ᐊᒃᓱᑕᔅ 16:6 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶ ᐊᑯ ᒧᓱᔅ ᑭᔭ ᐊᕋᓐ ᐊᔨᑕᒡ ᒥᓯᐛ ᐃᔅᕋᐃᓪ ᐃᔪᐛ, “ᐅᑕᑯᓯᔨᒐ ᒋᑭ ᒋᔅᒐᔨᑕᓇᐛᐤ ᐎᔾ ᐊᓐ ᑎᐸᔨᒋᒐᓱᐤ ᑲ ᐸᒋ ᐎᐎᑕᐃᑕᒄ ᐃᒋᑉᑎᒡ ᐅᒡ᙮

ᐊᒃᓱᑕᔅ 16:6 Iomraidhean Croise

ᑎᐱᑦ ᐅᓂᑭᒧᐅᓇ 77:20

ᔅᒋ ᐱᒧᑕᐊᐅᒡ ᒋᑦ ᐃᔨᒥᒡ ᒧᔭᒻ ᒪᔭᑕᓂᓯᒡ, ᐅᑎᒋᐛᒡ ᐅᒋ ᒧᓱᔅ ᑭᔭ ᐊᕋᓐ᙮

ᑎᐱᑦ ᐅᓂᑭᒧᐅᓇ 81:11

ᒪᒃ ᓂᑦ ᐃᔨᒥᒡ ᓇᒪᐎᔾ ᓂ ᐅᒋ ᓂᑐᑕᑯᒡ; ᐃᔅᕋᐃᓪ ᒪᒃ ᓇᒪ ᓂ ᐅᒋ ᓂᑐᐛᔨᒥᒃ᙮

ᐊᒃᓱᑕᔅ 12:51

ᑭᔭ ᓇᐊᐤ ᐊᓂᔭ ᒋᓯᑯᔪᐤ ᑎᐸᔨᒋᒐᓱᐤ ᒂ ᐎᐎᑕᐊᑦ ᐃᔅᕋᐃᓪ ᐃᔪᐛ ᐊᓐᑕ ᐃᒋᑉᑎᒡ ᐅᒡ᙮

ᐊᒃᓱᑕᔅ 16:3

ᐊ ᐃᑕᒡ, “ᑭᒪ ᒋ ᓂᐸᐃᒥᑎᑕᒂ ᑎᐸᔨᒋᒐᓱᐤ ᐊᓐᑕ ᐃᒋᑉᑎᒡ ! ᐃᔅᐱ ᐊᓐᑕ ᑲ ᐎᒋᔭᒡ, ᐊᔪᐛᒡ ᓂᒋ ᐛᔅᑲᐱᔅᑕᓇᓐ ᐊᔅᒋᒂ ᐊ ᓴᑭᔅᒋᓇᒡ ᐎᔭᔅ ᑭᔭ ᓂᒋ ᒥᒋᓇᓐ ᒥᒋᒻ ᒥᒄ ᐊᔅᐱᔅ ᓂᑐᐛᔨᑎᒪᒡ, ᒥᒄ ᔅᒋ ᐸᓱᐅᓇᓐ ᐅᑕ ᐸᐧᑯᑎᔅᑭᒥᑲᒡ ᒐᒋ ᒥᓯᐛ ᑯᐧᑭᑕᐊᔭᒡ᙮”

ᐊᒃᓱᑕᔅ 16:8

ᒧᓱᔅ ᐃᔭᐱᒡ ᒋ ᐃᔅᒋᔄᐤ, “ᐎᔾ ᐊᓐ ᑎᐸᔨᒋᒐᓱᐤ ᒐ ᒥᔨᑕᒄ ᐎᔭᓯᔪᐤ ᒐ ᒥᒍᐛᒄ ᐛᑕᑯᓯᔨᒋ ᑭᔭ ᒪᒃ ᐊᔅᐱᔅ ᓂᑐᐛᔨᑎᒺᒄ ᒥᒋᒥᔪᐤ ᒋᔭᒋᓴᐸᔭᔨᒋ, ᐛᔅ ᒋ ᐸᑎᒻ ᑕᓐ ᑲ ᐃᔅᐱᔅ ᐊᓏᔨᒐᔭᒄ, ᐎᔾ ᐊᓐ ᑕᑈ ᑎᐸᔨᒋᒐᓱᐤ ᔅᒋ ᐊᓏᔨᒪᐛᐤ, ᓇᒪᔭᐤ ᓂᔭᓐ᙮”

ᐊᒃᓱᑕᔅ 32:1

ᐃᔅᐱ ᐃᔪᒡ ᒐ ᒋᔅᒐᔨᒪᒡ ᒧᓱᓴ ᐊᔅᐱᔅ ᐊᑲ ᓇᐅᔅ ᓂᑎᒋᐛᔨᒋ ᐱᔅᑯᑎᓇᒡ ᐅᒡ, ᒋ ᓂᑐᐛᐱᒪᐅᒡ ᐊᕋᓇ ᑭᔭ ᒂ ᐃᑕᒡ, “ᐅᓯᑎᒧᐅᓇᓐ ᒥᓂᑐᐧᑲᓐ ᒐ ᓂᑲᓂᔅᑯᐎᒥᑦ᙮ ᐛᔅ ᐅᐛ ᒧᓱᔅ ᑲ ᐸᒋ ᐎᐎᑕᔨᒥᑦ ᐃᒋᑉᑎᒡ ᐅᒡ, ᓇᒪ ᓂ ᒋᔅᒐᔨᒪᓇᓐ ᑕᓐ ᐊᑎᑦ᙮”

ᐊᒃᓱᑕᔅ 32:11

ᒥᒄ ᒧᓱᔅ ᒋ ᓂᑐᑎᒧᐛᐤ ᐅᒋᓴᒪᓂᑐᒪ ᑎᐸᔨᒋᒐᓯᐛ ᐊ ᐃᑕᑦ, “ᐅᑎᐸᔨᒋᒐᐤ, ᒐᒂᓐ ᒋᐸ ᐅᒋ ᒋᔄᐱᔅᑐᐛᐅᒡ ᒋᑦ ᐃᔨᒥᒡ, ᐊᓐᒡ ᐃᒋᑉᑎᒡ ᑲ ᐅᒋ ᐎᐎᑕᐃᑥᐤ ᒋᓱᐧᑲᑎᓯᐅᓂᒡ ᐅᒡ ?

ᐊᒃᓱᑕᔅ 32:7

ᐊᑯ ᑎᐸᔨᒋᒐᓱᐤ ᐊᑕᑦ ᒧᓱᓴ, “ᓂᑎᒋᐛ, ᐛᔅ ᒋᑦ ᐃᔨᒥᒡ ᐊᓐᒡ ᐃᒋᑉᑎᒡ ᑲ ᐅᒋ ᐎᐎᑕᐃᑥᐤ, ᓴᔅ ᒥᒐᑎᓯᐅᒡ᙮

ᐊᒃᓱᑕᔅ 6:6

“ᐊᐅᑯᐤ ᒐ ᐃᑎᑥᐤ ᐃᔅᕋᐃᓪ ᐃᔪᒡ, ‘ᓂᔾ ᐅ ᑎᐸᔨᒋᒐᓱᐤ᙮ ᑭᔭ ᓂᓱᐧᑲᑎᓯᐅᓐ ᐅᒡ ᓂᑭ ᐊᓏᔨᒪᐅᒡ ᐃᒋᑉᑦ ᐃᔪᒡ ᑭᔭ ᒋᑭ ᐱᐧᑯᐃᑎᓇᐛᐤ ᐊ ᓂᓇᐧᑲᒋᐃᑯᐅᔭᒄ ᐊᓐᑕ ᐃᒋᑉᑎᒡ᙮

ᐊᒃᓱᑕᔅ 6:7

ᒋᑭ ᐅᑎᓂᑎᓇᐛᐤ ᒧᔭᒻ ᓂᑦ ᐃᔨᒥᒡ ᑭᔭ ᓂᔾ ᒋᑭ ᐅᒋᓴᒪᓂᑐᒥᑐᓇᐛᐤ, ᐊᑯ ᒐ ᒋᔅᒐᔨᑎᒪᒄ ᓂᔾ ᐅ ᑎᐸᔨᒋᒐᓱᐤ, ᐊᓐ ᐊᐛᓐ ᑲ ᐱᐧᑯᐎᑕᒄ ᐃᒋᑉᑦ ᐃᔪᐛ ᐅᒡ᙮