ᐊᒃᓱᑕᔅ 18:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᐊᑯ ᒐᑦᕈᐤ ᒂ ᐸᑕᑦ ᐱᔅᑎᓂᒐᐅᓂᔪᐤ ᒐᒋ ᐃᔎᓴᑭᓄᐎᒡ ᑭᔭ ᑯᑎᑲ ᒥᑐᔅᑕᐊᒪᒐᐅᓇ ᒐᒋ ᒥᔭᑭᓄᐅᑦ ᒋᓴᒪᓂᑐᐤ᙮ ᐊᕋᓐ ᑭᔭ ᐃᔅᕋᐃᓪ ᐅᒋᒪᐅᒡ ᒋ ᑎᑯᓯᓄᐅᒡ ᒐᒋ ᒥᒋᓱᐅᒡ ᐊᓐᑕ ᐊᔭᒥᐊᓄᐎᒡ᙮ ᐊᕈᓐ ᒋ ᑎᑯᓯᓄᐤ ᐊ ᐎᒐᐛᑦ ᒥᓯᐛ ᐃᔅᕋᐃᓪ ᐅᒋᒪᐅᒡ ᒐᒋ ᐎᒋᒥᒋᓱᒪᒡ ᒧᓱᓴ ᐅᒋᓴᐃᒥᔪᐛ ᐅᑎᔅᑯᐤ ᒋᓴᒪᓂᑐᐛ᙮

ᐊᒃᓱᑕᔅ 18:12 Iomraidhean Croise

ᒐᓂᓯᔅ 12:7

ᑎᐸᔨᒋᒐᓱᐤ ᒋ ᓄᑯᓯᔅᑐᐛᐤ ᐊᑉᕋᒪ ᑭᔭ ᒂ ᐃᑕᑦ, “ᓂᑭ ᒥᔭᐅᒡ ᒋᑦ ᐊᑐᔅᒐᔭᑭᓐᒡ ᐅᔭ ᑲᐃᓇᓐ ᐊᔅᒋᔪᐤ᙮” ᐊᑯ ᐊᑉᕋᒻ ᒂ ᐃᑐᑎᒧᐛᑦ ᑎᐸᔨᒋᒐᓱᐛ ᐱᔅᑎᓂᒐᐅᓇᐱᔅᑯᔪᐤ ᑲᒋ ᓄᑯᓯᔅᑕᑯᑦ᙮

ᒐᓂᓯᔅ 26:25

ᒋ ᐅᓯᑕᐤ ᐊᓐᑕ ᐊᐃᓯᒃ ᐱᔅᑎᓂᒐᐅᓇᐱᔅᑯᔪᐤ ᑭᔭ ᒋ ᓂᑐᑎᒧᐛᐤ ᑎᐸᔨᒋᒐᓱᐛ᙮ ᐊᑯᑕ ᑲ ᒪᓂᑲᓱᒡ ᑭᔭ ᐅᑦ ᐊᐱᒋᐊᑭᓇ ᑲ ᒧᓇᐊᒥᔨᒋ ᒧᓇᐃᐸᓂᔪᐤ᙮

ᒐᓂᓯᔅ 26:30

ᐊᐃᓯᒃ ᒋ ᐃᑐᑐᐛᐤ ᐅᑦ ᐊᐱᒋᐊᑭᓇ ᒐ ᐊᔭᔅᑯᔅᑕᔨᒋ ᒐ ᒥᒋᓱᓇᓄᐎᒡ, ᐊᑯ ᐎᔾ ᑭᔭ ᐅᒪᓐᑕᒪ ᒂ ᒥᒋᓱᒡ᙮

ᒐᓂᓯᔅ 31:54

ᐊᑯ ᒐᑭᑉ ᒂᓂᐸᐊᑦ ᐊᐛᓯᓴ ᑭᔭ ᒂ ᒥᑐᔅᑕᐊᒪᒐᑦ ᐊᓐᑕ ᐱᔅᑯᑎᓇᒡ, ᐊᑯ ᒂ ᓂᑐᒪᑦ ᐎᐧᑲᓂᓴ ᒐᒋ ᒥᒋᓱᔨᒋ᙮ ᑲᒋ ᒥᒋᓱᐅᒡ, ᒋ ᐸᐃᑯᑎᐱᔎᐅᒡ ᐊᓐᑕ ᐱᔅᑯᑎᓇᒡ᙮

ᒐᓂᓯᔅ 4:4

ᐊᐳᓪ ᑭᔭ ᐎᔾ ᒋ ᐸᓱᐛᐤ ᐱᔅᒐ ᐊᔭᐱᓯᓯᔨᒋ ᓂᔅᑎᒻ ᑲ ᑕᔨᒋ ᐅᒪᔭᑕᓂᓯᒪ ᑭᔭ ᒂ ᓂᐸᐊᑦ ᑭᔭ ᒋ ᒥᔭᐤ ᑎᐸᔨᒋᒐᓱᐛ ᐊ ᐎᔪᔨᒋ ᒧᔭᒻ ᐱᔅᑎᓂᒐᐅᓂᔪᐤ᙮ ᑎᐸᔨᒋᒐᓱᐤ ᒋ ᒥᔽᔨᑕᒥᑯᐤ ᐊᐳᓚ ᑭᔭ ᐅᐱᔅᑎᓂᒐᐅᓂᔪᐤ,

ᒐᓂᓯᔅ 43:25

ᒪᒂᒡ ᐎᐧᑲᓂᓯᒪᐅᒡ ᐊ ᐊᓱᐛᐱᒪᒡ ᒍᓯᐸ ᒐᒋ ᑎᑯᓯᓂᔨᒋ, ᒋ ᒧᓴᔅᑕᐅᒡ ᒥᔨᐛᐅᓇ ᑲ ᐸᑐᐛᒡ᙮

ᒐᓂᓯᔅ 8:20

ᒋ ᐃᑐᑎᒧᐛᐤ ᓄᐛ ᐅᑎᐸᔨᒋᒐᐛ ᐱᔅᑎᓂᒐᐅᓇᐱᔅᑯᔪᐤ ᑭᔭ ᒂ ᓂᐸᐊᑦ ᐊᓐᑕ ᐱᔅᒐ ᐊ ᒥᔪᓯᔨᒋ ᐊᐛᓯᓴ ᑭᔭ ᐱᔭᓱᐛ ᑭᔭ ᒋ ᒥᑐᔅᑕᐊᒪᒐᐤ ᐱᔅᑎᓂᒐᐅᓇᐱᔅᑯᒡ ᐊ ᓂᑐᑎᒪᑦ᙮

ᐊᒃᓱᑕᔅ 18:13

ᐎᔭᐱᓂᔨᒡ ᒧᓱᔅ ᒋ ᐎᒋᐊᐤ ᐃᔅᕋᐃᓪ ᐃᔪᐛ ᒐᒋ ᓇᐃᐱᑕᑦ ᐊ ᒪᒥᒋᐱᔨᑐᐎᒋ᙮ ᑲ ᑎᐸᔅᑯᓂᒐᔅᑦ ᒋ ᐃᑕᐱᑎᓯᔪᐤ, ᐅᑎᔅᑯᐤ ᐊᓂᐳᔅᑕᑯᑦ ᐊ ᒐᒋᓴᐸᔨᒡ ᐃᔅᐱᔅ ᐊ ᐅᑕᑯᓯᔨᒡ᙮

ᐊᒃᓱᑕᔅ 2:16

ᐊᑯ ᐊᔭᒥᐊᐅᒋᒪᐤ ᐊᓐᑕ ᒥᑎᐊᓐ, ᒐᑎᕈᐤ ᑲ ᐃᓯᓂᐧᑲᓱᑦ, ᓂᔄᐅᑕᒡ ᒋ ᐃᑕᑎᓯᔪᐛ ᐅᑕᓂᓴ, ᑭᔭ ᒂ ᑎᑯᓯᓂᔨᒋ ᐊᓐᑕ ᐅᑕᐃᐸᓂᒡ ᒐᒋ ᒥᓇᔨᒋ ᐊᓂᔭ ᐅᑕᐎᐛᐛ ᐅᒪᔭᑕᓂᓯᒥᔪᐛ᙮

ᐊᒃᓱᑕᔅ 2:20

ᒂ ᐊᑎ ᑯᒂᒋᒪᑦ ᐅᑕᓂᓴ, “ᑕᓐᑕ ᐊ ᑕᑦ ? ᐊᑯ ᒐᒂᓂᔪᐤ ᐛᒋ ᓂᑭᑕᒄ ? ᒪᒋᒄ, ᒐ ᐎᓴᒪᒄ ᒐᒋ ᓇᒋ ᐅᑕᑯᓯᐅᒥᒋᓱᑦ᙮”

ᐊᒃᓱᑕᔅ 20:24

ᒐ ᐛᓯᑕᔭᒄ ᐱᔅᑎᓂᒐᐅᓇᐱᔅᒄ ᐊᔅᒋᒡ ᐅᒡ ᑭᔭ ᒐ ᐱᔅᑎᓇᑯᒡ ᐊᓐᑕ ᒪᔭᑕᓂᓯᒡ, ᑲ ᐅᑦ ᐊᔅᑭᓂᓯᒡ ᑭᔭ ᒥᔅᑐᓯᒡ ᒥᑐᔅᑕᐊᒪᒐᐅᓇ ᒥᓯᐛ ᒐᒋ ᐃᔎᓱᒡ ᑭᔭ ᒧᔭᒻ ᒋᔭᒪᔨᑎᒧᐅ ᐱᔅᑎᓂᒐᐅᓇ᙮ ᑕᓐᑕ ᒥᒄ ᒐ ᐎᔭᔨᑎᒪᓐ ᒐᒋ ᐊᔭᒥᐊᔅᑕᑯᐅᔭᓐ, ᓂᑭ ᑎᑯᓯᓐ ᒐᒋ ᓱᐛᑕᑯᐎᑎᑯᒡ᙮

ᐊᒃᓱᑕᔅ 24:11

ᐊᑯ ᒋᓴᒪᓂᑐᐤ ᓇᒪ ᐅᒋ ᐊᓏᔨᒪᐤ ᐊᓂᔭ ᐅᒋᒪᐛ ᐊᑎᓱᐧᒄ ᒋ ᐛᐱᒥᑯᑦ᙮ ᐊᑯ ᒪᒧᐤ ᒋ ᒥᒋᓱᐅᒡ ᑭᔭ ᒋ ᒥᓄᐅᒡ᙮

ᐊᒃᓱᑕᔅ 24:5

ᒋ ᐃᑎᓴᐛᐤ ᐱᔅᒐ ᐅᔅᒋᓂᒋᓱᐛ ᒐᒋ ᒥᑐᔅᑕᐊᒪᒐᔨᒋ ᒥᔨᐛᐅᓇ ᑭᔭ ᒥᔅᑐᓴ ᒐᒋ ᐱᔅᑎᓂᒧᐛᔨᒋ ᑎᐸᔨᒋᒐᓱᐛ ᒧᔭᒻ ᐊ ᒋᔅᑕᔨᑕᑯᓂᔨᒡ ᐱᔅᑎᓂᒐᐅᓂᔪᐤ᙮

ᐊᒃᓱᑕᔅ 3:1

ᐸᐃᒂᐤ ᒐᓯᑲᔨᒡ, ᒧᓱᔅ ᒋ ᑭᓄᐛᔨᒪᐤ ᐅᒋᓴᐃᔨᒪ ᒐᑦᕈᐛ, ᒥᑎᐊᓐ ᐊᔭᒥᐊᐅᒋᒪᐛ, ᐅᒪᔭᑕᓂᓯᒥᔪᐛ᙮ ᐊᑎᒪᐱᓯᒧᒡ ᐃᑕᒐ ᐸᐧᑯᑎᔅᑭᒥᑲᒡ ᐊᑲᒥᒡ ᒋ ᐃᑐᑕᐤ ᑭᔭ ᒂ ᐅᑎᑕᐧᒃ ᓴᐃᓇᐃ, ᑲ ᐸᔭᒋᓯᐤ ᐱᔅᑯᑎᓇᔪᐤ᙮

ᐊᒃᓱᑕᔅ 33:7

ᐃᔅᐱ ᒥᔭᓂᑲᓱᑥᐎ ᐃᔅᕋᐃᓪ ᐃᔪᒡ, ᒧᓱᔅ ᒋ ᐅᑎᓂᒻ ᑲ ᐸᔭᐧᑭᓂᔨᒡ ᐱᒍᐎᔭᓂᒋᐛᐱᔪᐤ ᑭᔭ ᐛᔪᐎᔅ ᐊᓐᑕ ᐛᒋᓇᓄᐎᒡ ᐅᒡ ᒋ ᒋᒥᑕᐤ᙮ ᐊᑯ ‘ᑲ ᓂᒋᔅᑲᑎᓇᓄᐅᒡ ᐸᔭᒋ ᐱᒍᐎᔭᓂᒥᒋᐛᑉ,’ ᒋ ᐃᓯᓂᐧᑲᑎᒻ᙮ ᒥᒄ ᐊᐛᓐ ᐛ ᐃᔨᒪᐊᑦ ᑎᐸᔨᒋᒐᓱᐛ ᐊᑯᑕ ᑲ ᐃᑐᑕᑦ᙮

ᓗᒃ 14:1

ᐸᐃᒂᐤ ᒪᒃ ᐊ ᒍᐤ ᐊᔭᒥᐊᐅᒋᓯᑲᔨᒡ ᒋᓴᔅ ᒋ ᐃᑐᑕᐤ ᒐᒋ ᒥᒋᓱᐛᑦ ᐊᓐᑕ ᐎᒋᔨᒡ ᐊᓂᔭ ᐸᐃᒄ ᑲ ᓂᑲᓇᔨᑕᑯᓯᔨᒋ ᐸᕆᓯᐊ᙮ ᐊᑯ ᒪᒃ ᒋ ᑕᐅᒡ ᐊᓐᑕ ᐃᔪᒡ ᓇᔅᒡ ᐊ ᓂᓇᑭᑐᐛᔨᒪᒡ ᒋᓴᓴ ᒐ ᐃᑎᒂᓂ᙮

ᓗᒃ 14:15

ᒋ ᑕᔪᐛ ᓇᐸᐛ ᐊ ᐎᑎᐱᒥᑯᑦ ᐅᑎᐸᔨᒋᒐᐤ ᐊᓐᑕ ᒥᒋᓱᐛᑭᓇᑎᑯᒡ᙮ ᐸᐃᒄ ᒪᒃ ᐊᓂᔭ ᓇᐸᐛ, ᐃᔅᐱ ᐱᔭᑎᒥᔨᒋ ᐊᓂᔭ ᑲ ᐃᔅᒋᔄᑦ, ᒋ ᐃᑎᑯᐤ, “ᐊᔪᐛᒡ ᓱᐛᔨᑕᑯᓱᐅᒡ ᐊᓐᒡ ᒐ ᒥᒋᓱᒡ ᐊᓐᑕ ᒋᓴᒪᓂᑐᐛ ᐅᒋᓴᐅᒋᒪᐅᓂᒡ ᒥᑯᓴᓄᔨᒐ᙮”

1 ᑯᕆᓐᑎᔭᓇ 10:18

ᒪᒥᑐᓇᔨᑎᒧᒄ ᒪ ᑕᓐ ᐊᔅᒄ ᐊ ᐃᑕᔨᑕᒂᒡ ᐊᓐᑕ ᒍᐤ ᐃᔪᒡ ᐊ ᑕᒡ᙮ ᒥᓯᐛ ᐊᓐᒡ ᑲ ᒥᒋᒡ ᐎᔭᓯᔪᐤ ᑲ ᒥᑐᔅᑕᐊᒧᐛᑭᓄᔨᒋ ᒋᓴᒪᓂᑐᐛ ᐊᐅᒄ ᐊᓐᒡ ᐊ ᒪᒧᐤ ᐊᑐᔅᑯᐛᒡ ᒋᓴᒪᓂᑐᐛ᙮

1 ᑯᕆᓐᑎᔭᓇ 10:21

ᓇᒪ ᑕᐱᔅᑯᓐ ᒋᐸ ᐅᒋ ᒥᓐᓇᐛᐤ ᐊᓐ ᒥᓂᒂᑭᓐ, ᐊᓐ ᑲ ᐅᒋ ᒥᓐᓇᓄᐅᒡ ᐊ ᒋᔅᒋᑐᐛᑭᓄᐅᑦ ᐅᑎᐸᔨᒋᒐᐤ ᐊᒋ ᓂᐱᔅᑎᒪᑕᒄ, ᑭᔭ ᐊᓐ ᒥᓂᒂᑭᓐ ᑲ ᐊᐱᑎᒡ ᒥᒋ ᐊᒐᐧᑯᒡ ᐊ ᒥᑐᔅᑕᐊᒧᐛᑭᓄᐎᒡ᙮ ᓇᒪ ᒋᐸ ᐅᒋ ᑯᒥᓂᐅᓇᐛᐤ ᐊᑯ ᑭᔭ ᒐᒋ ᒥᒋᔭᒄ ᑕᓐ ᐊ ᐃᓯ ᒥᑐᔅᑕᐊᒧᐛᑭᓄᐎᒡ ᒥᒋ ᐊᒐᐧᑯᒡ᙮

1 ᑯᕆᓐᑎᔭᓇ 10:31

ᒪᐅ ᒋᐸ ᐃᑎᓇᐛᐤ᙮ ᒥᓯᐛ ᒐᒂᓐ ᐊ ᐃᑎᔭᒄ, ᐊ ᒥᒋᓱᔭᒄ ᑭᔭ ᒪᒃ ᐊ ᒥᓂᔭᒄ, ᒋᐸ ᐃᑐᑕᓇᐛᐤ ᒋᓴᒪᓂᑐᐤ ᒥᒄ ᒐᒋ ᒋᔅᑕᔨᒪᑭᓄᐅᑦ᙮