ᐊᒃᓱᑕᔅ 3:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᒐ ᒪᒧᐅᓂᑥᐤ ᒥᓯᐛ ᐅᒋᒪᐅᒡ ᐊᓐᑕ ᐃᔅᕋᐃᓕᒡ᙮ ᑭᔭ ᒐ ᐃᑎᑥᐤ, ‘ᑎᐸᔨᒋᒐᓱᐤ, ᒍᑕᐎᐛᐅᒡ ᐊᑉᕋᐊᒻ, ᐊᐃᓯᒃ, ᑭᔭ ᒐᑭᑉ ᐅᒋᓴᒪᓂᑐᒧᐛᐛ ᓂᒋ ᓄᑯᓯᔅᑕᒃ ᑭᔭ ᐃᔅᒋᔄᐤ, “ᓂᒋ ᐛᐸᑕᓐ ᐊᑐᑕᑯᐅᔭᒃ ᐊᓐᑕ ᐃᒋᑉᑎᒡ᙮

ᐊᒃᓱᑕᔅ 3:16 Iomraidhean Croise

ᒐᓂᓯᔅ 1:7

ᐊᐅᑯᓐ ᒂ ᐃᓯᓇᑯᓂᔨᒡ᙮ ᒋᓴᒪᓂᑐᐤ ᒂ ᐅᓯᐊᑦ ᒋᓯᑯᔭᓇ,

ᒐᓂᓯᔅ 21:1

ᒋᓴᒪᓂᑐᐤ ᒋ ᓱᐛᔨᑕᑯᐛᐤ ᓴᕋᔨᒋ ᒧᔭᒻ ᑲ ᐃᔅᒋᔄᑦ ᒐ ᐃᑐᑕᐧᒃ, ᓇᒪ ᐅᒋ ᐅᓂᒋᔅᒍᐤ ᒐᒋ ᑐᑕᐧᒄ ᒐᒂᔪᐤ ᑲ ᐊᓱᑎᒪᒐᑦ᙮

ᒐᓂᓯᔅ 28:13

ᑎᐸᔨᒋᒐᓱᐤ ᐃᔅᐱᒥᒡ ᒋ ᓂᐳᐤ ᑭᔭ ᒋ ᐃᑕᐤ, “ᓂᔾ ᐊᐅᒄ ᑎᐸᔨᒋᒐᓱᐤ, ᒍᑕᐎᔾ ᐊᑉᕋᐊᒻ ᐅᒋᓴᒪᓂᑐᒪ ᑭᔭ ᐊᐃᓯᒃ ᐅᒋᓴᒪᓂᑐᒪ, ᒋᑭ ᒥᔨᑎᓐ ᐅ ᐊᔅᒋᔾ ᐊᓐᑕ ᐸᒥᓯᓂᔨᓐ, ᒋᔾ ᒋᑭ ᑎᐱᔨᐛᐅᓯᓐ ᑭᔭ ᒋᑦ ᐊᓂᔅᑯᑕᐸᓐᒡ᙮

ᒐᓂᓯᔅ 48:15

ᐊᑯ ᒂ ᒥᔭᑦ ᐅᓱᐛᔨᒋᒐᐅᓐ ᒐᑭᐸ ᑭᔭ ᐅᑯᓯᔪᐛ ᐊ ᐃᔅᒋᔄᑦ, “ᐅ ᒋᓴᒪᓂᑐᐤ ᒋᔾ ᐅ ᓂᒧᓱᒻ ᐊᑉᕋᐊᒻ ᑭᔭ ᓄᑕᐎᔾ ᐊᐃᓯᒃ ᑲ ᐊᔭᒥᐊᔅᑐᐛᒡ, ᒋᔾ ᐅ ᒋᓴᒪᓂᑐᐤ ᑲ ᐸᒋ ᒥᔪ ᑭᓄᐛᔨᒥᔨᓐ ᒥᓯᐛ ᑕᑐᐤ ᒋᓯᑲᐛ ᑲ ᐃᔅᐱᔅ ᐱᒪᑎᓯᔭᓐ᙮

ᒐᓂᓯᔅ 50:24

ᒋ ᐎᓴᒪᐤ ᐎᐧᑲᓂᓴ ᒍᓯᑉ᙮ ᐃᔅᐱ ᒪᒃ ᑕᑯᓯᓂᔨᒋ ᐊᑯ ᐊᑕᑦ, “ᓴᔅ ᐎᐱᒡ ᓂᑭ ᐳᓂᐱᒪᑎᓯᓐ, ᒥᒄ ᒋᓴᒪᓂᑐᐤ ᒋᑭ ᒥᔪ ᑭᓄᐛᔨᒥᑯᐛᐤ ᑭᔭ ᒋᑭ ᒋᔅᒋᓄᑕᐃᑯᐛᐤ ᐃᒋᑉᑦ ᐊᔅᒋᒡ ᐅᒡ ᐊᓐᑕ ᐊᔅᒋᒡ ᒐ ᐃᓯ ᒋᔅᒋᓄᑕᔨᑕᒄ ᑲ ᐊᓱᑎᒧᐛᑦ ᒐᒋ ᒥᔭᑦ ᐊᑉᕋᐊᒪ, ᐊᐃᓯᑲ ᑭᔭ ᒐᑭᐸ᙮

ᑎᐱᑦ ᐅᓂᑭᒧᐅᓇ 102:21

ᒐᒋ ᐛᐎᑎᒥᔨᒋ ᐅᑦ ᐃᓯᓂᐧᑲᓱᐅᓐ ᑎᐸᔨᒋᒐᓱᐤ ᓴᐃᔭᓂᒡ, ᑭᔭ ᐅᒪᒥᒋᒥᑯᓯᐅᓐ ᒋᕈᓯᓕᒥᒡ;

ᑎᐱᑦ ᐅᓂᑭᒧᐅᓇ 33:18

ᐛᐸᑎᒧᒄ, ᑎᐸᔨᒋᒐᓱᐤ ᑭᓄᐛᐱᒪᐤ ᐊᓂᔭ ᑲ ᓇᓂᒋᔅᑕᑯᑦ, ᐊᓂᔭ ᑲ ᐊᔅᐸᔨᒧᑐᑎᒥᔨᒋ ᐅᓱᐛᔨᒋᒐᐅᓐ;

ᑎᐱᑦ ᐅᓂᑭᒧᐅᓇ 8:4

ᑕᓐ ᐊᑕᔨᑕᑯᓯᑦ ᐃᔪᐤ ᐊᔭᐱᑕᔨᒥᑦ ? ᑭᔭ ᐃᔪᐤ ᐅᑯᓯᓴᓐ, ᐊᒧᐱᔅᑐᐅᑦ ?

ᐊᒃᓱᑕᔅ 1:8

ᐊᑯ ᐊ ᐅᔅᒋᑦ ᒋᓴᐅᒋᒪᐊᐤ ᒋ ᑕᐤ, ᐊᓐᑕ ᐃᒋᑉᑎᒡ ᐊᑲ ᐅᒋ ᒋᔅᒐᔨᒪᑦ ᒍᓯᐸ᙮

ᐊᒃᓱᑕᔅ 13:19

ᒧᓱᔅ ᒋ ᐅᑎᓂᒺᐤ ᒍᓯᐸ ᐅᔅᑭᓂᔨᐛ, ᒧᔭᒻ ᒍᓯᑉ ᑲ ᐃᑐᑐᐛᑦ ᐃᔅᕋᐃᓪ ᐅᑯᓯᓴᓇ ᒐᒋ ᐊᓱᑎᒪᒐᔨᒋ᙮ ᐛᔅ ᒋ ᐃᔅᒋᔄᐤ, “ᐃᔅᐱ ᒋᓴᒪᓂᑐᐤ ᐎᒋᐃᑕᒂ, ᒐᔅᑐᑕᔭᒄ ᓂᔅᑭᓇ ᓂᑭᑎᒪᒂ ᐅ ᐃᑕᐅᓐ᙮”

ᐊᒃᓱᑕᔅ 15:14

ᒥᒐᑦ ᑯᑎᑭᒡ ᐃᔪᒡ ᒋᑭ ᐸᑎᒧᒡ ᑭᔭ ᒋᑭ ᓇᓇᒥᐱᔪᐅᒡ ᐊᔅᐱᔅ ᓴᒋᓯᒡ᙮ ᐱᓕᔅᑕᐃᓐ ᐃᔪᒡ ᒋᒋᐛ ᒋᑭ ᓴᒋᓱᐅᒡ᙮

ᐊᒃᓱᑕᔅ 17:5

ᐊᑯ ᑎᐸᔨᒋᒐᓱᐤ ᐊᑕᑦ ᒧᓱᓴ, “ᐅᑎᓂᒡ ᐱᔅᒐ ᐅᒋᒪᐅᒡ ᐃᔅᕋᐃᓪ ᐃᔪᒡ ᑭᔭ ᒐ ᒋᔅᒋᓄᑕᐃᑥᐤ ᐃᔪᒡ, ᐊᓯᒡ ᒐ ᑕᐧᑯᓂᒥᓐ ᒋᓯᔅᑲᐅᓐ ᐊᓐ ᑲ ᐊᐱᒋᑕᔨᓐ ᑲ ᐅᑕᒪᐸᑲᒥᓐ ᓇᐃᔭᓪ ᓯᐱᔾ᙮

ᐊᒃᓱᑕᔅ 18:12

ᐊᑯ ᒐᑦᕈᐤ ᒂ ᐸᑕᑦ ᐱᔅᑎᓂᒐᐅᓂᔪᐤ ᒐᒋ ᐃᔎᓴᑭᓄᐎᒡ ᑭᔭ ᑯᑎᑲ ᒥᑐᔅᑕᐊᒪᒐᐅᓇ ᒐᒋ ᒥᔭᑭᓄᐅᑦ ᒋᓴᒪᓂᑐᐤ᙮ ᐊᕋᓐ ᑭᔭ ᐃᔅᕋᐃᓪ ᐅᒋᒪᐅᒡ ᒋ ᑎᑯᓯᓄᐅᒡ ᒐᒋ ᒥᒋᓱᐅᒡ ᐊᓐᑕ ᐊᔭᒥᐊᓄᐎᒡ᙮ ᐊᕈᓐ ᒋ ᑎᑯᓯᓄᐤ ᐊ ᐎᒐᐛᑦ ᒥᓯᐛ ᐃᔅᕋᐃᓪ ᐅᒋᒪᐅᒡ ᒐᒋ ᐎᒋᒥᒋᓱᒪᒡ ᒧᓱᓴ ᐅᒋᓴᐃᒥᔪᐛ ᐅᑎᔅᑯᐤ ᒋᓴᒪᓂᑐᐛ᙮

ᐊᒃᓱᑕᔅ 2:25

ᒋᔅᒐᔨᒪᐤ ᑕᓐ ᑲ ᐃᔅᐱᔨᒋ ᐅᑦ ᐃᔨᒪ ᑭᔭ ᒋᔅᑎᒪᒐᔨᒪᐤ᙮

ᐊᒃᓱᑕᔅ 24:11

ᐊᑯ ᒋᓴᒪᓂᑐᐤ ᓇᒪ ᐅᒋ ᐊᓏᔨᒪᐤ ᐊᓂᔭ ᐅᒋᒪᐛ ᐊᑎᓱᐧᒄ ᒋ ᐛᐱᒥᑯᑦ᙮ ᐊᑯ ᒪᒧᐤ ᒋ ᒥᒋᓱᐅᒡ ᑭᔭ ᒋ ᒥᓄᐅᒡ᙮

ᐊᒃᓱᑕᔅ 3:2

ᐊᑯᑕ ᒪᒃ ᑲ ᓄᑯᓯᔅᑕᑯᑦ ᑎᐸᔨᒋᒐᓱᐛ ᐅᑦ ᐊᒋᓂᒥᔪᐛ ᐊᓐᑕ ᑕᑕᐅᒡ ᐊ ᐃᔅᑯᑕᐎᒡ ᓯᑲᒡ ᐅᒡ᙮ ᐊᑎᓱᐧᒄ ᒧᓱᔅ ᐛᐸᑕᐧᒃ ᐊ ᐛᔭᑕᔨᒋ ᓯᑲᐛ, ᓇᒪ ᐅᒋ ᐃᔎᑕᔪᐛ᙮

ᐊᒃᓱᑕᔅ 3:6

ᐃᔭᐱᒡ ᒂ ᐃᑎᑯᑦ, “ᓂᔾ ᐅ ᒋᑦ ᐊᓂᔅᑯᑕᐸᓐᒡ ᐅᒋᓴᒪᓂᑐᒧᐛᐛ᙮ ᐊᑉᕋᐊᒻ, ᐊᐃᓯᒃ ᑭᔭ ᒐᑭᑉ ᐅᒋᓴᒪᓂᑐᒧᐛᐛ᙮” ᐊᑯ ᐃᔭᑯᐛᓂᑎᓱᑦ ᒧᓱᔅ ᐛᔅ ᒋ ᑯᔅᑕᐤ ᒐᒋ ᒋᑕᐱᒪᑦ ᒋᓴᒪᓂᑐᐛ᙮

ᐊᒃᓱᑕᔅ 4:1

ᒧᓱᔅ ᒂ ᐃᑕᑦ, “ᐊᑲ ᒪᒃ ᐎ ᑕᑈᑐᐅᑥᐛ ᑭᔭ ᐊᑲ ᐎ ᓂᑐᑐᐅᑥᐛ᙮ ᑕᓐ ᒐ ᐃᑎᔭᓐ ᐃᓯᑥᐛ, ‘ᑎᐸᔨᒋᒐᓱᐤ ᓇᒪ ᒋ ᐅᒋ ᓄᑯᓯᔅᑕᒄ᙮’ ”

ᐊᒃᓱᑕᔅ 4:29

ᒧᓱᔅ ᑭᔭ ᐊᕋᓐ ᑲᐤ ᒂ ᐃᑐᑕᒡ ᐊᓐᑕ ᐃᒋᑉᑎᒡ ᑭᔭ ᒂ ᐎᓴᒪᒡ ᓄᑎᒻ ᐅᒋᒪᐛ ᐊᓐᑕ ᐃᔅᕋᐃᓪ ᒐᒋ ᓇᔅᑯᐛᒡ᙮

ᐊᒃᓱᑕᔅ 4:31

ᐊᑯ ᓄᑎᒻ ᒂ ᑕᑈᑕᒡ᙮ ᐊᑯ ᒐᔅᒐᔨᑕᒡ ᐊᓂᔭ ᑎᐸᔨᒋᒐᓱᐛ ᑲ ᐛᐸᑎᒥᔨᒋ ᑕᓐ ᑲ ᐃᓯ ᓇᐧᑲᒋᐅᒡ, ᒂ ᓄᐛᑲᐳᔅᑐᐛᒡ ᑭᔭ ᒂ ᐊᔭᒥᐊᔅᑐᐛᒡ ᒋᓴᒪᓂᑐᐛ᙮

ᐊᒃᓱᑕᔅ 4:5

ᑎᐸᔨᒋᒐᓱᐤ ᒂ ᐃᑕᑦ, “ᐊᐅᑯᐤ ᒐ ᐃᑐᑎᒥᓐ, ᐛᐸᑕᐧᑲᐛ ᐅᔭ ᐊᑯ ᒐ ᑕᑈᑥᒡ ᓂᔾ, ᑎᐸᔨᒋᒐᓱᐤ, ᒍᑕᐎᐛᐅᒡ ᐅᒋᓴᒪᓂᑐᒧᐛᐛ, ᐊᑉᕋᐊᒻ, ᐊᐃᓯᒃ, ᑭᔭ ᒐᑭᑉ ᐅᒋᓴᒪᓂᑐᒧᐛᐛ, ᐊᒋ ᓄᑯᓯᔅᑕᑕᓐ᙮”

ᒪᑎᔪᐤ 26:3

ᐊᑯ ᐊᓐᒡ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᑲ ᓂᑲᓂᔅᑯᐛᒡ ᐃᔪᐛ ᑲ ᒪᒧᐎᒡ ᐊᓐᑕ ᒋᓴᐊᔭᒥᐊᐅᒋᒪᐛ ᑲᔭᐸᓴ ᐅᒋᓴᐅᒋᒪᐅᒋᐛᐱᒡ᙮

ᓗᒃ 1:68

“ᒋᑭ ᒥᔽᒋᒪᑭᓄᐤ ᑎᐸᔨᒋᒐᓱᐤ, ᐃᔅᕋᐃᓪ ᐅᒋᓴᒪᓂᑐᒪ, ᐛᔅ ᒋ ᐸᒋ ᓂᑐᐛᐱᒪᐤ ᐅᑦ ᐃᔨᒪ ᑭᔭ ᒋ ᐃᑐᑎᒻ ᒐᒋ ᐱᐧᑯᐅᔨᒋ᙮

ᓗᒃ 19:44

ᒥᓯᐛ ᐊᐛᓐ ᐊᓐᑕ ᒋᐅᑕᓇᒧᐛᒡ ᒋᑭ ᓂᓱᐅᓇᒋᐊᑭᓄᐤ ᑭᔭ ᐊᓐ ᒋᐅᑕᓇᒧᐛᐤ ᒋᑭ ᓂᓱᐅᓇᒋᑕᑭᓄᐤ᙮ ᓇᒪ ᐛᒋ ᐸᐃᒄ ᐊᓯᓂᔾ ᒧᔭᒻ ᒋᑭ ᐅᒋ ᐃᑎᒧᐤ ᐊᓐᑕ ᒋᒋᐛᐛᒡ᙮ ᐛᔅ ᓇᒪ ᒋ ᐅᒋ ᒧᓯᑕᓇᐛᐤ ᐊᓐᑕ ᑲ ᐅᑎᒋᔨᐱᒂ ᒋᓴᒪᓂᑐᐤ ᑲ ᐎ ᐱᒪᒋᐃᑕᒄ᙮”

ᐊᑈᔅᑕᓇᒡ 11:30

ᐊᐅᑯᓐ ᒪᒃ ᑲ ᐃᑎᒡ᙮ ᒋ ᐃᑎᓴᐛᐅᒡ ᐸᕐᓇᐸᓴ ᑭᔭ ᓴᓚ ᒐᒋ ᐃᑐᑕᔨᒋ ᐊᓂᔭ ᓱᓇᔭᔪᐤ ᐊᓐᑕ ᒋᕈᓯᓕᒥᒡ ᒐᒋ ᒥᔭᔨᒡ ᐊᓂᔭᔪᐛ ᑲ ᓂᑲᓂᔅᑭᒥᔨᒋ ᐊᔭᒥᐊᐅᒋᐛᐱᔪᐤ᙮

ᐊᑈᔅᑕᓇᒡ 15:14

ᓴᐃᒥᓐ ᐱᑕᕐ ᔅᒋ ᐎᑎᒪᑭᓄᐤ ᑕᓐ ᑲ ᐃᑎᑦ ᒋᓴᒪᓂᑐᐤ ᓂᔅᑎᒻ ᑲ ᐛᐸᑎᔨᐛᑦ ᐊᑲ ᒥᒄ ᒍᐤ ᐃᔪᐛ ᐅᒋ ᐅᑎᓇᑦ, ᑯᑎᑲ ᐊᐛᔪᐛ ᑭᔭ ᒋ ᐅᑎᓇᐤ ᒐᒋ ᐅᑦ ᐃᔨᒥᑦ᙮

ᐊᑈᔅᑕᓇᒡ 20:17

ᑈᓪ ᒪᒃ ᐊᓐᑕ ᒥᓕᑕᔅ ᒋ ᐅᒋ ᒥᓯᓇᐊᒧᐛᐤ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᐅᒪᒧᐊᔭᒥᐊᐛ ᐊᓐᑕ ᐃᐱᓴᔅ ᑲ ᑕᔨᒋ ᐊ ᐎᓴᒪᑦ᙮

1 ᐱᑕᕐ 2:12

ᓱᒃ ᐎ ᑯᐃᔅᑯᐱᒪᑎᓯᒄ ᒪᒂᒡ ᐊᓐᒡ ᐊᑲ ᑕᑈᑕᒡ ᐊ ᑕᒡ᙮ ᐊᑯᑕ ᒐᒋ ᓂᔅᑐᓇᒡ ᒋᒥᔪᑐᑎᒧᐅᓄᐛᐛ ᑭᔭ ᒐ ᒪᒥᒋᒪᒡ ᒋᓴᒪᓂᑐᐛ ᐃᔅᐱ ᑎᑯᓯᓂᔨᒐᓂ᙮ ᐊᐅᑯᓐ ᒐ ᐃᑎᒡ ᐊᑎ ᐊᓄᒡ ᓂᑎᒥᒄ ᐊ ᐃᓯ ᒪᒥᓯᒥᑕᑯᒡ ᒧᔭᒻ ᐊ ᒥᒋᑐᑎᒺᒄ᙮

1 ᐱᑕᕐ 5:1

ᒪᐅᔭᔪᐤ ᐛ ᐃᑎᒂᐤ ᐊᓐᒡ ᑲ ᐎᒋᐃᐛᒡ ᐊ ᐱᒥᐱᔨᑕᑭᓄᐎᒡ ᐊᔭᒥᐊᐅᒋᐛᐱᔪᐤ ᐊᓐᑕ ᐊ ᑕᔭᒄ ᐊ ᑕᒡ ᐛᔅ ᑭᔭ ᓂᔾ ᓂᐎᒋᐃᐛᓐ ᐊ ᐱᒥᐱᔨᑕᑭᓄᐅᒡ ᐊᔭᒥᐊᐅᒋᐛᑉ᙮ ᓂᑭ ᒋ ᑎᐸᑐᑎᒺᓐ ᑭᔭ ᑕᓐ ᑲ ᐃᓯ ᓂᓇᐧᑲᑕᔨᒧᐊᑭᓄᐅᑦ ᙭ ᑭᔭ ᓂᑭ ᒋᔅᑕᔨᑕᑯᐃᑯᐅᓐ ᑭᔭ ᓂᔾ ᐃᔅᐱ ᓄᑯᑕᑭᓄᔨᒐ ᐊᓐᑕ ᙭ ᒐ ᒋᔅᑕᔨᑕᑯᐊᑭᓄᐅᑦ᙮ ᒪᐅᔭᔪᐤ ᐛ ᐃᑎᒂᐤ,