ᐊᒃᓱᑕᔅ 13:5 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵ ᐊᑯ ᐸᓱᐅᑕᒂ ᑎᐸᔨᒋᒐᓱᐤ ᐊᓐᑕ ᑲᐃᓇᓐ ᐃᔪᐛ, ᐊᑦ ᐃᔪᐛ, ᐊᒧᕆ ᐃᔪᐛ, ᐃᑉ ᐃᔪᐛ, ᒐᐱᐅᔅ ᐃᔪᐛ ᐅᑦ ᐊᔅᒋᔨᒡ, ᐊᓂᔭ ᐊᔅᒋᔪᐤ ᑲ ᐊᓱᑎᒧᐛᑦ ᒋᑦ ᐊᓂᔅᑯᑕᐸᓇᐛᐛ ᒐᒋ ᒥᔨᑕᒄ, ᐊᓐᑕ ᐊᔅᒋᔪᐤ ᐊ ᐛᔪᑎᓯᔨᒋ ᒋᒋᓇᐳᔭ ᑭᔭ ᑲᓯᐛᓯᐛᐳᔪᐤ, ᒐᒋ ᓇᑭᑐᐛᔨᑎᒪᒃ ᐅ ᒥᑯᓴᐅᓐ ᐅ ᐱᓯᒻ᙮

ᐊᒃᓱᑕᔅ 13:5 Iomraidhean Croise

ᒐᓂᓯᔅ 26:3

ᒐ ᑕᔨᓐ ᐅᑕ ᐊᔅᒋᒡ ᑭᔭ ᓂᑭ ᑕᓐ ᐊ ᑕᔨᓐ ᑭᔭ ᒋᑭ ᒥᔪᑐᑕᑎᓐ᙮ ᐛᔅ ᒋᔾ ᑭᔭ ᒋᑦ ᐊᓂᔅᑯᑕᐸᓐᒡ ᓂᑭ ᒥᔭᐅᒡ ᐅᔭ ᒥᓯᐛ ᐊᔅᒋᔪᐤ᙮ ᓂᑭ ᑭᓄᐛᔨᑎᒺᓐ ᓂᔅᑯᒥᑐᐅᓂᔪᐤ ᑲ ᐃᑐᑎᒧᐅᒃ ᒍᑕᐎᔾ ᐊᑉᕋᐊᒻ᙮

ᒐᓂᓯᔅ 50:24

ᒋ ᐎᓴᒪᐤ ᐎᐧᑲᓂᓴ ᒍᓯᑉ᙮ ᐃᔅᐱ ᒪᒃ ᑕᑯᓯᓂᔨᒋ ᐊᑯ ᐊᑕᑦ, “ᓴᔅ ᐎᐱᒡ ᓂᑭ ᐳᓂᐱᒪᑎᓯᓐ, ᒥᒄ ᒋᓴᒪᓂᑐᐤ ᒋᑭ ᒥᔪ ᑭᓄᐛᔨᒥᑯᐛᐤ ᑭᔭ ᒋᑭ ᒋᔅᒋᓄᑕᐃᑯᐛᐤ ᐃᒋᑉᑦ ᐊᔅᒋᒡ ᐅᒡ ᐊᓐᑕ ᐊᔅᒋᒡ ᒐ ᐃᓯ ᒋᔅᒋᓄᑕᔨᑕᒄ ᑲ ᐊᓱᑎᒧᐛᑦ ᒐᒋ ᒥᔭᑦ ᐊᑉᕋᐊᒪ, ᐊᐃᓯᑲ ᑭᔭ ᒐᑭᐸ᙮

ᐊᒃᓱᑕᔅ 12:24

ᒋᔾ ᑭᔭ ᒋᑦ ᐊᐛᓯᒥᒡ ᒋᑭ ᐎ ᓇᔨᑕᓇᐛᐤ ᐅᔭ ᐃᑎᓱᐛᐅᓇ ᒧᔅ ᑲᒋᒡ᙮

ᐊᒃᓱᑕᔅ 13:10

ᐛᒧᒡ ᒋᑭ ᐎ ᒥᑯᓴᓄᐤ ᐛᑎᒋᐱᔨᒋ ᐊᓯᑯᒻ ᐱᐳᓇ ᒧᔭᒻ ᑎᐸᔨᒋᒐᓱᐤ ᑲ ᐃᔅᒋᔄᑦ᙮”

ᐊᒃᓱᑕᔅ 13:11

“ᒋ ᐸᓱᐅᑕᒂ ᑎᐸᔨᒋᒐᓱᐤ ᐊᓐᑕ ᐊᔅᒋᒡ ᑲᐃᓇᓐ ᐃᔪᒡ ᐊ ᑕᒡ ᑭᔭ ᒥᔨᑯᔭᒂ, ᑲ ᐊᓱᑎᒪᑕᒄ ᒐᒋ ᒥᔨᑕᒄ ᑭᔭ ᒋᐊᓂᔅᑯᑕᐸᓄᐛᐛ,

ᐊᒃᓱᑕᔅ 3:17

ᓂᒋ ᐊᓱᑎᒪᒐᓐ ᒐ ᐎᐎᑕᐃᒂᐤ ᓂᑦ ᐃᔨᒥᒡ ᐃᒋᑉᑎᒡ ᐅᒡ ᐊᓐᑕ ᑲ ᐃᔅᐱᔅ ᓂᓇᐧᑲᒋᐅᒡ ᑭᔭ ᒐ ᐃᑐᑕᐃᒂᐤ ᐊᓐᑕ ᐛᒋᔨᒋ ᑲᐃᓇᓐ ᐃᔪᐛ ᑭᔭ ᐊᑦ ᐃᔪᐛ ᑭᔭ ᐊᒧᕆ ᐃᔪᐛ ᑭᔭ ᐸᕆᔅ ᐃᔪᐛ ᑭᔭ ᐃᑉ ᐃᔪᐛ ᑭᔭ ᒐᐱᐅᔅ ᐃᔪᐛ, ᐊᓐᑕ ᐊ ᐛᔪᑎᓯᔨᒋ ᒋᒋᓇᐳᔭ ᑭᔭ ᑲᓯᐛᓯᐛᐳᔪᐤ᙮” ’

ᐊᒃᓱᑕᔅ 3:8

ᓂᒋ ᐸᒋ ᔭᓯᓐ ᒐᒋ ᐱᒪᒋᐃᒂᐤ ᐃᒋᑉᑦ ᐃᔪᐛ ᐅᓱᐧᑲᑎᓯᐅᓂᒡ ᐅᒡ ᑭᔭ ᒐᒋ ᐸᒋ ᐎᐎᑕᐃᒂᐤ ᐃᒋᑉᑎᒡ ᐅᒡ ᑭᔭ ᐊᓐᑕ ᐊ ᒥᔽᓯᔨᒡ ᐊᔅᒋᔪᐤ ᒐ ᐃᑐᑕᐃᒂᐤ, ᐊᓐᑕ ᐊ ᐛᔪᑎᓯᔨᒋ ᒋᒋᓇᐳᔭ ᑭᔭ ᑲᓯᐛᓯᐛᐳᔪᐤ, ᐊᓐᑕ ᐛᒋᔨᒋ ᑲᐃᓇᓐ ᐃᔪᐛ, ᐊᑦ ᐃᔪᐛ, ᐊᒧᕆ ᐃᔪᐛ, ᐸᕆᔅ ᐃᔪᐛ, ᐃᑉ ᐃᔪᐛ ᑭᔭ ᒐᐱᐅᔅ ᐃᔪᐛ᙮

ᐊᒃᓱᑕᔅ 32:13

ᒋᔅᒋᑐᐅᒡ ᒋᑦ ᐊᐱᒋᐊᑭᓐᒡ ᐊᑉᕋᐊᒻ, ᐊᐃᓯᒃ ᑭᔭ ᒐᑭᑉ᙮ ᑲ ᐊᓱᑎᒧᐅᑥᐤ ᑲ ᐃᑎᑥᐤ, ‘ᓂᑭ ᒥᒐᑐᐛᐅᒡ ᒋᑦ ᐊᓂᔅᑯᑕᐸᓄᐛᐅᒡ ᒧᔭᒻ ᒋᓯᑯᒡ ᐊᔅᐱᒐᑎᒡ ᐅᒐᑭᑕᐧᑯᒡ ᑭᔭ ᓂᑭ ᒥᔭᐅᒡ ᒥᓯᐛ ᐅᔭ ᐊᔅᒋᔭ ᑲ ᐊᓱᑎᒧᐅᒂᐤ ᑭᔭ ᐎᔨᐛᐤ ᒧᔅ ᑲᒋᒡ ᒋᑭ ᑎᐱᔨᐛᓯᐅᒡ᙮’ ”

ᐊᒃᓱᑕᔅ 33:1

ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ, “ᓂᑭᑕ ᐅ ᐃᑕᐅᓐ, ᒋᔾ ᑭᔭ ᐃᔅᕋᐃᓪ ᐃᔪᒡ ᐊᓐᒡ ᑲ ᐎᐎᑕᐃᑥᐤ ᐊᓐᑕ ᐃᒋᑉᑎᒡ ᐅᒡ᙮ ᒐ ᐃᑐᑕᐃᑥᐤ ᐊᓐᑕ ᑲ ᐊᓱᑎᒧᐅᒂᐤ ᐊᔅᒋᔪᐤ ᒐᒋ ᒥᔨᒂᐤ ᐊᑉᕋᐊᒻ, ᐊᐃᓯᒃ ᑭᔭ ᒐᑭᑉ, ᑭᔭ ᐅᑦ ᐊᓂᔅᑯᑕᐸᓄᐛᐛ᙮

ᐊᒃᓱᑕᔅ 34:11

ᒐ ᓂᓇᐃᑎᒥᓐ ᑕᓐ ᐊᐃᑎᓱᒥᑕᓐ ᐊᓄᒡ ᒐᓯᑲᒡ᙮ ᓂᑭ ᐃᑲᑎᓴᐛᐅᒡ ᐅᑎᔅᑯᐤ ᐊᐃᑕᔨᓐ ᐊᒧᕆ ᐃᔪᒡ, ᑲᐃᓇᓐ ᐃᔪᒡ, ᐊᑦ ᐃᔪᒡ, ᐸᕆᔅ ᐃᔪᒡ, ᐃᑉ ᐃᔪᒡ, ᒐᐱᐅᔅ ᐃᔪᒡ, ᒥᒄ ᒋᑭ ᐎ ᑐᑕᓐ ᒐᒂᓐ ᒐ ᐃᑎᓱᒥᑕᓐ ᐊᓄᒡ᙮

ᐊᒃᓱᑕᔅ 6:4

ᓂᒋ ᐃᑐᑎᒧᐛᐅᒡ ᑕᑈᐅᓂᔪᐤ ᑭᔭ ᓂᒋ ᐊᓱᑎᒪᒐᓐ ᒐ ᒥᔨᒂᐤ ᑲᐃᓇᓐ ᐊᔅᒋᔪᐤ, ᐊᓐᑕ ᐊᓄᒡ ᒥᔭᓂᑕᐅᒡ᙮

ᐊᒃᓱᑕᔅ 6:8

ᒋᑭ ᐃᑐᑕᔨᑎᓇᐛᐤ ᐊᓐᑕ ᐊᔅᒋᒡ ᑲ ᒋᒋ ᐊᓱᑎᒧᐅᒂᐤ ᐊᑉᕋᐊᒻ, ᐊᐃᓯᒃ, ᑭᔭ ᒐᑭᑉ᙮ ᒋᔨᐛᐤ ᒋᑭ ᑎᐱᔨᐛᐅᓯᓇᐛᐤ ᐅ ᐊᔅᒋᔾ, ᓂᔾ ᐅ ᑎᐸᔨᒋᒐᓱᐤ᙮’ ”