ᐊᒃᓱᑕᔅ 26:36 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁶ ᒋᑭ ᐅᓯᑕᐅᒡ ᐊᑯᐛᑲᐃᑭᓂᔪᐤ ᒐᒋ ᒋᐸᐃᑭᓄᐅᒡ ᐛᒋ ᐱᒐᓄᐅᒡ ᐸᔭᒋ-ᐱᒍᐎᔭᓂᒋᐛᑉ ᐊ ᒥᔽᔨᒡ ᐱᒍᐎᔭᓂᔪᐤ ᐊ ᐊᐱᒋᑕᒡ ᐊ ᒥᒪᑕᐅᒂᑕᑭᓄᔨᒡ ᑲ ᐱᔅᑭᓂᓯᔨᒋ ᑭᔭ ᑲ ᐱᒋᒥᓇᑯᓯᔨᒋ ᑭᔭ ᑲ ᒥᐧᑯᓯᔨᒋ ᐊᓯᑭᓇᔭᐱᔭ᙮

ᐊᒃᓱᑕᔅ 26:36 Iomraidhean Croise

ᑎᐱᑦ ᐅᓂᑭᒧᐅᓇ 78:60

ᐊᑯ ᓇᑭᑕᐧᒃ ᓴᐃᓗᐤ ᒥᒋᐛᐱᔪᐤ, ᐊᓂᔭᔪᐤ ᒥᒋᐛᐱᔪᐤ ᑲ ᒋᒥᑕᑦ ᐊᓐᑕ ᐊ ᑕᔨᒋ ᐃᔪᐛ:

ᐊᒃᓱᑕᔅ 26:31

ᒋᑭ ᐅᓯᑕᐅᒡ ᐊᑯᐛᑲᐃᑭᓇ ᒐᒋ ᒋᐸᐃᑭᓄᔨᒋ ᑲ ᐸᔭᐧᑭᓂᔨᒋ ᐊᔅᐱᔅᒋᒐᔨᒋ ᐊ ᒥᔽᓯᔨᒋ ᐱᒍᐎᔭᓇ ᐊ ᐊᐱᒋᑕᒡ, ᐊ ᓂᔅᑯᐛᐱᔅᑕᐛᒡ ᑲ ᐱᔅᑭᓂᓯᔨᒋ ᑭᔭ ᑲ ᐱᒋᒥᓇᑯᓯᔨᒋ ᑭᔭ ᑲ ᒥᐧᑯᓯᔨᒋ ᐊᓯᑭᓇᔭᐱᔭ᙮ ᒋᑭ ᒥᒪᑕᐅᒂᑕᐅᒡ ᐊᓐᑕ ᐊᐛᓯᓴ ᐊ ᐅᑎᑎᑭᓄᐎᒋ᙮

ᐊᒃᓱᑕᔅ 27:16

ᒋᑭ ᐅᓯᑕᐅᒡ ᐊᑯᐛᑲᐃᑭᓂᔪᐤ ᐸᐃᑯᔪᐤ ᑎᐸᔎᐃᑭᓇ ᐊᔅᐱᔅ ᒋᓏᔨᒡ ᐊᓐᑕ ᐛᒋ ᐱᒐᓄᔨᒡ ᐊᑐᐛᔨᒡ, ᑲ ᐱᔅᑭᓂᓯᔨᒋ ᑭᔭ ᑲ ᐱᒋᒥᓇᑯᓯᔨᒋ ᑭᔭ ᑲ ᒥᐧᑯᓯᔨᒋ ᐊᓯᑭᓇᔭᐱᔭ ᐊ ᐊᐱᒋᐊᒡ ᐊ ᒥᒪᑕᐅᒂᑕᒡ ᑭᔭ ᓇᐤ ᓯᑥᔎᐃᑭᓐᒡ ᐊᓐᑕ ᒐ ᒋᒥᓱᒡ ᓇᐤ ᑕᑕᐃᑭᓐᒡ᙮

ᐊᒃᓱᑕᔅ 28:15

“ᒐ ᐎᑎᒧᐅᑥᐤ ᐊ ᑭᔅᒋᑕᒡ ᐊᑐᔅᒐᒡ ᐃᔪᒡ ᒐᒋ ᐅᓯᑎᒧᐛᒡ ᐊᕈᓇ ᐱᑕᓱᐅᓂᔪᐤ ᒐᒋ ᒋᔅᑭᒥᔨᒋ ᐅᔅᑲᔅᒋᑭᓂᔨᒡ ᒐᒋ ᐅᒋ ᒋᔅᒐᔨᑎᒺᑦ ᒋᓴᒪᓂᑐᐛ ᐅᑦ ᐃᑕᔨᑎᒧᐅᓂᔨᐛ, ᑭᔭ ᐸᐃᑯᑕᐤ ᒐᒂᓂᒡ ᒋᑭ ᐅᒋ ᐅᓯᑕᑭᓄᐅᔪᐤ ᒧᔭᒻ ᐊᔅᐱᒋᑯᓇᐅᓂᔪᐤ ᑭᔭ ᐸᐃᑯᑕᐤ ᒋᑭ ᐃᓯ ᒥᒪᑕᐅᒂᑕᑭᓄᐎᔪᐤ᙮

ᐊᒃᓱᑕᔅ 28:39

ᓇᔅᒡ ᐛᒋ ᒥᔽᓯᔨᒋ ᐱᒍᐎᔭᓇ ᒋᑭ ᐅᒋ ᐅᓯᑕᐛᐅᒡ ᐊᕋᓇ ᐅᑦ ᐊᑯᐱᔪᐤ ᑭᔭ ᐅᑕᐱᔅᑲᑭᓂᔨᐛ᙮ ᐃᔭᐱᒡ ᒋᑭ ᐅᓯᑕᐛᐅᒡ ᐊ ᒥᒪᑕᐅᒂᑕᔨᒡ ᐅᐱᒂᑕᐅᓂᔪᐤ᙮

ᐊᒃᓱᑕᔅ 35:11

ᐸᔭᒋ-ᐱᒍᐎᔭᓂᒋᐛᐱᔪᐤ ᑭᔭ ᐊᑯᐛᑲᐃᑭᓇ ᑭᔭ ᓯᐸᔅᑯᓂᑭᓇ, ᑭᔭ ᐊᓂᔭ ᐛᔅᑲᔭᔅᑯᓂᑭᓇ᙮

ᐊᒃᓱᑕᔅ 35:15

ᑭᔭ ᐱᔅᑎᓂᒐᐅᓇᐱᔅᒄ ᐊᓐᑕ ᒐ ᓯᔅᑲᐃᑭᓂᔨᒋ ᑲᐎᒋᒪᑯᓯᔨᒋ ᑭᔭ ᒥᔅᑎᑯᒡ ᒐ ᐅᒋ ᑕᐧᑯᓂᑭᓄᐅᒡ ᐱᔅᑎᓂᒐᐅᓇᐱᔅᒄ᙮ ᑐᒥᓂᒐᐅ-ᐱᒥᔾ ᑭᔭ ᐎᒋᒪᓯᑭᓐ, ᐊᑯᐛᑲᐃᑭᓐ ᐊᓐᑕ ᒐ ᐊᑯᑕᒡ ᐛᒋ ᐱᔨᒐᓄᐅᒡ ᐸᔭᒋ-ᐱᒍᐎᔭᓂᒋᐛᐱᒡ᙮

ᐊᒃᓱᑕᔅ 36:37

ᐊᑯᐛᑲᐃᑭᓂᔪᐤ ᒋ ᐅᓯᑕᐅᒡ ᒐᒋ ᒋᐸᐃᑭᓄᐎᒡ ᐛᒋ ᐱᒐᓄᐎᔨᒡ ᐸᔭᒋ-ᐱᒍᐎᔭᓂᒋᐛᐱᔪᐤ ᐊ ᒥᔽᔨᒋ ᐱᒍᐎᔭᓂᔪᐤ ᐅᒡ ᐊ ᓂᔅᑯᐛᐱᔅᑕᐛᒡ ᑲ ᐱᔅᑭᓂᓯᔨᒋ ᑭᔭ ᑲ ᐱᒋᒥᓇᑯᓯᔨᒋ ᑭᔭ ᑲ ᒥᐧᑯᓯᔨᒋ ᐊᓯᑭᓇᔭᐱᔭ ᐊ ᒥᒪᑕᐅᒂᑕᒡ᙮

ᐊᒃᓱᑕᔅ 38:18

ᐊᑯ ᐊᓐᑕ ᐊᑐᐛᒡ ᑎᔅᑐᐎᒡ ᐛᒋ ᐱᒐᓄᐅᒡ ᑭᔭ ᐸᔭᒋ-ᐱᒍᐎᔭᓂᒋᐛᐱᒡ, ᐱᓴᓕᓪ ᒋ ᐅᓯᑕᐤ ᐊᑯᐛᑲᐃᑭᓂᔪᐤ ᒐ ᐊᑯᑕᔨᒡ ᐊᓐᑕ ᐛᒋ ᐱᒐᓄᐎᒡ, ᐊ ᒥᔽᔨᒋ ᐱᒍᐎᔭᓂᔪᐤ ᐅᒡ ᑭᔭ ᑲ ᓂᑕᐅᒂᓱᑦ ᒋ ᒥᒪᑕᐅᒂᑎᒻ ᐊ ᐱᔅᑭᓂᓯᔨᒋ ᑭᔭ ᐊ ᐱᒋᒥᓇᑯᓯᔨᒋ ᑭᔭ ᐊ ᒥᐧᑯᓯᔨᒋ ᐊᓯᑭᓇᔭᐱᔭ ᐅᒡ᙮ ᓂᔅᑐᔪᐛ ᒥᓯᑦ ᐊᔅᐱᔅ ᐃᔅᐸᓂᑯᑕᔨᒡ ᒧᔭᒻ ᐊᓂᔭ ᑯᑎᒂ ᐊᑯᐛᑲᐃᑭᓇ᙮

ᐊᒃᓱᑕᔅ 39:29

ᑭᔭ ᐱᒂᑕᐅᓂᔪᐤ ᐱᒍᐎᔭᓂᔪᐤ ᑭᔭ ᐊ ᐱᔅᑭᓂᓯᔨᒋ, ᐊ ᐱᒋᒥᓇᑯᔨᒋ ᑭᔭ ᐊ ᒥᐧᑯᓯᔨᒋᑦ ᐊᓯᑭᓂᔭᐱᔭ ᒋ ᐅᒋ ᐅᓯᑕᐅᒡ ᑭᔭ ᒋ ᒥᒪᑕᐅᒂᑎᒧᒡ, ᒧᔭᒻ ᑎᐸᔨᒋᒐᓱᐤ ᑲ ᐃᑎᓱᒪᑦ ᒧᓱᓴ᙮

ᐊᒃᓱᑕᔅ 39:33

ᒥᓯᐛ ᒐᒂᔪᐤ ᒋ ᐃᑐᑐᐛᐅᒡ ᒧᓱᓴ: ᓯᒋᐸᒋᑭᓇ, ᐛᔅᑲᔭᔅᑯᓂᑭᓇ, ᓯᐸᔅᑯᓂᑭᓇ, ᓯᑥᔎᐃᑭᓇ ᑭᔭ ᑕᑕᐃᑭᓇ᙮

ᐊᒃᓱᑕᔅ 40:5

ᐊᑯ ᐊᓐ ᐱᔅᑎᓂᒐᐅᓇᐱᔅᒄ ᐊᓐᑕ ᑲ ᓯᔅᑲᐃᑭᓄᐎᒋ ᑲᐎᒋᒪᑯᓯᔨᒋ ᒐ ᐊᔅᑕᔭᒄ ᐊᓐᑕ ᓂᑲᓐ ᐸᔭᒋ-ᒥᐅᑎᒡ, ᑭᔭ ᒐ ᐊᑯᑕᔭᒄ ᐊᑯᐛᑲᐃᑭᓐ ᐊᓐᑕ ᐛᒋ ᐱᔨᒐᓄᐅᒡ ᐸᔭᒋ-ᐱᒍᐎᔭᓂᒋᐛᑉ᙮

ᒠᓐ 10:9

ᓂᔾ ᐊᐅᒄ ᒋᐱᔎᐤ᙮ ᐊᓐ ᐊᐛᓐ ᓂᔾ ᐊ ᑕᐅᒡ ᑲ ᐅᒋ ᐱᒐᑦ ᒋᑭ ᐱᒪᒋᐅᐤ᙮ ᑕᑈ ᒋᑭ ᐎᐧᑯᒋᐅᐤ ᐊᓐ ᐊᐛᓐ ᑭᔭ ᑕᑈ ᒋᑭ ᒥᔽᔨᒧᐤ᙮

ᒠᓐ 14:6

ᒋᓴᔅ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᓂᔾ ᐊᐅᒄ ᒪᔅᑭᓄᐤ ᑭᔭ ᑕᑈᐅᓐ ᑭᔭ ᐱᒪᑎᓯᐅᓐ, ᓇᒪ ᐊᐛᓐ ᒋᑭ ᒋ ᓇᑕᐤ ᐅᑕᐎᒪᐛ ᒥᒄ ᓂᔾ ᐅᒋ᙮