ᐊᒃᓱᑕᔅ 3:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᐊᓄᒡ ᒪᒃ ᒋᑭ ᐃᑎᓴᐅᑎᓐ ᒐᒋ ᓂᑐᐛᐱᒥᑦ ᒋᓴᐅᒋᒪᐤ, ᒐᒋ ᐸᒋ ᐎᐎᑕᐃᑥᐤ ᓂᑦ ᐃᔨᒥᒡ, ᐃᔅᕋᐃᓪ ᐃᔪᒡ, ᐃᒋᑉᑎᒡ ᐅᒡ᙮”

ᐊᒃᓱᑕᔅ 3:10 Iomraidhean Croise

ᒐᓂᓯᔅ 15:13

ᐊᑯ ᑎᐸᔨᒋᒐᓱᐛ ᐊᑎᑯᑦ, “ᒐ ᐎ ᓂᔅᑐᑎᒥᓐ ᒐᒂᓐ ᒐ ᐎᑎᒪᑕᓐ, ᒋᓂᑕᐅᒋᐊᑭᓐᒡ ᒋᑭ ᐎᒍᐅᒡ ᐊᓐᑕ ᐊᔅᒋᒡ ᐊᑲ ᑎᐸᔨᑕᒡ᙮ ᒋᑭ ᓯᒋᒪᐅᒡ ᐃᔪᒡ ᐛᑎᔅᒋᒡ ᒐᒋ ᐊᑐᔅᒐᔅᑕᑯᒡ ᒋᓂᑕᐅᒋᐊᑭᓇ ᑭᔭ ᓇᐤ ᒥᑕᓯᒥᑎᓄᐛᐳᓇ ᐃᔅᐱᔅ ᒋᑭ ᐱᐛᔨᒪᑭᓄᐎᒡ᙮

ᒐᓂᓯᔅ 15:14

ᒥᒄ ᓂᑭ ᐊᓏᔨᒪᐛ ᐊᓂᔭ ᐊ ᐸᐃᑯᔅᑲᓇᓯᔨᒋ ᐊᑐᔅᒐᔅᑐᐛᒡ᙮ ᐊᑯ ᒋᓂᑕᐅᒋᐊᑭᓐᒡ ᒋᑭ ᓂᑭᑎᒧᒡ ᐊᓂᔭ ᒪᓐᑕᐤ ᐊᔅᒋᔪᐤ ᐛᔪᑎᓯᐅᓂᔪᐤ ᐊ ᔅᑐᑕᒡ᙮

ᑎᐱᑦ ᐅᓂᑭᒧᐅᓇ 105:26

ᒋ ᐃᑎᓴᐛᐤ ᐅᑦ ᐊᑐᔅᒐᔭᑭᓇ ᒧᓱᓴ, ᑭᔭ ᐊᕋᓇ ᑲ ᐅᐛᔭᐱᒪᑦ᙮

ᑎᐱᑦ ᐅᓂᑭᒧᐅᓇ 77:20

ᔅᒋ ᐱᒧᑕᐊᐅᒡ ᒋᑦ ᐃᔨᒥᒡ ᒧᔭᒻ ᒪᔭᑕᓂᓯᒡ, ᐅᑎᒋᐛᒡ ᐅᒋ ᒧᓱᔅ ᑭᔭ ᐊᕋᓐ᙮

ᐊᒃᓱᑕᔅ 12:40

ᓇᐤ ᒥᑕᓯᒥᑎᓄᐤ ᐊᓱ ᓂᔅᑐᔪᐛ ᐱᐳᓇ ᒋ ᐃᔅᐱᔅ ᐎᒍᐅᒡ ᐃᔅᕋᐃᓪ ᐃᔪᒡ ᐊᓐᑕ ᐃᒋᑉᑦ ᐊᔅᒋᒡ᙮

ᐊᒃᓱᑕᔅ 12:41

ᐊᑯ ᐊᓂᔭ ᑲ ᐃᔎᐱᔨᒡ ᓇᐤ ᒥᑕᓯᒥᑎᓄᐤ ᐊᓱ ᓂᔅᑐᔪᐛ ᐱᐳᓇ, ᓇᐊᐤ ᐊᓂᔭ ᒋᓯᑯᔪᐤ ᐊᐅᑯᔪᐤ ᐊᓂᔭ ᑎᐸᔨᒋᒐᓱᐤ ᐅᑦ ᐃᔨᒪ ᑲ ᓂᑭᑕᒡ ᐃᒋᑉᑦ ᐊᔅᒋᔪᐤ᙮

ᐊᒃᓱᑕᔅ 33:12

ᒧᓱᔅ ᒪᒃ ᒋ ᐃᑕᐤ ᐅᑎᐸᔨᒋᒐᐛ, “ᐛᐸᑕ, ᒋᒋ ᐃᓯᓐ, ‘ᐸᓱᐅᒡ ᐊᑯ ᐃᔪᒡ᙮’ ᓇᒪ ᒪᒃ ᒋ ᒋᔅᒐᔨᑎᒥᔨᓐ ᐊᐛᓐ ᒐ ᐃᑎᓴᐅᑦ ᒐᒋ ᐎᒐᐅᑦ᙮ ᐊᔪᐛᒡ ᒪᒃ ᔅᒋ ᐃᔅᒋᔄᓐ, ‘ᒋ ᒋᔅᒐᔨᒥᑎᓐ ᒋᑦ ᐃᓯᓂᐧᑲᓱᐅᓐ ᐅᒡ, ᑭᔭ ᔅᒋ ᒥᔅᑲᓐ ᓱᐛᔨᑕᑯᓱᐅᓐ ᐊ ᐸᑕᔅᑎᒥᐱᔭᓐ᙮’

ᐊᒃᓱᑕᔅ 33:13

ᐊᐅᒄ ᐛᒋ ᒪᒃ, ᒋ ᐱᑯᓴᔨᒥᑎᓐ, ᒧᔭᒻ ᑲ ᒥᔅᑯᒧᐛᓇ ᓱᐛᔨᑕᑯᓱᐅᓐ ᐊ ᐸᑕᔅᑎᒥᐱᔨᓐ, ᐛᐸᑎᔨ ᐊᑯ ᒋᑦ ᐃᓯᑥᐅᓐ, ᒐᒋ ᐊᑎᑐᐤ ᒋᔅᒐᔨᒥᑕᓐ, ᒐᒋ ᒥᔅᑲᒪᓐ ᓱᐛᔨᑕᑯᓱᐅᓐ ᐊ ᐸᑕᔅᑎᒪᐱᔨᓐ; ᑭᔭ ᒪᒥᑐᓇᔨᑕ, ᐊᐅᑯᐤ ᐅᒡ ᐊ ᐃᑎᔅᑲᓇᓯᒡ ᐃᔪᒡ ᑲ ᐎᔭᔨᒥᑥᐤ ᒐ ᐅᑦ ᐃᔨᒥᔨᓐ᙮”

ᐊᒃᓱᑕᔅ 6:26

ᐸᐃᑯᑕᐤ ᐊᓂᔭ ᐊᕋᓇ ᑭᔭ ᒧᓱᓴ ᑎᐸᔨᒋᒐᓱᐤ ᑲ ᐃᑕᑦ ᒐᒋ ᔅᑐᑕᐊᔨᒋ ᐃᔅᕋᐃᓪ ᐃᔪᐛ ᐊᓐᑕ ᐃᒋᑉᑦ ᐊᔅᒋᒡ ᐅᒡ᙮

ᐊᑈᔅᑕᓇᒡ 7:34

ᓇᔅᒡ ᓂᒋ ᐛᐱᒪᐅᒡ ᑕᓐ ᐊᔅᐱᔅ ᓂᓇᐧᑲᑕᔨᒧᒡ ᓂᑦ ᐃᔨᒥᒡ ᐊᓐᑕ ᐃᒋᑉᑎᒡ᙮ ᓂ ᐸᑐᐛᐅᒡ ᐊ ᒪᒡ ᐊᑯ ᒪᒃ ᑕᑯᓯᓂᔭᓐ ᒐᒋ ᐎᐧᑯᒋᐃᒂᐤ᙮ ᐊᔅᑎᒻ ᒪᒃ, ᒥᓐ ᒋᑭ ᐃᑎᓴᐅᑎᓐ ᐊᓐᑕ ᐃᒋᑉᑎᒡ᙮’ ”

ᐊᑈᔅᑕᓇᒡ 7:36

“ᐊᐅᒄ ᒪᒃ ᐅ ᒧᓱᔅ ᑲ ᐸᒋ ᐎᐎᑕᐊᑦ ᐊᓂᔭ ᐃᔪᐛ ᐊᓐᑕ ᐃᒋᑉᑎᒡ ᐅᒡ᙮ ᒋ ᒪᒥᔅᑲᒡ ᐃᑐᐤ ᒪᒃ ᐊᓐᑕ ᐃᒋᑉᑎᒡ ᑭᔭ ᐊᓐᑕ ᒥᒂᑭᒥ ᐎᓂᐸᒄ ᑭᔭ ᓇᐎᔪᐛ ᐱᐳᓇ ᒋ ᒪᒥᔅᑲᒡ ᐃᑐᐤ ᐊᓐᑕ ᐸᐧᑯᑎᔅᑭᒥᑲᒡ᙮”

ᐊᑈᔅᑕᓇᒡ 7:6

ᒪᐅᔭᔪᐤ ᒪᒃ ᑲ ᐃᑎᑯᑦ ᐊᑉᕋᐊᒻ ᒋᓴᒪᓂᑐᐛ, ‘ᒋᑦ ᐊᐛᓯᒥᒡ ᑭᔭ ᐅᑦ ᐊᐛᓯᒧᐛᐤ ᒋᑭ ᐎᒍᐅᒡ ᐊᓐᑕ ᒪᓐᑕᐤ ᐊᔅᒋᔪᐤ ᐊᑯᑕ ᐊᓐᑕ ᒐ ᓂᓇᐧᑲᑕᔨᒧᒡ᙮ ᒋᑭ ᐊᐱᒋᐊᑭᓄᐅᒡ ᑭᔭ ᒋᑭ ᓂᓇᐧᑲᒋᐊᑭᓄᐅᒡ ᓇᐤ ᒥᑕᓯᒥᑎᓄᐤ ᐱᐳᓇ ᐃᔅᐱᔅ᙮

ᐊᑈᔅᑕᓇᒡ 7:7

ᒥᒄ ᒪᒃ ᐊᓂᔭ ᐃᔪᐛ ᑕᑎᐸᓐ ᐊ ᐃᑎᔅᑲᓇᓯᔨᒋ ᑲ ᐊᐱᒋᐃᑯᒡ ᓂᑭ ᐛᐛᓯᒪᔪᐛ᙮ ᐃᔅᐱ ᒪᒃ ᓇᐤ ᒥᑕᓯᒥᑎᓄᐤ ᐱᐳᓇ ᐅᑎᒋᐱᔨᒐ, ᒋᑭ ᓂᑭᑎᒧᒡ ᐊᓂᔭ ᐊᔅᒋᔪᐤ ᐊᓐᑕ ᑲ ᓂᓇᐧᑲᑕᔨᒧᒡ ᐊ ᐊᐱᒋᐊᑭᓄᐎᒡ ᐊᑯ ᒪᒃ ᒐ ᐸᒋ ᐊᔭᒥᐊᔅᑐᐅᒡ ᐅᑕ ᐅ ᐊᔅᒋᔾ ᒪᒂᒡ ᐊᓄᒡ ᑲ ᓂᐳᔨᓐ᙮’ ”