ᐊᒃᓱᑕᔅ 22:29 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁹ ᒐ ᐊᑲ ᑎᔭᒄ ᒐᒋ ᒥᔨᔭᒄ ᐛᒋ ᒥᔽᒋ ᒋᓂᑕᐅᒋᒋᑭᓄᐛᐛ ᑭᔭ ᐱᒥᔾ ᑭᔭ ᓱᒥᓇᐳᐎᔾ᙮ ᒐ ᒥᔨᔭᒄ ᒋᓂᔅᑎᒧᓴᓄᐛᐅᒡ ᐊ ᓇᐸᓯᐅᒡ᙮

ᐊᒃᓱᑕᔅ 22:29 Iomraidhean Croise

ᐊᒃᓱᑕᔅ 13:12

ᒋᑭ ᐎ ᒥᔭᐛᐤ ᑎᐸᔨᒋᒐᓱᐤ ᓂᔅᑎᒧᓴᓇ ᐊ ᓇᐸᓯᐎᔨᒋ᙮ ᒥᓯᐛ ᓂᔅᑎᒧᓴᓐᒡ ᐊ ᓇᐸᓯᐅᒡ ᒋᒥᔅᑐᓯᒧᐛᐛ ᑎᐸᔨᒋᒐᓱᐤ ᐊᓂᔭ ᑎᐸᔨᒪᐤ᙮

ᐊᒃᓱᑕᔅ 13:2

“ᒐ ᒥᔨᔭᒄ ᒥᓯᐛ ᓂᔅᑎᒧᓴᓐᒡ ᐊ ᓇᐸᓯᐅᒡ᙮ ᒥᓯᐛ ᐃᔅᕋᐃᓪ ᓂᔅᑎᒧᓴᓐᒡ ᐊ ᓇᐸᓯᐅᒡ ᓂᑎᐸᔨᒪᐅᒡ, ᑕᐱᔅᑯᓐ ᐃᔪᒡ ᑭᔭ ᐊᐛᓯᓯᒡ᙮”

ᐊᒃᓱᑕᔅ 23:15

ᐅᔅᑭᒡ ᒥᑯᓴᓐ ᒐ ᐃᑐᑎᒪᒄ ᐊᑲ ᐅᐱᓱᑦ ᐸᒂᓯᑭᓐ ᒋᑭ ᐃᓯᓂᐧᑲᑕᓇᐛᐤ᙮ ᐊᐱᑉ ᐃᓯᓂᐧᑲᑕᐤ ᐊᓐ ᐱᓯᒻ ᒐ ᒥᑯᓴᔭᒄ ᐅ ᒥᑯᓴᓐ᙮ ᐊᐅᑯᓐ ᐅ ᐱᓯᒻ ᑲ ᒋᔅᑐᑕᔭᒄ ᐊᓐᑕ ᐃᒋᑉᑎᒡ ᐅᒡ᙮ ᒧᔭᒻ ᑲ ᐃᑎᓱᒥᑎᑯᒡ ᒐ ᐃᓯ ᒥᑯᓴᔭᒄ᙮ ᓇᓂᑎᒻ ᒐ ᐸᑕᔭᒄ ᐱᔅᑎᓂᒐᐅᓐ ᑕᑥᐤ ᑕᑯᓯᓂᔭᑯᐤ ᒐᒋ ᐊᔭᒥᐊᔅᑐᐅᔭᒄ᙮

ᐊᒃᓱᑕᔅ 23:16

ᑲ ᒪᒧᓴᒋᓂᑭᓄᐅᒡ ᑲ ᓂᑕᐅᒋᒡ ᒥᒋᒻ ᐃᓯᓂᐧᑲᑕᐤ ᓂᓱ ᐛᒋ ᑎᒂᒡ ᒪᑯᓴᐅᓐ᙮ ᒪᒂᒡ ᐊ ᒥᑯᓴᓄᐅᒡ ᒋᑭ ᐎ ᐱᔅᑎᓂᒧᐅᓇᐛᐤ ᐅᔅᑭᒡ ᑲ ᓂᑕᐅᒋᒡ ᒥᒋᒻ ᑲ ᒪᒧᓴᒋᓂᒪᒄ ᐊᓂᔭ ᑲ ᐊᐱᒋᑕᔭᒄ ᓂᑕᐅᒋᒋᑭᓂᔅᒐ᙮ ‘ᒥᑯᓴᓐ ᐛᔅᑲᐃᑭᓇ’ ᐃᓯᓂᐧᑲᑕᐤ ᓂᔅᑐ ᐛᒋ ᑎᒂᒡ ᒪᑯᓴᐅᓐ᙮ ᐊᐅᑯᓐ ᒐ ᐃᑐᑎᒪᒄ ᒋ ᒪᒧᓴᒋᓂᒪᒄ ᒋ ᒥᒋᒧᐛᐤ ᑭᔭ ᐊᓂᔭ ᒥᓂᓴ ᒥᓯᐛ ᐊ ᐃᓯᓇᒂᒋ᙮

ᐊᒃᓱᑕᔅ 23:19

ᐊᓯᑯᒻ ᐱᐳᓇ, ᒥᔭᒧᓴᒋᓂᒪᑯᐤ ᒋᓂᑕᐅᒋᑕᑭᓄᐛᐛ, ᒐ ᐸᑐᐅᔭᒄ, ᓂᔾ ᑎᐸᔨᒋᒐᓱᐤ ᒋᒋᓴᒪᓂᑐᒧᐛᐤ, ᐊᓐᑕ ᐊᔭᒥᐊᔅᑐᐅᔭᒄ, ᐊᓐ ᐅᔅᑭᒡ ᒥᔭᒧᓴᒋᓂᒪᒄ ᒋᓂᑕᐅᒋᑕᑭᓄᐛᐤ᙮ ᓇᐸᐊᑯᐤ ᐊ ᐊᐛᓯᐅᑦ ᐊᐛᓯᔅ ᒐ ᐊᑲ ᐅᔄᒄ ᐊᓐᑕ ᐅᑲᐎᔭ ᐅᒋᒋᓇᐳᐃᒥᔨᒡ᙮”

ᐊᒃᓱᑕᔅ 34:19

ᒥᓯᐛ ᐅᔅᑭᒡ ᓂᔭᐸᐅᒡ ᒋᑦ ᐊᐛᓯᓯᒧᐛᐅᒡ ᑭᔭ ᒋᓇᐸ ᐊᐛᓯᓯᒧᐛᐅᒡ ᓂᔾ ᓂ ᑎᐸᔨᒪᐅᒡ᙮

ᐊᒃᓱᑕᔅ 34:20

ᐅᔅᑭᒡ ᑲᓂᐧᑲᑎᓯᑦ ᒋᓇᐸ ᑲᐸᐃᑭᔎᒧᐛᐤ ᐃᔭᐱᒡ ᓂᔾ ᓂᑎᐸᔨᒪᐤ᙮ ᒋᑭ ᒋ ᐱᒪᒋᑕᐛᓇᐛᐤ ᐅᐱᒪᑎᓯᔪᐅᓐ ᐅᔅᑭᒡ ᑲᓂᐧᑲᑎᓯᑦ ᑲᐸᐃᑭᔎᐤ ᐊ ᒥᑐᔅᑕᐊᒪᒐᔭᒄ ᒪᔭᑕᓂᔅ᙮ ᐊᑲ ᑭᓄᐛᔨᒪᒂ ᒪᔭᑕᓂᔅ ᒋᑭ ᐎ ᓇᑥᑯᐎᐛᓇᐛᐤ ᑲᓂᐧᑲᑎᓯᑦ ᑲᐸᐃᑭᔎᐤ᙮ ᒋᑭ ᐎ ᐱᒪᒐᐛᐅᒡ ᐅᔅᑭᒡ ᓂᔭᐸᐅᒡ ᒋᑯᓱᐛᐅᒡ᙮ ᓇᓂᑎᒻ ᒋᑭ ᐎ ᒥᔨᓇᐛᐤ ᐱᔅᑎᓂᒐᐅᓐ ᑕᑥᐤ ᓂᔭᒋ ᐊᔭᒥᐊᔅᑐᐎᔭᑯᐤ᙮ ᒐ ᐸᑕᔭᒄ ᐱᔅᑎᓂᒐᐅᓐ ᑕᑥᐤ ᑕᑯᓯᓂᔭᑯᐤ ᒐᒋ ᐊᔭᒥᐊᔭᒄ᙮

ᒪᑎᔪᐤ 6:33

ᐅᔅᑕ ᐃᑕᔨᑕᑯᓐ ᓂᔅᑎᒻ ᓱᒃ ᒐᒋ ᓇᓂᑐᐛᔨᑎᒺᒄ ᒋᓴᒪᓂᑐᐤ ᐅᒋᓴᐅᒋᒪᐅᓐ ᑭᔭ ᒐᒋ ᐃᑐᑎᒺᒄ ᑕᓐ ᐊ ᐃᓯ ᓂᑐᐛᔨᒥᑕᒄ ᒐ ᐃᑐᐛᒄ, ᐊᑯ ᒐ ᒥᔨᑕᒄ ᒥᓯᐛ ᑕᓐ ᐊ ᐃᓯ ᓄᑕᐱᔨᐛᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:23

ᓇᒪ ᒪᒃ ᒥᒄ ᐅᔭ ᒐᒂᔪᐛ ᓂᓇᐧᑲᑕᔨᒧᒥᑭᓇ᙮ ᒋᔭᓄᐤ ᑭᔭ ᒋᓴᒪᓂᑐᐤ ᑲ ᐅᑦ ᐊᐛᓯᒥᑐᑕᑕᐧᒄ ᒋ ᓂᓇᐧᑲᑕᔨᒧᓇᓄᐤ ᒋᑕᐃᓇᒡ ᒪᒂᒡ ᐊ ᐊᓱᐛᐸᑎᒪᐧᒄ ᒋᓴᒪᓂᑐᐤ ᐅᑦ ᐊᐛᓯᒪ ᒐᒋ ᐃᓯ ᓄᑯᐃᑯᐅᔭᐧᒄ ᑭᔭ ᒐᒋ ᐃᓯᐃᑯᐅᔭᐧᒄ ᐊᑲ ᓂᑕ ᒥᓐ ᒐᒋ ᓂᓇᐧᑲᑕᔨᒧᔭᐧᒄ, ᑲᒋᒡ ᒐᒋ ᐱᒪᑎᓯᔭᐧᒄ᙮ ᓴᔅ ᒪᒃ ᔅᒋ ᒥᔨᑯᓄᐤ ᒋᓴᒪᓂᑐᐤ ᐅᑦ ᐊᒐᒂ ᒐᒋ ᐅᒋ ᒋᔅᒐᔨᑎᒪᐧᒄ ᒥᓯᐛ ᑕᑈ ᒐ ᐃᔅᐱᔨᒡ ᐅᔭ᙮

ᒋᒥᔅ ᐅᒥᓯᓇᐊᒪᒐᐅᓐ 1:18

ᔅᒋ ᒥᔨᑯᓄᐤ ᐱᒪᑎᓯᐅᓂᔪᐤ ᐊᓐᑕ ᐅᒋ ᐊᓂᔭ ᐅᑦ ᐃᔨᒧᐅᓐ ᑲ ᑕᑈᒥᑭᓂᔨᒡ ᒋᔭᓄᐤ ᓂᔅᑎᒻ ᒐᒋ ᐎᐧᑯᒋᐃᑕᐧᒄ ᐅᑕ ᐅᔭ ᐊᔅᒋᔪᐤ᙮