ᐊᒃᓱᑕᔅ 2:24 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁴ ᒂ ᐊᑎ ᒋᔅᒋᑐᐛᑦ ᐊᓂᔭ ᐊᑉᕋᐊᒪ, ᐊᐃᓯᑲ ᑭᔭ ᒐᑭᐸ ᑲ ᐃᑕᑦ ᒐ ᒋᐛᑕᐊᑦ ᐊᓂᔭ ᐅᑦ ᐊᓂᔅᑯᑕᐸᓂᔪᐛ ᓇᑕ ᑲᐃᓇᓐ ᐊᔅᒋᒡ᙮

ᐊᒃᓱᑕᔅ 2:24 Iomraidhean Croise

ᒐᓂᓯᔅ 15:13

ᐊᑯ ᑎᐸᔨᒋᒐᓱᐛ ᐊᑎᑯᑦ, “ᒐ ᐎ ᓂᔅᑐᑎᒥᓐ ᒐᒂᓐ ᒐ ᐎᑎᒪᑕᓐ, ᒋᓂᑕᐅᒋᐊᑭᓐᒡ ᒋᑭ ᐎᒍᐅᒡ ᐊᓐᑕ ᐊᔅᒋᒡ ᐊᑲ ᑎᐸᔨᑕᒡ᙮ ᒋᑭ ᓯᒋᒪᐅᒡ ᐃᔪᒡ ᐛᑎᔅᒋᒡ ᒐᒋ ᐊᑐᔅᒐᔅᑕᑯᒡ ᒋᓂᑕᐅᒋᐊᑭᓇ ᑭᔭ ᓇᐤ ᒥᑕᓯᒥᑎᓄᐛᐳᓇ ᐃᔅᐱᔅ ᒋᑭ ᐱᐛᔨᒪᑭᓄᐎᒡ᙮

ᒐᓂᓯᔅ 16:11

ᑎᐸᔨᒋᒐᓱᐛ ᐅᑦ ᐊᓐᒋᓂᒥᔪᐛ ᐃᔭᐱᒡ ᒂ ᐃᑎᑯᑦ, “ᓂᑐᑐᐎ, ᒋᑭ ᐅᑯᓯᓐ᙮ ᐃᔅᒪᐃᓪ ᒐ ᐃᓯᓂᐧᑲᑎᑦ, ᐅᓴᒻ ᑎᐸᔨᒋᒐᓱᐤ ᒋ ᐸᑎᒻ ᑲ ᐃᔅᐱᔅ ᓂᓇᐧᑲᑕᔨᑎᒥᓐ᙮

ᒐᓂᓯᔅ 17:7

ᒧᔅ ᑲᒋᒡ ᓂᑭ ᑭᓄᐛᔨᑕᓐ ᑲ ᐊᓱᑎᒪᑕᓐ ᑭᔭ ᒋᑦ ᐊᓂᔅᑯᑕᐸᓐᒡ ᓂᑲᓐ ᒐ ᐊᑎ ᐊᓂᔅᒐ ᐱᒪᑎᓯᒡ ᒧᔭᒻ ᑲᒋᒡ ᓂᓇᔅᑯᒧᐅᓐ, ᓂᔾ ᒋᑭ ᐅᒋᓴᒪᓂᑐᒥᑐᐅᓐ ᑭᔭ ᒋᑦ ᐊᓂᔅᑯᑕᐸᓐᒡ ᒐ ᐅᒋᓴᒪᓂᑐᒥᒡ᙮

ᒐᓂᓯᔅ 18:18

ᐛᔅ ᐊᑉᕋᐊᒻ ᐅᑦ ᐊᓂᔅᑯᑕᐸᓇ ᒋᑭ ᒥᒐᑐᔅᑲᓇᓯᔨᐛ ᑭᔭ ᒋᑭ ᓱᐧᑲᑎᓯᔨᐛ ᑭᔭ ᐎᔾ ᐅᒡ ᓂᑭ ᐅᒋ ᒥᔪᑐᑐᐛᐅᒡ ᒥᓯᐛ ᐊ ᑕᑐᔅᑲᓇᓯᒡ ᐅᑕ ᐊᔅᒋᒡ᙮

ᒐᓂᓯᔅ 22:16

ᒂ ᐃᑎᑯᑦ, “ᓂᑦ ᐃᓯᓂᐧᑲᓱᐅᓂᒡ ᐅᒡ ᓂ ᑐᑕᓐ ᐊᓱᑎᒪᒐᐎᓐ ᐃᔅᒋᔄᐤ ᐅᑎᐸᔨᒋᒐᐤ, ᐛᔅ ᐊᓐ ᑎᔭᑈᑐᐎᓐ ᑭᔭ ᐊᑲ ᐅᒋᑯᔅᑎᔨᓐ ᑲ ᐸᐃᑯᑦ ᒋᑯᔅ᙮

ᒐᓂᓯᔅ 26:2

ᑎᐸᔨᒋᒐᓱᐤ ᒋ ᓄᑯᓯᔅᑐᐛᐤ ᐊᐃᓯᑲ ᑭᔭ ᒂ ᐃᑕᑦ, “ᒐ ᐊᑲ ᐃᑐᑕᔨᓐ ᐊᓐᑕ ᐃᒋᑉᑦ ᐊᔅᒋᒡ ᒐᒋ ᐎᒋᔨᓐ᙮ ᒋᑭ ᐛᐸᑎᔨᑎᓐ ᐊᓐᑕ ᒐ ᐎᒋᔨᓐ᙮

ᒐᓂᓯᔅ 26:24

ᐊᓂᔭ ᑕᐱᔅᑲᔨᒡ ᒋ ᓄᑯᓯᔅᑕᑯᐤ ᑎᐸᔨᒋᒐᓱᐛ ᑭᔭ ᒂ ᐃᑎᑯᑦ, “ᓂᔾ ᐅ ᒍᑕᐎᔾ ᐊᑉᕋᐊᒻ ᐅᒋᓴᒪᓂᑐᒪ᙮ ᐊᑲ ᑯᔅᑕᒋ, ᓂᔾ ᓂᑦ ᐃᑕᓐ ᐊ ᑕᔨᓐ᙮ ᒋᑭ ᒥᔪᑐᑕᑎᓐ ᑭᔭ ᒋᑭ ᒥᔨᑎᓐ ᒥᒐᑦ ᐊᓂᔅᑯᑕᐸᓐᒡ ᐛᔅ ᑲ ᐃᓯ ᐊᓱᑎᒧᐅᒃ ᐊᑉᕋᐊᒻ ᓂᑦ ᐊᐱᒋᐊᑭᓐ᙮”

ᒐᓂᓯᔅ 26:3

ᒐ ᑕᔨᓐ ᐅᑕ ᐊᔅᒋᒡ ᑭᔭ ᓂᑭ ᑕᓐ ᐊ ᑕᔨᓐ ᑭᔭ ᒋᑭ ᒥᔪᑐᑕᑎᓐ᙮ ᐛᔅ ᒋᔾ ᑭᔭ ᒋᑦ ᐊᓂᔅᑯᑕᐸᓐᒡ ᓂᑭ ᒥᔭᐅᒡ ᐅᔭ ᒥᓯᐛ ᐊᔅᒋᔪᐤ᙮ ᓂᑭ ᑭᓄᐛᔨᑎᒺᓐ ᓂᔅᑯᒥᑐᐅᓂᔪᐤ ᑲ ᐃᑐᑎᒧᐅᒃ ᒍᑕᐎᔾ ᐊᑉᕋᐊᒻ᙮

ᒐᓂᓯᔅ 32:28

ᐊᑯ ᓇᐸᐤ ᐊᑕᑦ, “ᓇᒪ ᓴᔅ ᒐᑭᑉ ᒋᑭ ᐃᓯᓂᐧᑲᑎᑯᐅᓐ᙮ ᔅᒋ ᒪᓴᐊᐤ ᒋᓴᒪᓂᑐᐤ ᑭᔭ ᐃᔪᒡ ᑭᔭ ᔅᒋ ᑲᓂᔪᐅᓐ; ᐊᑯ ᐃᔅᕋᐃᓪ ᒋᑭ ᐃᓯᓂᐧᑲᓱᓐ᙮”

ᒐᓂᓯᔅ 35:11

ᐊᑯ ᒋᓴᒪᓂᑐᐤ ᐊᑕᑦ, “ᓂᔾ ᐅ ᒋᓴᒪᓂᑐᐤ ᒥᓯᐛ ᐊᓯ ᓱᐧᑲᑎᓯᑦ, ᒐ ᐃᔭᐛᑯᒡ ᒥᒐᑦ ᐊᐛᓯᒡ᙮ ᒋᑭ ᒥᒐᑐᔅᑲᓇᓱᐅᒡ ᒋᑦ ᐊᐛᓯᒥᒡ ᑭᔭ ᐱᔅᒐ ᒋᑭ ᒋᓴᐅᒋᒪᐅᒡ ᒋᑦ ᐊᐛᓯᒥᒡ᙮

ᒐᓂᓯᔅ 35:12

ᐊᓂᔭ ᐊᔅᒋᔪᐤ ᑲ ᒥᔨᒂᐤ ᐊᑉᕋᐊᒻ ᑭᔭ ᐊᐃᓯᒃ, ᐊᓄᒡ ᒋ ᒥᔨᑎᓐ ᐊᓐ ᐊᔅᒋᔾ ᑭᔭ ᓂᑭ ᒥᔭᐅᒡ ᒋᑦ ᐊᐛᓯᒥᒡ ᒐ ᐊᔭᓂᔅᒐ ᐱᒪᑎᓯᒡ ᐊᓂᔭᔪᐤ ᐊᔅᒋᔪᐤ᙮”

ᒐᓂᓯᔅ 8:1

ᒋᓴᒪᓂᑐᐤ ᒋ ᒋᔅᒋᓯᑐᐛᐤ ᓄᐛᔨᒋ ᑭᔭ ᒥᓯᐛ ᐊᐛᓯᓴ ᐊᓐᑕ ᑲ ᑕᔨᒋ ᐅᐤᑎᒡ᙮ ᐊᑯ ᒋᓴᒪᓂᑐᐤ ᒂ ᐃᑐᑕᐧᒃ ᒐᒋ ᔪᑎᓂᔨᒡ, ᑭᔭ ᒋ ᐊᒍᐸᐱᔪᐤ᙮

ᑎᐱᑦ ᐅᓂᑭᒧᐅᓇ 102:2

ᐊᑲᐎᔾ ᑲᓱᔅᑕᐎ ᐊᔨᒥᓯᔭᓇ ᐊ ᒋᓯᑲᒡ; ᓂᑐᑐᐎ ᐊ ᒋᓯᑲᒡ ᑕᑈᔭᓇ, ᒋᐱᔾ ᓂᔎᐅᓯᐃ᙮

ᑎᐱᑦ ᐅᓂᑭᒧᐅᓇ 102:20

ᒐᒋ ᐸᑐᐛᑦ ᐊ ᒪᒪᑥᔨᒋ ᒋᐸᐛᑭᓇ; ᒐᒋ ᐊᐸᐛᑦ ᐊᓂᔭ ᑲᒋ ᐃᑕᑭᓄᐎᒋ ᒐᒋ ᓂᐱᔨᒋ;

ᑎᐱᑦ ᐅᓂᑭᒧᐅᓇ 105:42

ᐛᔅ ᒋ ᒋᔅᒋᐤ ᐅᐸᔭᒋ ᐊᓱᑎᒪᒐᐅᓐ, ᑭᔭ ᐅᑦ ᐊᑐᔅᒐᔭᑭᓇ ᐊᑉᕋᐊᒪ᙮

ᑎᐱᑦ ᐅᓂᑭᒧᐅᓇ 106:45

ᒋ ᒋᔅᒋᑎᒺᐤ ᐅᓂᔅᑯᒥᑐᐅᓐ, ᑭᔭ ᒋ ᒂᔅᒐᔨᑎᒻ ᑲ ᐃᓯ ᒥᒐᓂᔨᒋ ᐅᒋᔅᑎᒪᒐᔨᒋᒐᐅᓇ᙮

ᑎᐱᑦ ᐅᓂᑭᒧᐅᓇ 138:3

ᐊᓐ ᒐᓯᑲᒡ ᐃᔅᐱ ᑲ ᒪᑕᑕᓐ ᔅᒋ ᓂᔅᑯᒥᓐ, ᑭᔭ ᔅᒋ ᒥᔅᑯᐧᓯᔨᓐ ᓂᑦ ᐊᒐᐧᑯᒡ ᒥᔅᑯᐅᓯᐅᓐ ᐅᒋ᙮

ᑎᐱᑦ ᐅᓂᑭᒧᐅᓇ 22:24

ᐛᔅ ᓇᒪᐎᔾ ᒋ ᐊᑐᐛᔨᑎᒺᐤ ᑭᔭ ᒪᒐᔨᑎᒺᐤ ᐅᐎᓯᒐᔨᑎᒧᐅᓂᔪᐤ ᑲ ᐊᔨᒧᐊᑭᓄᐎᒋ; ᓇᒪ ᑭᔭ ᐅᒋ ᑲᓱᔅᑐᐛᐤ; ᐃᔅᐱ ᒪᒃ ᒥᔭᑕᑯᑦ ᒋ ᓂᑐᑐᐛᐤ᙮

ᑎᐱᑦ ᐅᓂᑭᒧᐅᓇ 22:5

ᔅᒋ ᒧᔎᑎᑯᒡ, ᐊᑯ ᑲ ᐱᒪᒋᐊᑭᓄᐅᒡ: ᔅᒋ ᒪᒥᓯᑐᑎᑯᒡ, ᐊᑯ ᓇᒪ ᐅᒋ ᓴᒂᔨᒧᐅᒡ᙮

ᑎᐱᑦ ᐅᓂᑭᒧᐅᓇ 79:11

ᐊᑯᔅ ᐅᒥᒋᔨᐛᔨᑕᒧᐅᓐ ᒋᐸᐛᑭᓐ ᒋᑭ ᐅᑎᑎᑯᐛᓐ: ᐊ ᐃᔅᐱᔅ ᓇᔅᒡ ᒥᓴᒡ ᒋᑭᔅᒋᐅᓐ ᒥᓇᒋᐃᒡ ᐊᓐᒡ ᑲ ᐃᑎᒋᒪᑭᓄᐅᒡ ᒐᒋ ᓂᐱᒡ᙮

ᐊᒃᓱᑕᔅ 6:5

ᓴᔅ ᓂᒋ ᐛᐱᒪᐅᒡ ᐃᔅᕋᐃᓪ ᐃᔪᒡ ᐊᔅᐱᔅ ᓂᓇᐧᑲᒋᐃᑯᒡ ᐃᒋᑉᑦ ᐃᔪᐛ, ᑭᔭ ᓂᑭ ᑭᓄᐛᔨᑎᒺᓐ ᑲ ᐃᓯ ᐊᓱᑎᒧᐅᒂᐤ᙮”

ᐊᑈᔅᑕᓇᒡ 7:34

ᓇᔅᒡ ᓂᒋ ᐛᐱᒪᐅᒡ ᑕᓐ ᐊᔅᐱᔅ ᓂᓇᐧᑲᑕᔨᒧᒡ ᓂᑦ ᐃᔨᒥᒡ ᐊᓐᑕ ᐃᒋᑉᑎᒡ᙮ ᓂ ᐸᑐᐛᐅᒡ ᐊ ᒪᒡ ᐊᑯ ᒪᒃ ᑕᑯᓯᓂᔭᓐ ᒐᒋ ᐎᐧᑯᒋᐃᒂᐤ᙮ ᐊᔅᑎᒻ ᒪᒃ, ᒥᓐ ᒋᑭ ᐃᑎᓴᐅᑎᓐ ᐊᓐᑕ ᐃᒋᑉᑎᒡ᙮’ ”