ᐊᒃᓱᑕᔅ 27:21 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²¹ ᐊᕋᓐ ᑭᔭ ᐅᑯᓴ ᒋᑭ ᐊᔭᔅᑯᔅᑕᐅᒡ ᐛᔅᑕᓂᐱᒪᑭᓇᔅᑯᔪᐤ ᐊᓐᑕ ᐸᔭᒋ-ᐱᒍᐎᔭᓂᒋᐛᐱᒡ ᐎᐎᑎᒥᒡ ᐊᑯᑕᔨᒡ ᐊᑯᐛᑲᐃᑭᓂᔪᐤ ᐅᑎᔅᑯᐤ ᐸᔭᒋ-ᒥᐅᑎᔪᐤ᙮ ᐊᓯᑯᒻ ᑕᐱᔅᑲᐛ ᒋᑭ ᐎ ᐛᔅᑕᐤ ᐛᔅᑕᓂᐱᒪᑭᓇᔅᒄ ᐃᔅᐱᔅ ᒋᔭᒋᓴᐸᔭᒋ᙮ ᒧᔅ ᑲᒋᒡ ᒋᑭ ᐎ ᓇᑭᑐᐛᔨᑎᒧᒡ ᐃᔅᕋᐃᓪ ᐃᔪᒡ ᑭᔭ ᐅᑦ ᐊᓂᔅᑯᑕᐸᓄᐛᐛ ᐅᔭ ᐃᑎᓱᐛᐅᓂᔪᐤ᙮”

ᐊᒃᓱᑕᔅ 27:21 Iomraidhean Croise

ᒐᓂᓯᔅ 1:5

ᒋᓴᒪᓂᑐᐤ ᒋ ᐃᓯᓂᐧᑲᑎᒻ ᐛᔅᑕᐅᓂᔪᐤ, “ᒋᓯᑲᐤ,” ᑭᔭ ᒋ ᐃᓯᓂᐧᑲᑎᒻ ᐊ ᐅᑲᔅᑕᔭᔨᒡ, “ᑎᐱᔅᑲᐤ᙮” ᒂ ᐅᑕᑯᓯᒡ ᑭᔭ ᒂ ᒐᒋᓴᐸᔭᒡ, ᐊᐅᑯᓐ ᓂᔅᑎᒻ ᐊ ᒋᓯᑲᒡ᙮

ᒐᓂᓯᔅ 1:8

ᑭᔭ “ᒋᓯᒄ” ᒂ ᐃᓯᓂᐧᑲᑕᐧᒄ᙮ ᒂ ᐅᑕᑯᓯᒡ ᑭᔭ ᒂ ᒐᒋᓴᐸᔭᒡ, ᐊᐅᑯᓐ ᓂᔄᐤ ᐊ ᒋᓯᑲᒡ᙮

ᑎᐱᑦ ᐅᓂᑭᒧᐅᓇ 134:1

ᐛᐸᑎᒥᒄ, ᒪᒥᒋᒥᐧᒄ ᑎᐸᔨᒋᒐᓱᐤ, ᒥᓯᐛ ᒋᔨᐛᐤ ᐅᑦ ᐊᑐᔅᒐᔭᑭᓇ ᑎᐸᔨᒋᒐᓱᐤ; ᑕᐱᔅᑲᒋ ᑲ ᓂᐳᐅᔭᒄ ᐎᒋᒡ ᑎᐸᔨᒋᒐᓱᐤ᙮

ᐊᒃᓱᑕᔅ 12:14

ᐊᓄᒡ ᐊ ᒋᓯᑲᒡ ᒪᒃ ᒋᑭ ᐅᒋᔅᒋᓄᐛᒋᒋᑭᓂᓇᐛᐤ; ᒋᑭ ᑭᓄᐛᔨᑕᓇᐛᐤ ᒪᒃ ᐊ ᒥᑯᓴᔅᑐᐛᒄ ᑎᐸᔨᒋᒐᓱᐤ ᐃᔅᐱᔅ ᒐ ᐊᑎ ᐊᔭᓂᔅᒐ ᐱᒪᑎᓯᐛᐛᒂ: ᒋᑭ ᑭᓄᐛᔨᑕᓇᐛᐤ ᐊ ᒥᑯᓴᔭᒄ ᐊ ᐃᑎᓱᐛᓄᐅᒡ ᑲᒋᒡ᙮

ᐊᒃᓱᑕᔅ 16:34

ᐊᕋᓐ ᒂ ᐃᑐᑕᐧᒄ ᑎᐸᔨᒋᒐᓱᐛ ᑲ ᐃᑎᓱᒪᔨᒋ ᒧᓱᓴ᙮

ᐊᒃᓱᑕᔅ 25:16

ᒋ ᒥᔨᑕᓇ ᓂᓱ ᑲ ᐱᐱᒋᓯᒡ ᐊᓯᓂᔨᒡ ᐊᓐᑕ ᒐ ᒥᓯᓇᐊᒪᓐ ᓂᐎᓱᐛᐅᓇ, ᐊᑯᑕ ᐊᓐᑕ ᒐ ᐱᑕᐊᒥᓐ᙮

ᐊᒃᓱᑕᔅ 28:43

ᑕᑥᐤ ᐸᒐᑥᐎ ᐸᔭᒋ-ᐱᒍᐎᔭᓂᒋᐛᐱᒡ ᑭᔭ ᒪᒃ ᐊᓐᑕ ᑲ ᐸᔭᒋᒥᑭᓂᔨᒡ ᑲᐱᔅᒋᒐᔭᔨᒡ ᒋᑭ ᐎ ᐳᔅᑯᐛᐅᒡ ᐱᑐᑭᔅᒋᐱᓱᓇᓇ ᒐ ᐊᑲ ᓂᐸᐊᑭᓄᐅᒡ ᐊ ᒧᓴᓯᒡ᙮ ᐊᐅᑯᔪᐤ ᐅᔭ ᐸᐃᑯᑕᐤ ᒧᔅ ᒐ ᐎ ᑐᑕᒡ ᐊᕋᓐ ᑭᔭ ᐅᑦ ᐊᓂᔅᑯᑕᐸᓇ᙮”

ᐊᒃᓱᑕᔅ 29:28

ᓂᑲᓄᒡ ᐊᓐᑕ ᐃᔅᐱ ᐊᐛᓐ ᐃᔅᕋᐃᓕᒡ ᐅᒡ ᐱᔅᑎᓂᒐᒐ ᐅᔅᐱᒐᑭᓇ ᑭᔭ ᐅᑈᒪᐅᑯᔪᐤ ᒐᒋ ᐅᓯᐊᑭᓄᐎᒋ ᐊᔭᒥᐊᐅᒋᒪᐛ ᑭᔭ ᒪᒃ ᓂᑐᐛᔨᑕᒐ ᓂᓱᐛᔨᒋᒐᐅᓂᔪᐤ, ᓂᔾ ᐊᓐ ᓂᑭ ᑎᐱᔨᐛᐅᓯᓐ ᐎᔭᔅ, ᒥᒄ ᒋᑭ ᒋ ᒥᒍᐅᒡ ᐊᓂᔭ ᐊᔭᒥᐊᐅᒋᒪᐅᒡ᙮ ᓇᒪ ᓂᑕ ᒋᑭ ᒥᔅᑯᒋᐱᔪᐤ ᐅ ᐃᑎᓱᐛᐅᓐ᙮

ᐊᒃᓱᑕᔅ 29:42

ᒋᔾ ᑭᔭ ᒋᑦ ᐊᓂᔅᑯᑕᐸᓐᒡ ᒋᑭ ᐎ ᐱᒥᐱᑕᓇᐛᐤ ᐊ ᒥᑐᔅᑕᐊᒧᐅᔭᒄ ᐊᓂᔭ ᒐᒂᔪᐛ ᐊᓐᑕ ᐛᒋ ᐱᔨᒐᓄᐅᒡ ᐸᔭᒋ ᐱᒍᐎᔭᓂᒋᐛᐱᒡ, ᐊᑯᑕ ᐊᓐᑕ ᒐ ᓂᒋᔅᑲᑎᑯᒡ ᑭᔭ ᒐ ᐃᔨᒥᑎᑯᒡ᙮

ᐊᒃᓱᑕᔅ 29:44

ᓂᑭ ᐸᔭᒋᑕᓐ ᐸᔭᒋ ᐱᒍᐎᔭᓂᒋᐛᑉ ᑭᔭ ᐱᔅᑎᓂᒐᐅᓇᐱᔅᒄ ᑭᔭ ᐃᔭᐱᒡ ᓂᑭ ᐸᔭᒐᐅᒡ ᐊᕋᓐ ᑭᔭ ᐅᑯᓴ ᒐᒋ ᐊᑐᔅᑯᐅᒡ ᐊᔭᒥᐊᐅᒋᒪᐅᒡ᙮

ᐊᒃᓱᑕᔅ 30:21

ᓇᓂᑎᒻ ᒋᑭ ᐎ ᒋᔅᑕᐸᐅᑕᐅᒡ ᐅᑎᒋᔨᐛᐛ ᑭᔭ ᐅᓯᑐᐛᐛ ᒐ ᐊᑲ ᐳᓂᐱᒪᑎᓯᒡ᙮ ᓇᓂᑎᒻ ᐅᔭ ᒋᑭ ᐎ ᓇᓴᐊᒧᒡ ᐎᓱᐛᐅᓂᔪᐤ ᑭᔭ ᓂᔭᐸᐎᒋ ᐅᑦ ᐊᓂᔅᑯᑕᐸᓄᐛᐛ ᒐ ᐸᒋ ᑕᔨᒋ᙮”

ᐊᒃᓱᑕᔅ 30:36

ᒋᑭ ᑎᒂᐊᒧᒡ ᐱᔅᒐ ᒐᒋ ᐱᓂᐱᔨᒡ ᑭᔭ ᒐ ᐊᑎ ᐱᓂᐱᔨᑕᔨᓐ ᐊᓐᑕ ᓂᑲᓐ ᑲ ᐸᔭᒋᓇᒂᒡ ᒥᐅᑎᒡ ᐊ ᐸᔭᐧᑲᒡ ᒋᑭ ᐎ ᐃᓯ ᐅᑎᓇᓐ᙮

ᐊᒃᓱᑕᔅ 30:8

ᑭᔭ ᐛᑕᑯᓯᔨᒋ ᐃᔭᐱᒡ ᒋᑭ ᐃᔎᓯᐊᒻ ᑲᐎᒋᒪᑯᓯᔨᒋ ᐃᔅᐱ ᓴᔅᑲᐛᒋ ᐛᔅᑕᓂᐱᒪᑭᓇ᙮ ᓇᓂᑎᒻ ᒋᑭ ᐎ ᐃᔎᓴᑭᓄᐤ ᒐ ᐃᔅᐱᔅ ᐊᓂᔅᒐ ᐱᒪᑎᓯᓇᓄᐅᒡ᙮

ᐊᒃᓱᑕᔅ 40:3

ᒐ ᐱᑕᐊᒪᒄ ᐊᓐᑕ ᒥᐅᑎᒡ ᐊᓯᓂᔭ ᐸᐃᑯᔪᐤ ᐎᓱᐛᐅᓇ ᑲ ᒥᓯᓇᑕᔨᒋ, ᐊᑯᐛᑲᐃᑭᓐ ᒐ ᒋᑭᒧᑕᔭᒄ ᐊᓐᑕ ᓂᑲᓄᒡ᙮

ᒪᑎᔪᐤ 4:16

ᐊᑎ ᐅᓂᑎᐱᔅᒋᓯᐅᓂᒡ ᐊ ᐃᓯ ᐱᒪᑎᓯᒡ ᒋᑦ ᐃᔨᒧᐛᐅᒡ ᒋ ᐛᐸᑎᒧᒡ ᐊ ᒥᔅᑎ ᐛᔅᑕᔨᒡ᙮ ᒪᒂᒡ ᑲ ᑕᒡ ᐊᓐᑕ ᐊ ᐅᑲᔅᑕᔭᔨᒡ ᐊᓐᑕ ᐊ ᑎᑲᔅᑕᔅᑲᑯᒡ ᓂᐳᐅᓂᔪᐤ, ᒋ ᐅᑎᑎᐅᑯᒡ ᐛᔅᑕᐅᓂᔪᐤ᙮

ᓗᒃ 12:35

“ᐊᔭᔅᑯᐎᒄ ᐊ ᐊᓱᐛᐱᒪᒄ ᐅᑎᐸᔨᒋᒐᐤ, ᓇᔅᒡ ᒋᐸ ᐃᑕᔅᐱᓱᓇᐛᐤ ᑭᔭ ᒋᐛᔅᑕᓂᐱᒪᑭᓄᐛᐛ ᒋᐸ ᓯᔅᑲᐊᓇᐛᐤ᙮

ᒠᓐ 5:35

ᒧᔭᒻ ᐛᔅᑕᓂᐱᒪᑭᓐ ᐊ ᒋᐧᑲᔭᔅᑐᐛᑦ ᐊᐅᒄ ᑲ ᐃᓯᓇᑯᓯᑦ ᒠᓐ ᑕᐸᒋᒥᑦ᙮ ᔅᒋ ᓇᐊᔨᑕᓇᐛᐤ ᒥᒄ ᐛᐃᐱᔅᒋᔅ ᒐᒋ ᒧᒋᒐᔨᑎᒪᒄ ᐊᓐᑕ ᐅᐛᔅᑐᐛᐅᓂᒡ᙮”

2 ᑯᕆᓐᑎᔭᓇ 4:6

ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᒋ ᐃᔅᒋᔄᑦ ᒋᓴᒪᓂᑐᐤ, “ᒋᑭ ᐛᔅᑕᐤ ᐊᓐᑕ ᐅᒋ ᐅᓂᑎᐱᔅᒋᓯᐅᓂᒡ᙮” ᐊᔪᐅᒄ ᐅᔭ ᐃᔭᐱᒡ ᒋᓴᒪᓂᑐᐤ ᑲ ᐃᑐᑕᐧᒃ ᒐᒋ ᐛᔅᑕᔨᒡ ᒋᑕᐃᓇᒡ᙮ ᐊᑯᑕ ᒪᒃ ᐛᒋ ᑭᔅᒋᐅᐱᔨᒡ ᒐᒋ ᐎᒋᐃᑯᒡ ᑯᑎᑭᒡ ᐊᐛᓐᒋ ᒐᒋ ᐛᐸᑕᒡ ᐅᔭ ᐛᔅᑕᐅᓂᔪᐤ᙮ ᐅ ᒪᒃ ᐛᔅᑕᐅᓐ ᐊᔪᐅᒄ ᐊᓂᔭ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ᙮ ᒋᓴᔅ ᙭ ᒪᒃ ᐊ ᑕᑦ ᐊᑯᑕ ᐛᒋ ᓄᑯᓂᔨᒡ ᐊᓂᔭ ᐅᒋᔅᑕᔨᑕᑯᓱᐅᓐ᙮

2 ᐱᑕᕐ 1:19

ᐊᑯᑕ ᒪᒃ ᐛᒋ ᐊᑐᐎᔅ ᒐᔅᑎᓇᑕᔨᑎᒥᐃᑯᔭᒡ ᑕᓐ ᑲ ᐃᓯ ᐊᔨᒧᑕᒡ ᐅᔭ ᒥᔽᒋᒧᐅᓂᔪᐤ ᐊᓂᔭᐧᑲ ᐅᒋᔅᒋᐛᐃᒐᓱᒡ᙮ ᒋᑭ ᒥᔽᐤ ᒪᒃ ᑕᑈ ᐃᔭᒂ ᒐᒋ ᐃᓯ ᓂᓇᑭᑐᐛᔨᑎᒥᐃᑯᔭᒄ ᐅ ᒥᔽᒋᒧᐅᓐ, ᐛᔅ ᒧᔭᒻ ᑕᑈ ᐛᔅᑕᓂᐱᒪᑭᓐ ᐊ ᒋᐧᑲᔭᔅᑕᒡ ᐊᓐᑕ ᐊ ᐅᑲᔅᑕᔭᒡ ᐊᐅᑯᓐ ᐊ ᐃᑕᔨᑕᒂᒡ᙮ ᐊᐅᑯᓐ ᒪᒃ ᐊ ᐃᓯᓇᒂᒡ ᒐ ᐃᔅᐱᔅ ᐊᑲ ᐅᑎᒋᐱᔨᒡ ᐊᓐ ᐊ ᒋᓯᑲᒡ ᒐ ᑎᑯᓯᐧᒃ ᐅᑎᐸᔨᒋᒐᐤ᙮ ᐎᔾ ᒪᒃ ᐅᐛᔅᑕᐅᓐ ᒧᔭᒻ ᐊ ᐃᔅᐱᔅ ᒋᐧᑲᔭᔅᑐᐛᑦ ᒐᒋᓴᐸᔭᐤ ᐅᒐᑭᑕᐧᒄ, ᐊᐅᑯᓐ ᒧᔭᒻ ᒐ ᐃᔅᐱᔅ ᐛᔅᑕᓂᒪᑯᐛᒄ ᒋᑕᐃᐛᒡ᙮

ᒋᔅᒐᔨᑕᑯᑕᒐᐅᓐ 2:1

“ᐊᐅᒄ ᐅ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᐊᓐᑕ ᐃᐱᓴᔅ ᐊ ᑕᔨᒋ, ᐊᐅᒄ ᐅᔭ ᐊ ᐃᔅᒋᔄᑦ ᐊᓐ ᑲ ᑕᐧᑯᓇᑦ ᓂᔄᐅᑕᒡ ᐅᒐᑭᑕᒂ ᐅᒥᔪᐅᓂᒡ, ᐊᓐ ᑲ ᐱᐸᒧᑕᑦ ᐊᓐᑕ ᓂᔄᐅᑕᒡ ᑲ ᐎᔄᐅᓱᓇᔭᐱᔅᑯᔨᒋ ᐛᔅᑕᓂᐱᒪᑭᓇᑎᒂ ᐊ ᑎᑯᓂᔨᒋ᙮