ᐊᒃᓱᑕᔅ 15:21 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²¹ ᑭᔭ ᒂ ᓂᑭᒧᑐᐛᑦ ᐃᔎᐛ ᐅᔭ ᓂᑭᒧᐅᓂᔪᐤ: “ᓂᑭᒧᑐᐛᐧᒄ ᑎᐸᔨᒋᒐᓱᐤ, ᐛᔅ ᒋ ᓴᐧᑯᒋᐃᐛᐤ ᒋᔅᑕᔨᑕᑯᓯᐅᓂᒡ, ᐎᓇᐸᑯᒡ ᒋ ᐃᓯ ᐛᐱᓇᐤ ᑲᐸᐃᑭᔎᐛ ᑭᔭ ᐊᓂᔭ ᑲ ᑕᑎᐱᔨᒋ᙮”

ᐊᒃᓱᑕᔅ 15:21 Iomraidhean Croise

ᑎᐱᑦ ᐅᓂᑭᒧᐅᓇ 76:6

ᐊᒋ ᒋᑕᐊᒪᒐᔨᓐ, ᐅᒋᓴᒪᓂᑐᒪ ᒐᑭᑉ, ᒧᔭᒻ ᑎᑎᐱᑕᐸᓇᔅᒄ ᑭᔭ ᑲᐸᐃᑭᔎᐤ ᒋ ᓂᔅᐱᑎᒂᒥᐊᐅᒡ᙮

ᐊᒃᓱᑕᔅ 15:1

ᒧᓱᔅ ᑭᔭ ᐃᔅᕋᐃᓪ ᐃᔪᒡ ᒂ ᓂᑭᒧᑐᐛᒡ ᑎᐸᔨᒋᒐᓱᐛ: “ᓂᑭ ᓂᑭᒧᑐᐛᐤ ᑎᐸᔨᒋᒐᓱᐤ, ᐎᔾ ᐊᒋ ᓴᐧᑯᒋᐃᐛᑦ ᒋᔅᑕᔨᑕᑯᓯᐅᓂᒡ, ᐎᓇᐸᑯᒡ ᒋ ᐃᓯ ᐛᐱᓇᐤ ᑲᐸᐃᑭᔎᐛ ᑭᔭ ᐊᓂᔭ ᑲ ᐳᓯᔨᒋ᙮

ᐊᒃᓱᑕᔅ 15:4

ᐎᓂᐸᑯᒡ ᒋ ᐃᓯ ᐛᐱᓂᒺᐤ ᒋᓴᐅᒋᒪᐛ ᐅᓂᑐᐱᔪᐅ-ᐃᔨᒥᒧᐛᐛ ᑭᔭ ᐅᑎᑎᐱᑕᐸᓇᔅᑯᒥᔪᐛ᙮ ᐛᒋ ᐱᑯᑕᔨᒋ ᐅᑦ ᐊᓯᒪᑭᓂᓯᒪ ᒋ ᑯᓴᐸᔪᐛ ᐊᓐᑕ ᒥᒂᑭᒥ ᐎᓂᐸᑯᒡ᙮

ᒋᔅᒐᔨᑕᑯᑕᒐᐅᓐ 14:3

ᓂᒋ ᐛᐱᒪᐅᒡ ᒪᒃ ᐊᓐᒡ ᐸᐃᑯ ᒥᑕᓯᒥᑎᓄᐤ ᐊᓱ ᓇᐎᔪᐤ ᐊᓱ ᓇᐛᐤ ᒐᓯᐱᔪᐤ ᐊ ᐃᑕᑎᓯᒡ ᐊᐛᓐᒋ ᐊ ᐅᑎᔅᑯᑲᐳᔅᑎᒺᒡ ᒋᓴᒪᓂᑐᐛ ᐅᒋᓴᐅᒋᒪᐤ ᑕᑎᐳᐛᑭᓂᔪᐤ ᑭᔭ ᐊᓂᔭᔪᐛ ᓂᓱᔪᐤ ᐊᓱ ᓇᐤ ᑲ ᒋᔅᑕᔨᑕᑯᓯᔨᒋ ᒋᓴᐃᔪᐛ ᐊ ᐅᑎᔅᑯᑲᐳᔅᑐᐛᒡ ᑭᔭ ᐊᓂᔭ ᑲ ᓇᐎᔨᒋ ᑲ ᐱᒪᑎᓯᔨᒋ ᐊᐛᔪᐛ᙮ ᐊ ᐅᔅᑲᔨᒡ ᓂᑭᒧᐅᓂᔪᐤ ᒋ ᓂᑭᒧᐅᒡ᙮ ᓇᒪ ᒪᒃ ᑯᑎᑲ ᐊᐛᔪᐛ ᒋᑭ ᒋ ᒋᔅᒐᔨᑎᒥᔪᐛ ᐊᓂᔭ ᓂᑭᒧᐅᓂᔪᐤ ᑲ ᓂᑭᒧᐅᒡ, ᒥᒄ ᐎᔨᐛᐤ ᐊᓐᒡ ᐸᐃᑯ ᒥᑕᓯᒥᑎᓄᐤ ᐊᓱ ᓇᐎᔪᐤ ᐊᓱ ᓇᐛᐤ ᒐᓯᐱᔪᐤ ᐊ ᐃᑕᑎᓯᒡ᙮ ᐛᔅ ᐊᐅᑯᓐᒡ ᐅᒡ ᑲ ᐱᒪᒋᐃᑯᒡ ᒋᓴᒪᓂᑐᐤ ᐊᔅᒋᒡ ᐅᒡ᙮

ᒋᔅᒐᔨᑕᑯᑕᒐᐅᓐ 15:3

ᒋ ᓂᑭᒧᐅᒡ ᒪᒃ ᒧᓱᓴ ᐅᓂᑭᒧᐅᓂᔪᐤ᙮ ᐊᐅᒄ ᐅ ᒧᓱᔅ ᒋᓴᒪᓂᑐᐛ ᑲ ᐅᑦ ᐊᐱᒋᐊᑭᓂᑐᑕᑯᑦ᙮ ᐅᔭ ᒪᒃ ᐅᓂᑭᒧᐅᓂᔪᐤ ᒋ ᓂᑭᒧᐅᒡ ᐊ ᒋᔅᑕᒋᒪᒡ ᒪᔭᑕᓂᓴ᙮ ᐊᐅᒄ ᐅᔭ ᑲ ᐃᓯ ᓂᑭᒧᒡ, “ᐅᑎᐸᔨᒋᒐᐤ ᒋᓴᒪᓂᑐᐤ ᒋᔾ ᒪᐅᒡ ᑲ ᓱᐧᑲᑎᓯᔨᓐ᙮ ᓇᔅᒡ ᑕᑈ ᒥᔽᔨᑕᑯᓐ ᑭᔭ ᒋᔅᑕᔨᑕᑯᓐ ᑕᓐ ᐊ ᐃᓯ ᐃᑐᑎᒥᓐ᙮ ᒋᔾ ᒋᒋᓴᐅᒋᒪᐅᑐᑐᐛᐅᒡ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ, ᒧᔅ ᑯᐃᔅᒄ ᒋᑦ ᐃᑎᓐ ᑭᔭ ᒧᔅ ᑕᑈᒥᑭᓐ ᑕᓐ ᐊ ᐃᔅᒋᔄᔨᓐ᙮

ᒋᔅᒐᔨᑕᑯᑕᒐᐅᓐ 5:9

ᐊᓐᒡ ᒪᒃ ᓇᐤ ᑲ ᐱᒪᑎᓯᒡ ᐊᐛᓐᒋ ᑭᔭ ᐊᓐᒡ ᓂᓱᔪᐤ ᐊᓱ ᓇᐤ ᑲ ᒋᔅᑕᔨᑕᑯᓯᒡ ᒋᓴᐃᔪᒡ, ᒋ ᓂᑭᒧᐅᒡ ᓂᑭᒧᐅᓂᔪᐤ ᐊᑲ ᓂᑕ ᐊᔅᒄ ᐅᒋ ᓂᑭᒧᓇᓄᐎᒡ᙮ ᒪᐅ ᑲ ᐃᑕᐊᒪᓱᒡ, “ᒋᔾ, ᒪᔭᑕᓂᔅ, ᒋ ᒋᔅᑕᔨᑕᑯᓯᓐ ᒐᒋ ᐅᑎᓂᒥᓐ ᐊᓐ ᒥᓯᓇᐃᑭᓐ᙮ ᒋ ᒋᔅᑕᔨᑕᑯᓯᓐ ᒐᒋ ᒥᓂᒥᓐ ᐊ ᐃᓯ ᒋᔅᑕᐸᓱᐤ ᐱᓯᒂᐃᑭᓄᐅᒡ᙮ ᐛᔅ ᒋᔾ ᔅᒋ ᓂᐸᐃᑯᐅᓐ᙮ ᒋᒥᐧᑯᒡ ᒪᒃ ᐊᑯᑕ ᑲ ᐅᒋ ᐎᐧᑯᒋᐃᑥᐤ ᐊᐛᓐᒋ ᒥᓯᐛ ᐊ ᐃᑎᔅᑲᓇᓯᒡ ᑭᔭ ᒥᓯᐛ ᐊ ᐃᓯ ᒪᒧᑕᐅᓯᒡ ᑭᔭ ᓂᓇᐧᑯᐤ ᐊ ᐃᓯ ᐃᔨᒥᒡ, ᒋᓴᒪᓂᑐᐛ ᒐᒋ ᐅᑦ ᐃᔨᒥᑐᑕᑯᒡ᙮