ᐊᒃᓱᑕᔅ 3:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᒋᓴᒪᓂᑐᐤ ᒋ ᐃᑕᐤ, “ᒋᑭ ᐎᒐᐅᑎᓐ᙮ ᐊᐅᑯᐤ ᐅᒪ ᒪᒃ ᒐ ᐅᒋᔅᒋᓄᐛᒋᒋᑭᓂᔨᓐ ᐊᒋ ᐃᑎᓴᐅᑕᓐ᙮ ᐃᔅᐱ ᒋ ᐸᒋ ᐎᐎᑕᔨᑥᐛ ᐊᓐᒡ ᐃᔪᒡ ᐊᓐᑕ ᐃᒋᑉᑎᒡ ᐅᒡ, ᒋᑭ ᐊᔭᒥᐊᔅᑐᐅᓇᐛᐤ ᐅᑕ ᐱᔅᑯᑎᓇᒡ᙮”

ᐊᒃᓱᑕᔅ 3:12 Iomraidhean Croise

ᒐᓂᓯᔅ 15:1

ᓇᓇᒐ ᑎᐸᔨᒋᒐᓱᐤ ᒋ ᓄᑯᓯᔅᑐᐛᐤ ᐊᑉᕋᒪ ᑭᔭ ᒋ ᐃᑕᐤ, “ᐊᑲ ᑯᔅᑕᒋ, ᐊᑉᕋᒻ᙮ ᓂᔾ ᐅ ᒋᑦ ᐊᒂᓇᐅᓱᐛᑭᓐ, ᒋᒋᐛ ᒋᑭ ᒥᓴᐤ ᒋᑎᐸᒪᑯᓯᐅᓐ᙮”

ᒐᓂᓯᔅ 15:8

ᐊᑉᕋᒻ ᒋ ᑯᒂᒋᒪᐤ, “ᐅ ᑎᐸᔨᒋᒐᓱᐤ ᒋᓴᒪᓂᑐᐤ, ᑕᓐᑕ ᒐᒋ ᐅᒋ ᒋᔅᒐᔨᑎᒪᓐ ᓂᔾ ᒐ ᑎᐸᔨᑎᒧᐛᓇ ᐅ ᐊᔅᒋᔾ ?”

ᒐᓂᓯᔅ 26:3

ᒐ ᑕᔨᓐ ᐅᑕ ᐊᔅᒋᒡ ᑭᔭ ᓂᑭ ᑕᓐ ᐊ ᑕᔨᓐ ᑭᔭ ᒋᑭ ᒥᔪᑐᑕᑎᓐ᙮ ᐛᔅ ᒋᔾ ᑭᔭ ᒋᑦ ᐊᓂᔅᑯᑕᐸᓐᒡ ᓂᑭ ᒥᔭᐅᒡ ᐅᔭ ᒥᓯᐛ ᐊᔅᒋᔪᐤ᙮ ᓂᑭ ᑭᓄᐛᔨᑎᒺᓐ ᓂᔅᑯᒥᑐᐅᓂᔪᐤ ᑲ ᐃᑐᑎᒧᐅᒃ ᒍᑕᐎᔾ ᐊᑉᕋᐊᒻ᙮

ᒐᓂᓯᔅ 31:3

ᐊᑯ ᐅᑎᐸᔨᒋᒐᐛ ᒂ ᐃᑎᑯᑦ, “ᑲᐤ ᐊᓐᑕ ᒐ ᐃᑐᑕᔨᓐ ᑲ ᐎᒋᒡ ᒋᑦ ᐊᓂᔅᑯᑕᐸᓐᒡ, ᐊᓐᑕ ᐊᓄᒡ ᐛᒋᒡ ᒋᐧᑲᓂᓯᒡ᙮ ᓂᑦ ᐊᓱᑎᒪᒐᓐ ᒐ ᑭᓄᐛᔨᒥᑕᓐ᙮”

ᑎᐱᑦ ᐅᓂᑭᒧᐅᓇ 86:17

ᐛᐸᑎᔨ ᑲ ᒥᔽᓯᒡ ᒋᔅᒋᓄᐛᒋᒋᑭᓐ; ᐊᓐᒡ ᑲ ᐛᐧᑲᓯᒡ ᒐᒋ ᐛᐸᑕᒡ, ᑭᔭ ᒐᒋ ᓯᓴᒂᔨᒧᒡ, ᐛᔅ ᒋᔾ, ᑎᐸᔨᒋᒐᓱᐤ, ᔅᒋ ᐎᒋᐃᓐ, ᑭᔭ ᔅᒋ ᒥᔽᔨᒧᐃᔨᓐ᙮

ᐊᒃᓱᑕᔅ 18:5

ᒐᑦᕈᐤ, ᐊᐎᒐᐅᑯᑦ ᒧᓱᓴ ᐅᑯᓯᔪᐛ ᑭᔭ ᐎᐎᐛ, ᒋ ᑎᑯᓯᓄᐅᒡ ᐊᓐᑕ ᐸᐧᑯᑎᔅᑭᒥᑲᒡ, ᐊᓐᑕ ᒧᓱᓴ ᑲ ᐎᒋᔨᒋ ᒥᒋᒪ ᑎᐸᔨᒋᒐᓱᐛ ᐅᐱᔅᑯᑎᓇᒥᔪᐤ᙮

ᐊᒃᓱᑕᔅ 3:1

ᐸᐃᒂᐤ ᒐᓯᑲᔨᒡ, ᒧᓱᔅ ᒋ ᑭᓄᐛᔨᒪᐤ ᐅᒋᓴᐃᔨᒪ ᒐᑦᕈᐛ, ᒥᑎᐊᓐ ᐊᔭᒥᐊᐅᒋᒪᐛ, ᐅᒪᔭᑕᓂᓯᒥᔪᐛ᙮ ᐊᑎᒪᐱᓯᒧᒡ ᐃᑕᒐ ᐸᐧᑯᑎᔅᑭᒥᑲᒡ ᐊᑲᒥᒡ ᒋ ᐃᑐᑕᐤ ᑭᔭ ᒂ ᐅᑎᑕᐧᒃ ᓴᐃᓇᐃ, ᑲ ᐸᔭᒋᓯᐤ ᐱᔅᑯᑎᓇᔪᐤ᙮

ᐊᒃᓱᑕᔅ 3:13

ᒧᓱᔅ ᒪᒃ ᒋ ᑯᒂᒋᒪᐤ, “ᐃᔅᐱ ᓂᑐᐛᐱᒥᒂᐛ ᐃᔅᕋᐃᓪ ᐃᔪᒡ ᑭᔭ ᐎᑎᒧᐅᒂᐛ, ‘ᐊᓂᔭ ᐅᑕᐎᐛᐛ ᐅᒋᓴᒪᓂᑐᒥᔪᐛ ᓂᒋ ᐃᑎᓴᐅᑯᔨᐛ,’ ᑕᓐ ᒐ ᐃᑎᒂᐤ ᑯᒂᒋᒥᑥᐛ ᐊᓯᓂᐧᑲᓱᐅᑦ ?”

ᐊᒃᓱᑕᔅ 33:14

ᒋ ᐃᔅᒋᔄᐤ ᒪᒃ ᑎᐸᔨᒋᒐᓱᐤ, “ᒋᑭ ᐎᒐᐅᑎᓐ, ᑭᔭ ᒋᑭ ᒥᔨᑎᓐ ᒐᒋ ᐊᔽᓯᔨᓐ᙮”

ᐊᒃᓱᑕᔅ 4:12

ᐊᑯ ᐃᑐᑕᒪ, ᒋᑭ ᐎᒋᐃᑎᓐ ᒐᒋ ᐃᔨᒥᔨᓐ ᑭᔭ ᒋᑭ ᐎᑎᒪᑎᓐ ᑕᓐ ᒐ ᐃᔅᒋᔄᔨᓐ᙮”

ᐊᒃᓱᑕᔅ 4:15

ᒋᔾ ᒐ ᐃᔨᒥᔨᑦ, ᑭᔭ ᒐ ᐎᑎᒧᐅᑦ ᒐᒂᔪᐤ ᒐ ᐃᔅᒋᔄᑦ᙮ ᑕᐱᔅᑯᓐ ᒋᑭ ᐎᒋᐃᑎᓇᐛᐤ ᒐᒋ ᐃᔨᒥᔭᒄ ᑭᔭ ᒋᑭ ᐎᑎᒪᑎᓇᐛᐤ ᑕᓐ ᒐ ᐃᑎᔭᒄ᙮

ᐊᒃᓱᑕᔅ 8:27

ᐛᔅ ᓇᔅᒡ ᓂᑭ ᐎ ᐱᒧᑕᓇᓐ ᓂᔅᑐ ᒋᓯᑲᐛ ᐊᓐᑕ ᐸᐧᑯᑎᔅᑭᒥᑲᒡ ᒐᒋ ᒥᔨᒋᒡ ᒥᑐᔅᑕᐊᒪᒐᐅᓂᔪᐤ ᑎᐸᔨᒋᒐᓱᐤ ᓂᒋᓴᒪᓂᑐᒥᓇᓐ, ᒧᔭᒻ ᑲ ᐃᔅᒋᔄᑦ᙮”

ᒪᑎᔪᐤ 28:20

ᑭᔭ ᒐ ᒋᔅᑯᑎᒧᐛᑯᒡ ᒐᒋ ᓂᓇᐃᑕᒡ ᒥᓯᐛ ᑕᓐ ᑲ ᐃᑎᓱᒥᑎᑯᒡ᙮ ᒧᔅ ᒪᒃ ᒋᑭ ᐎᒐᐅᑎᓇᐛᐤ ᐱᐃᒻ ᐊᑎ ᐃᔎᐱᔨᒐ ᐊᔅᒋᔾ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:20

ᐊᑯ ᒪᒃ ᒋᔅᒋᓄᐊᒧᐛᑭᓐᒡ ᒥᓯᐛ ᒋ ᐃᑐᑕᐅᒡ ᐊ ᑭᒐᔅᒋᒧᒡ᙮ ᐅᑎᐸᔨᒋᒐᐛ ᒋ ᐎᒋᐃᑯᐅᒡ ᑭᔭ ᒋ ᐛᐸᑎᔨᐛᔪᐛ ᐊ ᑕᑈᒥᑭᓂᔨᒡ ᑕᓐ ᐊ ᐃᓯ ᑭᒐᔅᒋᒧᒡ ᐊᓂᔭ ᐅᒋ ᓂᓇᐧᑯᐤ ᒪᒥᔅᑲᒡ ᐛᐸᑎᔨᐛᐅᓇ ᐊᒋ ᐃᑐᑕᒡ᙮ ᐊᒥᓐ᙮

ᐊᑈᔅᑕᓇᒡ 11:21

ᒋ ᒥᔭᑭᓄᐎᒡ ᒪᒃ ᐅᑎᐸᔨᒋᒐᐛ ᐅᓱᐧᑲᑎᓯᐅᓂᔪᐤ, ᒥᒐᑦ ᒪᒃ ᐊᐛᓐᒋ ᒋ ᑕᑈᔭᔨᒪᐅᒡ ᑭᔭ ᒋ ᓇᓴᐛᐅᒡ ᐅᑎᐸᔨᒋᒐᐤ᙮

ᐊᑈᔅᑕᓇᒡ 7:7

ᒥᒄ ᒪᒃ ᐊᓂᔭ ᐃᔪᐛ ᑕᑎᐸᓐ ᐊ ᐃᑎᔅᑲᓇᓯᔨᒋ ᑲ ᐊᐱᒋᐃᑯᒡ ᓂᑭ ᐛᐛᓯᒪᔪᐛ᙮ ᐃᔅᐱ ᒪᒃ ᓇᐤ ᒥᑕᓯᒥᑎᓄᐤ ᐱᐳᓇ ᐅᑎᒋᐱᔨᒐ, ᒋᑭ ᓂᑭᑎᒧᒡ ᐊᓂᔭ ᐊᔅᒋᔪᐤ ᐊᓐᑕ ᑲ ᓂᓇᐧᑲᑕᔨᒧᒡ ᐊ ᐊᐱᒋᐊᑭᓄᐎᒡ ᐊᑯ ᒪᒃ ᒐ ᐸᒋ ᐊᔭᒥᐊᔅᑐᐅᒡ ᐅᑕ ᐅ ᐊᔅᒋᔾ ᒪᒂᒡ ᐊᓄᒡ ᑲ ᓂᐳᔨᓐ᙮’ ”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:31

ᒥᓯᐛ ᒪᒃ ᐅ ᐊ ᒋᔅᒐᔨᑎᒪᒄ ᒪᐅ ᒐᒋ ᐃᔅᒋᔄᔭᐧᒄ, ᑕᑈ ᒋᓴᒪᓂᑐᐤ ᐛᒋᐃᑯᐛᐅᒂ ᓇᒪ ᐊᐛᓐ ᒋᑭ ᒋ ᓴᐧᑯᒋᐃᑯᓄᐤ᙮

ᐃᑉᕈᐛ 13:5

ᐊᑲ ᐎ ᒋᑭ ᐅᒋ ᐃᓯᓇᑯᓯᓇᐛᐤ ᒐᒋ ᓴᒋᑕᔭᒄ ᓱᓇᔭᐤ᙮ ᒋᐸ ᒥᔽᔨᑕᓇᐛᐤ ᑕᓐ ᐊ ᐃᓯ ᐊᔭᔭᒄ᙮ ᐛᔅ ᒋᓴᒪᓂᑐᐤ ᒋ ᐃᔅᒋᔄᐤ, “ᓇᒪ ᓂᑕ ᒋᑭ ᐅᒋ ᓂᑭᑎᑎᓇᐛᐤ, ᓇᒪ ᓂᑕ ᒋᑭ ᐅᒋ ᐃᓯᓇᑯᓯᓇᐛᐤ ᒐ ᐊᑲ ᒋ ᐃᔭᐱᑕᔨᒥᑎᑯᒡ᙮”