25 ᒋᔅᒐᔨᒪᐤ ᑕᓐ ᑲ ᐃᔅᐱᔨᒋ ᐅᑦ ᐃᔨᒪ ᑭᔭ ᒋᔅᑎᒪᒐᔨᒪᐤ᙮
ᐛᔅ ᑎᐸᔨᒋᒐᓱᐤ ᒋᔅᒐᔨᑎᒺᐤ ᐅᑦ ᐃᓯᑥᐅᓂᔪᐤ ᐅᑯᐃᔅᑯᑕᑎᓯᐛ: ᒪᒃ ᐅᑦ ᐃᓯᑥᐅᓄᐛᐤ ᐊᑲ ᐊᔭᒥᐊᒡ ᒋᑭ ᓂᓱᐅᓇᑎᓂᔪᐤ᙮
ᔅᒋ ᐛᐸᑕᓐ; ᐛᔅ ᒋ ᑭᓄᐛᐸᑕᓐ ᒥᒋᐃᑐᐅᓐ ᑭᔭ ᒥᒐᔨᒧᐛᐅᓐ, ᒐᒋ ᑎᐸᐊᒥᓐ ᒋᑎᒋᔾ ᐅᒡ: ᑲ ᒋᔅᑎᒪᑎᓯᑦ ᒋ ᐱᔅᑎᓂᑎᓱᔅᑕᒃ: ᒋ ᐎᒐᐅᒡ ᐊᑲ ᐅᑕᐎᒡ᙮
ᓇᒪᐎᔾ ᒪᒃ ᒋ ᐅᒋ ᒋᐸᐅᓐ ᐅᑎᒋᒡ ᑲ ᐛᐧᑲᓯᑦ: ᐊ ᒥᓴᒡ ᐊᐱᔅᒋᒐᔭᒡ ᔅᒋ ᐃᑎᔅᑕᓐ ᓂᓯᑕ᙮
ᐱᔅᑎᓂᒧᐤ ᒋ ᐎᐅᓱᓂᔪᐤ ᑎᐸᔨᒋᒐᓱᐤ, ᒋᑭ ᓴᓯᑐᓂᒄ ᒪᒃ᙮ ᓇᒪ ᓂᑕ ᒋᑭ ᓇᐊᔨᒪᐤ ᐅᑯᐃᔅᑯᑕᑎᓯᐛ ᒐᒋ ᐊᒋᐸᔨᐊᑭᓄᐎᔨᒋ᙮
ᐊᑯ ᐊ ᐅᔅᒋᑦ ᒋᓴᐅᒋᒪᐊᐤ ᒋ ᑕᐤ, ᐊᓐᑕ ᐃᒋᑉᑎᒡ ᐊᑲ ᐅᒋ ᒋᔅᒐᔨᒪᑦ ᒍᓯᐸ᙮
ᐊᑯᑕ ᐊᓐᑕ ᒧᓱᔅ ᑲ ᐛᐎᑎᒧᐛᑦ ᑎᐸᔨᒋᒐᓱᐛ ᑲ ᐃᑐᑎᒥᔨᒋ ᒐᒋ ᓇᑭᑐᐛᔨᒪᔨᒋ ᐃᔅᕋᐃᓪ ᐃᔪᐛ ᐊᓂᔭ ᑲ ᐃᑐᑐᐛᔨᒋ ᒋᓴᐅᒋᒪᐛ ᑭᔭ ᐃᒋᑉᑎᒡ ᐃᔪᐛ᙮ ᐃᔭᐱᒡ ᑲ ᐃᓯ ᐊᔨᒥᔪᐅᒡ ᑭᔭ ᑲ ᐃᓯ ᐱᒪᒋᐃᑯᒡ ᑎᐸᔨᒋᒐᓱᐛ᙮
ᒋ ᐱᑯᓴᔨᑎᒧᒡ ᐃᔅᕋᐃᓪ ᐃᔪᒡ ᒐᒋ ᐎᒋᐃᒂᐤ, ᑭᔭ ᓂᒋ ᐛᐸᑕᓐ ᐊ ᐃᓯ ᓇᐧᑲᒋᐃᑯᒡ ᐃᒋᑉᑦ ᐃᔪᐛ᙮
ᐊᑯ ᓄᑎᒻ ᒂ ᑕᑈᑕᒡ᙮ ᐊᑯ ᒐᔅᒐᔨᑕᒡ ᐊᓂᔭ ᑎᐸᔨᒋᒐᓱᐛ ᑲ ᐛᐸᑎᒥᔨᒋ ᑕᓐ ᑲ ᐃᓯ ᓇᐧᑲᒋᐅᒡ, ᒂ ᓄᐛᑲᐳᔅᑐᐛᒡ ᑭᔭ ᒂ ᐊᔭᒥᐊᔅᑐᐛᒡ ᒋᓴᒪᓂᑐᐛ᙮
ᐊᑯ ᒐ ᐃᑎᒂᐤ, ‘ᓇᒪ ᓂᑕ ᒋ ᐅᒋ ᒋᔅᒐᔨᒥᑎᓇᐛᐤ᙮ ᒪᒋᒄ ᓂᑭᓯᒄ ᓇᑕ ᒋᔨᐛᐤ ᑲ ᒥᒋ ᐃᔪᔭᒄ᙮’ ”
ᐊᑯ ᐃᓕᓴᐸᑦ ᒂ ᐃᔅᒋᔄᑦ, “ᓂᒋ ᓴᒂᔨᒧᓐ ᐊᑲ ᐅᒋ ᐊᔪᐛᒃ ᐊᐛᔅ, ᒥᒄ ᒪᒃ ᓂᒋ ᐃᑐᑎᒪᒄ ᐅᑎᐸᔨᒋᒐᐤ ᒐᒋ ᐊᔭᐅᒥᒋ ᐊᐛᓴ, ᑭᔭ ᓇᒪ ᓂᑭ ᐅᒋ ᓴᒂᔨᒧᓐ᙮”
ᓇᔅᒡ ᓂᒋ ᐛᐱᒪᐅᒡ ᑕᓐ ᐊᔅᐱᔅ ᓂᓇᐧᑲᑕᔨᒧᒡ ᓂᑦ ᐃᔨᒥᒡ ᐊᓐᑕ ᐃᒋᑉᑎᒡ᙮ ᓂ ᐸᑐᐛᐅᒡ ᐊ ᒪᒡ ᐊᑯ ᒪᒃ ᑕᑯᓯᓂᔭᓐ ᒐᒋ ᐎᐧᑯᒋᐃᒂᐤ᙮ ᐊᔅᑎᒻ ᒪᒃ, ᒥᓐ ᒋᑭ ᐃᑎᓴᐅᑎᓐ ᐊᓐᑕ ᐃᒋᑉᑎᒡ᙮’ ”
