᒡ ᐸᒥᐱᒋᐊᑯᐤ ᑭᔭ ᒐᒋ ᐸᓱᐅᑕᒄ ᐊᓐᑕ ᐃᑕᐅᓂᒡ ᑲ ᐊᔭᔅᑯᔅᑐᐛᑎᑯᒡ᙮

ᐊᒃᓱᑕᔅ 24:17

ᐃᔅᐱ ᐃᔅᕋᐃᓪ ᐃᔪᒡ ᐊᑕᐱᒡ ᑕᐧᑯᒡ ᐱᔅᑯᑎᓇᒡ, ᒧᔭᒻ ᐊ ᒥᔅᑎ ᐃᔅᑯᑕᔨᒡ ᒋ ᐃᓯᓂᒧᐛᐅᒡ ᑎᐸᔨᒋᒐᓱᐛ ᐅᒋᔅᑕᔨᑕᑯᓱᐅᓂᔪᐤ᙮

ᐊᒃᓱᑕᔅ 3:16

ᒐ ᒪᒧᐅᓂᑥᐤ ᒥᓯᐛ ᐅᒋᒪᐅᒡ ᐊᓐᑕ ᐃᔅᕋᐃᓕᒡ᙮ ᑭᔭ ᒐ ᐃᑎᑥᐤ, ‘ᑎᐸᔨᒋᒐᓱᐤ, ᒍᑕᐎᐛᐅᒡ ᐊᑉᕋᐊᒻ, ᐊᐃᓯᒃ, ᑭᔭ ᒐᑭᑉ ᐅᒋᓴᒪᓂᑐᒧᐛᐛ ᓂᒋ ᓄᑯᓯᔅᑕᒃ ᑭᔭ ᐃᔅᒋᔄᐤ, “ᓂᒋ ᐛᐸᑕᓐ ᐊᑐᑕᑯᐅᔭᒃ ᐊᓐᑕ ᐃᒋᑉᑎᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 12:26

ᐊᓐ ᒪᒃ ᓇᑐᐤ ᒋᔅᒐᔨᑎᒧᐛᒂ ᒐ ᐅᐱᐱᔪᐛᒂ ᑲ ᓂᐱᒡ, ᓇᒪᐎᔾ ᐊ ᒋ ᐅᒋ ᐃᔨᒥᑕᐛᓇᐛᐤ ᒧᓱᔅ ᑕᓐ ᑲ ᐃᑎᓯᓇᐊᐧᒃ ᐅᒥᓯᓇᐃᑭᓂᒡ, ᐊᓐᑕ ᑲ ᑎᐸᑕᐧᒃ ᐊ ᐱᔅᑯᑯᐸᔨᒡ ᑲ ᐅᒋ ᐃᔨᒥᐃᑯᑦ ᒋᓴᒪᓂᑐᐛ, ᐊᒋ ᐃᑎᑯᒂ, ‘ᐊᐅᒄ ᓂᔾ ᐅᒋᓴᒪᓂᑐᒧᐛᐛ, ᐊᑉᕋᐊᒻ, ᐊᐃᓯᒃ ᑭᔭ ᒐᑭᑉ’ ?

ᓗᒃ 20:37

ᒧᓱᔅ ᒋ ᐛᐸᑎᔨᐛᐤ ᐊ ᑕᑈᑕᐧᒃ ᒥᓐ ᐊ ᐱᒪᑎᓯᔨᒋ ᑲ ᓂᐱᔨᒋ᙮ ᐎᑕᑭᓄᐤ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᒧᓱᔅ ᑲ ᐛᐸᑕᐧᒃ ᒧᔭᒻ ᐊ ᐃᔎᑕᔨᒡ ᓂᐱᓯᔭᑎᑯᒡ᙮ ᐊᑯᑕ ᐛᑕᒂᒡ ᑭᔭ ᒧᓱᔅ ᐊᒋ ᐃᓯᓂᐧᑲᑕᑦ ᐅᑎᐸᔨᒋᒐᐛ, ᐊᑉᕋᐊᒻ ᐅᒋᓴᒪᓂᑐᒪ, ᐊᐅᑯᓐ ᐊᓂᔭ ᐃᔭᐱᒡ ᐅᒋᓴᒪᓂᑐᒧᐛᐛ ᐊᐃᓯᒃ ᑭᔭ ᒐᑭᑉ᙮ ᐅᔭ ᒪᒃ ᓇᐸᐤ ᓴᔅ ᓇᒪ ᐅᒋ ᐱᒪᑎᓯᐤ ᐅᔭ ᒪᒂᒡ ᑲ ᐃᔅᒋᔄᑦ ᒧᓱᔅ᙮

ᒠᓐ 1:14

ᐊᓐ ᒪᒃ ᐃᔨᒧᐅᓐ ᐃᔪᐤ ᒋ ᐃᓯᓇᑯᐊᑭᓄᐤ᙮ ᐊᓐ ᑲ ᓴᑭᔅᒋᓇᔅᑲᑯᑦ ᒋᓴᐛᑎᓯᐅᓂᔪᐤ ᑭᔭ ᑕᑈᐅᓂᔪᐤ, ᔅᒋ ᐎᒋᒥᑯᓄᐤ ᐅᑕ ᐊᔅᒋᒡ᙮ ᔅᒋ ᐛᐱᒪᓄᐤ ᒪᒃ ᐊ ᒋᔅᑕᔨᑕᑯᓯᑦ ᒧᔭᒻ ᐊ ᐃᔅᐱᔅ ᒋᔅᑕᔨᑕᑯᓯᔨᒋ ᒋᓴᒪᓂᑐᐛ ᐊᓂᔭᔪᐛ ᐅᑕᐎᔭ ᐛᔅ ᐎᔾ ᒥᒄ ᐸᐃᑯᓱᐤ ᐊ ᐅᑯᓯᑐᑕᑯᑦ ᒋᓴᒪᓂᑐᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:3

ᒥᓯᐛ ᐊᐛᓐ ᓇᒪ ᐅᒋ ᐃᑐᐤ ᓇᔅᒡ ᒐᒋ ᓂᓇᐃᑎᒺᑦ ᒋᓴᒪᓂᑐᐛ ᐅᐎᓱᐛᐅᓂᔪᐤ ᒐᒋ ᐅᒋ ᐱᒪᒋᐅᑦ᙮ ᐊᑯ ᒪᒃ ᒋᓴᒪᓂᑐᐤ ᒂ ᐸᒋ ᐃᑎᓴᐛᑦ ᐅᑯᓴ ᒧᔭᒻ ᒋᔭᓄᐤ ᐊ ᐃᓯᓇᑯᓱᐛᐧᒄ ᒐᒋ ᐃᓯᓇᑯᓯᔨᒋ᙮ ᒋ ᐸᒋ ᐃᑎᓴᐛᐤ ᒐᒋ ᓂᐱᔅᑎᒪᑎᑕᐧᑯ᙮ ᐊᑯᑕ ᐅ ᑲ ᐅᒋ ᓂᓱᐅᓇᒋᑕᑦ ᑕᓐ ᑲ ᐃᓯ ᑎᐸᔨᒥᑯᐛᐧᒄ ᒥᒐᑎᓯᐅᓂᔪᐤ᙮

2 ᑕᓴᓗᓂᔭᓇ 1:7

ᐊᑯ ᒋᔨᐛᐤ ᑲ ᓂᓇᐧᑲᑕᔨᒧᔭᒄ ᒋᑭ ᐃᑐᑕᑯᐛᐤ ᒋᓴᒪᓂᑐᐤ ᒐᒋ ᐳᓂ ᓂᓇᐧᑲᑕᔨᒺᒄ ᑭᔭ ᓂᔭᓐ ᐊᐅᑯᓐ ᒐ ᐃᓯ ᐎᒋᐃᑯᐅᔭᒡ᙮ ᐃᔅᐱ ᐸᒋ ᓄᑯᓯᒐ ᐅᑎᐸᔨᒋᒐᐤ ᒋᓴᔅ ᐊᓐᑕ ᒋᒋᒋᓯᑯᒡ ᐅᒡ ᐊ ᐸᒋ ᐎᒐᐛᑦ ᐅᑦ ᐊᓐᒋᓂᒪ ᑲ ᓱᐧᑲᑎᓯᔨᒋ ᐊᑯᑕ ᒐ ᐃᑐᑕᐧᒃ ᐅᔭ᙮