ᐊᒃᓱᑕᔅ 2:11 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹¹ ᑲᒋ ᒥᒐᑐᐱᐳᓂᔨᒡ, ᒧᓱᔅ ᑲᒋ ᒋᓴᐸᐅᑦ, ᒂ ᓇᒋ ᒧᐱᔅᑐᐛᑦ ᐅᑦ ᐃᔨᒪ ᐃᑉᕈᐤ ᐃᔪᐛ ᐊᓐᑕ ᐊᑐᔅᑲᐊᑭᓂᔨᒋ, ᑭᔭ ᒂ ᐛᐱᒪᑦ ᐊ ᒥᔅᑎᑐᔅᒐᔨᒋ᙮ ᒋ ᐛᐱᒪᐤ ᐃᒋᑉᑦ ᐃᔪᐛ ᑲ ᒪᓯᐧᑯᐛᔨᒋ ᐃᑉᕈᐤ ᐃᔪᐛ᙮

ᐊᒃᓱᑕᔅ 2:11 Iomraidhean Croise

ᐊᒃᓱᑕᔅ 1:11

ᐊᑯ ᐃᒋᑉᑦ ᐃᔪᒡ ᒂ ᑎᔭᒡ ᐅᒋᒪᐤ ᐊᐱᒋᐊᑭᓇ ᐃᔅᕋᐃᓪ ᐃᔪᐛ ᐊ ᑕᔨᒋ ᒐᒋ ᓇᓇᑭᒐᔨᒋ ᑭᔭ ᒐ ᒥᔅᑎ ᐊᑐᔅᑲᐊᔨᒋ᙮ ᐃᔅᕋᐃᓪ ᐃᔪᒡ ᒂ ᐅᓯᑕᒡ ᐱᑐᒻ ᑭᔭ ᕋᒪᓯᔅ ᐅᑕᓇᐛ, ᐊᓐᑕ ᒐ ᐊᔅᑕᓱᐅᔨᒋ ᒋᓴᐅᒋᒪᐛ᙮

ᐊᒃᓱᑕᔅ 3:7

ᐊᑯ ᑎᐸᔨᒋᒐᓱᐤ ᐊᔅᒋᔄᑦ, “ᓂᒋ ᐛᐱᒪᐅᒡ ᑕᓐ ᐊᔅᐱᔅ ᓂᓇᐧᑲᑕᔨᒧᒡ ᓂᑦ ᐃᔨᒥᒡ ᐊᓐᑕ ᐃᒋᑉᑎᒡ᙮ ᓂᒋ ᐸᑎᒺᓐ ᐊ ᐱᑯᓴᔨᑕᒡ ᒐᒋ ᐎᒋᐃᒂᐤ ᐛᔅ ᐊᑲ ᒥᔪᑐᑐᐛᑭᓄᐅᒡ ᑭᔭ ᓂ ᒋᔅᒐᔨᑎᒺᓐ ᐅᒥᓯᒪᐃᑎᒧᐅᓄᐛᐛ᙮

ᐊᒃᓱᑕᔅ 5:14

ᐃᒋᑉᑦ ᐅᒋᒪᐅᒡ ᒂ ᐱᓯᔅᑕᐛᒡ ᐃᔅᕋᐃᓪ ᐅᒋᒪᐛ ᐊᓂᔭ ᑲ ᓇᑭᑐᐛᔨᒪᒋ ᑲ ᐊᑐᔅᒐᓯᔨᒋ᙮ ᒂ ᐃᑕᒡ, “ᐊᑯ ᒐᒂᓐ ᐛᒋ ᐊᑲ ᐅᒋ ᓯᒋᒪᑯᒡ ᐃᔪᒡ ᒐᒋ ᐃᔅᐱᔅ ᐅᓯᐊᒡ ᐊᓯᔅᒍᐤ ᐊᓯᓂᔭ ᒧᔭᒻ ᑲᒋ ᐃᑎᒡ ?”

ᐊᒃᓱᑕᔅ 5:4

ᒋᓴᐅᒋᒪᐤ ᒂ ᐃᑕᑦ, “ᒧᓱᔅ ᑭᔭ ᐊᕋᓐ, ᐊᑯ ᒐᒂᓐ ᐛᒋ ᑯᔅᑎᔭᑯᒡ ᐃᔪᒡ ᒐᒋ ᐊᑐᔅᒐᒡ ? ᒪᒋᒄ ᑲᐤ ᐊᓐᑕ ᐊᑐᔅᒐᒄ !

ᐊᒃᓱᑕᔅ 5:5

ᐛᐸᑎᒧᒄ ! ᒋᒋᐛ ᒋ ᒥᒐᑎᓇᐛᐤ ᐃᔅᐱᔅ ᐃᒋᑉᑦ ᐃᔪᒡ᙮ ᐊᓄᒡ ᒋ ᐎ ᑯᔅᑎᔭᐛᐅᒡ ᒐᒋ ᐊᑐᔅᒐᒡ᙮”

ᐊᒃᓱᑕᔅ 5:9

ᒐ ᐎ ᒥᔅᑎ ᐊᑐᔅᑲᑯᒡ ᒐ ᐊᑲ ᓂᑐᑕᒡ ᐅᔭ ᐊ ᐃᓯ ᐎ ᑭᑭᒋᔭᒥᑯᒡ ᐅᒋᒪᒧᐛᐛ᙮”

ᐊᒃᓱᑕᔅ 6:6

“ᐊᐅᑯᐤ ᒐ ᐃᑎᑥᐤ ᐃᔅᕋᐃᓪ ᐃᔪᒡ, ‘ᓂᔾ ᐅ ᑎᐸᔨᒋᒐᓱᐤ᙮ ᑭᔭ ᓂᓱᐧᑲᑎᓯᐅᓐ ᐅᒡ ᓂᑭ ᐊᓏᔨᒪᐅᒡ ᐃᒋᑉᑦ ᐃᔪᒡ ᑭᔭ ᒋᑭ ᐱᐧᑯᐃᑎᓇᐛᐤ ᐊ ᓂᓇᐧᑲᒋᐃᑯᐅᔭᒄ ᐊᓐᑕ ᐃᒋᑉᑎᒡ᙮

ᐊᒃᓱᑕᔅ 6:7

ᒋᑭ ᐅᑎᓂᑎᓇᐛᐤ ᒧᔭᒻ ᓂᑦ ᐃᔨᒥᒡ ᑭᔭ ᓂᔾ ᒋᑭ ᐅᒋᓴᒪᓂᑐᒥᑐᓇᐛᐤ, ᐊᑯ ᒐ ᒋᔅᒐᔨᑎᒪᒄ ᓂᔾ ᐅ ᑎᐸᔨᒋᒐᓱᐤ, ᐊᓐ ᐊᐛᓐ ᑲ ᐱᐧᑯᐎᑕᒄ ᐃᒋᑉᑦ ᐃᔪᐛ ᐅᒡ᙮

ᒪᑎᔪᐤ 11:28

“ᐸᒋ ᓇᓯᒄ ᒥᓯᐛ ᒋᔨᐛᐤ ᑲ ᐊᑐᔅᒐᔭᒄ ᑭᔭ ᑲ ᑈᒧᐅᑕᔭᒄ, ᒋᑭ ᒥᔨᑎᓇᐛᐤ ᒐᒋ ᐊᔽᓯᔭᒄ᙮

ᓗᒃ 4:18

“ᐅᑎᐸᔨᒋᒐᐤ ᐅᑦ ᐊᒐᒂ ᓂ ᐱᒋᔅᑲᑯᔪᐛ, ᐛᔅ ᐎᔾ ᓂᒋ ᐅᑎᓂᒄ ᒐᒋ ᐎᑎᒧᐅᒂᐤ ᑲ ᒋᔅᑎᒪᑎᓯᒡ ᒥᔽᒋᒧᐅᓂᔪᐤ᙮ ᓂᒋ ᐸᒋ ᐃᑎᓴᐅᒄ ᒐᒋ ᐎᑎᒧᐅᒂᐤ ᑲ ᒪᒋᒂᐱᐧᑲᓱᒡ ᒐᒋ ᐊᐱᐧᑯᓇᑭᓄᐎᒡ ᑭᔭ ᐊᓐᒡ ᐊᑲ ᐛᐸᑕᒡ ᒐ ᐛᐸᑕᒡ᙮ ᑭᔭ ᐊᓐᒡ ᑲ ᓂᓇᐧᑲᑕᔨᒧᐊᑭᓄᒡ ᒐᒋ ᐱᔅᑎᓇᑭᓄᐅᒡ᙮