ᐊᒃᓱᑕᔅ 22:6 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶ ᐃᔅᐱ ᑯᑐᐛᒐ ᐊᐛᓐ ᐊᓐᑕ ᐅᓂᑕᐅᒋᒋᑭᓂᒡ ᑭᔭ ᒂ ᐃᔅᐱᔨᒡ ᐊᓂᔭ ᐃᔅᑯᑕᔪᐤ ᐊᓐᑕ ᑯᑎᑲ ᐊᐛᔪᐛ ᐅᓂᑕᐅᒋᒋᑭᓂᔨᒡ ᑭᔭ ᒂ ᐃᔎᑕᔨᒡ ᐊᓂᔭ ᐅᒥᒋᒥᔪᐤ ᑲ ᓂᑕᐅᒋᑕᔨᒋ, ᐊᑯ ᐊᓐ ᐊᐛᓐ ᑲ ᒋᒋᐱᔨᑕᑦ ᐊᓂᔭ ᐃᔅᑯᑕᔪᐤ ᒋᑭ ᐎ ᒋᓯᐧᑲᓱᐤ ᐊᓂᔭ ᑲ ᐃᔅᐱᔅ ᐅᓂᑕᔨᒋ ᑕᐸᔨᑎᒥᔨᒋ ᐊᓂᔭ ᓂᑕᐅᒋᒋᑭᓂᔪᐤ᙮

ᐊᒃᓱᑕᔅ 22:6 Iomraidhean Croise

ᐊᒃᓱᑕᔅ 22:12

ᒥᒄ ᑲ ᒋᒧᑎᓇᓄᐎᒂᓂ ᐊᓂᔭ ᐊᐛᓯᓴ ᑲ ᑭᓄᐛᔨᑎᔭᑭᓄᐅᑦ, ᒋᑭ ᐎ ᒋᓯᐧᑯᐛᐤ ᐊᓂᔭ ᑕᐸᔨᒪᔨᒋ ᐊᐛᓯᓴ᙮

ᐊᒃᓱᑕᔅ 22:5

ᐊᑯ ᓇᐊᔨᒪᒐ ᐊᐛᓐ ᐅᑦ ᐊᐛᓯᓯᒪ ᒐᒋ ᒥᒋᓱᐎᔨᒋ ᐊᓐᑕ ᐅᓂᑕᐅᒋᒋᑭᓂᒡ, ᑭᔭ ᒂ ᔅᑐᑕᔨᒋ ᑭᔭ ᒂ ᒥᒋᔨᒋ ᑯᑎᑲ ᐊᐛᔪᐛ ᑲ ᓂᑕᐅᒋᑕᔨᒋ ᒥᒋᒥᔪᐤ ᐊᓐᑕ ᐅᓂᑕᐅᒋᒋᑭᓂᔨᒡ, ᐊᐛᓐ ᐊ ᑕᐸᔨᒪᑦ ᐊᓂᔭ ᐊᐛᓯᓴ ᒋᑭ ᐎ ᒋᓯᐧᑯᐛᐤ ᐊᓂᔭ ᑯᑎᑲ ᑲ ᑎᐸᔨᑎᒥᔨᒋ ᓂᑕᐅᒋᒋᑭᓂᔪᐤ, ᒋᑭ ᐎ ᒥᔭᐤ ᐊᓂᔭ ᐛᒋ ᒥᔽᔨᒋ ᓂᑕᐅᒋᑕᑭᓇ ᐅᓂᑕᐅᒋᒋᑭᓂᒡ ᐅᒡ᙮

ᐊᒃᓱᑕᔅ 22:7

ᓇᐸᐤ ᑯᒂᒋᒪᒐ ᑯᑎᑲ ᐊᐛᔪᐛ ᒐᒋ ᐛᐃᐱᔅᒋᔅ ᑭᓄᐛᔨᑎᒥᔨᒋ ᐅᓱᓇᔭᓂᒻ ᑭᔭ ᒪᒃ ᐊ ᓱᓇᔭᐎᒋ ᒐᒂᔪᐛ᙮ ᐊᑯ ᒋᒧᑎᓇᓄᐎᔨᒐᓂ ᐊᓂᔭ ᒐᒂᔪᐛ ᐊᓐᑕ ᑲ ᑭᓄᐛᔨᑕᑭᓄᐎᒡ, ᐊᑯ ᒐᔅᑎᐱᑕᑭᓄᒐ ᐊᓐ ᐊᐛᓐ ᑲ ᑭᒐᒧᑎᑦ, ᐛᒧᒡ ᓂᔄᐤ ᐃᔅᐱᔅ ᒋᑭ ᐎ ᒋᓯᐧᑲᓱᐤ ᐊᓂᔭ ᑲ ᒋᒧᑎᑦ᙮

ᐊᒃᓱᑕᔅ 22:9

ᐊᑯ ᒥᒋᐱᔨᑐᑥᐛ ᓂᓱ ᐊᐛᓐᒋ, ᒋᐧᑲᒥᑐᑥᐛ ᐊᐛᓐ ᐊᓂᔭ ᑕᐸᔨᑕᐧᒃ ᒐᒂᔪᐛ ᑲᒋ ᐅᓂᑕᑭᓄᐎᒋ, ᒋᑭ ᐎ ᐅᑎᔅᑯᑲᐳᔅᑐᐛᐅᒡ ᑎᐸᔅᑯᐅᓂᒐᓱᐛ, ᐊᑯ ᐊᓐ ᐊᐛᓐ ᐊ ᐃᔨᑎᑯᑦ ᑎᐸᔅᑯᓂᒐᓱᐛ ᐊ ᑭᑭᒋᔭᑦ, ᓂᔄᐤ ᐃᔅᐱᔅ ᒋᑭ ᐎ ᒋᓯᐧᑯᐛᐤ ᐊᓂᔭ ᑯᑎᒂ ᐊᐛᔪᐛ᙮

ᒪᑎᔪᐤ 7:16

“ᐊᓂᔭ ᐊ ᐃᑕᑎᓯᒡ ᐊᑯᑕ ᒐ ᐅᒋ ᒋᔅᒐᔨᒪᑯᒡ᙮ ᒺᒡ ᒥᓂᓴ ᓇᒪᐎᔾ ᒋ ᓂᑕᐅᒋᓇ ᐅᑐᔅᐱᔭᑎᑯᒡ, ᑭᔭ ᐃᔭᑎᒄ ᓇᒪᐎᔾ ᒋ ᓂᑕᐅᒋᑕᐤ ᒥᓂᓴ᙮