ᐊᒃᓱᑕᔅ 16:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᒧᓱᔅ ᐃᔭᐱᒡ ᒋ ᐃᔅᒋᔄᐤ, “ᐎᔾ ᐊᓐ ᑎᐸᔨᒋᒐᓱᐤ ᒐ ᒥᔨᑕᒄ ᐎᔭᓯᔪᐤ ᒐ ᒥᒍᐛᒄ ᐛᑕᑯᓯᔨᒋ ᑭᔭ ᒪᒃ ᐊᔅᐱᔅ ᓂᑐᐛᔨᑎᒺᒄ ᒥᒋᒥᔪᐤ ᒋᔭᒋᓴᐸᔭᔨᒋ, ᐛᔅ ᒋ ᐸᑎᒻ ᑕᓐ ᑲ ᐃᔅᐱᔅ ᐊᓏᔨᒐᔭᒄ, ᐎᔾ ᐊᓐ ᑕᑈ ᑎᐸᔨᒋᒐᓱᐤ ᔅᒋ ᐊᓏᔨᒪᐛᐤ, ᓇᒪᔭᐤ ᓂᔭᓐ᙮”

ᐊᒃᓱᑕᔅ 16:8 Iomraidhean Croise

ᐊᒃᓱᑕᔅ 16:12

“ᓂᒋ ᐸᑎᒺᓐ ᐊᓏᔨᒐᒡ ᐃᔅᕋᐃᓪ ᐃᔪᒡ᙮ ᒐ ᐃᑎᑥᐤ, ‘ᐎᔭᔅ ᒋᑭ ᒥᒋᓇᐛᐤ ᐊᓯᑯᒻ ᐅᑕᑯᓯᔪᐛ ᑭᔭ ᒋᑭ ᐃᔅᐱᔨᑯᓇᐛᐤ ᐸᒂᓯᑭᓐ ᒋᔭᒋᓴᐸᔭᒋ᙮ ᐊᑯ ᒐᔅᒐᔨᒥᔭᒄ ᓂᔾ ᐊᐅᒄ ᑎᐸᔨᒋᒐᓱᐤ ᒋᒋᓴᒪᓂᑐᒧᐛᐤ᙮’ ”

ᐊᒃᓱᑕᔅ 16:9

ᐊᑯ ᒧᓱᔅ ᐊᑕᑦ ᐊᕋᓇ, “ᒐ ᐃᑎᑥᐤ ᒥᓯᐛ ᐃᔅᕋᐃᓪ ᐃᔪᒡ, ‘ᐸᑐᑕᒄ ᒐ ᐅᑎᔅᑯᑲᐳᔅᑐᐛᒄ ᑎᐸᔨᒋᒐᓱᐤ, ᐛᔅ ᒋ ᐸᑎᒻ ᑲ ᐊᓏᔨᒐᔭᒄ᙮’ ”

ᐊᒃᓱᑕᔅ 17:2

ᐊᑯ ᐃᔪᒡ ᒂ ᐊᓏᔨᒪᒡ ᒧᓱᓴ ᐊ ᐃᑕᒡ, “ᐸᒋ ᒥᔨᓇᓐ ᓂᐱᔾ ᒐ ᒥᓂᔭᒡ᙮” ᐊᑯ ᒧᓱᔅ ᐊᑕᑦ, “ᒐᒂᓐ ᐛᒋ ᐊᓏᔨᒥᔭᒄ ? ᒐᒂᓐ ᐛᒋ ᑯᒂᒐᐊᒄ ᑎᐸᔨᒋᒐᓱᐤ ?”

ᒪᑎᔪᐤ 10:40

“ᐊᐛᓐ ᐊ ᐱᑎᑲᐃᑕᒄ ᓂᔾ ᑭᔭ ᓂᐱᑎᑲᐃᒄ, ᐊ ᐱᑎᑲᐃᑦ ᒪᒃ ᐅᑎᓇᐤ ᐊᓂᔭ ᐊᐛᔪᐛ ᑲ ᐸᒋ ᐃᑎᓴᐅᔨᒋ᙮

ᒪᑎᔪᐤ 9:4

ᒋᓴᔅ ᒪᒃ ᒋᔅᒐᔨᒪᐤ ᑕᓐ ᐊ ᐃᓯ ᒪᒥᑐᓇᔨᑎᒥᔨᒋ ᐊᑯ ᐊᑕᑦ, “ᑕᓇᒡ ᐛᒋ ᒥᒋ ᒪᒥᑐᓇᔨᑎᒪᒄ ᒋᑕᐃᐛᒡ ?

ᓗᒃ 10:16

ᐊᑯ ᒋᓴᔅ ᒂ ᐃᑕᑦ ᐅᒋᔅᒋᓄᐊᒧᐛᑭᓇ, “ᐊᐛᓐ ᑲ ᓂᑐᑕᑕᒄ ᒧᔭᒻ ᓂᔾ ᐊ ᐸᒋ ᓂᑐᑐᐅᑦ ᐊᐅᑯᓐ ᐊ ᐃᓯᓇᑯᓯᑦ᙮ ᐊᐛᓐ ᒪᒃ ᑲ ᐊᑐᐛᔨᒥᑕᒄ ᒧᔭᒻ ᓂᔾ ᐊ ᐊᑐᐛᔨᒥᑦ ᐊᐅᑯᓐ ᐊ ᐃᓯᓇᑯᓯᑦ᙮ ᐊᑯ ᐊᐛᓐ ᑲ ᐊᑐᐛᔨᒥᑦ ᒧᔭᒻ ᐊ ᐊᑐᐛᔨᒪᑦ ᒋᓴᒪᓂᑐᐛ, ᐊᓂᔭ ᑲ ᐸᒋ ᐃᑎᓴᐅᔨᒋ, ᐊᐅᑯᓐ ᐊ ᐃᓯᓇᑯᓯᑦ᙮”

ᒠᓐ 13:20

ᑯᐃᔅᒄ ᒋ ᐎᑎᒪᑎᓇᐛᐤ, ᐊᓐ ᐊᐛᓐ ᒐ ᐱᓯᒋᐊᒂ ᐊᓂᔭ ᐊᐛᔪᐛ ᒐ ᐃᑎᓴᐅᒥᒋ ᓂᐱᓯᒋᐃᒄ ᑭᔭ ᓂᔾ᙮ ᐊᓐ ᒪᒃ ᐊᐛᓐ ᑲ ᐱᓯᒋᐃᑦ ᐱᓯᒋᐊᐤ ᐊᓂᔭ ᐊᐛᔪᐛ ᑲ ᐸᒋ ᐃᑎᓴᐅᔨᒋ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 13:2

ᐊᐅᒄ ᐛᒋ ᐃᓯᓇᑯᓂᔨᒡ ᐊᐛᓐ ᐊ ᓂᔅᑯᔅᑕᐧᒃ ᑎᐸᔨᒐᐅᓂᔪᐤ ᓂᔅᑯᔅᑎᒻ ᒐᒂᔪᐤ ᒋᓴᒪᓂᑐᐛ ᐊᒋ ᐃᑎᓱᐛᑎᒥᔨᒋ ᒐᒋ ᑎᑯᓂᔨᒡ᙮ ᓂᔅᑯᔅᑕᒐ ᒪᒃ ᐊᐛᓐ ᑎᐸᔨᒐᐅᓂᔪᐤ ᒋᑭ ᐃᑐᑕᓱᐤ ᒐᒋ ᐃᓯᓇᑯᓂᔨᒡ ᒐᒋ ᐛᐛᓯᐊᑭᓄᐅᑦ᙮

1 ᑯᕆᓐᑎᔭᓇ 10:10

ᑭᔭ ᐊᑲᐎᔾ ᒋᑭ ᐅᒋ ᒪᒪᒡ ᐃᔅᒋᔄᓇᓄᐤ ᒧᔭᒻ ᐱᔅᒐ ᐊᓐᒡ ᐃᔪᒡ ᑲ ᐃᑎᒡ᙮ ᐊᓐᒋᓇ ᒪᒃ ᑲ ᓂᐸᐃᐛᔨᒋ ᒋ ᓂᓱᐅᓇᒋᐃᑯᐅᒡ᙮

1 ᑕᓴᓗᓂᔭᓇ 4:8

ᐊᐛᓐ ᒪᒃ ᐊᑲ ᐊᐱᑕᔨᑎᒧᒂ ᐅᔭ ᒋᔅᑯᑎᒪᒐᐅᓂᔪᐤ ᓇᒪᔭᔪᐛ ᓇᐸᐛ ᐊᑲ ᐊᐱᑕᔨᒪᑦ᙮ ᒋᓴᒪᓂᑐᐛ, ᐊᓂᔭᔪᐛ ᑲ ᒥᔨᑯᑦ ᑲ ᐸᔭᒋᓯᔨᒋ ᐊᒐᒂ ᐊᐅᑯᓐ ᐊᓂᔭᔪᐛ ᓇᒪ ᐊᐱᑕᔨᒪᐤ᙮