ᐊᒃᓱᑕᔅ 19:18 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁸ ᒥᓯᐛ ᓴᐃᓇᐃ ᐱᔅᑯᑎᓇᐤ ᒋ ᐱᐳᑕᐤ ᐅᓴᒻ ᑎᐸᔨᒋᒐᓱᐤ ᒋ ᓂᑎᒋᐛᐤ ᐱᔅᑯᑎᓇᔪᐤ ᐊᐛᔅᑲᔅᑲᑯᑦ ᐃᔅᑯᑕᔪᐤ᙮ ᒋ ᐅᐸᐱᑕᐤ ᒧᔭᒻ ᐊ ᐱᐳᑥᑦ ᒋᓴᐱᔅᒐᐛᓐ, ᑭᔭ ᒥᓯᐛ ᐱᔅᑯᑎᓇᐤ ᒋ ᒥᔅᑎ ᓇᓇᒥᐱᔪᐤ᙮

ᐊᒃᓱᑕᔅ 19:18 Iomraidhean Croise

ᒐᓂᓯᔅ 11:5

ᐊᑯ ᑎᐸᔨᒋᒐᓱᐤ ᒪᒃ ᒋ ᐸᒋ ᔭᓯᐤ ᒐᒋ ᒋᑕᐸᑕᐧᒃ ᐅᑕᓇᔪᐤ ᑭᔭ ᑲ ᐃᔅᐸᔨᒡ ᒥᒋᐛᐱᔪᐤ,

ᒐᓂᓯᔅ 15:17

ᐃᔅᐱ ᑲᒋ ᐸᒋᓯᒧᑦ ᐱᓯᒻ ᑭᔭ ᓇᔅᒡ ᐃᔭᒋᑲᒡ, ᐊᑉᕋᒻ ᓯᔅᒋᑯᒡ ᒋ ᐛᐱᒪᐤ ᐊ ᐱᒋᑥᔨᒋ ᐃᔅᑯᑕᐤ ᐊᔅᒋᒂ ᑭᔭ ᐊ ᐛᔭᑕᔨᒡ ᐃᔅᑯᑕᔪᐤ ᑲ ᐱᒥᐱᔨᒡ ᐊᓐᑕ ᑎᔅᑐᐎᒡ ᑲ ᑕᔅᒍᐛᑦ ᐊᐛᓯᓴ᙮

ᒐᓂᓯᔅ 19:28

ᐃᔅᐱ ᑲᒋ ᑕᐸᑕᐧᒃ ᓱᑕᒻ ᑭᔭ ᑯᒧᕋ ᐅᑕᓇᐛ ᑭᔭ ᐊᓐᑕ ᒥᓯᐛ ᑲ ᐱᓴᔨᒡ ᐊᔅᒋᔪᐤ᙮ ᒋ ᐛᐸᑎᒻ ᐊ ᒧᔅᑲᐸᑕᔨᒡ᙮ ᒧᔭᒻ ᐊ ᑕᐸᑕᒋ ᒪᔅᑎ ᐃᔎᑕᒋ᙮

ᑎᐱᑦ ᐅᓂᑭᒧᐅᓇ 104:32

ᑭᓄᐛᐸᑎᒻ ᐊᔅᒋᔪᐤ, ᐊᑯ ᓂᔭᓇᒥᐱᔨᒡ, ᑕᒋᓂᒻ ᐱᔅᑯᑎᓇᐛ, ᐊᑯ ᐸᐳᑕᐱᔨᒋ᙮

ᑎᐱᑦ ᐅᓂᑭᒧᐅᓇ 114:4

ᐱᔅᑯᑎᓇᐛ ᒋ ᒂᔎᔅᑯᑎᒧᒥᑭᓇ ᒧᔭᒻ ᓇᐸ ᒪᔭᑕᓂᓯᒡ, ᑭᔭ ᐱᔅᑯᑎᓇᓴ ᒧᔭᒻ ᒪᔭᑕᓂᓯᒡ᙮

ᑎᐱᑦ ᐅᓂᑭᒧᐅᓇ 114:7

ᓂᓇᒥᐸᔨ, ᒋᔾ ᐊᔅᒋᔾ, ᐊ ᑭᓄᐛᐱᒥᔅᒃ ᑎᐸᔨᒋᒐᓱᐤ, ᐊ ᑭᓄᐛᐱᒥᔅᒋᔨᔅᒋ ᐅᒋᓴᒪᓂᑐᒪ ᒐᑭᑉ;

ᑎᐱᑦ ᐅᓂᑭᒧᐅᓇ 144:5

ᑕᐸᑎᓇ ᒋᒋᒋᓯᑯᒪ, ᐅ ᑎᐸᔨᒋᒐᓱᐤ, ᐸᒋ ᔭᓯ ᒪᒃ ᑕᒋᓇ ᐱᔅᑯᑎᓇᐛ, ᐊᑯ ᒐ ᐱᐳᑕᒋ᙮

ᑎᐱᑦ ᐅᓂᑭᒧᐅᓇ 18:9

ᒋ ᑕᐸᑎᓂᒻ ᒋᓯᒂ ᒪᒃ, ᑭᔭ ᒋ ᐸᒋ ᔭᓯᐤ: ᒋ ᐅᓂᑎᐱᔅᑲᐃᔪᐤ ᒪᒃ ᓯᐸ ᐅᓯᑎᒡ᙮

ᑎᐱᑦ ᐅᓂᑭᒧᐅᓇ 68:9

ᒋᔾ, ᐅ ᒋᓴᒪᓂᑐᐤ, ᔅᒋ ᐃᑎᓴᐊᓐ ᐊ ᒥᔅᑎ ᒋᒺᒡ, ᑲ ᐅᒋ ᒥᔅᑯᐅᑕᔭᓐ ᐊᓐ ᒐ ᑎᐱᔨᐛᐅᓯᔨᓐ, ᐃᔅᐱ ᑲ ᐊᔭᔅᑯᓯᒥᑲᒡ᙮

ᑎᐱᑦ ᐅᓂᑭᒧᐅᓇ 77:18

ᒋ ᐸᑕᑯᓯᐅᒡ ᒋᓂᒥᔅᒋᒥᒡ ᒋᓯᑯᒡ: ᐊ ᐛᔅᑕᐱᔨᒡ ᒋ ᐅᒋ ᐛᔅᑕᓂᑭᓄᐤ ᐊᔅᒋᔾ: ᐊᔅᒋᔾ ᒋᓇᓇᒥᐱᔪᐤ ᑭᔭ ᒋ ᑯᔅᑯᔅᑯᐱᔪᐤ᙮

ᑎᐱᑦ ᐅᓂᑭᒧᐅᓇ 77:19

ᒋ ᒪᔅᑭᓇᐤ ᐎᓂᐸᑯᒡ ᐱᒥᒧ, ᑭᔭ ᒋ ᐱᒧᑕᔅᑭᓄᐤ ᒋᒋ ᓂᐱᒡ, ᑭᔭ ᒋᑕᐧᑯᔅᒐᐅᓇ ᓇᒪᐎᔾ ᒋᔅᒐᔨᑕᑯᓇ᙮

ᐊᒃᓱᑕᔅ 19:13

ᐃᔪᐤ ᑭᔭ ᒪᒃ ᐊᐛᓯᔅ, ᒋᑭ ᐎ ᓂᐸᐊᑭᓄᐤ ᐊ ᐊᑲ ᑕᒋᓇᑭᓄᐅᑦ᙮ ᒥᒄ ᐃᔅᐱ ᐸᑕᒂᒐ ᐳᑕᒋᑭᓐ, ᐊᑯ ᒋᐸ ᓴᑭᒋᐛᐅᒡ ᐃᔪᒡ ᐊᓂᔭ ᐸᐃᔅᑯᑎᓇᔪᐤ᙮”

ᐊᒃᓱᑕᔅ 19:17

ᒧᓱᔅ ᒂ ᓂᑲᓄᑕᐊᑦ ᐃᔪᐛ ᒐᒋ ᓂᒋᔅᑯᐛᔨᒋ ᒋᓴᒪᓂᑐᐛ, ᓂᑎᒍᐤ ᐱᔅᑯᑎᓇᒡ ᒋ ᓇᓂᐳᐎᒡ᙮

ᐊᒃᓱᑕᔅ 20:18

ᐃᔅᐱ ᐱᔭᑐᐛᒡ ᐃᔪᒡ ᓂᒥᔅᒍᐛ ᑭᔭ ᐱᔭᑕᒡ ᐊ ᒋᔄᐛᒥᑭᓂᔨᒡ ᐳᑕᒋᑭᓂᔪᐤ ᑭᔭ ᐎᔭᐸᑕᒡ ᐊᐱᒋᑐᐛᔨᒡ ᐱᔅᑯᑎᓇᔪᐤ, ᒋ ᓇᓇᒥᐱᐅᒡ ᐊ ᑯᔅᑕᒋᒡ ᑭᔭ ᐛᔪᐤ ᒋ ᓂᐳᐅᐎᒡ᙮

ᐊᒃᓱᑕᔅ 24:17

ᐃᔅᐱ ᐃᔅᕋᐃᓪ ᐃᔪᒡ ᐊᑕᐱᒡ ᑕᐧᑯᒡ ᐱᔅᑯᑎᓇᒡ, ᒧᔭᒻ ᐊ ᒥᔅᑎ ᐃᔅᑯᑕᔨᒡ ᒋ ᐃᓯᓂᒧᐛᐅᒡ ᑎᐸᔨᒋᒐᓱᐛ ᐅᒋᔅᑕᔨᑕᑯᓱᐅᓂᔪᐤ᙮

ᐊᒃᓱᑕᔅ 3:2

ᐊᑯᑕ ᒪᒃ ᑲ ᓄᑯᓯᔅᑕᑯᑦ ᑎᐸᔨᒋᒐᓱᐛ ᐅᑦ ᐊᒋᓂᒥᔪᐛ ᐊᓐᑕ ᑕᑕᐅᒡ ᐊ ᐃᔅᑯᑕᐎᒡ ᓯᑲᒡ ᐅᒡ᙮ ᐊᑎᓱᐧᒄ ᒧᓱᔅ ᐛᐸᑕᐧᒃ ᐊ ᐛᔭᑕᔨᒋ ᓯᑲᐛ, ᓇᒪ ᐅᒋ ᐃᔎᑕᔪᐛ᙮

ᐊᒃᓱᑕᔅ 34:2

ᒐ ᐊᔭᔅᑯᐎᔨᓐ ᐛᐸᒐ ᒐᒋᓴᐸᔭᒐ ᑭᔭ ᒐ ᐸᒋ ᓴᑭᒋᐛᔨᓐ ᓴᐃᓇᐃ ᐱᔅᑯᑎᓇᐤ ᒐᒋ ᓂᒋᔅᑯᐎᓐ ᐊᓐᑕ ᑕᐧᑯᒡ᙮

ᒪᑎᔪᐤ 24:7

ᐸᐃᑯᓄᒡ ᑲ ᐃᑎᔅᑲᓇᓯᒡ ᐊᐛᓐᒋ ᒋᑭ ᒪᓯᐧᑲᑐᐅᒡ ᐊᓂᔭᔪᐛ ᑯᑎᑲ ᐊᐛᔪᐛ ᐃᔭᒡ ᑲ ᐃᑎᔅᑲᓇᓯᔨᒋ᙮ ᑭᔭ ᐊᓐᒡ ᑲ ᐅᒋᒪᐅᒡ ᒋᑭ ᓂᑐᐱᔨᑐᐛᐅᒡ ᐊᓂᔭ ᑯᑎᑲ ᑲ ᐅᒋᒪᐎᔨᒋ᙮ ᒋᑭ ᑎᑯᓐ ᐊ ᑯᐃᒂᒡ ᑭᔭ ᐊ ᑯᐅᐧᑭᑕᓄᐅᒡ᙮

2 ᑕᓴᓗᓂᔭᓇ 1:7

ᐊᑯ ᒋᔨᐛᐤ ᑲ ᓂᓇᐧᑲᑕᔨᒧᔭᒄ ᒋᑭ ᐃᑐᑕᑯᐛᐤ ᒋᓴᒪᓂᑐᐤ ᒐᒋ ᐳᓂ ᓂᓇᐧᑲᑕᔨᒺᒄ ᑭᔭ ᓂᔭᓐ ᐊᐅᑯᓐ ᒐ ᐃᓯ ᐎᒋᐃᑯᐅᔭᒡ᙮ ᐃᔅᐱ ᐸᒋ ᓄᑯᓯᒐ ᐅᑎᐸᔨᒋᒐᐤ ᒋᓴᔅ ᐊᓐᑕ ᒋᒋᒋᓯᑯᒡ ᐅᒡ ᐊ ᐸᒋ ᐎᒐᐛᑦ ᐅᑦ ᐊᓐᒋᓂᒪ ᑲ ᓱᐧᑲᑎᓯᔨᒋ ᐊᑯᑕ ᒐ ᐃᑐᑕᐧᒃ ᐅᔭ᙮

2 ᑕᓴᓗᓂᔭᓇ 1:8

ᐃᔅᑯᑕᔪᐤ ᐊ ᐛᔭᑕᐱᔨᒡ ᒋᑭ ᐊᐱᒋᑕᐤ ᐛᐛᓯᐊᒐ ᐊᓂᔭ ᐊᑲ ᒋᔅᒐᔨᒪᔨᒋ ᒋᓴᒪᓂᑐᐛ ᑭᔭ ᐊᓂᔭᔪᐛ ᐊᑲ ᓂᓇᐊᔨᑎᒥᔨᒋ ᒥᔽᒋᒧᐅᓂᔪᐤ ᐊᓐᑕ ᐃᔭᔨᒧᒪᑭᓄᔨᒋ ᐅᑎᐸᔨᒋᒐᐛ ᒋᓴᓴ᙮

ᐃᑉᕈᐛ 12:18

ᓇᑕᒂ ᒋᓴᒪᓂᑐᐤ ᓇᒪ ᒋᑭ ᐅᒋ ᐃᑕᔨᑕᑯᓐ ᒋᔨᐛᐤ ᑕᓐ ᑲ ᐃᑕᔨᑕᑯᓂᔨᒡ ᐃᔅᕋᐃᓪ ᐃᔪᒡ ᐃᔅᐱ ᑲ ᓇᑕᒡ ᒋᓴᒪᓂᑐᐛ᙮ ᒥᒋᒪ ᐊᓂᔭ ᐱᔅᑯᑎᓇᔪᐤ ᓴᐃᓇᐃ ᐊ ᐃᓯᓂᐧᑲᑕᔨᒡ ᒋ ᓇᑕᒧᒡ᙮ ᐊᓐ ᒪᒃ ᐱᔅᑯᑎᓇᐤ ᒋ ᐃᔎᑕᐤ ᑭᔭ ᒋ ᐅᑲᔅᑕᔭᐤ ᐊᓐᑕ ᑭᔭ ᒋ ᑎᑯᓐ ᓴᒋᓱᐅᓐ ᑭᔭ ᒋ ᒥᔅᑎ ᒋᑎᔅᑎᓐ ᐊᓐᑕ᙮

ᐃᑉᕈᐛ 12:26

ᐃᔅᐱ ᑲ ᐃᔨᒪᐊᑦ ᒋᓴᒪᓂᑐᐤ ᐊᓂᔭ ᐃᔪᐛ ᐊᓐᑕ ᐊᓂᔭ ᐱᔅᑯᑎᓇᔪᐤ ᓴᐃᓇᐃ ᑲ ᐃᓯᓂᐧᑲᑕᔨᒡ, ᓇᔅᒡ ᒋ ᓂᓇᒥᐱᐃᔪᐤ ᐊᔅᒋᔪᐤ ᐃᔅᐱ ᑲ ᐸᑕᑯᓂᔨᒡ ᐅᐸᑕᑯᓱᐅᓐ᙮ ᐊᑯ ᒪᒃ ᐊᓄᒡ ᐊ ᐃᔅᒋᔄᑦ ᐅᔭ ᒐᔅᑎᓇᔅ ᒐ ᐃᔅᐱᔨᒡ, “ᒥᓐ ᐅ ᐃᑐᑎᒪᓇ ᓇᒪ ᒥᒄ ᐊᔅᒋᔾ ᓂᑭ ᐅᒋ ᑐᑕᓐ ᒐᒋ ᓂᓇᒥᐱᔨᒡ ᐊᓯᒡ ᑭᔭ ᒋᒋᒋᓯᒄ ᓂᑭ ᑐᑕᓐ ᒐᒋ ᓂᓇᒥᐱᔨᒡ᙮”

2 ᐱᑕᕐ 3:10

ᒥᒄ ᒪᒃ ᓇᒪ ᓂᑲᓐ ᒋᑭ ᐅᒋ ᒧᓯᑕᑭᓄᐅᔪᐤ ᐅᑎᐸᔨᒋᒐᐤ ᐅᒋᓯᑲᒻ, ᒧᔭᒻ ᐊ ᐃᑕᔨᑕᒂᒡ ᑲᒋᒧᑎᑦ ᐊᓐᑕ ᐛ ᐱᒐᒋ ᒥᒋᐛᐱᔪᐤ ᐊ ᐎ ᑭᒐᒧᑎᑦ, ᐊᐅᑯᓐ ᒐ ᐃᑕᔨᑕᒂᒡ᙮ ᐊᓐᑕ ᒪᒃ ᐊᓂᔭ ᐅᑎᐸᔨᒋᒐᐤ ᐅᒋᓯᑲᒻ ᐅᑎᒋᐱᔨᒐ ᐅᔭ ᒋᓯᒂ ᒋᑭ ᐸᓯᑯᓇᑯᓇ᙮ ᓇᔅᒡ ᑕᑈ ᒋᑭ ᒋᔄᐛᐱᔪᐤ ᐊᑎ ᐸᓯᑯᓇᑯᒂᐛ᙮ ᒥᓯᐛ ᑕᓐ ᐊ ᐃᓯ ᑎᒂᒡ ᒋᓯᑯᒡ ᒋᑭ ᐊᑎᑎᔅᑕᐛ ᒐ ᐃᔅᐱᔅ ᒥᔅᑎ ᒋᓯᑕᒡ᙮ ᐊᔅᒋᔾ ᑭᔭ ᒥᓯᐛ ᒐᒂᓐ ᐅᑕ ᑲ ᑎᒂᒡ, ᒋᑭ ᐊᑎ ᒪᔅᑎᐧᑲᑕᐛ᙮

ᒋᔅᒐᔨᑕᑯᑕᒐᐅᓐ 15:8

ᒋ ᒋᔌᐸᑕᐤ ᒪᒃ ᐊᓐ ᒋᓴᐊᔭᒥᐊᐅᒋᐛᑉ ᐊᓐᑕ ᐛᒋᐱᔨᒡ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ ᑭᔭ ᐅᓱᐧᑲᑎᓯᐅᓐ᙮ ᓇᒪ ᒪᒃ ᐊᐛᓐ ᒋᑭ ᒋ ᐱᒐᐤ ᐊᓐᑕ ᐸᑐᔅ ᓇᔅᒡ ᒋᔅᐱᔨᒐ ᐊᓐ ᑕᓐ ᒐ ᐃᓯ ᓂᓇᐧᑲᑕᔨᒧᓇᓄᐅᒡ᙮ ᓇᒪ ᒪᒃ ᐊᐛᓐ ᐅᒋ ᐱᒐᐤ ᐊᓐᑕ ᐸᑐᔅ ᓇᔅᒡ ᑲ ᒋᔅᐱᔨᒡ ᐊᓂᔭ ᓂᔄᐅᑕ ᑕᑐᐎᒡ ᒋᐸ ᐃᓯ ᓂᓇᐧᑲᑕᔨᒧᐊᑭᓄᐅᒡ ᐊᐛᓐᒋ ᐊᓐᒡ ᓂᔄᐅᑕᒡ ᐊᓐᒋᓐᒡ ᑲ ᐃᓯ ᐸᒋ ᐱᔅᑎᓇᒡ ᒐᒋ ᐃᓯ ᓂᓇᐧᑲᑕᔨᒧᓇᓄᐎᒡ᙮

ᒋᔅᒐᔨᑕᑯᑕᒐᐅᓐ 9:2

ᐃᔅᐱ ᒪᒃ ᑲ ᓴᓇᐧᒃ ᐊᓂᔭ ᑲ ᒥᔅᑎ ᐱᑯᓇᔭᔨᒡ ᒋ ᐅᒋ ᐎᐎᔭᐸᑕᐱᔪᐤ ᐊ ᒥᔅᑎ ᐊᒂᐸᑕᔨᒡ ᒧᔭᒻ ᐊᓐᑕ ᐊ ᒥᔅᑎ ᐃᔎᑕᒡ ᑲᒋ ᐃᔅᐱᔅ ᐊᒂᐸᑕᒡ᙮ ᒋ ᐎᐸᐸᑕᐤ ᒪᒃ ᐊᓐᑕ ᒋᓯᑯᒡ᙮ ᐱᓯᒻ ᑭᔭ ᒋ ᐊᑎ ᐅᑲᔅᑕᐱᔪᐤ ᐊ ᐃᔅᐱᔅ ᐊᒂᐸᑕᔨᒡ᙮