ᐊᒃᓱᑕᔅ 23:20 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁰ “ᓂᑭ ᐃᑎᓴᐛᐤ ᐊᓐᒋᓐ ᐊᓐᑕ ᓂᑲᓐ ᐊ ᑕᔭᒄ, ᒐᒋ ᓇᑭᑐᐛᔨᒥᑕᒄ ᒪᒂᒡ ᐸᒥᐱᒋᐊᑯᐤ ᑭᔭ ᒐᒋ ᐸᓱᐅᑕᒄ ᐊᓐᑕ ᐃᑕᐅᓂᒡ ᑲ ᐊᔭᔅᑯᔅᑐᐛᑎᑯᒡ᙮

ᐊᒃᓱᑕᔅ 23:20 Iomraidhean Croise

ᒐᓂᓯᔅ 15:18

ᐊᓂᔭ ᑲ ᒋᓯᑲᔨᒡ, ᑎᐸᔨᒋᒐᓱᐤ ᑭᔭ ᐊᑉᕋᒻ ᒋ ᐃᑐᑎᒧᒡ ᓂᔅᑯᒥᑐᐅᓂᔪᐤ ᑭᔭ ᑎᐸᔨᒋᒐᓱᐤ ᒂ ᐃᑕᑦ, “ᓂᒋ ᐊᓱᑎᒪᒐᓐ ᒐᒋ ᒥᔨᒂᐤ ᒋᓂᑕᐅᒋᐊᑭᓐᒡ ᒥᓯᐛ ᐅᔭᔪᐤ ᐊᔅᒋᔪᐤ, ᐃᒋᑉᑎᒡ ᓯᐱᒡ ᐛᒋᒋᐱᔨᒡ ᐃᔅᐱᔅ ᔪᑉᕆᑎᔅ ᓯᐱᒡ᙮

ᒐᓂᓯᔅ 24:40

ᐊᑉᕋᐊᒻ ᒋ ᐃᔅᒋᔄᐤ ‘ᐊᓐ ᑎᐸᔨᒋᒐᓱᐤ ᒋᓴᒪᓂᑐᐤ ᐊᔭᒥᐊᔅᑐᐅᒃ, ᒋᑭ ᐃᑎᓴᐛᐤ ᐅᑦ ᐊᓐᒋᓂᒪ ᒐᔅᒋᓄᑕᐃᔅᒋᔨᔅᒋ, ᒐ ᒥᔨᔅᒃ ᑭᔅᒋᐅᓂᔪᐤ᙮ ᐊᑯ ᒪᒃ ᒐ ᐅᑎᓂᒥᑎ ᒐ ᐎᐅᑦ ᓂᑯᔅ ᓂᐧᑲᓂᓴ ᐅᒡ ᑭᔭ ᓄᑕᐎᔾ ᐅᑐᑕᒪ ᐅᒡ᙮

ᒐᓂᓯᔅ 24:7

ᑎᐸᔨᒋᒐᓱᐤ ᒋᒋᒋᓯᑯᒡ ᒋᓴᒪᓂᑐᐤ, ᐊᓐ ᓄᑕᐎᔭ ᐎᒋᔨᒡ ᑲ ᐅᒋ ᐅᑎᓂᑦ ᑭᔭ ᓂᐧᑲᓂᓴ ᐅᑦ ᐊᔅᒋᔨᒡ ᐅᒡ, ᓂᒋ ᐃᔨᒥᐃᒄ ᑭᔭ ᓂᒋ ᐊᓱᑎᒪᒄ, ᐊ ᐃᔅᒋᔄᑦ, ‘ᒋᑦ ᐊᓂᔅᑯᑕᐸᓐᒡ ᐅᔭ ᓂᑭ ᒥᔭᐅᒡ ᐊᔅᒋᔪᐤ᙮’ ᒋᑭ ᐃᑎᓴᐛᐤ ᐅᑦ ᐊᓐᒋᓂᒪ ᒐᔅᒋᓄᑕᐃᔅᒋᔨᔅᒋ ᑭᔭ ᐊᑯᑕ ᒐ ᐅᑎᓂᒧᐅᑦ ᓂᑯᔅ ᐅᔅᒋᓂᒋᔎᐛ ᒐ ᐎᔪᑦ᙮

ᒐᓂᓯᔅ 48:16

ᒋᔾ ᐅ ᐃᔭᐱᒡ ᐊᓐᒋᓐ ᐊᓐ ᑲ ᐱᐧᑯᒋᐃᑦ ᒥᓯᐛ ᐊ ᐃᓯᓇᑯᓂᔨᒡ ᑲ ᒪᔭᑎᓂᔨᒡ ᐅᒡ, ᒋᓴᒪᓂᑐᐤ, ᓱᐛᔨᑕᑯᔨᒡ ᐅᒡ ᑲᓂᓯᒡ ᓇᐸᓯᒡ᙮ ᑭᒪ ᐃᔪᒡ ᒋᔅᒋᑕᒡ ᓂᑦ ᐃᓯᓂᐧᑲᓱᐅᓂᔪᐤ ᑭᔭ ᐅᑦ ᐃᓯᓂᐧᑲᓱᐅᓂᔪᐛ ᓄᑕᐎᔭ ᐊᐃᓯᑲ ᑭᔭ ᓂᒧᓱᒪ ᐊᑉᕋᐊᒪ ᐅᔭ ᓇᐸᓴ ᐅᒡ᙮ ᑭᒪ ᐅᒡ ᓇᐸᓯᒡ ᒥᒐᑎᔨᒋ ᐅᑦ ᐊᓂᔅᑯᑕᐸᓄᐛᐛ᙮”

ᑎᐱᑦ ᐅᓂᑭᒧᐅᓇ 91:11

ᐛᔅ ᒋᑭ ᐃᑎᓱᐛᑕᐤ ᐅᑦ ᐊᓐᒋᓂᒪ ᒐᒋ ᑭᓄᐛᔨᒥᔅᒋᔨᔅᒋ, ᒐᒋ ᑭᓄᐛᔨᒥᔅᒋᔨᔅᒋ ᒥᓯᐛ ᒐ ᐃᓯ ᐸᐸᔨᑐᑕᐅᓇ᙮

ᐊᒃᓱᑕᔅ 14:19

ᒋᓴᒪᓂᑐᐤ ᐅᑦ ᐊᓐᒋᓂᒪ ᒪᒃ, ᑲ ᓂᑲᓄᑐᐛᑦ ᐊᓂᔭ ᐃᔅᕋᐃᓪ ᓂᑐᐱᔪᐅ-ᐃᔪᐛ, ᒋ ᐊᒋᐱᔪᐤ ᐊ ᐅᑕᒐᔅᑯᐛᑦ; ᑭᔅᑯᐅᓇ ᒪᒃ ᑲᒋ ᐱᒥᐅᑎᔅᑲᐎᔅᑲᑯᒡ ᒋ ᐊᒋᐱᔪᐛ ᐊ ᐅᑕᒐᔅᑲᑯᒡ᙮

ᐊᒃᓱᑕᔅ 15:16

ᓴᒋᓱᐅᓂᔪᐤ ᑭᔭ ᑯᔅᑕᒋᐅᓂᔪᐤ ᒋᑭ ᐅᑎᑎᑯᐅᒡ᙮ ᐊ ᐛᐸᑕᒡ ᒋᓱᐧᑲᑎᓯᐅᓂᔪᐤ, ᐅ ᑎᐸᔨᒋᒐᓱᐤ, ᒥᒄ ᓇᔅᒡ ᓇᒪ ᒋᑭ ᐸᑕᑯᓱᐅᒡ ᒧᔭᒻ ᐊᓯᓂᔭ ᐸᑐᔅ ᒋ ᐎᒪᔅᑲᑯᑥᐛ ᒋᑦ ᐃᔨᒪ, ᐊᓂᔭ ᐃᔪᐛ ᑲ ᐱᒪᒋᐃᒥᑎ ᐃᒋᑉᑎᒡ ᐅᒡ᙮

ᐊᒃᓱᑕᔅ 15:17

ᒐᒋ ᐃᑐᑕᒡ ᐊᓐᑕ ᑲᐃᓇᓐ ᐊᔅᒋᒡ, ᒋ ᓇᐊᔨᒪᐅᒡ ᒐᒋ ᐎᒋᒡ ᐊᓐᑕ ᒋᐱᔅᑯᑎᓇᒥᒡ, ᐊᓐ ᐃᑕᐅᓐ ᑲ ᐅᑎᓂᒥᓐ ᒐ ᐎᒋᔨᓐ, ᐊᓐᑕ ᒋᔾ ᑲ ᐅᓯᑕᔨᓐ ᒋᒡ ᑭᔭ ᒋᑦ ᐊᔭᒥᐊᐅᒋᐛᑉ᙮

ᐊᒃᓱᑕᔅ 23:23

ᒋᑭ ᒋᔅᒋᓄᑕᔨᑯᐛᐤ ᓂᑦ ᐊᓐᒋᓂᒻ ᑭᔭ ᒋᑭ ᐃᑐᑕᐃᑯᐛᐤ ᐊᓐᑕ ᐛᒋᔨᒋ ᐊᒧᕆ ᑭᔭ ᐊᑦ ᑭᔭ ᐸᕆᔅ ᑭᔭ ᑲᐃᓇᓐ ᑭᔭ ᐃᑉ ᑭᔭ ᒐᐱᐅᔅ ᐊ ᐃᑎᔅᑲᓇᓯᔨᒋ ᐃᔪᐛ ᑭᔭ ᓂᑭ ᓂᓱᐅᓇᒋᐊᐅᒡ᙮

ᐊᒃᓱᑕᔅ 32:34

ᒪᒋ ᒪᒃ ᒐ ᐃᑐᑕᐃᑥᐤ ᐃᔪᒡ ᐊᓐᑕ ᐃᔅ ᐃᑕᐅᓂᒡ ᑲ ᐊᔨᒧᑎᒪᑕᓐ, ᒐ ᒋᔅᒋᔨᓐ ᓂᑦ ᐊᓐᒋᓂᒻ ᒐ ᒋᔅᒋᓄᑕᔨᑕᒄ᙮ ᒥᒄ ᓴᔅ ᒋᑭ ᐅᑎᒋᐱᔪᐤ ᒐ ᐊᓏᔨᒥᒂᐤ ᐅᒡ ᐃᔪᒡ ᐊᓂᔭ ᑲ ᐃᓯ ᒥᒋᑐᑎᒡ᙮”

ᐊᒃᓱᑕᔅ 33:14

ᒋ ᐃᔅᒋᔄᐤ ᒪᒃ ᑎᐸᔨᒋᒐᓱᐤ, “ᒋᑭ ᐎᒐᐅᑎᓐ, ᑭᔭ ᒋᑭ ᒥᔨᑎᓐ ᒐᒋ ᐊᔽᓯᔨᓐ᙮”

ᐊᒃᓱᑕᔅ 33:2

ᓂᑭ ᐃᑎᓴᐛᐤ ᓂᑦ ᐊᓐᒋᓂᒻ ᒐᒋ ᒋᔅᒋᓄᑕᔨᑕᒄ, ᑭᔭ ᓂᑭ ᐎᐎᑎᓴᐛᐅᒡ ᑲᐃᓇᓐ ᐃᔪᒡ, ᐊᒧᕆ ᐃᔪᒡ, ᐊᑦ ᐃᔪᒡ, ᐸᕆᔅ ᐃᔪᒡ, ᐃᑉ ᐃᔪᒡ, ᑭᔭ ᒐᐱᐅᔅ ᐃᔪᒡ ᐊᓐᑕ ᐊᔅᒋᒡ ᐅᒡ᙮

ᒪᑎᔪᐤ 25:34

ᐊᑯ ᒐ ᐃᑕᑦ ᐊᓐ ᒋᓴᐅᒋᒪᐤ ᐊᓂᔭ ᐃᔪᐛ ᐊᓐᑕ ᐅᒥᔪᐅᓂᒡ ᐊ ᑕᔨᒋ, ‘ᐊᔅᑎᒧᒄ ᒋᔨᐛᐤ ᑲ ᓱᐛᔨᒥᑕᒄ ᓄᑕᐎᔾ᙮ ᐊᔅᑎᒧᒄ, ᐅᑎᓂᒧᒄ ᐊᓐ ᒋᓴᐅᒋᒪᐅᓐ ᐊᓐ ᑲ ᐊᓱᑎᒪᑯᐅᔭᒄ ᐃᔅᐱ ᒪᐅᒡ ᓂᔅᑎᒻ ᑲ ᐅᓯᑕᑭᓄᐅᒡ ᐅ ᐊᔅᒋᔾ᙮

ᒠᓐ 14:3

ᒋᔅᑕᔭᓇ ᒪᒃ ᐊᓐᑕ ᒐ ᑕᔭᒄ, ᐊᑯ ᒐ ᐸᒋ ᓂᑐᐛᐱᒥᑎᑯᒡ ᐊᑯ ᒐ ᔅᑐᑕᐃᑎᑯᒡ ᐛᔅ ᒋ ᓂᑐᐛᔨᒥᑎᓇᐛᐤ ᒐᒋ ᑕᔭᒄ ᐊᓐᑕ ᐊ ᑕᔭᓐ᙮