ᐊᒃᓱᑕᔅ 18:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᒧᓱᔅ ᐊᔅᒃ ᒋ ᒪᓐᑕᐤ ᐊᓐᑕ ᒥᑎᐊᓂᒡ ᑲ ᐃᔪᐎᔨᒋ ᐅᓂᔅᑎᒧᓴᓇ, ᐊᑯ ᒧᓱᔅ ᒂ ᐃᔅᒋᔄᑦ, “ᑭᕐᓱᒻ ᒋᑭ ᐃᓯᓂᐧᑲᓱᐤ᙮ ᑭᕐᓱᒻ ᒧᔭᒻ ‘ᒪᓐᑕᐤ’ ᐊ ᐃᓇᓄᐅᒡ ᐃᑉᕈᐤ ᐃᔨᒧᐅᓂᒡ᙮”

ᐊᒃᓱᑕᔅ 18:3 Iomraidhean Croise

ᑎᐱᑦ ᐅᓂᑭᒧᐅᓇ 39:12

“ᓂᑐᑕ ᓂᑦ ᐊᔭᒥᐊᐅᓐ, ᐅ ᑎᐸᔨᒋᒐᓱᐤ, ᐸᑕᐎᓐ ᒪᒃ ᐊ ᒧᔅᑯᐛᑎᑕᓐ; ᐊᑲᐎᔾ ᒋᐱᑐᐛ ᐊ ᐅᒋᐧᑯᐛᑎᔭᓐ: ᐛᔅ ᓂ ᒪᓐᑕᐅᓐ ᑭᔭ ᓂᐱᒥᐱᒋᓐ, ᒧᔭᒻ ᒥᓯᐛ ᓄᑕᐅᐱᓐᒡ᙮

ᐊᒃᓱᑕᔅ 2:22

ᐊᑯ ᒋ ᐅᑯᓱᐤ ᓯᐳᕋ, ᑭᕐᓱᒻ ᒋ ᐃᓯᓂᐧᑲᑕᑭᓂᔨᐛ, (ᒪᓐᑕᐤ ᐃᔅᒋᔄᒥᑯᓂᔪᐤ) ᐛᔅ ᒧᓱᔅ ᒋ ᐃᔅᒋᔄᐤ, “ᓂᔾ ᓂ ᒪᓐᑕᐅᓐ ᐅᑕ ᒪᓐᑕᐤ ᐊᔅᒋᒡ᙮”

ᐊᒃᓱᑕᔅ 4:20

ᐊᑯ ᒧᓱᔅ ᒂ ᐳᓴᐊᑦ ᐎᐛ ᑭᔭ ᐅᑯᓴ ᐊᓐᑕ ᑲᓂᐧᑲᑎᓯᔨᒋ ᑲᐸᐃᑭᔎᐛ, ᑭᔭ ᑲᐤ ᒂ ᐃᑐᑕᒡ ᐊᓐᑕ ᐃᒋᑉᑦ ᐊᔅᒋᒡ᙮ ᐊᑕᐧᑯᓂᒺᑦ ᒋᓴᒪᓂᑐᐛ ᐅᓯᔅᑲᐅᓂᔪᐤ᙮

ᐊᑈᔅᑕᓇᒡ 7:29

ᐃᔅᐱ ᒪᒃ ᐱᔭᑕᐧᒃ ᐅᔭ ᒧᓱᔅ, ᒋ ᐅᓯᒧᐤ ᐊᓐᑕ ᐃᒋᑉᑎᒡ ᐅᒋ, ᐊᑯ ᐊᓐᑕ ᒥᑎᐊᓐ ᐊᔅᒋᒡ ᑲ ᑕᑦ ᐊ ᒪᓐᑕᐅᑦ᙮ ᐊᑯᑕ ᑲ ᐎᔪᑦ ᑭᔭ ᐊᑯᑕ ᑲ ᐱᒪᑎᓯᔨᒋ ᓂᓱ ᐅᑯᓴ᙮”

ᐃᑉᕈᐛ 11:13

ᐅᒡ ᒪᒃ ᒥᓯᐛ ᐊᐛᓐᒋ ᑲ ᐊᔨᒧᒥᒂᐤ, ᒥᓯᐛ ᒋ ᑕᑈᔭᔨᒪᐅᒡ ᒋᓴᒪᓂᑐᐛ ᐱᐃᒻ ᑲ ᐊᑎ ᐳᓂᐱᒪᑎᓯᒡ᙮ ᐊᐅᑯᓐ ᑲ ᐃᓯ ᐳᓂᐱᒪᑎᓯᒡ ᐊᔅᒄ ᐊ ᑕᑈᑕᒡ ᐊᓂᔭ ᑕᓐ ᑲ ᐃᔅᒋᔄᔨᒋ ᒋᓴᒪᓂᑐᐛ ᑕᑈ ᒐ ᐅᑎᒋᐱᔨᒡ᙮ ᐊᑎ ᐊᑲ ᐎᔨᐛᐤ ᓇᓂᑎᒻ ᐅᒋ ᐛᐸᑕᒡ ᒐᒋ ᐅᑎᒋᐱᔨᒡ ᐃᔭᐱᒡ ᒋ ᒐᔅᑎᓇᑕᔨᑎᒥᐃᑯᐅᒡ ᒐ ᐅᑎᒋᐱᔨᒡ ᐊᓐᑕ ᓂᔅᑕᒥᒡ᙮ ᑭᔭ ᒋ ᒋᔅᒐᔨᑎᒧᒡ ᐊᑲ ᓴᒐᔾ ᐃᓯᓇᑯᓂᔨᒡ ᐊᓂᔭ ᑕᓐ ᑲ ᐃᓯ ᑕᑈᔭᔨᒪᒡ ᒋᓴᒪᓂᑐᐛ᙮ ᑭᔭ ᒋ ᒋᔅᒐᔨᑎᒧᒡ ᐊᑲ ᐅᑕ ᐊᔅᒋᒡ ᒋᒋᐛ ᐅᒋ ᐅᒋᒡ ᑭᔭ ᐎᔨᐛᐤ ᓇᓂᑎᒻ ᒋ ᐃᔅᒋᔄᐅᒡ ᒥᒄ ᒪᓐᑕᐤ ᐊᒋ ᐃᓯ ᑭᓄᐛᐱᒥᓱᒡ᙮

1 ᐱᑕᕐ 2:11

ᓂᐎᒐᐛᑭᓂᑎᒄ ᑲ ᓴᒋᐃᑎᑯᒡ, ᒥᒄ ᐛᔅ ᐊᓐ ᒋ ᒪᓐᑕᐅᓇᐛᐤ ᑭᔭ ᒥᒄ ᒋ ᐱᐸ ᑕᓇᐛᐤ ᐅᑕ ᐊᔅᒋᒡ᙮ ᐊᐅᒄ ᒪᒃ ᐅ ᐛᒋ ᐎ ᓯᒋᒥᑎᑯᒡ ᓇᔅᒡ ᒐ ᐊᑲ ᒋ ᐱᐱᔅᑲᑕᔨᑎᒥᐃᑯᔭᒄ ᐊᓂᔭ ᒥᒋ ᓂᑐᐛᔨᑎᒧᐅᓇ ᐊᓂᔭ ᒧᔅ ᒥᔭᓯᒐᐱᔨᒋ ᒋᑦ ᐊᒐᐧᑯᐛᒡ᙮