ᐊᒃᓱᑕᔅ 2:21 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²¹ ᒧᓱᔅ ᒋ ᓂᔅᑯᒧᐤ ᒐᒋ ᑕᐛᑦ ᐊᓐᑕ ᒐᑎᕈᐛ ᐊ ᑕᔨᒋ᙮ ᐊᑯ ᒐᑎᕈᐤ ᒋ ᒥᔭᐤ ᐊᓂᔭ ᒧᓱᓴ ᐸᐃᒄ ᐅᑕᓂᓴ ᒐᒋ ᐎᒋᒪᔨᒋ᙮ ᓯᐳᕋ ᒋ ᐃᓯᓂᐧᑲᓱᔨᐛ ᐊᓂᔭ ᐅᑕᓂᓴ᙮

ᐊᒃᓱᑕᔅ 2:21 Iomraidhean Croise

ᐊᒃᓱᑕᔅ 2:10

ᐃᔅᐱ ᒐ ᐃᓯ ᓂᑕᐅᒋᔨᒋ ᐊᐛᓴ, ᐊᑯ ᐊᓐ ᐅᑲᐎᒪᐤ ᒂ ᐃᑐᑐᐛᑦ ᒋᓴᐅᒋᒪᐛ ᐅᑕᓂᓯᔨᐛ ᑭᔭ ᒂ ᐱᒥᓇᔨᒋ᙮ ᒧᓱᔅ ᒂ ᐃᓯᓂᐧᑲᑕᑦ ᒋᓴᐅᒋᒪᐤ ᐅᑕᓂᓴ ᐊ ᐃᔅᒋᔄᑦ, “ᐛᔅ ᓂᔾ ᓂᐱᒡ ᓂᒋ ᐅᒋ ᐅᑎᓇᐤ᙮”

ᐊᒃᓱᑕᔅ 2:20

ᒂ ᐊᑎ ᑯᒂᒋᒪᑦ ᐅᑕᓂᓴ, “ᑕᓐᑕ ᐊ ᑕᑦ ? ᐊᑯ ᒐᒂᓂᔪᐤ ᐛᒋ ᓂᑭᑕᒄ ? ᒪᒋᒄ, ᒐ ᐎᓴᒪᒄ ᒐᒋ ᓇᒋ ᐅᑕᑯᓯᐅᒥᒋᓱᑦ᙮”

ᐊᒃᓱᑕᔅ 3:1

ᐸᐃᒂᐤ ᒐᓯᑲᔨᒡ, ᒧᓱᔅ ᒋ ᑭᓄᐛᔨᒪᐤ ᐅᒋᓴᐃᔨᒪ ᒐᑦᕈᐛ, ᒥᑎᐊᓐ ᐊᔭᒥᐊᐅᒋᒪᐛ, ᐅᒪᔭᑕᓂᓯᒥᔪᐛ᙮ ᐊᑎᒪᐱᓯᒧᒡ ᐃᑕᒐ ᐸᐧᑯᑎᔅᑭᒥᑲᒡ ᐊᑲᒥᒡ ᒋ ᐃᑐᑕᐤ ᑭᔭ ᒂ ᐅᑎᑕᐧᒃ ᓴᐃᓇᐃ, ᑲ ᐸᔭᒋᓯᐤ ᐱᔅᑯᑎᓇᔪᐤ᙮

ᐊᒃᓱᑕᔅ 4:18

ᒧᓱᔅ ᑲᐤ ᒂ ᒋᐛᑦ ᑭᔭ ᒂ ᐃᔨᒪᐊᑦ ᐅᒋᓴᐃᔨᒪ ᒐᑦᕈᐛ᙮ ᒧᓱᔅ ᑲ ᐃᑕᑦ, “ᑕᑈᑎᒥᓇ ᓂ ᐎ ᐃᑐᑕᓐ ᑲᐤ ᐊᓐᑕ ᐃᒋᑉᑎᒡ ᒐᒋ ᒧᐱᔅᑐᐅᒂᐤ ᓂᐧᑲᓂᓯᒡ᙮ ᐛᔅ ᑭᔭ ᓇᒪ ᓂ ᒋᔅᒐᔨᒪᐅᒡ ᒐᒋ ᐃᔪᐛᐛᒂ᙮” ᒐᑦᕈᐤ ᒂ ᐃᑕᑦ ᒧᓱᓴ, “ᐊᑯ ᑭᑈ ᒐ ᐃᑐᑕᔨᓐ᙮”

ᐊᑈᔅᑕᓇᒡ 7:29

ᐃᔅᐱ ᒪᒃ ᐱᔭᑕᐧᒃ ᐅᔭ ᒧᓱᔅ, ᒋ ᐅᓯᒧᐤ ᐊᓐᑕ ᐃᒋᑉᑎᒡ ᐅᒋ, ᐊᑯ ᐊᓐᑕ ᒥᑎᐊᓐ ᐊᔅᒋᒡ ᑲ ᑕᑦ ᐊ ᒪᓐᑕᐅᑦ᙮ ᐊᑯᑕ ᑲ ᐎᔪᑦ ᑭᔭ ᐊᑯᑕ ᑲ ᐱᒪᑎᓯᔨᒋ ᓂᓱ ᐅᑯᓴ᙮”

1 ᑎᒧᑎ 6:6

ᑕᑈ ᑭᑈ ᐊ ᒋᓴᒪᓂᑐᐛᑎᓯᑦ ᐊᐛᓐ ᐊ ᐃᔅᐱᑕᔨᑕᐧᒃ ᒪᒃ ᑕᓐ ᐊ ᐃᓯ ᐊᔭᑦ ᓂ ᐛᔪᑎᓯᓐ ᐃᑕᔨᑎᒻ᙮

ᐃᑉᕈᐛ 11:25

ᐊᔪᐛᒃ ᒋ ᐃᑕᔨᑎᒻ ᑭᔭ ᐎᔾ ᒐᒋ ᓂᓇᐧᑲᒋᐊᑭᓄᐅᑦ ᒧᔭᒻ ᐊ ᐃᓯ ᓂᓇᐧᑲᒋᐊᑭᓄᔨᒋ ᒋᓴᒪᓂᑐᐛ ᐅᑦ ᐃᔨᒥᔪᐛ, ᐃᔅᐱᔅ ᐎᔾ ᒥᒐᑎᓯᐅᓂᒡ ᒐᒋ ᐃᓯ ᐱᒪᑎᓯᑦ ᒥᒄ ᐛᐃᐱᔅᒋᔅ ᐊ ᒥᔽᔨᑎᒥᐃᐛᔨᒡ᙮

ᐃᑉᕈᐛ 13:5

ᐊᑲ ᐎ ᒋᑭ ᐅᒋ ᐃᓯᓇᑯᓯᓇᐛᐤ ᒐᒋ ᓴᒋᑕᔭᒄ ᓱᓇᔭᐤ᙮ ᒋᐸ ᒥᔽᔨᑕᓇᐛᐤ ᑕᓐ ᐊ ᐃᓯ ᐊᔭᔭᒄ᙮ ᐛᔅ ᒋᓴᒪᓂᑐᐤ ᒋ ᐃᔅᒋᔄᐤ, “ᓇᒪ ᓂᑕ ᒋᑭ ᐅᒋ ᓂᑭᑎᑎᓇᐛᐤ, ᓇᒪ ᓂᑕ ᒋᑭ ᐅᒋ ᐃᓯᓇᑯᓯᓇᐛᐤ ᒐ ᐊᑲ ᒋ ᐃᔭᐱᑕᔨᒥᑎᑯᒡ᙮”

ᒋᒥᔅ ᐅᒥᓯᓇᐊᒪᒐᐅᓐ 1:10

ᐊᑯ ᐊᓐ ᐊᐛᓐ ᑲ ᐛᔪᑎᓯᑦ ᒋᐸ ᒥᔽᔨᑎᒻ ᐊ ᑎᐱᑕᔨᑕᑯᐃᑯᑦ ᒋᓴᒪᓂᑐᐛ᙮ ᐛᔅ ᑭᔭ ᐎᔾ ᒋᑭ ᐃᔎᐱᔪᐤ ᐅᐱᒪᑎᓯᐅᓐ ᒧᔭᒻ ᓂᑕᐅᒋᑕᑭᓐ ᐊ ᐛᐱᑯᓄᐅᒡ ᐊ ᐃᔅᐱᔨᒡ᙮