2 ᒐᔅᑎᐱᑕᑭᓄᒐ ᐊᐛᓐ ᐊᐱᒂᔎᐊᒺᑦ ᑯᑎᑲ ᐊᐛᔪᐛ ᐎᒋᔪᐤ ᐊ ᑎᐱᔅᑲᔨᒡ, ᑭᔭ ᐊᓐ ᐊᐛᓐ ᑲ ᒐᔅᑎᐱᑕᑦ ᑲ ᓂᑕᐅᒋᒧᑎᔨᒋ ᓂᐸᐊᒐ ᒪᒃ, ᓇᒪ ᒋᑭ ᑕᒪᔨᒪᑭᓄᐤ ᐊᓂᔭ ᑲ ᓂᐸᐊᑦ᙮
ᐎ ᓂᔅᑐᑎᒧᒄ ᒪᒃ ᐅ᙮ ᒧᔭᒻ ᐊᐛᓐ ᐎᒋᒡ ᐊ ᑕᑦ ᒋᔅᒐᔨᒪᑦ ᑲᓂᑕᐅᒋᒧᑎᔨᒋ ᒐ ᐸᒋ ᑎᑯᓯᓂᔨᒋ, ᒋᐸ ᐊᔭᔅᑯᐎᔅᑐᐛᐤ᙮ ᐊᑐᒡ ᐎ ᒋᐸ ᐅᒋ ᐱᔅᑎᓇᐤ ᒥᒄ ᒐᒋ ᐃᓯ ᑭᒐᒧᑎᔨᒋ ᐊᓐᑕ ᐎᒋᒡ᙮
ᐛᔅ ᒋ ᒥᔪ ᒋᔅᒐᔨᑕᓇᐛᐤ ᓯᔅᒋᑯᒡ ᒐ ᐅᑎᒋᐱᔨᒡ ᐊᓐ ᐊ ᒋᓯᑲᒡ ᐅᑎᐸᔨᒋᒐᐤ ᒐ ᑎᑯᓯᐧᒃ, ᒧᔭᒻ ᐊᐛᓐ ᑲᓂᑕᐅᒋᒧᑎᔨᒋ ᐊ ᐱᑐᒂᑯᑦ ᐊ ᑎᐱᔅᑲᔨᒡ ᓇᒪ ᓂᑲᓐ ᒋᔅᒐᔨᑎᒻ᙮
ᐊᑲᐎᔾ ᒪᒃ ᐊᐛᓐ ᐊᓐᑕ ᐊ ᑎᓯᔭᒄ ᒋᑭ ᐅᒋ ᓂᓇᐧᑲᑕᔨᒧᐤ ᐊᓂᔭ ᐅᒋ ᐊ ᐎ ᓂᐸᐃᐛᑦ, ᑭᔭ ᒪᒃ ᐊ ᒋᒧᑎᒂ, ᑭᔭ ᒪᒃ ᐊ ᒥᒋᐃᔪᑦ, ᑭᔭ ᒪᒃ ᐊᓂᔭ ᐅᒋ ᐊ ᐅᑕᔨᒪᑦ ᑯᑎᑲ ᐊᐛᔪᐛ ᐊ ᐃᑎᔨᒋ᙮