ᐊᒃᓱᑕᔅ 3:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᐸᐃᒂᐤ ᒐᓯᑲᔨᒡ, ᒧᓱᔅ ᒋ ᑭᓄᐛᔨᒪᐤ ᐅᒋᓴᐃᔨᒪ ᒐᑦᕈᐛ, ᒥᑎᐊᓐ ᐊᔭᒥᐊᐅᒋᒪᐛ, ᐅᒪᔭᑕᓂᓯᒥᔪᐛ᙮ ᐊᑎᒪᐱᓯᒧᒡ ᐃᑕᒐ ᐸᐧᑯᑎᔅᑭᒥᑲᒡ ᐊᑲᒥᒡ ᒋ ᐃᑐᑕᐤ ᑭᔭ ᒂ ᐅᑎᑕᐧᒃ ᓴᐃᓇᐃ, ᑲ ᐸᔭᒋᓯᐤ ᐱᔅᑯᑎᓇᔪᐤ᙮

ᐊᒃᓱᑕᔅ 3:1 Iomraidhean Croise

ᑎᐱᑦ ᐅᓂᑭᒧᐅᓇ 106:19

ᒋ ᐅᓯᐊᐅᒡ ᒥᓂᑐᐧᑲᓇ ᒥᒋᑎᒂ ᐊ ᐃᓯᓇᑯᓯᔨᒋ ᐦᐅᕋᐱᒡ, ᑭᔭ ᒋ ᐊᔭᒥᐊᔅᑐᐛᐅᒡ ᑎᒋᓯᑭᓂ ᒥᓂᑐᐧᑲᓇ᙮

ᐊᒃᓱᑕᔅ 17:6

ᐃᔅᐱ ᐅᑎᑎᒪᒂ ᐦᐅᕋᑉ ᐊᓯᓂᔾ ᐊᓐᑕ ᓴᐃᓇᐃ ᐱᔅᑯᑎᓇᒡ ᓂᑭ ᑕᓐ ᐊᓐᑕ ᐊ ᑕᔭᒄ᙮ ᒐ ᐅᑕᒪᒥᓐ ᐊᓯᓂᔾ ᐊᑯ ᓂᐱᔾ ᒐ ᐸᒋ ᐎᐎᐱᔨᒡ ᒐ ᒥᓂᒡ ᐃᔪᒡ,” ᐊᐅᑯᓐ ᑲ ᐃᑎᑦ ᒧᓱᔅ ᐊ ᑭᓄᐛᐱᒥᑯᑦ ᐃᔅᕋᐃᓪ ᐅᒋᒪᐅᒡ᙮

ᐊᒃᓱᑕᔅ 18:12

ᐊᑯ ᒐᑦᕈᐤ ᒂ ᐸᑕᑦ ᐱᔅᑎᓂᒐᐅᓂᔪᐤ ᒐᒋ ᐃᔎᓴᑭᓄᐎᒡ ᑭᔭ ᑯᑎᑲ ᒥᑐᔅᑕᐊᒪᒐᐅᓇ ᒐᒋ ᒥᔭᑭᓄᐅᑦ ᒋᓴᒪᓂᑐᐤ᙮ ᐊᕋᓐ ᑭᔭ ᐃᔅᕋᐃᓪ ᐅᒋᒪᐅᒡ ᒋ ᑎᑯᓯᓄᐅᒡ ᒐᒋ ᒥᒋᓱᐅᒡ ᐊᓐᑕ ᐊᔭᒥᐊᓄᐎᒡ᙮ ᐊᕈᓐ ᒋ ᑎᑯᓯᓄᐤ ᐊ ᐎᒐᐛᑦ ᒥᓯᐛ ᐃᔅᕋᐃᓪ ᐅᒋᒪᐅᒡ ᒐᒋ ᐎᒋᒥᒋᓱᒪᒡ ᒧᓱᓴ ᐅᒋᓴᐃᒥᔪᐛ ᐅᑎᔅᑯᐤ ᒋᓴᒪᓂᑐᐛ᙮

ᐊᒃᓱᑕᔅ 19:11

ᐛᒧᒡ ᐅᔭ ᒋᑭ ᐎ ᐃᑐᑎᒧᒡ ᒐᒋ ᐊᔭᔅᑯᐱᒡ ᐅᓱᐛᐱᓂᔨᒐ᙮ ᐊᐅᑯᓐ ᒋᓱᒄ ᒐ ᓂᑎᒋᐛᔭᓐ ᓴᐃᓇᐃ ᐱᔅᑯᑎᓇᐤ ᒐᒋ ᐛᐱᒥᒡ ᒥᓯᐛ ᐃᔅᕋᐃᓪ ᐃᔪᒡ᙮

ᐊᒃᓱᑕᔅ 19:2

ᑲᒋ ᒋᔅᑐᑕᒡ ᐊᓐᑕ ᕆᐱᑎᒻ ᐅᒡ, ᒂ ᐅᑎᑕᒡ ᓴᐃᓇᐃ ᐸᐧᑯᑎᔅᑭᒥᑯᔪᐤ, ᓂᑕᒥᑎᓄᐤ ᐊᓐᑕ ᒂ ᒪᓂᑲᓱᒡ᙮

ᐊᒃᓱᑕᔅ 19:3

ᑭᔭ ᒧᓱᔅ ᒂ ᓴᑭᒋᐛᑦ ᐱᔅᑯᑎᓇᔪᐤ ᒐᒋ ᓂᒋᔅᑯᐛᑦ ᒋᓴᒪᓂᑐᐛ᙮ ᑎᐸᔨᒋᒐᓱᐛ ᒋ ᑕᑈᑎᑯᐤ ᐊᓐᑕ ᐱᔅᑯᑎᓇᔪᐤ ᐅᒡ ᑭᔭ ᒂ ᐃᑎᑯᑦ ᒐᒋ ᐃᑕᑦ ᐃᔅᕋᐃᓪ ᐃᔪᐛ, ᒐᑭᐸ ᐅᑦ ᐊᓂᔅᑯᑕᐸᓂᔪᐛ,

ᐊᒃᓱᑕᔅ 2:16

ᐊᑯ ᐊᔭᒥᐊᐅᒋᒪᐤ ᐊᓐᑕ ᒥᑎᐊᓐ, ᒐᑎᕈᐤ ᑲ ᐃᓯᓂᐧᑲᓱᑦ, ᓂᔄᐅᑕᒡ ᒋ ᐃᑕᑎᓯᔪᐛ ᐅᑕᓂᓴ, ᑭᔭ ᒂ ᑎᑯᓯᓂᔨᒋ ᐊᓐᑕ ᐅᑕᐃᐸᓂᒡ ᒐᒋ ᒥᓇᔨᒋ ᐊᓂᔭ ᐅᑕᐎᐛᐛ ᐅᒪᔭᑕᓂᓯᒥᔪᐛ᙮

ᐊᒃᓱᑕᔅ 2:18

ᐊᑯ ᐃᔎᓯᒡ ᒂ ᐊᑎ ᒋᐛᒡ, ᐊᑯ ᒂ ᐃᑎᑯᒡ ᐅᑕᐎᐛᐛ, “ᑕᓐ ᐊ ᐃᑎᔭᒄ ᐅ ᐎᐱᒡ ᐛᒋ ᑎᑯᓯᓂᔭᒄ ?”

ᐊᒃᓱᑕᔅ 2:21

ᒧᓱᔅ ᒋ ᓂᔅᑯᒧᐤ ᒐᒋ ᑕᐛᑦ ᐊᓐᑕ ᒐᑎᕈᐛ ᐊ ᑕᔨᒋ᙮ ᐊᑯ ᒐᑎᕈᐤ ᒋ ᒥᔭᐤ ᐊᓂᔭ ᒧᓱᓴ ᐸᐃᒄ ᐅᑕᓂᓴ ᒐᒋ ᐎᒋᒪᔨᒋ᙮ ᓯᐳᕋ ᒋ ᐃᓯᓂᐧᑲᓱᔨᐛ ᐊᓂᔭ ᐅᑕᓂᓴ᙮

ᐊᒃᓱᑕᔅ 24:13

ᒧᓱᔅ ᑭᔭ ᐊᓂᔭᔪᐛ ᐎᔭᐎᒋᐃᑯᑦ ᒐᓱᐛᔨᒋ ᒋ ᐊᔭᔅᑯᐎᔪᒡ᙮ ᐊᑯ ᒧᓱᔅ ᐊᑎ ᓴᑭᒋᐛᑦ ᐱᔅᑯᑎᓇᔪᐤ ᒐᒋ ᓂᒋᔅᑯᐛᑦ ᒋᓴᒪᓂᑐᐛ᙮

ᐊᒃᓱᑕᔅ 3:12

ᒋᓴᒪᓂᑐᐤ ᒋ ᐃᑕᐤ, “ᒋᑭ ᐎᒐᐅᑎᓐ᙮ ᐊᐅᑯᐤ ᐅᒪ ᒪᒃ ᒐ ᐅᒋᔅᒋᓄᐛᒋᒋᑭᓂᔨᓐ ᐊᒋ ᐃᑎᓴᐅᑕᓐ᙮ ᐃᔅᐱ ᒋ ᐸᒋ ᐎᐎᑕᔨᑥᐛ ᐊᓐᒡ ᐃᔪᒡ ᐊᓐᑕ ᐃᒋᑉᑎᒡ ᐅᒡ, ᒋᑭ ᐊᔭᒥᐊᔅᑐᐅᓇᐛᐤ ᐅᑕ ᐱᔅᑯᑎᓇᒡ᙮”

ᐊᒃᓱᑕᔅ 3:5

ᒋᓴᒪᓂᑐᐤ ᒂ ᐃᑕᑦ, “ᐊᑲ ᒥᒋᒪ ᐸᑐᑕ᙮ ᒥᓇ ᒋᒥᔅᒋᓇ, ᐛᔅ ᐸᔭᐧᑭᓐ ᐊᓐ ᐊᔅᒋᔾ ᐊᓐᑕ ᑭᒋ ᓂᐳᐅᓇᐛ᙮”

ᐊᒃᓱᑕᔅ 33:6

ᐊᑯ ᑲᒋ ᓂᑭᑕᒡ ᓴᐃᓇᐃ ᐱᔅᑯᑎᓇᔪᐤ, ᓇᒪ ᓴᔅ ᐅᒋ ᐳᔅᑭᒧᒡ ᐃᔅᕋᐃᓪ ᐃᔪᒡ ᐛᐛᓯᐅᓇᐱᔎ᙮

ᐊᒃᓱᑕᔅ 4:18

ᒧᓱᔅ ᑲᐤ ᒂ ᒋᐛᑦ ᑭᔭ ᒂ ᐃᔨᒪᐊᑦ ᐅᒋᓴᐃᔨᒪ ᒐᑦᕈᐛ᙮ ᒧᓱᔅ ᑲ ᐃᑕᑦ, “ᑕᑈᑎᒥᓇ ᓂ ᐎ ᐃᑐᑕᓐ ᑲᐤ ᐊᓐᑕ ᐃᒋᑉᑎᒡ ᒐᒋ ᒧᐱᔅᑐᐅᒂᐤ ᓂᐧᑲᓂᓯᒡ᙮ ᐛᔅ ᑭᔭ ᓇᒪ ᓂ ᒋᔅᒐᔨᒪᐅᒡ ᒐᒋ ᐃᔪᐛᐛᒂ᙮” ᒐᑦᕈᐤ ᒂ ᐃᑕᑦ ᒧᓱᓴ, “ᐊᑯ ᑭᑈ ᒐ ᐃᑐᑕᔨᓐ᙮”

ᐊᒃᓱᑕᔅ 4:27

ᐊᑯ ᑎᐸᔨᒋᒐᓱᐤ ᒂ ᐃᑕᑦ ᐊᕋᓇ, “ᒐ ᐃᑐᑕᔨᓐ ᐊᓐᑕ ᐸᐧᑯᑎᔅᑭᒥᑲᒡ ᒐ ᓂᑐᐛᐱᒥᑦ ᒧᓱᔅ᙮” ᐊᑯ ᐊᕋᓐ ᒂ ᐃᑐᑕᑦ ᐊᓐᑕ ᒋᓴᒪᓂᑐᐛ ᐅᐱᔅᑯᑎᓇᒥᔪᐤ, ᑭᔭ ᒂ ᒥᔅᑯᐛᑦ ᒧᓱᓴ ᑭᔭ ᒋ ᒥᔽᔨᑎᒥᔪᐛ ᐎᔭᐱᒥᑯᑦ᙮

ᓗᒃ 2:8

ᐊᓐ ᒪᒃ ᑕᐱᔅᑲᒡ, ᒥᒋᒪ ᐊᓐᑕ ᐊᓐ ᐅᑕᓇᐤ, ᒋ ᑕᐅᒡ ᒪᔭᑕᓂᓯᐅ-ᐃᔪᒡ ᐊ ᓂᓇᑭᑐᐛᔨᒪᒡ ᒪᔭᑕᓂᓴ᙮

ᐊᑈᔅᑕᓇᒡ 7:30

“ᐃᔅᐱ ᒪᒃ ᓇᐎᔪᐛ ᐱᐳᓇ ᑲ ᑕᑦ ᒧᓱᔅ ᐊᓐᑕ ᒥᑎᔭᓐ ᐊᔅᒋᒡ, ᐸᐃᒂᐤ ᐊ ᒋᓯᑲᔨᒡ ᒋ ᑕᐤ ᐊᓐᑕ ᐸᐧᑯᑎᔅᑭᒥᑲᒡ, ᒥᒋᒪ ᐊᓐᑕ ᐱᔅᑯᑎᓇᐤ ᓴᐃᓇᐃ ᑲ ᐃᓯᓂᐧᑲᑕᔨᒡ᙮ ᒋ ᐛᐸᑎᒻ ᐊ ᐱᔅᑯᑲᐳᐃᔨᒡ ᐊᓐᑕ ᐊ ᐃᔎᑕᐱᔨᒋ ᓂᐱᓯᔭᑎᒂ, ᐊᑯᑕ ᒪᒃ ᐊᓐᑕ ᒂ ᐅᒋ ᓄᑯᓯᔅᑕᑯᑦ ᐊᓐᒋᓇ᙮