ᐊᒃᓱᑕᔅ 19:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᑲᒋ ᓂᓱ ᒋᓯᑲᔨᒡ ᐊ ᒐᒋᓴᐸᔭᒡ ᒋ ᓂᒥᔅᒋᐅᔅᔎᔪᐤ, ᑭᔭ ᒋ ᑯᒋᓂᔪᐛ ᐊ ᐎᐱᓯᔨᒋ ᑭᔅᑯᐅᓇ ᐊᓐᑕ ᐱᔅᑯᑎᓇᒡ᙮ ᒂ ᐸᑕᑯᓂᔨᒡ ᐳᑕᒋᑭᓂᔪᐤ ᓇᔅᒡ ᐊ ᒋᔄᐱᔨᒡ, ᑭᔭ ᒥᓯᐛ ᐃᔅᕋᐃᓪ ᐃᔪᒡ ᒋᓴᒋᓱᐅᒡ᙮

ᐊᒃᓱᑕᔅ 19:16 Iomraidhean Croise

ᑎᐱᑦ ᐅᓂᑭᒧᐅᓇ 50:3

ᒋᒋᓴᒪᓂᑐᒥᓄᐤ ᒋᑭ ᐸᒋ ᐃᑐᑕᐤ, ᓇᒪ ᑭᔭ ᒋᑭ ᒋᐱᑐᐛᐤ ᐃᔅᑯᑕᔪᐤ ᐊ ᓂᓱᐅᓇᒋᐃᐛᒪᑭᓂᔨᒡ ᒋᑭ ᓂᑲᓂᐱᔅᑕᑯᐤ, ᓇᔅᒡ ᑭᔭ ᒋᑭ ᒋᑎᔅᑎᓂᔪᐤ ᐛᔅᑲ ᐊ ᐃᔅᐱᔨᑦ᙮

ᑎᐱᑦ ᐅᓂᑭᒧᐅᓇ 77:18

ᒋ ᐸᑕᑯᓯᐅᒡ ᒋᓂᒥᔅᒋᒥᒡ ᒋᓯᑯᒡ: ᐊ ᐛᔅᑕᐱᔨᒡ ᒋ ᐅᒋ ᐛᔅᑕᓂᑭᓄᐤ ᐊᔅᒋᔾ: ᐊᔅᒋᔾ ᒋᓇᓇᒥᐱᔪᐤ ᑭᔭ ᒋ ᑯᔅᑯᔅᑯᐱᔪᐤ᙮

ᑎᐱᑦ ᐅᓂᑭᒧᐅᓇ 81:8

“ᓂᑐᑎᒧᒄ, ᐅ ᓂᑦ ᐃᔨᒥᑐᒄ, ᒋᑭ ᑎᐸᒋᒧᔅᑕᑎᓇᐛᐤ ᒪᒃ: ᐅ ᐃᔅᕋᐃᓪ, ᒧᔭᒻ ᐎ ᓂᑐᑐᐎᔨᓇ;

ᑎᐱᑦ ᐅᓂᑭᒧᐅᓇ 97:4

ᐅ ᐛᔅᑕᐱᔨᒪ ᒋ ᐛᔅᑕᓂᒪᑯᔪᐛ ᐊᔅᒋᒡ ᐊ ᑕᔨᒋ: ᐊᔅᒋᔾ ᒋ ᐛᐸᑎᒧᒪᑭᓐ ᑭᔭ ᓇᓇᒥᐱᔪᐤ᙮

ᐊᒃᓱᑕᔅ 19:11

ᐛᒧᒡ ᐅᔭ ᒋᑭ ᐎ ᐃᑐᑎᒧᒡ ᒐᒋ ᐊᔭᔅᑯᐱᒡ ᐅᓱᐛᐱᓂᔨᒐ᙮ ᐊᐅᑯᓐ ᒋᓱᒄ ᒐ ᓂᑎᒋᐛᔭᓐ ᓴᐃᓇᐃ ᐱᔅᑯᑎᓇᐤ ᒐᒋ ᐛᐱᒥᒡ ᒥᓯᐛ ᐃᔅᕋᐃᓪ ᐃᔪᒡ᙮

ᐊᒃᓱᑕᔅ 19:15

ᒂ ᐊᑎ ᐃᑕᑦ ᐃᔪᐛ ᒐᒋ ᐊᔭᔅᑯᐎᒋ ᐅᓱᐛᐱᓂᔨᒐ ᑭᔭ ᒐ ᐊᑲ ᐎᐸᒥᑐᐎᔨᒋ ᓇᐸᐛ ᑭᔭ ᐃᔎᐛ᙮

ᐊᒃᓱᑕᔅ 19:17

ᒧᓱᔅ ᒂ ᓂᑲᓄᑕᐊᑦ ᐃᔪᐛ ᒐᒋ ᓂᒋᔅᑯᐛᔨᒋ ᒋᓴᒪᓂᑐᐛ, ᓂᑎᒍᐤ ᐱᔅᑯᑎᓇᒡ ᒋ ᓇᓂᐳᐎᒡ᙮

ᐊᒃᓱᑕᔅ 19:9

ᑎᐸᔨᒋᒐᓱᐤ ᒋ ᐃᑕᐤ ᒧᓱᓴ, “ᒋᑭ ᓂᑐᐛᐱᒥᑎᓇᐛᐤ ᒧᔭᒻ ᐊ ᒋᔅᐱᒋᓯᑦ ᑭᔅᑯᐅᓐ ᓂᑭ ᐃᓯᓇᑯᓯᓐ, ᐊᑯ ᐃᔅᕋᐃᓪ ᐃᔪᒡ ᓂᑭ ᐸᑕᑯᒡ ᒪᒂᒡ ᐃᔨᒥᔨᑕᓇ ᑭᔭ ᓇᓂᑎᒻ ᒋᑭ ᓱᒐᔨᒥᑯᒡ᙮” ᐊᑯ ᒧᓱᔅ ᒂ ᐎᑎᒧᐛᑦ ᐊᓂᔭ ᐃᔪᐛ ᒐᒂᔪᐤ ᑲ ᐃᔅᒋᔄᔨᒋ ᑎᐸᔨᒋᒐᓱᐛ᙮

ᐊᒃᓱᑕᔅ 20:18

ᐃᔅᐱ ᐱᔭᑐᐛᒡ ᐃᔪᒡ ᓂᒥᔅᒍᐛ ᑭᔭ ᐱᔭᑕᒡ ᐊ ᒋᔄᐛᒥᑭᓂᔨᒡ ᐳᑕᒋᑭᓂᔪᐤ ᑭᔭ ᐎᔭᐸᑕᒡ ᐊᐱᒋᑐᐛᔨᒡ ᐱᔅᑯᑎᓇᔪᐤ, ᒋ ᓇᓇᒥᐱᐅᒡ ᐊ ᑯᔅᑕᒋᒡ ᑭᔭ ᐛᔪᐤ ᒋ ᓂᐳᐅᐎᒡ᙮

ᐊᒃᓱᑕᔅ 20:21

ᐊᑯ ᐃᔪᒡ ᐛᔪᐃᔅ ᒋ ᓂᐳᐅᐎᒡ ᐊᓐᑕ ᐊ ᑕᔨᒋ ᒋᓴᒪᓂᑐᐛ, ᒪᒂᒡ ᒧᓱᔅ ᐊᑐᑕᑦ ᒥᒋᒪ ᐊ ᑕᔨᒋ ᒋᓴᒪᓂᑐᐛ᙮

ᐊᒃᓱᑕᔅ 40:34

ᐊᑯ ᑭᔅᑯᐅᓐ ᒂ ᐊᑯᓇᐧᒃ ᐊᓂᔭ ᐸᔭᒋ-ᐱᒍᐎᔭᓂᒋᐛᐱᔪᐤ ᑭᔭ ᒂ ᓴᑭᔅᒋᓇᔨᒡ ᐊᓐᑕ ᑎᐸᔨᒋᒐᓱᐤ ᐅᒋᔅᑕᔨᑕᑯᓱᐅᓐ᙮

ᐊᒃᓱᑕᔅ 9:23

ᒧᓱᔅ ᒂ ᐃᔅᐱᔨᑕᑦ ᐅᓯᔅᑲᐅᓐ ᐊᓐᑕ ᒋᓯᑯᒡ ᐃᔅ᙮ ᐊᑯ ᑎᐸᔨᒋᒐᓱᐤ ᒂ ᐃᑎᓴᐛᑦ ᓂᒥᔅᒋᐅᐛ ᑭᔭ ᐊ ᓯᓯᑯᓂᐱᔨᒡ᙮ ᑭᔭ ᓂᒥᔅᒋᐅᔅᑯᑕᐤ ᒂ ᐃᔅᐱᔨᒡ ᐊᓐᑕ ᒧᔅᑎᔅᑭᒥᒡ᙮ ᑎᐸᔨᒋᒐᓱᐤ ᒂ ᐃᑎᓴᐧᒃ ᐊ ᓯᓯᑯᓂᐱᔨᒡ ᐊᓐᑕ ᐃᒋᑉᑦ ᐊᔅᒋᒡ᙮

ᒪᑎᔪᐤ 24:31

ᐃᔅᐱ ᒪᒃ ᐸᑕᒂᒐ ᑲ ᒋᔄᐛᒥᑲᒡ ᐳᑕᒋᑭᓐ ᐊᑯ ᒐ ᐃᑎᓴᐛᑦ ᒋᓴᒪᓂᑐᐤ ᐅᑦ ᐊᓐᒋᓂᒪ ᒐᒋ ᒪᒧᓇᔨᒋ ᐊᓂᔭ ᐊᐛᔪᐛ ᑲ ᐅᑎᓇᑦ ᓇᐅᐎᔨᒡ ᐊ ᐅᑎᓂᔨᒡ ᑲ ᐅᒋᔨᒋ᙮ ᓇᔅᒡ ᐊ ᐃᔎᔭᔨᒡ ᐊᔅᒋᔪᐤ ᐊᓐᑕ ᒪᒃ ᑭᔭ ᓇᔅᒡ ᐊ ᐃᔎᔨᒡ ᒋᒋᒋᓯᑯᔪᐤ ᒋᑭ ᐅᑎᓇᔪᐛ᙮”

ᐃᑉᕈᐛ 12:21

ᐊᓂᔭ ᑕᓐ ᑲ ᐃᓯ ᐛᐸᑕᒡ ᓇᔅᒡ ᒋ ᓴᒋᐃᑯᐅᒡ᙮ ᐛᐛᒡ ᒧᓱᔅ ᒋ ᐃᑕᐤ, “ᓇᓇᒥᐱᔨᓐ ᐊᔅᐱᔅ ᓴᒋᓯᔭᓐ᙮”

ᒋᔅᒐᔨᑕᑯᑕᒐᐅᓐ 1:10

ᐸᐃᒂᐤ ᒪᒃ ᐊ ᐊᔭᒥᐊᐅᒋᓯᑲᒡ, ᑲ ᐸᔭᒋᓯᑦ ᐊᒐᐧᒄ ᓂᒋ ᓴᑭᔅᒋᓇᔅᑲᒄ᙮ ᐊᓐᑕ ᒪᒃ ᓂᔅᐱᔅᑯᓂᒡ ᓂᒋ ᐅᒋ ᐸᑕᓐ ᐸᑕᑯᓱᐅᓐ ᐊ ᒋᔄᐛᑦ ᐊᐛᓐ ᐊ ᐃᔨᒥᑦ᙮ ᒧᔭᒻ ᐳᑕᒋᑭᓐ ᐊ ᐃᔅᐱᔅ ᒋᔄᐛᒥᑲᒡ, ᐊᑯᓐ ᑲ ᐃᔅᐱᔅ ᒋᔄᐛᑦ ᐊ ᐃᔨᒥᑦ᙮

ᒋᔅᒐᔨᑕᑯᑕᒐᐅᓐ 11:19

ᐊᑯ ᒋᓴᒪᓂᑐᐤ ᐅᒋᓴᐊᔭᒥᐊᐅᒋᐛᑉ ᒋᒋᒋᓯᑯᒡ ᐊ ᑎᑯᓂᔨᒡ ᒂ ᓴᓂᑭᓄᐎᒡ᙮ ᐊᓐᑕ ᒪᒃ ᐱᑎᑭᒥᒡ ᒋ ᓄᑯᓐ ᐊᓐ ᑲ ᐸᔭᒋᓯᒥᑲᒡ ᒥᔅᑎᑯᐅᑦ ᐊᓐᑕ ᑲ ᑎᑕᑭᓄᔨᒡ ᐊᓂᔭ ᓂᔅᑯᒧᐅᓂᔪᐤ ᒋᓴᒪᓂᑐᐤ ᑲ ᐅᓯᑎᒧᐛᑦ ᐅᑦ ᐃᔨᒪ᙮ ᐊᑯ ᑲ ᐅᔄᔅᑕᐱᔨᒡ ᑭᔭ ᓂᒥᔅᒍᐅᒡ ᒋ ᐸᑕᑯᓱᐅᒡ᙮ ᑭᔭ ᒋ ᑯᐃᐧᑯᓐ ᑭᔭ ᒋ ᒥᔅᑎ ᒥᔅᑯᒥᑕᓐ᙮

ᒋᔅᒐᔨᑕᑯᑕᒐᐅᓐ 4:1

ᐃᔭᒡ ᒥᓐ ᓂᒋ ᐃᓯ ᐛᐸᑎᔨᑯᐅᓐ᙮ ᐃᔅᐱᒥᒡ ᐊ ᐃᑕᐱᔭᓐ ᓂᒋ ᐛᐱᒪᐤ ᔅᑐᐧᑭᓐ ᐊ ᐊᔪᑕᑯᒋᓂᑦ ᐊᓐᑕ ᒋᒋᒋᓯᑯᒡ᙮ ᐊᑯ ᑲ ᐸᒋ ᐃᔨᒥᐃᑦ ᒥᓐ ᐊᓐ ᐊᐛᓐ ᓴᔅ ᐊᓐᑕ ᐊᒋ ᐸᒋ ᐃᔨᒥᐃᑦ᙮ ᒧᔭᒻ ᐳᑕᒋᑭᓂᔪᐤ ᐊ ᒋᔄᐛᒥᑭᓂᔨᒡ ᐊ ᐃᑎᑕᑯᓂᔨᒡ, ᐊᑯᓐ ᐊ ᐃᑎᑕᑯᓂᔨᒡ ᐅᐸᑕᑯᓱᐅᓐ᙮ ᓂᒋ ᐃᑎᒄ, “ᐊᔅᑎᒻ ᐅᑕ᙮ ᒐ ᐛᐸᑎᔨᑕᓐ ᑕᓐ ᒥᓐ ᒐ ᐊᑎ ᐃᔅᐱᔨᒡ᙮”

ᒋᔅᒐᔨᑕᑯᑕᒐᐅᓐ 4:5

ᐊᓐᑕ ᐅᒋᓴᐅᒋᒪᐤ ᑕᑎᐳᐛᑭᓂᒡ ᐊᓐ ᑲ ᐊᐱᑦ ᒋ ᐅᒋ ᐅᔄᔅᑕᐱᔪᐤ᙮ ᒋ ᐸᑕᑯᓇ ᐸᑕᑯᓱᐅᓇ ᑭᔭ ᒧᔭᒻ ᓂᒥᔅᒍᐅᒡ ᐊ ᐸᑕᑯᓯᒡ ᒋ ᐃᑎᑕᑯᓐ ᐊᓐᑕ ᐊ ᐊᐱᒡ ᐅᒡ᙮ ᐅᑎᔅᑯᐤ ᒪᒃ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᒋ ᑎᑯᓐ ᓂᔄᐅᑕᒡ ᐃᔅᑯᑕᐤ ᐛᔅᑕᓂᐱᒪᑭᓇ ᐊ ᐃᔅᑯᑕᐅᒋ᙮ ᐊᐅᑯᓐᒡ ᐅᒡ ᓂᔄᐅᑕᒡ ᐊᒐᐧᑯᒡ ᑲ ᐊᑐᔅᑯᐛᒡ ᒋᓴᒪᓂᑐᐛ᙮

ᒋᔅᒐᔨᑕᑯᑕᒐᐅᓐ 8:5

ᐊᑯ ᐊᓐ ᐊᓐᒋᓐ ᑲ ᓴᑭᔅᒋᓂᑕᑦ ᐊᓂᔭ ᑲ ᐎᔄᐅᓱᓇᔭᐱᔅᑲᔨᒡ ᐎᔭᑭᓂᔪᐤ ᐃᔅᑯᑕᔪᐤ ᐊ ᐊᔅᑕᑦ ᐊᓐᑕ ᐱᔅᑎᓂᒐᐅᓇᐱᔅᑯᒡ ᐊ ᐅᑎᓇᐧᒃ᙮ ᐊᑯ ᐊᓐᑕ ᐊᔅᒋᒡ ᑲ ᐃᓯ ᐛᐱᓇᐧᒃ ᐊᓂᔭ ᐃᔅᑯᑕᔪᐤ, ᑎᐛᒡ ᒪᒃ ᒋ ᐸᑕᑯᓱᐅᒡ ᓂᒥᔅᒍᐅᒡ ᑭᔭ ᒋ ᒥᔅᑎ ᐅᔄᔅᑕᐱᔪᐤ ᑭᔭ ᒋ ᑯᐃᐧᑯᓐ᙮