ᐊᒃᓱᑕᔅ 3:18 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁸ ᐃᔅᕋᐃᓪ ᐅᒋᒪᐅᒡ ᒋᑭ ᓂᑐᑕᑯᒡ ᒐᒂᓂᔪᐤ ᒐ ᐃᑎᑥᐤ᙮ ᐊᑯ ᒋᔾ ᑭᔭ ᐊᕋᓐ ᒐ ᓂᑐᐛᐱᒪᒄ ᐃᒋᑉᑦ ᒋᓴᐅᒋᒪᐤ ᑭᔭ ᒐ ᐃᑕᒄ, ‘ᑎᐸᔨᒋᒐᓱᐤ, ᐃᑉᕈᐤ ᐃᔪᒡ ᐅᒋᓴᒪᓂᑐᒧᐛᐛ ᓂᒋ ᓄᑯᓯᔅᑕᑯᓇᓐ᙮ ᓇᐃᒥᓇᓐ ᒐᒋ ᐱᒧᑕᔭᒡ ᓂᔅᑐᒋᓯᑲᐛ ᐃᔅᐱᔅ ᐊᓐᑕ ᐸᐧᑯᑎᔅᑭᒥᑲᒡ ᒐᒋ ᒥᑐᔅᑕᐊᒧᐅᒋᒡ ᑎᐸᔨᒋᒐᓱᐤ ᓂᒋᓴᒪᓂᑐᒥᓇᓐ᙮’

ᐊᒃᓱᑕᔅ 3:18 Iomraidhean Croise

ᒐᓂᓯᔅ 12:1

ᑎᐸᔨᒋᒐᓱᐤ ᐃᑕᐤ ᐊᑉᕋᒪ, “ᓂᑭᑕ ᒋᑦ ᐊᔅᒋᔾ ᑭᔭ ᒋᐧᑲᓂᓯᒡ ᑭᔭ ᒍᑕᐎᔾ ᐎᒡ, ᐃᑐᑕ ᒪᒃ ᐊᓐᑕ ᐊᔅᒋᔾ ᒐ ᐛᐸᑎᔨᑕᓐ᙮

ᒐᓂᓯᔅ 14:13

ᒥᒄ ᐸᐃᒄ ᓇᐸᐤ ᒋ ᒋᑎᓯᒧᐤ ᑭᔭ ᑲ ᐎᑎᒧᐛᑦ ᐊᑉᕋᒪ, ᐃᑉᕈᐤ ᐃᔪᐛ, ᑲ ᐎᒋᔨᒋ ᐊᓐᑕ ᒥᒋᒪ ᐃᓚᓐ ᒥᔅᑎᒂ, ᒪᒻᕋ ᐊᒧᕆ ᐃᔪᐛ ᑲ ᑎᐸᔨᒪᔨᒋ᙮ ᒪᒻᕋ ᒋ ᓂᓯᔪᐛ ᐎᐧᑲᓂᓴ, ᐃᔅᑯᓪ ᑭᔭ ᐊᓄᕐ, ᐅᒡ ᐊ ᓂᔅᑎᒡ ᓇᐸᐅᒡ, ᒋ ᐃᑐᑎᒧᒡ ᐊᓱᑎᒪᒐᐅᓂᔪᐤ ᒐᒋ ᐎᒋᒪᓯᒐᒪᒡ ᐊᑉᕋᒪ ᓇᑐᐱᓇᓄᔨᒋ᙮

ᒐᓂᓯᔅ 15:1

ᓇᓇᒐ ᑎᐸᔨᒋᒐᓱᐤ ᒋ ᓄᑯᓯᔅᑐᐛᐤ ᐊᑉᕋᒪ ᑭᔭ ᒋ ᐃᑕᐤ, “ᐊᑲ ᑯᔅᑕᒋ, ᐊᑉᕋᒻ᙮ ᓂᔾ ᐅ ᒋᑦ ᐊᒂᓇᐅᓱᐛᑭᓐ, ᒋᒋᐛ ᒋᑭ ᒥᓴᐤ ᒋᑎᐸᒪᑯᓯᐅᓐ᙮”

ᒐᓂᓯᔅ 17:1

ᐸᐃᑯᔅᑕᐤ ᑕᑐᔪᐤ ᐊᓱ ᐸᐃᑯᔅᑕᐤ ᒋ ᐃᑕᑐᐳᓇᓱᐤ ᐊᑉᕋᒻ ᒥᓐ ᑲ ᓄᑯᓯᔅᑕᑯᑦ ᑎᐸᔨᒋᒐᓱᐛ ᑭᔭ ᒂ ᐃᑎᑯᑦ, “ᓂᔾ ᐅ ᒋᓴᒪᓂᑐᐤ ᒥᓯᐛ ᐊ ᐃᓯ ᓱᐧᑲᑎᓯᑦ᙮ ᓂᑐᑐᐎᓇ ᑭᔭ ᓇᓂᑎᒻ ᑯᐃᔅᒄ ᐃᑐᑎᒥᓇ,

ᒐᓂᓯᔅ 48:3

ᒋ ᐛᒋᔭᒪᐤ ᒐᑭᑉ ᒍᓯᐸ ᑭᔭ ᒂ ᐃᑕᑦ, “ᓂᒋ ᓄᑯᓯᔅᑕᒄ ᒥᓯᐛ ᐊᓯ ᓱᐧᑲᑎᓯᑦ ᒋᓴᒪᓂᑐᐤ ᐊᓐᑕ ᓗᔅ ᑲᐃᓇᓐ ᐊᔅᒋᒡ, ᑭᔭ ᐊᑯᑕ ᑲ ᒥᔨᑦ ᐅᓱᐛᔨᒋᒐᐅᓐ᙮

ᑎᐱᑦ ᐅᓂᑭᒧᐅᓇ 110:3

ᒋᑦ ᐃᔨᒥᒡ ᒋᑭ ᓇᐊᔨᑎᒧᒡ ᑲᔅᒋᐅᐎ ᒋᓯᑲᒥᒡ, ᐊ ᒥᔪᓇᑯᐃᑯᒡ ᐸᔭᒋᓯᐅᓂᔪᐤ, ᐊᐛᔅᑕ ᐃᔅᐱᔅ ᐊ ᒐᒋᓴᐸᔭᒡ: ᒋᑦ ᐊᔭᓐ ᐊ ᐊᑯᓯᐸᔭᒡ ᒋᑦ ᐅᔅᒋᓂᒋᐅᓐ᙮

ᐊᒃᓱᑕᔅ 10:3

ᐊᑯ ᒧᓱᔅ ᑭᔭ ᐊᕋᓐ ᒂ ᓂᑐᐛᐱᒪᒡ ᒋᓴᐅᒋᒪᐛ᙮ ᒂ ᐃᑕᒡ, “ᒪᐤ ᐅᔭ ᐊᔅᒋᔄᑦ ᑎᐸᔨᒋᒐᓱᐤ, ᐃᑉᕈᐤ ᐃᔪᒡ ᐅᒋᓴᒪᓂᑐᒧᐛᐛ, ‘ᑕᐃᔅᐱ ᒐ ᐳᓂᔨᓐ ᐊᑲ ᑕᑈᑎᒥᓐ ? ᓇᐃᒥᒡ ᓂᑦ ᐃᔨᒥᒡ ᒐᒋ ᔅᑐᑕᒡ ᑭᔭ ᒐᒋ ᐊᔭᒥᐊᔅᑐᐅᒡ᙮

ᐊᒃᓱᑕᔅ 17:5

ᐊᑯ ᑎᐸᔨᒋᒐᓱᐤ ᐊᑕᑦ ᒧᓱᓴ, “ᐅᑎᓂᒡ ᐱᔅᒐ ᐅᒋᒪᐅᒡ ᐃᔅᕋᐃᓪ ᐃᔪᒡ ᑭᔭ ᒐ ᒋᔅᒋᓄᑕᐃᑥᐤ ᐃᔪᒡ, ᐊᓯᒡ ᒐ ᑕᐧᑯᓂᒥᓐ ᒋᓯᔅᑲᐅᓐ ᐊᓐ ᑲ ᐊᐱᒋᑕᔨᓐ ᑲ ᐅᑕᒪᐸᑲᒥᓐ ᓇᐃᔭᓪ ᓯᐱᔾ᙮

ᐊᒃᓱᑕᔅ 19:1

ᑲᒋ ᓂᔅᑐ ᐱᓯᒺᔭᔨᒡ ᑲ ᒋᔅᑐᑕᒡ ᐃᔅᕋᐃᓪ ᐃᔪᒡ ᐊᓐᑕ ᐃᒋᑉᑎᒡ ᐅᒡ, ᐊᓂᔭ ᓂᔅᑎᒻ ᒋᓯᑯᔪᐤ ᒋ ᑎᑯᓯᓄᐅᒡ ᐊᓐᑕ ᓴᐃᓇᐃ ᐱᔅᑯᑎᓇᒡ᙮

ᐊᒃᓱᑕᔅ 25:22

ᐊᑯᑕ ᐊᓐᑕ ᒐ ᐃᒥᔨᑕᓐ ᑕᑕᐅᒡ ᐊᐛᓯᓯᒡ ᐊ ᐅᑎᑎᑭᓄᐅᒡ ᑭᔭ ᒐ ᐎᑎᒪᑕᓐ ᒐᒂᔪᐤ ᒐ ᑐᑕᒡ ᑭᔭ ᒐ ᐊᑲ ᑐᑕᒡ ᓂᑦ ᐃᔨᒥᒡ᙮”

ᐊᒃᓱᑕᔅ 3:12

ᒋᓴᒪᓂᑐᐤ ᒋ ᐃᑕᐤ, “ᒋᑭ ᐎᒐᐅᑎᓐ᙮ ᐊᐅᑯᐤ ᐅᒪ ᒪᒃ ᒐ ᐅᒋᔅᒋᓄᐛᒋᒋᑭᓂᔨᓐ ᐊᒋ ᐃᑎᓴᐅᑕᓐ᙮ ᐃᔅᐱ ᒋ ᐸᒋ ᐎᐎᑕᔨᑥᐛ ᐊᓐᒡ ᐃᔪᒡ ᐊᓐᑕ ᐃᒋᑉᑎᒡ ᐅᒡ, ᒋᑭ ᐊᔭᒥᐊᔅᑐᐅᓇᐛᐤ ᐅᑕ ᐱᔅᑯᑎᓇᒡ᙮”

ᐊᒃᓱᑕᔅ 3:16

ᒐ ᒪᒧᐅᓂᑥᐤ ᒥᓯᐛ ᐅᒋᒪᐅᒡ ᐊᓐᑕ ᐃᔅᕋᐃᓕᒡ᙮ ᑭᔭ ᒐ ᐃᑎᑥᐤ, ‘ᑎᐸᔨᒋᒐᓱᐤ, ᒍᑕᐎᐛᐅᒡ ᐊᑉᕋᐊᒻ, ᐊᐃᓯᒃ, ᑭᔭ ᒐᑭᑉ ᐅᒋᓴᒪᓂᑐᒧᐛᐛ ᓂᒋ ᓄᑯᓯᔅᑕᒃ ᑭᔭ ᐃᔅᒋᔄᐤ, “ᓂᒋ ᐛᐸᑕᓐ ᐊᑐᑕᑯᐅᔭᒃ ᐊᓐᑕ ᐃᒋᑉᑎᒡ᙮

ᐊᒃᓱᑕᔅ 30:36

ᒋᑭ ᑎᒂᐊᒧᒡ ᐱᔅᒐ ᒐᒋ ᐱᓂᐱᔨᒡ ᑭᔭ ᒐ ᐊᑎ ᐱᓂᐱᔨᑕᔨᓐ ᐊᓐᑕ ᓂᑲᓐ ᑲ ᐸᔭᒋᓇᒂᒡ ᒥᐅᑎᒡ ᐊ ᐸᔭᐧᑲᒡ ᒋᑭ ᐎ ᐃᓯ ᐅᑎᓇᓐ᙮

ᐊᒃᓱᑕᔅ 30:6

ᐎᐎᑎᒥᒡ ᒋᑭ ᐊᔅᑕᐅᒡ ᐱᔅᑎᓂᒐᐅᓇᐱᔅᑯᔪᐤ ᐊᑯᑕᔨᒡ ᐊᑯᐛᑲᐃᑭᓂᔪᐤ ᓂᑲᓄᒡ ᐊᔅᑕᔨᒡ ᐸᔭᒋ-ᒥᐅᑎᔪᐤ ᑭᔭ ᒋᐸᐃᑭᓂᔪᐤ᙮ ᐊᑯᑕ ᐊᓐᑕ ᒐ ᓂᒋᔅᑲᑎᑯᒡ᙮

ᐊᒃᓱᑕᔅ 4:1

ᒧᓱᔅ ᒂ ᐃᑕᑦ, “ᐊᑲ ᒪᒃ ᐎ ᑕᑈᑐᐅᑥᐛ ᑭᔭ ᐊᑲ ᐎ ᓂᑐᑐᐅᑥᐛ᙮ ᑕᓐ ᒐ ᐃᑎᔭᓐ ᐃᓯᑥᐛ, ‘ᑎᐸᔨᒋᒐᓱᐤ ᓇᒪ ᒋ ᐅᒋ ᓄᑯᓯᔅᑕᒄ᙮’ ”

ᐊᒃᓱᑕᔅ 4:23

ᐊᐅᑯᐤ ᑲ ᐃᑎᑕᓐ, “ᐱᔅᑎᓐ ᓂᑯᔅ ᐊᑯ ᒪᒃ ᒐᒋ ᐃᔭᒥᐊᔅᑐᐅᑦ᙮” ᐊᑯ ᒪᒃ ᐊᑲ ᑕᑈᑎᐎᓇ, ᐊᑯ ᒐ ᓂᐸᐃᒃ ᓂᔅᑎᒻ ᒋᑯᔅ᙮” ’ ”

ᐊᒃᓱᑕᔅ 4:24

ᑎᐸᔨᒋᒐᓱᐤ ᒂ ᓄᑯᓯᔅᑐᐛᑦ ᒧᓱᓴ ᐊᓐᑕ ᑲ ᒪᓂᑲᓱᐎᒋ ᑭᔭ ᒐᑲᑦ ᒋ ᓂᐸᐊᐤ᙮

ᐊᒃᓱᑕᔅ 4:31

ᐊᑯ ᓄᑎᒻ ᒂ ᑕᑈᑕᒡ᙮ ᐊᑯ ᒐᔅᒐᔨᑕᒡ ᐊᓂᔭ ᑎᐸᔨᒋᒐᓱᐛ ᑲ ᐛᐸᑎᒥᔨᒋ ᑕᓐ ᑲ ᐃᓯ ᓇᐧᑲᒋᐅᒡ, ᒂ ᓄᐛᑲᐳᔅᑐᐛᒡ ᑭᔭ ᒂ ᐊᔭᒥᐊᔅᑐᐛᒡ ᒋᓴᒪᓂᑐᐛ᙮

ᐊᒃᓱᑕᔅ 5:1

ᐸᑐᔅ ᑲᒋ ᐛᐸᑎᔭᒡ ᐊᓂᔭ ᒋᓴᐃᔪᐛ ᒐᒂᔪᐤ, ᐊᐅᑯᔪᐤ ᒧᓱᔅ ᑭᔭ ᐊᕋᓐ ᒂ ᓂᑐᐛᐱᒪᒡ ᒋᓴᐅᒋᒪᐛ᙮ ᒂ ᐃᑕᒡ, “ᐊᐅᑯᔪᐤ ᑎᐸᔨᒋᒐᓱᐤ, ᐃᔅᕋᐃᓪ ᐅᒋᓴᒪᓂᑐᒧᐛᐛ ᑲ ᐃᔅᒋᔄᔨᒋ, ‘ᐱᔅᑎᓂᒡ ᓂᑦ ᐃᔨᒥᒡ ᒐᒋ ᔅᑐᑕᒡ, ᒋᑭ ᐃᑐᑕᐅᒡ ᐊᓐᑕ ᐸᐧᑯᑎᔅᑭᒥᑲᒡ ᒐᒋ ᒥᑯᓴᒡ ᑭᔭ ᒐᒋ ᐊᔭᒥᐊᔅᑐᐅᒡ᙮’ ”

ᐊᒃᓱᑕᔅ 5:3

ᐊᑯ ᒂ ᐃᑕᒡ, “ᐃᑉᕈᐤ ᐃᔪᒡ ᐅᒋᓴᒪᓂᑐᒧᐛᐛ ᓂᒋ ᓄᑯᓯᔅᑕᑯᐱᓇᓂ, ᓇᐃᒥᓇᓐ ᒐᒋ ᐱᒧᑕᔭᒡ ᓂᔅᑐ ᒋᓯᑲᐛ ᐃᔅᐱᔅ ᐊᓐᑕ ᐸᐧᑯᑎᔅᑭᒥᑲᒡ, ᑭᔭ ᒐᒋ ᒥᔨᒋᒡ ᒥᑐᔅᑕᐊᒪᒐᐅᓂᔪᐤ ᑎᐸᔨᒋᒐᓱᐤ ᓂᒋᓴᒪᓂᑐᒥᓇᓐ, ᐊᑲ ᑕᑈᑐᔭᒐ ᐊᐧᑯᓱᐅᓐ ᓂᑭ ᓂᐸᐃᑯᓇᓐ ᑭᔭ ᒪᒃ ᓂᑐᐱᔪᐅ-ᒧᐧᑯᒪᓐ᙮”

ᐊᒃᓱᑕᔅ 7:16

ᑭᔭ ᒐ ᐎᑎᒧᐅᑦ, ‘ᑎᐸᔨᒋᒐᓱᐤ, ᐃᑉᕈᐤ ᐅᒋᓴᒪᓂᑐᒧᐛᐛ, ᓂᒋ ᐃᑎᓴᐅᒃ ᒐᒋ ᐃᑎᓱᒥᑕᓐ, ᐱᔅᑎᓇᐧᑯᒡ ᓂᑦ ᐃᔨᒥᒡ ᒐᒋ ᐊᔭᒥᐊᔅᑐᐅᒡ ᐊᓐᑕ ᐸᐧᑯᑎᔅᑭᒥᑲᒡ᙮ ᒥᒄ ᐊᔅᒄ ᐃᔭᐱᒡ ᐊᓄᒡ, ᓇᒪ ᒋ ᐅᒋ ᓂᑐᑐᐛᐤ᙮

ᐊᒃᓱᑕᔅ 8:1

ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ, ᒐ ᓂᑐᐛᐱᒥᑦ ᒋᓴᐅᒋᒪᐤ ᑭᔭ ᒐ ᐃᑎᑦ, “ᐊᐅᑯᐤ ᐅᔭ ᑎᐸᔨᒋᒐᓱᐤ ᐊ ᐃᔅᒋᔄᑦ: ‘ᐱᔅᑎᓂᒡ ᓂᑦ ᐃᔨᒥᒡ ᒐᒋ ᐊᔭᒥᐊᔅᑐᐅᒡ᙮

ᐊᒃᓱᑕᔅ 8:20

ᐊᑯ ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ, “ᐎᐱᒡ ᒐᒋᓴᐸ ᒐ ᐅᓂᔨᓐ ᑭᔭ ᒐ ᓂᔅᑯᐅᑦ ᒋᓴᐅᒋᒪᐤ ᐊᓐᑕ ᓯᐱᒡ ᒪᒂᒡ ᒐ ᒋᔅᑕᐸᐅᐎᓱᑦ, ᑭᔭ ᒐ ᐃᑎᑦ, ‘ᐊᐅᑯᔪᐤ ᐅᔭ ᑎᐸᔨᒋᒐᓱᐤ ᐊ ᐃᔅᒋᔄᑦ: ᐱᔅᑎᓂᒡ ᓂᑦ ᐃᔨᒥᒡ ᒐᒋ ᔅᑐᑕᒡ ᑭᔭ ᒐᒋ ᐊᔭᒥᐊᔅᑐᐅᒡ᙮

ᐊᒃᓱᑕᔅ 8:23

ᓂᑭ ᑎᐸᓇᐅᒡ ᓂᑦ ᐃᔨᒥᒡ ᒋᑦ ᐃᔨᒪ ᐅᒡ, ᐛᐸᒐ ᐅ ᒋᑭ ᐃᔅᐱᔪᐤ᙮’ ”

ᐊᒃᓱᑕᔅ 9:1

ᐊᑯ ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ, “ᑲᐤ ᓂᑐᐛᐱᒪ ᒋᓴᐅᒋᒪᐤ ᑭᔭ ᒐ ᐃᑎᑦ, ‘ᑎᐸᔨᒋᒐᓱᐤ ᐃᑉᕈᐤ ᐅᒋᓴᒪᓂᑐᒧᐛᐛ ᒂ ᐃᔅᒋᔄᔨᒋ “ᐱᔅᑎᓇᐧᑯᒡ ᓂᑦ ᐃᔨᒥᒡ ᒐᒋ ᔅᑐᑕᒡ ᐊᑯ ᒪᒃ ᒐᒋ ᐊᔭᒥᐊᔅᑐᐅᒡ᙮”

ᐊᒃᓱᑕᔅ 9:13

ᐊᑯ ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ, “ᐎᐱᒡ ᒐ ᐅᓂᔨᓐ ᒐᒋᓴᐸᔭᒐ᙮ ᒐ ᓂᑐᐛᐱᒥᑦ ᒋᓴᐅᒋᒪᐤ ᑭᔭ ᒐ ᐃᑎᑦ, ‘ᑎᐸᔨᒋᒐᓱᐤ ᐃᑉᕈᐤ ᐅᒋᓴᒪᓂᑐᒧᐛᐛ ᒂ ᐃᔅᒋᔄᔨᒋ: “ᐱᔅᑎᓇᐧᑯᒡ ᓂᑦ ᐃᔨᒥᒡ ᒐᒋ ᔅᑐᑕᒡ ᑭᔭ ᒐᒋ ᐊᔭᒥᐊᔅᑐᐅᒡ᙮”