ᐊᒃᓱᑕᔅ 19:5 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵ ᐊᑯ ᐊᓄᒡ, ᑕᑈᑐᐅᔭᒂ ᑭᔭ ᑭᓄᐛᔨᑎᒪᒂ ᓂᓂᔅᑯᒧᐅᓐ, ᒋᑭ ᐅᑦ ᐃᔨᒥᑕᑎᓇᐛᐤ᙮ ᒥᓯᐛ ᐊᔅᒋᔾ ᓂ ᑎᐸᔨᑕᓐ᙮

ᐊᒃᓱᑕᔅ 19:5 Iomraidhean Croise

ᒐᓂᓯᔅ 17:9

ᐊᑯ ᒋᓴᒪᓂᑐᐤ ᐃᔭᐱᒡ ᐊᑕᑦ ᐊᑉᕋᐊᒪ, “ᒋᔾ ᐊᑉᕋᐊᒻ, ᒋᑭ ᐎ ᑕᑈᑕᓐ ᒐᒂᓐ ᐊᑎᑕᓐ ᒐ ᐃᑐᑎᒥᓐ᙮ ᒋᔾ ᑭᔭ ᒋᑦ ᐊᓂᔅᑯᑕᐸᓐᒡ ᒐ ᐊᑎ ᐊᓂᔅᒐ ᐱᒪᑎᓯᒡ᙮

ᑎᐱᑦ ᐅᓂᑭᒧᐅᓇ 135:4

ᐛᔅ ᑎᐸᔨᒋᒐᓱᐤ ᒋ ᐛᐛᔭᐸᑎᒪᓱᐤ ᒐᑭᐸ, ᑭᔭ ᐃᔅᕋᐃᓚ ᒐᒋ ᐅᒋ ᐛᔪᑎᓯᐅᓂᑦ᙮

ᑎᐱᑦ ᐅᓂᑭᒧᐅᓇ 24:1

ᐊᔅᒋᔪᐤ ᑎᐸᔨᒋᒐᓱᐤ ᑎᐱᔨᐛᐅᓯᐤ, ᑭᔭ ᐊ ᐃᓯ ᓴᑭᔅᒋᓇᔨᒡ: ᐊᔅᒋᔾ, ᐊᓐᒡ ᑭᔭ ᐊᓐᑕ ᐊᑕᒡ᙮

ᑎᐱᑦ ᐅᓂᑭᒧᐅᓇ 25:10

ᒥᓯᐛ ᐅᒪᔅᑭᓄᐛ ᑎᐸᔨᒋᒐᓱᐤ ᒋᔅᑎᒪᒐᔨᒐᐅᓄᐎᔪᐛ ᑭᔭ ᑕᑈᐅᓄᐎᔪᐛ, ᐊᓂᔭᔪᐛ ᐅᒡ ᑲ ᑭᓄᐛᔨᑎᒥᔨᒋ ᐅᓂᔅᑯᒥᑐᐅᓐ ᑭᔭ ᐅᑎᐸᒋᒧᐅᓇ᙮

ᐊᒃᓱᑕᔅ 15:26

ᐊ ᐃᔅᒋᔄᑦ, “ᓂᔾ ᐅ ᑎᐸᔨᒋᒐᓱᐤ, ᒋᒋᓴᒪᓂᑐᒧᐛᐤ᙮ ᒥᔪ ᓇᔨᑐᐅᔭᒂ ᐊᔨᑐᑎᒪᒄ ᒐᒂᓐ ᓂᔾ ᒐ ᒋᔅᒐᔨᑎᒪᓐ ᒪᔽᒡ, ᑭᔭ ᐃᑐᑎᒪᒂ ᒥᓯᐛ ᒐᒂᓐ ᐊ ᐃᑎᓱᒥᑎᑯᒡ, ᓇᒪ ᒋᑭ ᐃᑎᓴᒪᐊᒪᑎᓇᐛᐤ ᐊᐧᑯᓱᐅᓐ ᑲ ᐃᑎᓴᒪᐊᒧᒂᐤ ᐃᒋᑉᑦ ᐃᔪᒡ᙮ ᓂᔾ ᐅ ᑎᐸᔨᒋᒐᓱᐤ, ᐊᓐ ᒪᓏᒋᐃᑕᒄ᙮”

ᐊᒃᓱᑕᔅ 23:22

ᒥᒄ ᓇᐃᑐᐛᒂ ᒐᒂᔪᐤ ᐊ ᐃᑎᓱᒥᑕᒄ ᑭᔭ ᓂᔾ ᐃᑐᑎᒪᒂ ᒥᓯᐛ ᐊᐃᑎᓱᒥᑎᑯᒡ ᓂᑭ ᒪᓯᐧᑯᐛᐅᒡ ᒥᓯᐛ ᐊᓐᒡ ᑲ ᐛᐧᑲᑎᑕᑯᒡ᙮

ᐊᒃᓱᑕᔅ 24:7

ᒂ ᐃᔨᒥᑐᐛᑦ ᐃᔪᐛ ᐊᓂᔭ ᑲ ᒥᓯᓇᑕᐊᐧᒃ ᒥᓯᐛ ᑎᐸᔨᒋᒐᓱᐛ ᐅᑦ ᐃᑎᓱᐛᐅᓂᔨᐛ ᑭᔭ ᐅᑦ ᐊᓱᑎᒪᒐᐅᓂᔨᐛ, ᐊᑯ ᒂ ᐃᔅᒋᔄᒡ ᐊᓐᒡ ᐃᔅᕋᐃᓪ ᐃᔪᒡ, “ᓂᑭ ᓇᐃᑐᐛᓇᓐ ᑎᐸᔨᒋᒐᓱᐤ ᑭᔭ ᒥᓯᐛ ᓂᑭ ᐃᑐᑎᒺᓇᓐ ᑲ ᐃᑎᓱᒥᔨᒥᑦ !”

ᐊᒃᓱᑕᔅ 34:9

ᒂ ᐃᑕᑦ ᒧᓱᔅ, “ᑎᐸᔨᒋᒐᓱᐤ, ᓇᔅᒡ ᒪᔽᔨᑎᒥᑐᐛᓇ, ᓂ ᐱᑯᓴᔨᑕᓐ ᒐᒋ ᐎᒐᐎᔭᒡ᙮ ᒋ ᑕᑈᓐ ᐊᓐ ᐊ ᐃᔅᒋᔄᔨᓐ ᐊ ᒥᒋᑐᑕᒡ ᐅᒡ ᐃᔪᒡ ᑭᔭ ᐊ ᐊᑲ ᓇᐃᑕᒡ ᒐᒂᔪᐤ ᑲ ᐃᑎᓱᐛᔨᓐ, ᒥᒄ ᐛᐸᔨᑎᒧᐅᓇᓐ ᓂᒥᒋᑥᐅᓇᓇ ᑭᔭ ᐅᑎᓂᓇᓐ ᒋᔾ ᒐ ᐅᑦ ᐃᔨᒥᑐᐅᔭᒡ ᒧᔅ ᑲᒋᒡ᙮”

ᐊᒃᓱᑕᔅ 6:7

ᒋᑭ ᐅᑎᓂᑎᓇᐛᐤ ᒧᔭᒻ ᓂᑦ ᐃᔨᒥᒡ ᑭᔭ ᓂᔾ ᒋᑭ ᐅᒋᓴᒪᓂᑐᒥᑐᓇᐛᐤ, ᐊᑯ ᒐ ᒋᔅᒐᔨᑎᒪᒄ ᓂᔾ ᐅ ᑎᐸᔨᒋᒐᓱᐤ, ᐊᓐ ᐊᐛᓐ ᑲ ᐱᐧᑯᐎᑕᒄ ᐃᒋᑉᑦ ᐃᔪᐛ ᐅᒡ᙮

ᐊᒃᓱᑕᔅ 8:22

ᒋᓴᒪᓂᑐᐤ ᐅᑦ ᐃᔨᒪ ᐊᓐᑕ ᑯᓯᓐ ᐊ ᑕᔨᒋ ᓇᒪ ᒋᑭ ᐛᐧᑲᐃᑯᐅᒡ ᐅᒐᐛ, ᒥᒄ ᒋᑦ ᐃᔨᒥᒡ ᐊᓐᑕ ᒥᓯᐛ ᐃᒋᑉᑦ ᐊᔅᒋᒡ ᓇᔅᒡ ᒋᑭ ᐛᐧᑲᐃᑯᐅᒡ᙮ ᐊᐅᑯᓐ ᒐ ᒋᔅᒐᔨᑎᒪᒃ ᑎᐸᔨᒋᒐᓱᐤ ᐊᑕᑦ ᐅᑕ ᐃᒋᑉᑦ ᐊᔅᒋᒡ᙮

ᐊᒃᓱᑕᔅ 9:29

ᒧᓱᔅ ᒂ ᐃᑕᑦ, “ᐅ ᒋ ᐎᐎᔭᓇ ᐅᑕᓇᐤ, ᐊᑯ ᒐ ᓴᑐᓂᒧᐅᒃ ᓂᑎᒋᔭ ᑎᐸᔨᒋᒐᓱᐤ ᐊᔭᒥᐊᐃᔭᓐ᙮ ᓂᒥᔅᒍᐅᒡ ᒐ ᒋᒺᒡ᙮ ᓇᒪ ᒋᑭ ᒋ ᑎᑯᓐ ᐃᔭᐱᒡ ᐊ ᓯᓯᑯᓂᐱᔨᒡ᙮ ᐊᑯ ᒐ ᒋᔅᒐᔨᑎᒪᒄ ᑎᐸᔨᒋᒐᓱᐤ ᑕᐸᔨᑕᐧᒃ ᐅᔭ ᐊᔅᒋᔪᐤ᙮

1 ᑯᕆᓐᑎᔭᓇ 10:26

ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, “ᐅ ᐊᔅᒋᔾ ᑭᔭ ᒥᓯᐛ ᒐᒂᓐ ᐊ ᑎᒂᒡ ᐅᑕ ᐊᔅᒋᒡ, ᐅᑎᐸᔨᒋᒐᐤ ᑎᐱᔨᐛᐅᓯᐤ᙮”

1 ᑯᕆᓐᑎᔭᓇ 10:28

ᐃᑎᔅᒐ ᐊᐛᓐ, “ᒥᓂᑐᐧᑲᓐ ᐊᓐ ᒋ ᒥᑐᔅᑕᐊᒧᐛᑭᓄᐤ ᐅᔭ ᐎᔭᓯᔪᐤ,” ᐊᑲᐎᔾ ᒋᑭ ᐅᒋ ᒥᒍᐛᓐ ᐊᓂᔭ ᐎᔭᓯᔪᐤ᙮ ᐊᑯ ᒪᒃ ᐊᑲ ᒥᒍᐅᑕ ᒋᑭ ᓄᑯᑕᓐ ᐊᑲ ᒪᔭᔨᒥᑦ ᐊᓐ ᑲ ᐎᑎᒪᔅᒃ ᐅᔭ ᑭᔭ ᒋᑭ ᓄᑯᑕᓐ ᐊᑲ ᒪᔭᔨᒥᑦ ᐊᓂᔭ ᐎᔾ ᑕᓐ ᐊ ᐃᓯ ᑕᑈᑕᐧᒃ᙮

ᑕᐃᑕᔅ 2:14

ᒋ ᐱᔅᑕᔨᒥᑎᓱᐤ ᙭ ᒋᔭᓄᐤ ᐅᒋ, ᒐᒋ ᐛᐸᔨᑎᒪᑯᐅᔭᐧᒄ ᒥᓯᐛ ᒋᒥᒋᑥᐅᓄᐛ ᑭᔭ ᒐᒋ ᐸᔭᒋᐃᑕᐧᒄ ᒥᒄ ᐎᔾ ᒐᒋ ᐊᔭᐅᑕᐧᒄ᙮ ᒋ ᓂᑐᐛᔨᒥᑯᓄᐤ ᓱᒃ ᒐᒋ ᐃᑕᔨᑎᒥᐃᑯᐅᔭᐧᒄ ᑯᐃᔅᒄ ᒐᒋ ᐃᑎᔭᐧᒄ᙮

ᐃᑉᕈᐛ 11:8

ᐊᑉᕋᐊᒻ ᑭᔭ ᒋ ᑕᑈᔭᔨᒪᐤ ᒋᓴᒪᓂᑐᐛ᙮ ᐊᐅᒄ ᐊᓂᔭ ᐛᒋ ᓂᓇᐃᑐᐛᑦ ᐃᔅᐱ ᑲ ᑕᑈᑎᑯᑦ ᑭᔭ ᑲ ᐃᑎᑯᑦ ᒐᒋ ᓂᑭᑕᐧᒃ ᐊᓂᔭ ᐊᔅᒋᔪᐤ ᐊᓐᑕ ᑲ ᐅᒋᑦ ᐊᓐᑕ ᒐᒋ ᐃᑐᑕᑦ ᐊᓂᔭ ᐊᔅᒋᔪᐤ ᑲ ᐃᑎᑯᑦ ᒋᓴᒪᓂᑐᐛ ᒐ ᒥᔨᑯᑦ ᐎᔾ ᒐᒋ ᐊᔭᑦ᙮ ᐊᑉᕋᐊᒻ ᒪᒃ ᒋ ᓂᓇᐃᑎᒻ, ᑎᐛᒡ ᒋ ᔅᑐᑕᐤ ᐊᑎ ᐊᑲ ᐊᔅᒄ ᐅᒋ ᒋᔅᒐᔨᑕᐧᒃ ᑕᓐᑕ ᐊᓐ ᒋᐸ ᐃᑐᑕᐤ᙮

ᐃᑉᕈᐛ 8:9

ᐅᔭ ᑯᑎᒋᔪᐤ ᓂᔅᑯᒧᐅᓂᔪᐤ ᒐ ᐅᓯᑎᒧᐅᒂᐤ ᓂᑦ ᐃᔨᒥᒡ ᐃᔭᒡ ᒋᑭ ᐃᑕᔨᑕᑯᓂᔪᐤ ᑲ ᐃᑕᔨᑕᑯᓂᔨᒡ ᐊᓂᔭ ᓂᔅᑯᒧᐅᓂᔪᐤ ᑲ ᐅᓯᑎᒪᒥᒋ ᐊᓂᔭ ᐅᑦ ᐊᓂᔅᒐ ᐅᑕᐎᐛᐛ ᐃᔅᐱ ᓂᔾ ᑎᐱᔨᐛ ᑲ ᐎᐧᑯᒋᐃᒥᒋ ᐊᓐᑕ ᐃᒋᑉᑎᒡ ᐅᒋ᙮ ᐎᔨᐛᐤ ᒪᒃ ᓇᒪ ᐅᒋ ᓂᓇᐃᑎᒧᒡ ᐊᓂᔭ ᓂᔅᑯᒧᐅᓂᔪᐤ᙮ ᐊᐅᒄ ᒪᒃ ᐊᓂᔭ ᐛᒋ ᐊᑲ ᐅᒋ ᐊᐱᑕᔨᑕᒡ᙮

1 ᐱᑕᕐ 2:9

ᒋᔨᐛᐤ ᐊᓐ ᑲ ᐃᑎᔅᑲᓇᓯᔭᒄ ᔅᒋ ᐅᑎᓂᑯᐛᐤ ᒋᓴᒪᓂᑐᐤ ᑭᔭ ᐊᐅᒄ ᒋᔨᐛᐤ ᒪᐅᒡ ᑲ ᓂᑲᓇᔨᑕᑯᓯᑦ ᒋᓴᐅᒋᒪᐤ ᐅᑦ ᐊᔭᒥᐊᐅᒋᒪᒪ᙮ ᐊᐅᒄ ᒋᔨᐛᐤ ᑲ ᐸᔭᒋᓯᒡ ᑲ ᐃᑎᔅᑲᓇᓯᒡ ᐃᔪᒡ, ᐊᐅᒄ ᒋᔨᐛᐤ ᒋᓴᒪᓂᑐᐤ ᑎᐱᔨᐛ ᐅᑦ ᐃᔨᒪ᙮ ᒋᔨᐛᐤ ᔅᒋ ᐅᑎᓂᑯᓇᐛᐤ ᒐᒋ ᐛᐎᑎᒺᒄ ᑕᓐ ᐊ ᐃᓯ ᒋᔅᑕᔨᑕᑯᓂᔨᒋ ᐅᑦ ᐃᑐᐅᓇ ᐊᓐ ᑲ ᐎᓴᒥᑕᒄ ᐅᓂᑎᐱᔅᒋᓯᐅᓂᒡ ᐅᒡ ᐊᓐᑕ ᐃᔅ ᐅᒪᒥᔅᑲᒡ-ᐛᔅᑕᐅᓂᒡ᙮