ᐊᒃᓱᑕᔅ 20:11 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹¹ ᐛᔅ ᐊᓱᑕᒡ ᑕᑐᐤ ᒋᓯᑲᐛ ᒋ ᐃᔅᐱᔅ ᐅᓯᑕᑕᑯᐱᓐ ᑎᐸᔨᒋᒐᓱᐤ ᒋᒋᒋᓯᑯᔪᐤ ᑭᔭ ᐊᔅᒋᔪᐤ, ᐎᓂᐸᑯᔪᐤ ᑭᔭ ᒥᓯᐛ ᒐᒂᔪᐤ ᐊᓐᑕ ᐊ ᑎᑯᓂᔨᒡ, ᒋ ᐊᔽᓯᑕᑯᐱᓐ ᒪᒃ ᓂᔄᐅᑕᒡ ᐊ ᒋᓯᑲᔨᒡ; ᐊᔪᐅᒄ ᐛᒋ ᒥᔪ ᐃᑐᑎᒥᑯᐱᓇ ᑎᐸᔨᒋᒐᓱᐤ ᐊᓂᔭᔪᐤ ᓂᔄᐅᑕᒡ ᐊ ᒋᓯᑲᔨᒡ, ᑭᔭ ᐛᒋ ᐸᔭᒋ ᒋᓯᑲᒐᑕᒧᑯᐱᓇ᙮

ᐊᒃᓱᑕᔅ 20:11 Iomraidhean Croise

ᒐᓂᓯᔅ 1:28

ᒋᓴᒪᓂᑐᐤ ᒋ ᒥᔭᐤ ᐅᓱᐛᔨᒋᒐᐅᓐ ᑭᔭ ᒂ ᐃᑕᑦ, “ᒐ ᒥᒐᑥᐊᑯᒡ ᐊᐛᓯᒡ, ᒐᒋ ᒥᒐᑎᑦ ᐃᔪᐤ ᐅᑕ ᐊᔅᐱᑎᔅᑭᒥᑲᒡ ᐊᔅᒋᒡ ᑭᔭ ᒋᔨᐛᐤ ᒐ ᑭᓄᐛᔨᑎᒪᒄ᙮ ᒋᔨᐛᐤ ᒋᑭ ᐅᒋᒪᐅᓇᐛᐤ ᐊᓐᒡ ᓂᒪᓯᒡ ᐊᓐᑕ ᓂᐱᒡ, ᐱᔭᓱᐅᒡ ᐊᓐᑕ ᒋᓯᑯᒡ ᑭᔭ ᒥᓯᐛ ᐊᐛᓯᓯᒡ ᐅᑕ ᐊᔅᒋᒡ᙮

ᒐᓂᓯᔅ 1:31

ᒋᓴᒪᓂᑐᐤ ᒋ ᒋᑕᐸᑎᒻ ᐊᓂᔭ ᒐᒂᔪᐤ ᑲ ᐃᑐᑕᐧᒃ, ᒥᓯᐛ ᓇᔅᒡ ᒋ ᒥᔽᓯᔪᐤ᙮ ᒂ ᐅᑕᑯᓯᒡ ᑭᔭ ᒂ ᒐᒋᓴᐸᔭᒡ, ᐊᐅᑯᓐ ᐊᓱᑕᒡ ᑕᑥᐤ ᐊ ᒋᓯᑲᒡ᙮

ᐊᒃᓱᑕᔅ 31:17

ᐊᐅᒄ ᐅ ᒐᒋ ᐅᒋ ᒋᔅᒋᑎᒪᒄ ᓂᔾ ᑎᐸᔨᒋᒐᓱᐤ ᐊᓱᑕᒡ ᑕᑐᐤ ᒋᓯᑲᐛ ᐃᔅᐱᔅ ᑲ ᐅᓯᑕᔭᓐ ᒋᒋᒋᓯᒄ ᑭᔭ ᐊᔅᒋᔾ ᒥᒄ ᐊᓐ ᓂᔄᐅᑕᒡ ᒋᓯᒄ ᓂᒋ ᐊᔅᑕᔭᔅᑯᓯᓐ᙮”

ᐊᒃᓱᑕᔅ 8:22

ᒋᓴᒪᓂᑐᐤ ᐅᑦ ᐃᔨᒪ ᐊᓐᑕ ᑯᓯᓐ ᐊ ᑕᔨᒋ ᓇᒪ ᒋᑭ ᐛᐧᑲᐃᑯᐅᒡ ᐅᒐᐛ, ᒥᒄ ᒋᑦ ᐃᔨᒥᒡ ᐊᓐᑕ ᒥᓯᐛ ᐃᒋᑉᑦ ᐊᔅᒋᒡ ᓇᔅᒡ ᒋᑭ ᐛᐧᑲᐃᑯᐅᒡ᙮ ᐊᐅᑯᓐ ᒐ ᒋᔅᒐᔨᑎᒪᒃ ᑎᐸᔨᒋᒐᓱᐤ ᐊᑕᑦ ᐅᑕ ᐃᒋᑉᑦ ᐊᔅᒋᒡ᙮

ᐊᒃᓱᑕᔅ 9:29

ᒧᓱᔅ ᒂ ᐃᑕᑦ, “ᐅ ᒋ ᐎᐎᔭᓇ ᐅᑕᓇᐤ, ᐊᑯ ᒐ ᓴᑐᓂᒧᐅᒃ ᓂᑎᒋᔭ ᑎᐸᔨᒋᒐᓱᐤ ᐊᔭᒥᐊᐃᔭᓐ᙮ ᓂᒥᔅᒍᐅᒡ ᒐ ᒋᒺᒡ᙮ ᓇᒪ ᒋᑭ ᒋ ᑎᑯᓐ ᐃᔭᐱᒡ ᐊ ᓯᓯᑯᓂᐱᔨᒡ᙮ ᐊᑯ ᒐ ᒋᔅᒐᔨᑎᒪᒄ ᑎᐸᔨᒋᒐᓱᐤ ᑕᐸᔨᑕᐧᒃ ᐅᔭ ᐊᔅᒋᔪᐤ᙮

ᐊᑈᔅᑕᓇᒡ 14:15

“ᓇᐸᑐᒄ ᐊᑲᐎᔾ ᐃᑐᑎᒧᒄ ᐅ, ᓇᐸᐅᒡ ᐛᔅ ᐊᓐ ᑭᔭ ᓂᔭᓐ ᒧᔭᒻ ᒋᔨᐛᐤ ᐊ ᐃᑕᔨᑕᑯᓯᔭᒄ ᐊᐅᑯᓐ ᐊ ᐃᑕᔨᑕᑯᓯᔭᒡ᙮ ᒋ ᐎ ᐎᑎᒪᑎᓇᓐ ᒥᔽᒋᒧᐅᓐ ᒐᒋ ᐅᒋ ᐳᓂᐊᑯᒡ ᐊ ᐊᔭᒥᐊᔅᑎᐛᑯᒡ ᐊᓐᒡ ᓂᑎᒥᒄ ᒥᓂᑐᐧᑲᓐᒡ᙮ ᒥᔅᑯᒡ ᐊᓐᑕ ᒋᓴᒪᓂᑐᐤ ᑲ ᐱᒪᑎᓯᑦ ᐊ ᑕᑦ ᒐᒋ ᐃᓯ ᐊᔭᒥᐊᔭᒄ, ᐊᓐ ᑲ ᐅᓯᑕᑦ ᒋᒋᒋᓯᑯᔪᐤ, ᐊᔅᒋᔪᐤ, ᐎᓂᐸᑯᔪᐤ ᑭᔭ ᒥᓯᐛ ᒐᒂᔪᐤ ᐊᓐᑕ ᑲ ᐃᓯ ᐱᒪᑎᓯᒥᑭᓂᔨᒡ᙮

ᐊᑈᔅᑕᓇᒡ 20:7

ᐊᓐ ᒪᒃ ᒥᔭᔅᑕᐃᑐᔅᑲᓄᒡ ᐊ ᐊᑎ ᐅᑕᑯᓯᔨᒡ ᓂᒋ ᒪᒧᐎᓇᓐ ᒐᒋ ᒪᒧᐤ ᒥᒋᓱᔭᒡ᙮ ᑈᓪ ᒪᒃ ᒋ ᐃᔨᒪᐊᐤ ᐊᓂᔭᔪᐛ ᐊᐛᔪᐛ ᑲ ᐸᒋ ᒪᒧᐎᔨᒋ᙮ ᐎᐱᒡ ᒋ ᐎ ᔅᑐᑕᐤ ᐊᓂᔭ ᒐ ᐛᐸᓂᔨᒡ, ᑭᔭ ᓇᐅᔅ ᒂ ᐊᑎ ᐃᔨᒥᑦ᙮ ᐱᐃᒻ ᒋ ᐊᐱᑕᑎᐱᔅᑲᔪᐤ ᐊᔅᒄ ᐊ ᐃᔨᒥᑦ᙮

ᐊᑈᔅᑕᓇᒡ 4:24

ᐃᔅᐱ ᑲ ᐎᑎᒧᐛᒡ ᐊᓂᔭᔪᐛ ᐅᐎᒐᐛᑭᓄᐛᐛ ᐊᑯ ᒪᒧᐤ ᒂ ᐊᔭᒥᐊᒡ ᒋᓴᒪᓂᑐᐛ᙮ ᐊᐅᒄ ᐅᔭ ᑲ ᐃᓯ ᐊᔭᒥᐊᒡ, “ᒪᐅᒡ ᑲ ᐃᔅᐸᔨᑕᑯᓯᔨᓐ ᐅᑎᐸᔨᒋᒐᐤ, ᒋᔾ ᑲ ᐅᓯᑕᔨᓐ ᒋᒋᒋᓯᒄ ᑭᔭ ᐊᔅᒋᔾ ᑭᔭ ᐎᓂᐸᒄ, ᒥᓯᐛ ᒪᒃ ᒐᒂᔪᐛ ᑕᓐ ᐊ ᐃᓯ ᑎᒂᒋ ᐊᓐᑕ᙮

ᐃᑉᕈᐛ 4:4

ᒋ ᒋᔅᒐᔨᑕᓇᓄᐤ ᐅ ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒋᓴᒪᓂᑐᐤ ᒋ ᐊᔪᐛᐳᐤ ᐃᔅᐱ ᑲ ᒋᔅᑕᑦ ᐅᑦ ᐊᑐᔅᒐᐅᓐ, ᐃᔅᐱ ᑲ ᓂᔄᐅᑕᒡ ᒋᓯᑲᔨᒡ᙮

ᒋᔅᒐᔨᑕᑯᑕᒐᐅᓐ 10:6

ᐊᑯ ᒂ ᐃᔅᒋᔄᑦ, “ᐊᐅᒄ ᐅ ᐊ ᐃᔅᒋᔄᔭᓐ ᐅᑎᔅᑯᐤ ᒋᓴᒪᓂᑐᐤ ᐊ ᑕᑦ, ᐊᓐ ᑲᒋᒡ ᑲ ᐱᒪᑎᓯᑦ, ᒋᓯᑯᔪᐤ, ᐊᔅᒋᔪᐤ ᑭᔭ ᐎᓂᐸᑯᔪᐤ ᑭᔭ ᒥᓯᐛ ᐊ ᐃᓯ ᑎᑯᓂᔨᒡ ᐊᓐᑕ ᒋᓯᑯᒡ, ᐊᔅᒋᒡ ᑭᔭ ᐎᓂᐸᑯᒡ ᑲ ᐅᓯᑕᑦ, ᐊᑯᓐ ᒐ ᐃᔅᐱᔅ ᓇᑲᐎᑦ, ᐊᑯ ᒋᓴᒪᓂᑐᐤ ᒐᒋ ᐃᑐᑕᐧᒃ ᑕᓐ ᐊᓂᔭᔪᐛ ᐛ ᐃᑐᑕᐧᒃ᙮