ᐊᒃᓱᑕᔅ 23:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᒋᑭ ᒋ ᐊᑐᔅᒐᓇᐛᐤ ᐊᓱᑕᒡ ᑕᑐᐤ ᒋᓯᑲᐛ ᐃᔅᐱᔅ, ᒥᒄ ᓂᔄᐅᑕᒡ ᐊᒋᓯᑲᒡ ᒋᑭ ᐎ ᐊᔅᑕᔭᔅᑯᓯᓇᐛᐤ ᑭᔭ ᐊᓐᒡ ᑲᑐᔅᑲᐊᑯᒡ ᒋᑦ ᐊᐛᓯᓯᒧᐛᐅᒡ, ᑭᔭ ᒋᑦ ᐊᐱᒐᑭᓄᐛᐅᒡ ᑭᔭ ᐊᓐᒡ ᐊ ᒪᓐᑕᐅᒡ ᐊᑕᒡ ᐊᑕᔭᒄ᙮ ᒋᑭ ᐎ ᒥᔭᐛᐅᒡ ᒐᒋ ᐊᔅᑕᔭᔅᑯᓯᒡ᙮

ᐊᒃᓱᑕᔅ 23:12 Iomraidhean Croise

ᐊᒃᓱᑕᔅ 16:23

ᒧᓱᔅ ᒂ ᐃᑕᑦ “ᐊᐅᑯᔪᐤ ᐅᔭ ᑎᐸᔨᒋᒐᓱᐤ ᑲ ᐃᑎᓱᒥᑕᒄ: ᐛᐸᒐ, ᐊᐅᒄ ᐊᓐ ᒋᓱᒄ ᒐ ᐎ ᐊᔅᑕᔭᔅᑯᓯᔭᒄ ᐛᔅ ᐊᐅᒃ ᐊᓐ ᒋᓯᒄ ᐊ ᒋᔅᑕᔨᒪᑭᓄᐅᑦ ᑎᐸᔨᒋᒐᓱᐤ᙮ ᒐ ᐱᒥᓄᐛᔭᒄ ᑭᔭ ᒐ ᐅᓯᒪᒄ ᒐᒂᓐ ᐛ ᐅᓯᒪᒄ᙮ ᑭᔭ ᐃᔅᑯᐱᔭᒂ ᒥᒋᒻ ᒐ ᑭᓄᐛᔨᑎᒪᒄ ᐃᔅᐱᔅ ᒐᒋᓴᐸᔭᒐ᙮”

ᐊᒃᓱᑕᔅ 23:11

ᒥᒄ ᓂᔄᐅᑕᒡ ᐱᐳᓐ ᐅᑎᒋᐱᔨᒐ ᒐ ᐊᑲ ᓂᑕᐅᒋᑕᔭᒄ ᒐᒂᓐ᙮ ᓂᑕᐅᒋᒐ ᒐᒂᓐ ᐊ ᐊᑲ ᒋᔾ ᐅᒋ ᓂᑕᐅᒋᑕᔨᓐ, ᒐ ᒥᔭᑯᒡ ᐊ ᒋᔅᑎᒪᑎᓯᒡ ᐃᔪᒡ ᒐᒋ ᒪᒧᓴᒋᓇᒡ ᑭᔭ ᒥᒋᒡ ᒐᒂᔪᐤ ᐛᒥᒋᒡ ᐊᓐᑕ ᓇᑕᐅᒋᑕᑭᓂᒡ ᑭᔭ ᓱᒥᓇᑎᑯᐤ ᓂᑕᐅᒋᒋᑭᐊᓂᒡ ᑭᔭ ᐊᓕᑉ ᒥᔅᑎᑯᒡ ᐅᒋ ᐊᓂᔭ ᐱᐳᓂᔪᐤ᙮ ᐃᔅᐱ ᐃᔅᐱᔨᑥᐛ ᐛ ᐃᔅᐱᔅ ᐊᐱᒋᑕᒡ ᒋᓂᑕᐅᒋᑕᑭᓄᐛᒡ ᐅᒡ, ᐊᑯ ᑲ ᐊᒂᑎᓯᒡ ᐊᐛᓯᓯᒡ ᒐᒥᒋᒡ ᐊᔅᑯᐱᔨᒡ᙮

ᐊᒃᓱᑕᔅ 34:21

ᐊᓱᑕᒡ ᑕᑐᐤ ᒋᓯᑲᐛ ᒋᑭ ᐊᑐᔅᒐᓇᐛᐤ ᐊᑯ ᓂᔄᐅᑕᒡ ᐊ ᒋᓯᑲᒡ ᒋᑭ ᐊᔭᔅᑕᔅᑯᓯᓇᐛᐤ᙮ ᐊᑎᓱᐧᒄ ᒐ ᒋᐱᓇᓄᒋ ᐊ ᓂᑕᐅᒋᒐᓄᐅᒡ ᑭᔭ ᐊ ᒪᒧᓴᒋᓇᑭᓄᐅᒡ᙮

ᐊᒃᓱᑕᔅ 35:2

ᐊᓱᑕᒡ ᑕᑐᐤ ᒋᓯᑲᐛ ᒋᑭ ᐃᔅᐱᔅ ᐊᑐᔅᒐᓇᐛᐤ᙮ ᒥᒄ ᐊᓐ ᓂᔄᐅᑕᒡ ᐊ ᒋᓯᑲᒡ ᒋᑭ ᐎ ᐊᔭᔅᑕᔭᔅᑯᓯᓇᐛᐤ, ᐊᐅᑯᓐ ᐊ ᐸᔭᒋ ᒋᓴᑲᒡ ᑎᐸᔨᒋᒐᓱᐤ ᑕᐸᔨᑕᐧᒃ, ᐊᐛᓐ ᒐ ᐊᑐᔅᒐᒂ ᐊᓂᔭ ᒋᓯᑯᔪᐤ ᒋᑭ ᓂᐸᐊᑭᓄᐤ᙮

ᐊᒃᓱᑕᔅ 35:3

ᒐ ᐊᑲ ᐃᔭᐱᒡ ᑯᑐᐛᔭᒄ ᒋᒋᐛᐛᒡ ᐊᓐ ᒋᓯᒄ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 2:27

ᐊᑯ ᐅᔭ ᒪᔅᑕᔾ ᒂ ᐊᑎ ᐃᔅᒋᔄᑦ ᒋᓴᔅ, “ᒋᓴᒪᓂᑐᐤ ᒋ ᐅᓯᑕᐤ ᐊ ᐊᔭᒥᐊᐅᒋᓯᑲᔨᒡ ᒐ ᐎᒋᐃᑯᔨᒋ ᓇᐸᐛ, ᓇᒪ ᐅᒋ ᐅᓯᐊᐤ ᓇᐸᐛ ᒥᒄ ᐊᔭᒥᐊᐅᒋᓯᑲᐤ ᐎᓱᐛᐅᓇ ᒐᒋ ᓂᓇᑭᑐᐛᔨᑎᒥᔨᒋ᙮

ᓗᒃ 13:14

ᐊᑯ ᒪᒃ ᐊᓐ ᑲᓂᑲᓂᔅᑲᐧᒃ ᐊᓂᔭ ᐊᔭᒥᐊᐅᒋᐛᐱᔪᐤ ᓇᔅᒡ ᑕᑈ ᒋ ᒋᔄᓱᐤ ᒋᓴᓴ ᐊᒋ ᒥᓏᒋᐊᔨᒋ ᐊᐛᔪᐛ ᒪᒂᒡ ᐊ ᒍᐤ ᐊᔭᒥᐊᐅᒋᓯᑲᔨᒡ᙮ ᐊᑯ ᒂ ᐃᑕᑦ ᐊᓂᔭ ᑯᑎᑲ ᐃᔪᐛ ᐊᓐᑕ ᑲ ᑕᔨᒋ, “ᐊᓱᑕᒡ ᑕᑐᐤ ᒋᓯᑲᐛ ᑎᑯᓇ ᒐᒋ ᐊᑐᔅᒐᓇᓄᐅᒡ, ᐊᑯᑕ ᒋᐸ ᐸᒋ ᑎᑯᓯᓇᐛᐤ ᒪᒂᒡ ᐊᓂᔭ ᐊ ᒋᓯᑲᔨᒋ ᒐᒋ ᒥᓏᒋᐃᑯᐅᔭᒄ ᓇᒪ ᐎ ᒪᒂᒡ ᐊ ᒍᐤ ᐊᔭᒥᐊᐅᒋᓯᑲᒡ᙮”