ᐊᒃᓱᑕᔅ 20:17 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁷ ᐊᑲᐎᔾ ᒋᑭ ᒧᔅᑕᓂᒧᐛᐤ ᒋᒡ ᐃᔪᐤ ᐎᒡ, ᐊᑲᐎᔾ ᒋᑭ ᒧᔅᑕᓂᒧᐛᐤ ᒋᒡ ᐃᔪᐤ ᐎᐛ, ᐊᑲᐎᔾ ᑭᔭ ᐅᑦ ᐊᑐᔅᒐᔭᑭᓂᒪ, ᑭᔭ ᐅᑦ ᐊᑐᔅᒐᔭᑭᓂᔎᒪ, ᑭᔭ ᐅᓇᐸᒥᔅᑐᓯᒪ ᑭᔭ ᑲᓂᐧᑲᑎᓯᔨᒋ ᐅᑲᐸᐃᑭᔎᒪ ᑭᔭ ᒥᒄ ᒐᒂᔪᐤ ᑕᐱᔨᐛᐅᓯᑦ᙮”

ᐊᒃᓱᑕᔅ 20:17 Iomraidhean Croise

ᒐᓂᓯᔅ 14:23

ᒐ ᐊᑲ ᐅᑎᓂᒪᓐ ᐊᓐ ᒐᒂᓐ ᑕᐱᔨᐛᐅᓯᔨᓐ, ᐊᑎ ᒥᒄ ᓴᔅᑎᒂᔭᐱᔾ ᑭᔭ ᒪᒃ ᒥᔅᒋᓇᔭᐱᔾ, ᐊᑯ ᒐ ᐊᑲ ᓂᑕ ᒋ ᐃᔅᒋᔄᔨᓐ, ‘ᓂᒋ ᐃᑐᑐᐛᐤ ᐊᑉᕋᒻ ᒐᒋ ᐛᔪᑎᓯᑦ᙮’

ᒐᓂᓯᔅ 3:6

ᒋ ᐛᐸᑎᒻ ᐃᔎᐤ ᐊᔅᐱᔅ ᒥᔽᓯᔨᒡ ᑭᔭ ᐊ ᒥᔽᔨᒡ ᒐᒋ ᒥᒋᓇᓄᐎᒡ; ᐃᔭᐱᒡ ᒋᔅᒐᔨᑎᒻ ᒥᒋᑦ ᐊᐛᓐ ᐊᓂᔭ ᒥᓂᓴ ᒋᐸ ᑭᒐᑕᐛᔨᑕᑯᓱᐤ ᑭᔭ ᓇᔅᒡ ᒋ ᓇᓂᑐᐛᔨᑎᒻ ᐃᔎᐤ ᒐᒋ ᑭᒐᑕᐛᔨᑕᑯᔅᑦ, ᐊᑯ ᐛᑎᓇᐧᒃ ᐊᓂᔭ ᒥᓂᓴ, ᒂ ᒥᒋᑦ ᑭᔭ ᒂ ᒥᔭᑦ ᐱᔅᒐ ᐅᓇᐸᒪ ᑭᔭ ᐎᔾ ᓇᐸᐤ ᒪᒋᑦ᙮

ᒐᓂᓯᔅ 34:23

ᓂᔅᑯᒧᔭᒂ, ᒥᓯᐛ ᑲᓄᐛᔨᑕᒡ ᒐᒂᔪᐤ ᒋᔭᓄᐤ ᒋᑭ ᑎᐸᔨᑎᒺᓇᓐ, ᐊᓯᒡ ᒥᓯᐛ ᐅᑦ ᐊᐛᓯᓯᒧᐛᐛ ᑭᔭ ᒥᓯᐛ ᑯᑎᒋᔪᐤ ᒐᒂᔪᐤ ᑕᐱᔨᐛᐅᓯᒡ᙮ ᐃᑐᑎᒺᑕᐤ ᒐᒂᔪᐤ ᐊᔅᒋᔄᒡ ᐊᑯ ᒪᒃ ᒐ ᐎᒋᒥᑕᐧᑯᒡ ᐅᑕ ᐊᔅᒋᒡ᙮”

ᑎᐱᑦ ᐅᓂᑭᒧᐅᓇ 10:3

ᐛᔅ ᐅᒥᒋᑥᐤ ᒪᒪᑕᑯᒧᐤ ᐊ ᐃᓯ ᐱᑯᓴᔨᒧᑦ ᐅᑕᐃᒡ, ᑭᔭ ᒥᔽᒋᒪᐤ ᑲ ᐊᔅᐳᓂᓯᔨᒋ, ᐛᐧᑲᑕᐤ ᑎᐸᔨᒋᒐᓱᐛ᙮

ᑎᐱᑦ ᐅᓂᑭᒧᐅᓇ 119:36

ᐃᑎᔅᑕ ᓂᑕᐃ ᒋᑎᐸᒋᒧᐅᓂᒡ ᐃᓯ, ᐊᑲ ᒪᒃ ᒧᔅᑕᓇᒪᒐᐅᓂᒡ ᐃᓯ᙮

ᒪᑎᔪᐤ 20:15

ᓇᒪᐎᔾ ᐊ ᒋ ᒋᔅᒐᔨᑕᓐ ᒥᒄ ᐛ ᐃᑐᑎᒪᓐ ᓂᓱᓇᔭᓂᒻ ᓂᑭ ᑐᑕᓐ ? ᓇᒪᐎᔾ ᒋ ᓇᐊᔨᑎᒥᐃᑎᓐ ᐊ ᐊ ᒥᔪᑥᔭᓐ ?”

ᒪᑎᔪᐤ 5:28

ᒥᒄ ᒪᒃ ᓂᔾ ᒋᑦ ᐃᑎᓇᐛᐤ, ᐊᐛᓐ ᑭᓄᐛᐱᒪᒐ ᐃᔎᐛ, ᓂᑎᒥᒄ ᒪᒃ ᐃᓯ ᒪᒥᑐᓇᔨᒪᒐ, ᓴᔅ ᐃᓯᓇᑯᓂᔪᐤ ᐊ ᐎᒋ ᐱᓯᒂᑎᓯᒪᑦ ᐊᓐᑕ ᐅᑕᐃᒡ᙮

ᓗᒃ 12:15

ᐊᑯ ᒋᓴᔅ ᒥᓯᐛ ᑲ ᐃᑕᑦ ᐅᔭ, “ᐃᔭᒂᒥᒄ, ᒐ ᐊᑲ ᒋ ᒧᔅᑕᓇᔨᑎᒪᒐᔭᒄ ᐊ ᐃᔅᐱᔅ ᐎ ᐊᔭᔭᒄ ᒐᒂᓐ᙮ ᐛᔅ ᑕᐸ ᐊᓂᔭ ᐊ ᐃᓯ ᐛᔪᑎᓯᑦ ᐊᐛᓐ ᒪᒃ ᓇᔅᒡ ᐊ ᐛᔪᑎᓯᒂ, ᓇᒪᔭᔪᐤ ᐊᓂᔭ ᒐ ᐃᑐᑕᑯᑦ ᒐᒋ ᐅᒋ ᐊᔭᑦ ᑲᒋᒡ ᐱᒪᑎᓯᐅᓂᔪᐤ᙮”

ᓗᒃ 16:14

ᐃᔅᐱ ᒪᒃ ᐸᕆᓯᔨᒡ ᐱᔭᑕᒡ ᐅᔭᔪᐤ ᒋ ᒪᔭᔨᒪᐅᒡ ᒋᓴᓴ, ᐛᔅ ᒋ ᓴᒋᑕᐅᒡ ᓱᓇᔭᔪᐤ᙮

ᐊᑈᔅᑕᓇᒡ 20:33

ᒋ ᒋᔅᒐᔨᑕᓇᐛᐤ ᐊᑲ ᓂᑕ ᐅᒋ ᒧᔅᑕᓂᒧᒃ ᐊᐛᓐ ᐅᓱᓇᔭᓂᒻ ᒪᒃ ᐅᑦ ᐊᐱᒋᑕᐅᓇ᙮

ᐊᑈᔅᑕᓇᒡ 5:4

ᐊᔅᒄ ᐊᑲ ᐅᒋ ᐊᑕᐛᒐᔨᓐ ᒋᑦ ᐊᔅᒋᔾ ᒋᔾ ᔅᒋ ᑎᐱᔨᐛᐅᓯᓐ ᐃᔅᐱ ᒪᒃ ᑲ ᐊᑕᐛᒐᔨᓐ ᔅᒋ ᒥᔨᑯᐅᓐ ᒐᒋ ᐎᔭᔨᑎᒥᓐ ᑕᓐ ᒐ ᐃᑐᑎᒥᓐ ᐊᓐ ᓱᓇᔭᐤ᙮ ᒐᒂᓐ ᑲ ᒪᒥᑐᓇᔨᑎᒥᓐ ᐛᒋ ᐎᔭᔨᑎᒥᓐ ᐅ ᒐᒋ ᐃᑐᑎᒥᓐ᙮ ᓇᒪ ᓇᐸᐤ ᒋ ᑭᑭᒋᔭᒪᐤ, ᒋᓴᒪᓂᑐᐤ ᐊᐅᒄ ᑲᑭᒋᔭᒥᑦ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 13:9

ᐅᔭ ᐃᑎᓱᐛᐅᓇ, “ᐊᑲᐎᔾ ᐱᓯᒂᑎᓯ, ᐊᑲᐎᔾ ᓂᐸᐃ ᐊᐛᓐ, ᐊᑲᐎᔾ ᒋᒧᑎ, ᐊᑲᐎᔾ ᒧᔅᑕᓂᒧᐤ ᑯᑎᒃ ᐊᐛᓐ ᑕᓐ ᐊ ᐃᓯ ᐊᔭᑦ᙮” ᑯᑎᑲ ᒪᒃ ᐃᑎᓱᐛᐅᓇ ᐊ ᐃᑎᒂᒋ, ᒥᓯᐛ ᒪᒧᐤ ᒋᑭ ᒋ ᐃᓯ ᑭᓄᐛᐸᑕᑭᓄᐛ ᐊᓐᑕ ᐊᓐ ᐸᐃᒄ ᐃᑎᓱᐛᐅᓐ ᑲ ᐃᑎᓱᐛᒥᑲᒡ, “ᓴᒋᐃ ᒋᒡ ᐃᔪᐤ ᒧᔭᒻ ᒋᔾ ᐊ ᐃᔅᐱᔅ ᓴᒋᐃᓱᔨᓐ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 7:7

ᐊ ᐃᔅᒋᔄᑦ ᐊᓐ ᐊᐛᓐ, ᒪᔭᑎᓄᒐ ᐊᓐ ᐎᓱᐛᐅᓐ ᐛᔅ ᐊᑯᑕ ᑲ ᐅᒋᐱᔨᒡ ᐊᓐ ᒐᒋ ᒥᒋᑐᑎᒪᓐ᙮ ᒪᐅ ᓂᐸ ᐃᓯ ᐎᑎᒧᐊᐤ ᐅ ᐊᐛᓐ, ᑕᐸ ᓇᒪᔭᐤ ᐊᓐ ᐎᓱᐛᐅᓐ ᑲ ᐃᑐᑕᑯᔭᓐ ᒐᒋ ᒥᒋᑐᑎᒪᓐ᙮ ᒥᒄ ᒪᒃ ᐊᑯᑕ ᑲ ᐅᒋ ᒋᔅᒐᔨᑎᒪᓐ ᑕᑈ ᐊ ᒥᒋᑐᑎᒪᓐ ᐊᓐᑕ ᐅᒋ ᑕᓐ ᐊ ᐃᑎᓱᐛᒥᑲᒡ ᐊᓐ ᐎᓱᐛᐅᓐ᙮ ᒧᔭᒻ ᐊᓐᑕ ᐊᓐ ᑲ ᐃᑎᔅᑕᒡ, “ᐊᑲᐎᔾ ᒥᒋ ᒧᔅᑕᓇᒪᒐ,” ᐊᑯᑕ ᑲ ᐅᒋ ᒋᔅᒐᔨᑎᒪᓐ ᐊ ᒥᒋᑐᑎᒪᓐ ᐊ ᒥᒋ ᒧᔅᑕᓇᒪᒐᔭᓐ᙮

1 ᑯᕆᓐᑎᔭᓇ 6:10

ᑭᔭ ᒪᒃ ᐊᓐᒡ ᑲᓂᑕᐅᒋᒧᑎᒡ, ᑭᔭ ᒪᒃ ᐊᓐᒡ ᒧᔅ ᑲ ᒧᔅᑕᓇᔨᑕᒡ ᒐᒂᔪᐛ, ᑭᔭ ᒪᒃ ᐊᓐᒡ ᑲ ᐎᒋᐸᒡ, ᑭᔭ ᒪᒃ ᐊᓐᒡ ᓂᑎᒥᒄ ᑲ ᐃᑕᒋᒪᒡ ᑯᑎᑲ ᐊᐛᔪᐛ, ᑭᔭ ᒪᒃ ᑲᒋᒧᑎᒡ, ᓇᒪ ᐛᒋ ᐸᐃᒄ ᐅᒡ ᒋᑭ ᐅᒋ ᐊᓂᔅᒐ ᐊᔭᐅᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮

ᐃᐱᓯᔭᓇ 5:3

ᒋᔨᐛᐤ ᐊ ᑕᑈᑎᒪᒄ ᓇᒪ ᓇᔅᒡ ᒋᐸ ᐅᒋ ᑎᑯᓐ ᐎᓂᓱᐅᓐ ᐊᓐᑕ ᐊ ᑕᔭᒄ᙮ ᓇᒪ ᑭᔭ ᒋᐸ ᐅᒋ ᑎᑯᓐ ᓂᑎᒥᒄ ᐃᑐᐅᓐ ᑭᔭ ᒧᔅᑕᓇᔨᑎᒧᐅᓐ᙮

ᐃᐱᓯᔭᓇ 5:5

ᒋ ᓂᑐᐛᔨᒥᑎᓇᐛᐤ ᒐᒋ ᒋᔅᒐᔨᑎᒪᒄ ᐊᓐ ᐊᐛᓐ ᐎᓂᓱᐅᓂᒡ ᑲ ᐃᓯ ᐱᒪᑎᓯᑦ ᑭᔭ ᓂᑎᒥᒄ ᑲ ᐊᐃᑎᑦ ᑭᔭ ᒧᔅ ᑲ ᒧᔅᑕᓇᔨᑕᐧᒃ ᒐᒂᔪᐤ ᒐᒋ ᐊᔭᑦ ᓇᒪ ᒋᑭ ᒋ ᐎᒋᐃᐛᐤ ᒋᓴᒪᓂᑐᐛ ᑭᔭ ᙭ᑕ ᐅᒋᒪᐅᓂᔨᒡ᙮ ᐊᓐ ᐊᐛᓐ ᒧᔅ ᑲ ᒧᔅᑕᓇᔨᑕᐧᒃ ᒧᔭᒻ ᒥᓂᑐᐧᑲᓇ ᐊ ᐊᔭᒥᐊᔅᑐᐛᑦ ᐃᓯᓇᑯᓂᔪᐤ ᐅᔭ ᐊ ᐃᑎᑦ᙮

ᐱᓕᐱᔭᓇ 3:19

ᐊᔅᒄ ᒋᑭ ᓂᒋᔅᑭᒧᒡ ᐅᓇᒋᐃᐛᐅᓂᔪᐤ᙮ ᑕᓐ ᐊ ᐃᓯ ᓂᑐᐛᔨᑎᒧᒥᑭᓂᔨᒋ ᐎᔪᐛᐛ ᐊᐅᒄ ᒋᒋᐛ ᓂᔭᑭᑐᐛᔨᑎᒥᐃᑯᒡ᙮ ᒥᔽᔨᑎᒥᐃᑯᐅᒡ ᑕᓐ ᐊ ᐃᑎᒡ᙮ ᒋᒧᔅᑕᓇᔭᔨᑎᒧᒡ ᒪᒃ ᐊᓂᔭ ᐃᑐᐅᓇ᙮ ᒥᒄ ᑕᓐ ᐊ ᐃᑕᑎᓯᓇᓄᐎᒡ ᐅᑕ ᐊᔅᒋᒡ ᐊᔪᐅᒄ ᒥᒄ ᒥᔭᒥᑐᓇᔨᑎᒥᐃᑯᒡ᙮

ᑯᓚᓯᔭᓇ 3:5

ᓂᓱᐅᓇᒋᑕᒄ ᒥᒐᑎᓯᐅᓐ ᑕᓐ ᐊ ᐃᓯ ᑎᒂᒡ ᒋᐱᒪᑎᓯᐅᓄᐛᒡ᙮ ᓂᓱᐅᓇᒋᑕᒄ ᐎᓂᓱᐤ ᐱᒪᑎᓯᐅᓐ, ᐎᓂᓱᐤ ᒪᒥᑐᓇᔨᑎᒧᐅᓐ, ᒥᒋ ᓂᑐᐛᔨᑎᒧᐅᓐ, ᑭᔭ ᐊᓐ ᐊ ᒧᔅᑕᓇᔨᑎᒪᒄ ᒐᒋ ᐛᔪᐅᒡ ᐊᔭᔭᒄ ᒐᒂᓐ ᐅᑕ ᐊᔅᒋᒡ᙮ ᐊᓐ ᐊᐛᓐ ᒧᔅ ᑲ ᒧᔅᑕᓇᔨᑕᐧᒃ ᒐᒋ ᐛᔪᐅᒡ ᐊᔭᑦ ᒐᒂᔪᐛ ᒧᔭᒻ ᐊ ᐅᒥᓂᑐᐧᑲᓂᒥᑦ ᐊᓂᔭ ᒐᒂᔪᐛ ᐃᓯᓇᑯᓂᔪᐤ᙮

ᐃᑉᕈᐛ 13:5

ᐊᑲ ᐎ ᒋᑭ ᐅᒋ ᐃᓯᓇᑯᓯᓇᐛᐤ ᒐᒋ ᓴᒋᑕᔭᒄ ᓱᓇᔭᐤ᙮ ᒋᐸ ᒥᔽᔨᑕᓇᐛᐤ ᑕᓐ ᐊ ᐃᓯ ᐊᔭᔭᒄ᙮ ᐛᔅ ᒋᓴᒪᓂᑐᐤ ᒋ ᐃᔅᒋᔄᐤ, “ᓇᒪ ᓂᑕ ᒋᑭ ᐅᒋ ᓂᑭᑎᑎᓇᐛᐤ, ᓇᒪ ᓂᑕ ᒋᑭ ᐅᒋ ᐃᓯᓇᑯᓯᓇᐛᐤ ᒐ ᐊᑲ ᒋ ᐃᔭᐱᑕᔨᒥᑎᑯᒡ᙮”