ᐊᒃᓱᑕᔅ 20:6 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶ ᓂ ᒋᓴᐛᑐᑐᐛᐅᒡ ᒪᒃ ᒥᒐᑥᐤ ᒐᓯᐱᔪᐤ ᒥᑕᑐᒥᑎᓄᐤ ᒐ ᐊᓂᔅᒐ ᐱᒪᑎᓯᒡ ᐊᓐᒡ ᓯᐊᒋᐃᒡ, ᑭᔭ ᓂᔭᑭᑐᐛᔨᑕᒡ ᐊᑎᓱᐛᐅᒡ᙮

ᐊᒃᓱᑕᔅ 20:6 Iomraidhean Croise

ᑎᐱᑦ ᐅᓂᑭᒧᐅᓇ 103:17

ᒪᒃ ᐅᒋᔅᑎᒪᒐᔨᒋᒐᐅᓐ ᑎᐸᔨᒋᒐᓱᐤ ᑲᒋᒡ ᑭᔭ ᑲᒋᒡ ᒋᒋᔅᑲᑯᔪᐛ ᐊᓂᔭᔪᐛ ᑲ ᓇᓂᒋᔅᑕᑯᑦ, ᑭᔭ ᐅᑯᐃᔅᑯᑕᑎᓯᐅᓐ ᐊᐛᓴ ᐅᑦ ᐊᐛᓯᒥᓯᔪᐛ;

ᐊᒃᓱᑕᔅ 34:7

ᒧᔅ ᑲᒋᒡ ᓂᑭ ᓴᒋᐊᐎᒡ ᓂᑦ ᐃᔨᒥᒡ, ᓂ ᐛᐸᔨᑕᓐ ᒥᔭᑎᓯᐅᓐ ᑭᔭ ᒥᒋᑥᐅᓐ, ᒥᒄ ᐃᔭᐱᒡ ᓂᑭ ᐊᓏᔨᒪᐅᒡ ᐊᓐ ᐊᐛᓐᒋ ᑲ ᒥᒋᑐᑕᒡ᙮ ᐃᔅᐱ ᒥᒋᑐᑕᒂᐛ ᐃᔪᒡ ᓂᑭ ᐊᓏᔨᒪᐅᒡ ᑭᔭ ᐅᑦ ᐊᐛᓯᒧᐛᐛ ᑭᔭ ᐅᓯᒧᐛᐛ ᐱᐃᒻ ᓂᔅᑐ ᑭᔭ ᓇᐤ ᒐ ᐊᑎ ᐊᓂᔅᒐ ᐱᒪᑎᓯᒡ ᐅᑕᐎᐛᐛ ᐅᒥᒋᑥᐅᓂᔨᐛ ᐅᒋ᙮”

ᒠᓐ 14:15

“ᒧᔭᒻ ᓯᔭᒋᐃᐛᒂ ᒪᒃ ᒋᑭ ᓂᓇᐃᑕᓇᐛᐤ ᐛᔅ ᑕᓐ ᑲ ᐃᑎᓯᒥᑎᑯᒡ ᒐᒋ ᐃᑎᔭᒄ᙮

ᒠᓐ 14:21

“ᐊᓐ ᐊᐛᓐ ᒐ ᑕᑈᑎᒧᒂ ᑭᔭ ᒐ ᓂᓇᐃᑎᒧᒂ ᑕᓐ ᐊ ᐃᑎᓱᐛᔭᓐ ᐊᐅᒄ ᐊᓐ ᐊᐛᓐ ᑲ ᓴᒋᐃᑦ᙮ ᒋᑭ ᓴᒋᐊᐤ ᓄᑕᐎᔾ ᐊᓂᔭ ᐊᐛᔪᐛ ᑲ ᓴᒋᐃᔨᒋ, ᑭᔭ ᓂᔾ ᒪᒃ ᓂᑭ ᓴᒋᐊᐤ ᐊᓐ ᐊᐛᓐ ᑭᔭ ᓂᑭ ᐃᑐᑐᐛᐤ ᒐᒋ ᒥᔪ ᒋᔅᒐᔨᒥᑦ᙮”

ᐊᑈᔅᑕᓇᒡ 2:39

ᐛᔅ ᐅᔭ ᒋᓴᒪᓂᑐᐤ ᑲ ᐃᔅᒋᔄᑦ ᒐᔅᑎᓇᔅ ᒐ ᒥᔨᐛᑦ ᒋᔨᐛᐤ ᔅᒋ ᐃᑕᔨᒥᑯᐛᐤ ᒐᒋ ᐊᔭᐅᒪᑯ ᑭᔭ ᒋᑦ ᐊᐛᓯᒧᐛᐛ ᒐᒋ ᐊᔭᐛᔨᒋ ᑭᔭ ᒥᓯᐛ ᐊᓂᔭ ᐊᐛᔪᐛ ᐛᔪᐤ ᑲ ᑕᔨᒋ᙮ ᒥᓯᐛ ᐊᓐᒡ ᒐ ᑕᑈᑎᑯᒡ ᐅᑎᐸᔨᒋᒐᐛ ᒋᓴᒪᓂᑐᐛ ᒋᑭ ᒥᔭᑭᓄᐅᒡ ᐅᔭ ᒥᔨᐛᐅᓂᔪᐤ᙮”

ᒋᒥᔅ ᐅᒥᓯᓇᐊᒪᒐᐅᓐ 1:12

ᓱᐛᔨᑕᑯᓱᐤ ᐊᓐ ᐊᐛᓐ ᐊᑲ ᓴᐧᑯᒋᐃᑯᑦ ᑕᓐ ᐊ ᐃᓯ ᑯᒂᒋᐊᑭᓄᐅᑦ᙮ ᐛᔅ ᓴᐳᔅᑲᒐ ᑕᓐ ᐊ ᐃᓯ ᑯᒂᒋᐊᑭᓄᐅᑦ ᒋᑭ ᒥᔨᑯᐤ ᒋᓴᒪᓂᑐᐛ ᐊ ᐛᔪᒡ ᒥᔽᔨᑕᑯᓂᔨᒡ ᐱᒪᑎᓯᐅᓂᔪᐤ, ᐊᓂᔭ ᑲ ᐃᔅᒋᔄᔨᒋ ᒐᔅᑎᓇᔅ ᒐ ᒥᔭᔨᒋ ᐊᓂᔭ ᑲ ᓴᒋᐃᑯᑦ᙮

1 ᒠᓐ 4:19

ᒋ ᓴᒋᐃᐛᓇᓄᐤ ᐎᔾ ᓂᔅᑎᒻ ᐊᒋ ᓴᒋᐃᑕᐧᒄ᙮

1 ᒠᓐ 5:3

ᐊ ᐃᑐᑎᒺᐧᒄ ᒥᓯᐛ ᐊ ᐃᑎᓱᒥᑕᐧᒄ ᒋᓴᒪᓂᑐᐤ, ᐊᑯᑕ ᐛᒋ ᓄᒂᒡ ᐊ ᓴᒋᐊᐧᒄ᙮ ᓇᒪ ᒪᒃ ᐊᔨᒥᓂᔪᐤ ᒐᒋ ᐃᑐᑎᒺᐧᒄ ᐊᓂᔭ ᐊ ᐃᑎᓱᒥᑕᐧᒄ᙮

2 ᒠᓐ 1:6

ᒪᐅ ᒪᒃ ᓴᒋᐃᐛᐅᓐ, ᒐᒋ ᐃᑐᑎᒪᐧᒄ ᑕᓐ ᐊ ᐃᑎᓱᒥᑕᐧᒄ ᒋᓴᒪᓂᑐᐤ᙮ ᐊᐅᒄ ᒪᒃ ᐅ ᐃᑎᓱᐛᐅᓐ ᑲ ᒥᔨᑯᐅᔭᐧᒄ ᒪᐅᒡ ᓂᔅᑎᒻ ᑲ ᐸᑎᒪᐧᒄ ᒥᔽᒋᒧᐅᓐ, ᒐᒋ ᐃᓯ ᐱᒪᑎᓯᔭᐧᒄ ᑕᓐ ᐊ ᐃᓯ ᐱᒪᑎᓯᒡ ᐊᓐᒡ ᑲ ᓴᒋᐊᒡ ᒋᓴᒪᓂᑐᐛ ᑭᔭ ᐎᐧᑲᓂᓱᐛᐛ᙮